金記冰室 (創紀之城五期(apm)) (已結業)

今天放假同老公去apm逛街，差不多下午二點，有好多唔同選擇，行到上六樓，見到有間新開的金記冰室，原來已經開到觀塘 ，就坐低食大餐。😃佔地都幾大，座位都百幾個，枱與枱都很闊落，仲有很多卡位。我們就要點了乾炒牛河63元，再加上無骨海南雞飯68元。食得健康D，再叫2份上湯娃娃菜24元，另外加18元，要了一個奶凍及木糠布甸，再追加了兩杯特飲，另外每杯加34元，一杯凍意式蛋糕味咖啡，一杯凍榛子咖啡。乾炒牛河，牛肉唔會靭，河粉唔會油膩，夠獲氣，我推薦這個。無骨海南雞飯，雞肉夠滑，雞皮夠爽，油飯味道都可以。娃娃菜個湯都幾鮮甜。凍榛子咖啡和凍意式蛋糕味咖啡，無論外型和味道只有少許分別，我只飲到味道有點不同，唯一係咖啡好香甜。木糠布甸，估唔到這個甜品做得咁好味，食到唔停得囗，結果奶凍就比下去，我推介木糠布甸👍👍👍👍整體來講坐得舒適，服務態度良好，食物OK。下次再來試唔同嘅嘢。

由細到大我另一半都在香港區住，還記得筲箕灣金記冰室，是數一數二的老牌冰室皇牌必點的奶茶，現在已有9間分店最新的就是在APM 觀塘這裡，位置非常便利假日行街或睇完戲就可以來這裡吃。 就同朋友睇完戲下一層不用左選右選，左等右等位就吃到 有鐵板之選，太便宜了因為真的不用100元一個鐵板餐 一個人只吃到一個餐我的胃太細少，想點多一個還都是不能 冰室佈置及裝飾都簡單又有格調，燈光夠光猛座位舒適有梳化位、有圓枱 餐湯羅宋湯 不單只是湯呀還有豐富的蔬菜，味道甜而辣最岩我口味飲落非常暖胃。 無骨海南雞飯 有中湯、白飯也有3個醬汁 雞肉比我相像中好夠嫩滑，油飯恰到好處不油膩，如果小朋友或老人家食真係推介這個餐，絕對值得食 焗鮮茄豬扒飯 本身喜歡食豬扒飯只因有芝士也有茄汁，吃的目的可能就是因為它的鮮茄汁夠滋味。 豬扒真的大塊又厚身，切起來再入口非常淋又軟易咬口，炒飯香口 凍檸茶，茶味夠醒胃 這間冰室價廉物美且份量十足，中西式任均選擇，就算天天來吃每天一款都不錯，店員服務有禮，食物等待時間都恰當。

近排忙到甩轆，下班後已經累得筋疲力竭，實在沒心情做飯，老公提議一家人外出吃個晚飯才回家，乾手淨腳。為了遷就兒子，特意選了去觀塘 apm。喺戲院旁邊發現這間「金記冰室」，記得之前喺 facebook 睇過友人話呢間「金記」係新開嘅，不但菜式同其它分店好唔同，而且仲有甜品供應，反正沒吃過，今晚就一於來這裡開餐。冰室位於 6 樓，門面開揚，空間充裕，招牌好搶眼，以藍底白字作襯托，配上一室灰藍和啡木色設計，令人感覺清新舒適。餐牌印刷得很精美，圖文並茂，首頁有介紹「金記冰室」的歷史。至於菜式方面，項目就包括有：香港地道特色，皇牌焗飯及意粉、港式粉麵系列、鐵板滋選、麻辣系列、鬆一鬆小食、大廚誠意呈獻、馬來西亞咖喱、西式薈萃、藜麥健康煮意、鑊氣十足小菜、經典嶄新食法、三文治與多士、特色飲品及一系列甜品。另外餐廳亦設有多款晚市套餐及炸雞髀優惠晚餐，選擇非常豐富，包羅萬有。每人負責點一兩款食物，再大家 Share 來吃。先上桌的奇脆三小碟 ($52)，有三樣小食，包括甘甜蔗蝦、炸魚蛋和炸雞粒。蔗蝦 Size 不大，外形的的骰骰，面頭嘅蝦膠鮮味彈牙。炸魚蛋呈金黃色，食落甚有嚼口，蘸甜醬吃，十分惹味。炸雞粒

APM開左間新餐廳！相信好多人都聽過金記冰室！咩都有得食，港式食品為主！岩曬香港人口味！炒飯焗飯都好出名！佢仲有晚市套餐，價錢都係$68-$78，唔使加一架！今晚睇中左個廚師推介既小菜—金記煎肉餅（粟米及豬肉）。小菜加$25就可以有餐湯，白飯同餐飲。加$28 就可以有小食，白飯同餐飲。我就加左$25 餐湯有中湯同羅宋湯揀，我揀左後者。至於飲品方面，見到另外有個牌仔寫住秋冬暖飲，入面有個紫薯特飲，問左侍應哥哥加幾錢就汝中左黎試啦。原價係$22，跟餐加$10就可以了。食物超快就上枱啦。先有餐湯羅宋湯加送小沙律，沙律入面有薯仔，蘋果，椰果，不過不失。煎肉餅金黃色，大大塊，一共有4塊，隔離放左堆蘿蔔絲比我地整左小小油份先食，肉餅食落口熱騰騰，入面有豬肉，粟米，加左小小黑胡椒，好惹味！不錯！豬肉慢慢咀之後都唔見有肥豬肉，係街都可以放心食!雖然係煎企係油都唔多!至於加$10既紫薯特飲個外觀不錯。飲落去紫薯味甜甜地，唔似糖精溝出黎既感覺，暖入心，岩曬而家冬天飲。加$10都係值得既！

閒日同朋友Shooping 走到APM 商場買波鞋順便食午飯，剛剛得知6樓新開張有間金記冰室原來已經是第9間了。這間金記冰室記得前身為筲箕灣的大排檔，很久以前一直都未有機會去吃。它新開的分店交通方便更是一家大細的shooping 後找吃的好地方。 中午時分都是比較多人流，因為真的非常肚餓又很好地剛好不用排隊。有2排梳化卡位，有2人也有4人，坐位非常舒適天花上細小的波波燈飾有助擴大空間感燈光調校得恰當 打開餐牌比一般餐廳多選擇，set lunch 有烏冬、米線也有公仔麵、焗飯。 講下價錢真的非常抵食一個套餐由$60 起，更有中式西式很多種類選擇 餐湯可選中湯或西湯，這個就點了羅宋湯來到已聞到濃濃的香味四溢，材料豐富甜中帶香非常醒胃。 湯上的娃娃菜，熱湯的來到口感似大白菜還要幼嫩， 清淡的菜湯來清清腸胃還可以暖胃。一個套餐是海南雞飯來到3格小碟有黑醬、薑蓉及花生點解會點上這個套餐特別之處就是雞肉起了骨而且每件也很嫩滑雞肉嫩滑點上薑蓉鹹鹹香香拌著一起吃，而油飯沒有太油感覺皇牌焗飯推介鮮茄焗豬扒飯大大塊豬扒被香濃的番茄醬料蓋著，切出來非常厚身一口咬上非常淋軟它焗至金黃焦香，鮮茄汁味道非常鮮甜

金記冰室可算是一間老字號茶餐廳，由筲箕灣第一間始創店發展至現在六間分店。觀塘 APM 屬當中最新的一間，餐廳呈半開放式設計，感覺光鮮。 豬扒蔥油撈公仔麵屬餐廳的人氣午餐，蔥油是簡而美的調味料，搶香惹味。豬扒被煎至金黃色，口感鬆軟，亦屬富水準之作。 炒蛋往往是茶餐廳的重點項目，這份黑松露炒蛋配蒜蓉包，雖然炒蛋的香滑感只屬中規中矩，但松露的芳香卻比預期佳，整體味道仍算可口。 金記煎肉餅屬廚師推介，外層微焦甘香，內裡製作彈牙，配合帶甜的粟米，是很好的伴飯良品。 鮮茄焗豬扒飯出品熱辣燙嘴，以鮮茄製作，醬汁酸感相對重。豬扒選材雖比剛剛撈公仔麵的厚身，但無減那份優越的鬆軟感。是日中西湯分别為霸王花湯及羅宋湯，前者口味清清的挺美味；後者則調味過濃不大欣賞。閃閃金西多配雪糕及木糠布甸是為細細準備的小吃甜品，前者無乜特別；後者口感滑溜討人喜愛。 香滑奶茶茶奶比例合適，味道有交待，但與蛋白杏仁茶比較，後者既香且滑稍勝一籌。 經過多年發展，金記冰室已轉型變為一間集團式經營的現代茶餐廳。雖然金記的食品普遍富一定水準，但要在競爭激烈的環境下突圍而出，還是要苦心鑽研一樣招牌美食，一樣與金記招牌畫上等號的美食才行

晚上一個人食飯，諗唔到食咩就試下APM 6樓新開既金記冰室。晚上八點幾唔洗排隊，直接入座，唔洗撘枱。服務員見我拎住一袋二袋，即刻俾多張櫈我擺野，夠細心晚餐都幾多選擇，送熱飲加例湯，全日免加一。我就叫左無骨海南雞飯，$72雞既份量都幾多，亦夠嫩滑，但略嫌雞皮同肥膏太多，如果皮薄d就好了；足料例湯，飲完唔會口渴；油飯啱啱好，不太油膩。食完後，服務員主動過黎問：啱唔啱食吖？有無地方需要改善？可能餐廳新開，所以注重顧客意見個人認為食物不錯，服務一流，不過價錢有點貴。下次會試下下午茶時段。

每個香港人的童年回憶裡都會有冰室這種美味是再貴重的山珍海味都不比擬悠閒的星期六下午要吃得悠閒被安排坐在四人雅座午餐有數款選擇我點了鮮茄焗豬排飯例牌先送上羅宋湯濃郁的深紅色非常對味焗豬排肉熱辣辣新鮮奉上 豬排很軟腍是茶記的普遍制作方法用上炒飯底有心思加十二元可加配上湯娃娃菜你的乾炒牛河夠惹味如果可以熱到冒煙就更好口癢癢加點一客炸雞翼薯條薯條是扭紋型的港式口味雞翼是生炸非常脆口就這樣渡過了一個充滿港味的下午

放工後經常在觀塘搵食，apm已經食到好悶，早前已經見到金記裝修，好期待，最終無令我失望，見到餐牌已經好吸引，最後決定了 。。菠蘿生炒骨，鐵碟熱熱辣辣上枱，味道唔會太酸，唔會太甜，美中不足用罐頭菠蘿，外面炸得脆，內裏肉質軟多汁炸金倉魚，本人對魚興趣不大，朋友點的餐我試了兩囗，真的不錯，外觀感覺炸到好乾，但食落魚肉剛好，又滑又有汁蛋白杏仁茶，杏仁好香，可惜蛋白不夠散，成舊在杯底，飲兩啖後見到杯囗的一句“多謝你飲我”真係笑左整體而言，正值得再去

金記新開響apm真係好呀，一向都覺得佢啲食物質素幾好，茶記當中都算好食，宜家apm 有真係方便得多。咁啱今日經過金記，見到環境好好，裝修得好舒服，又正正開始下午茶時間，入去食個下午茶先，叫左個焗茄汁芝士豬扒飯，凍0茶。個飯即焗，一來到，好香呀，又好多芝士，件豬扒已切好，好細心，好好食。😍其實今次係我第二次來呢間金記，對上一次，我叫左一個鮮油多，同埋佢出名的熱奶茶，鮮油多個先油真係好厚切，熱奶茶好香濃，係做得幾好嘅。唯一不足，見到佢個餐牌，常歺有我最鍾意食嘅沙嗲牛肉公仔麵餐，但係兩點半先開始有常餐，正常人lunch 都食唔到啦，希望佢呢個歺可以在lunch 都食到啦。下次，再來會試埋佢個冰鎮冰奶茶😊。

觀塘出席一個旅遊網站活動之前，專登去APM剛試業的金記冰室， 因為在本月份2-3號下午3點開始，只要like及share金記冰室在某大平台的專頁，會免費獲得香滑奶茶一枝(每人限取一枝)，共送出100枝，當我去到已經送完了。去完活動後，又未到晚飯時間，於是再去金記冰室睇下仲有無奶茶送(自己在發夢嗎？)，去到當然無奶茶送，唯有入內堂食，見到餐牌同其他金記食物大大不同，但係專一的我還是點了午後時光套餐D1：迷你焗豬扒飯($50)，轉無冰奶茶加$5。無冰奶茶先到，金記的熱奶茶不嬲香滑，我覺得凍飲更香滑(因為我喜歡飲凍飲)，其實用冰鎮飲料是蝕錢之作，因為平時凍飲裏的冰塊係會另到份量少很多，所以冰鎮奶茶份量比較多。迷你焗豬扒飯，比正常版細少少，豬扒仍然夠淋身又好咬口，茄汁味濃而芝士又夠香口，飯底夠乾身，是不錯的，比起幾大連鎖店的更好食，下次要試其他新款食物。*可能試業關係，有些伙記未夠熟手，不過金記已經開超過十間，相信問題不大。