金記冰室 (創紀之城五期(apm)) (已結業)

Apm商場雖然美食眾多，但商場的食肆都差不多試過，但今日發現系6樓戲院隔離有間新開的金記冰室，於是就來試一試。餐廳裝修都挺新穎，有電子屏幕睇到叫到幾號，餐廳座位舒適又寬鬆，又有好多卡位座。芥辣黑醋雞翼好濃郁的黑醋味，味道適中肉質嫩滑。我地入座的時間可以食到下午茶和晚餐，點了兩個晚市套餐芥辣黑醋雞翼，芭堤雅式燒倉魚和一個下午茶盡享套餐。倉魚燒到皮脆肉嫩，又保留到魚肉的肉汁，個點魚的汁更加美味，個汁類似去泰國舖食泰式生蝦的醬醬汁，甜甜酸酸辣辣超級正👍炸雞脾和炸雞翼香口美味又夠入味。炸雞脾和炸雞翼香口美味外層脆卜卜，內里肉質嫩滑配埋沙律和烚蛋不會油膩。炸物熱辣辣又不會油膩又新鮮美味可口。

去左觀塘傾嘢，無去三四個月，好多店舖都唔同左。比我地見到間幾靚的冰室就試吓！ 我點左無骨海南雞飯,飯用左油飯， 飯軟身香口， 雞既皮係脆的， 肉質偏嫩， 夠啖啖肉。 雞肉亦有濃郁雞味，口感嫩滑不韌，油飯色澤微黃，質感偏向黏糯，但不油膩。 湯可以自選，未必一定要雞湯， 我選左羅宋湯， 酸酸地，同海南雞飯幾夾咁！ 雪糕紅豆冰，嗰樣幾靚，有少少椰汁味，唔會太甜，夠曬紅豆，愛食紅豆粒的必點！我就覺得偏傑身左啲，多返啲水份就好了！ 庶蝦都係用左籃仔放， 庶條偏細小，但很juicy的。 庶蝦肉質彈牙，一啲都唔實，點埋啲雞醬食就最好。 冰室從此唔係響地舖食到，連大商場都有，隨時食到冰室美食了。

Apm開咗呢間茶餐廳就過嚟試吓啦上面啲餐牌可以比大家參考下叫咗晚市套餐每個餐都包餐湯嘅，可以㨂中湯紅湯或者白湯。中湯都好清甜朋友叫嘅係涼瓜肉碎煎蛋角配飯$68份量都幾多 涼瓜爽口 蛋香味重另外加左＄10要紅豆薏米水為食嘅我叫嘅係鐵板美式雜扒$78分別有豬扒，腸仔，牛扒，煙肉同雞翼配薯菜真係滿足貪心嘅我 配嘅係紅酒燒汁好惹味豬扒和牛扒都啖啖肉 份量又多 質量不錯強烈推介芥辣黑醋雞翼$72雞翼係好多人嘅小食之選 原本都覺得有少少貴但係真係好想食所以都叫咗😂黑醋味好入味 酸酸甜甜好開胃再加上小小嘅芥辣 令到雞翼更加惹味真係話咁快就食晒😋另外我叫左呢杯蜂蜜檸檬冰沙$26感覺好似比較酸嘅檸檬糖 幾得意

金記冰室已經唔係第一次食喇～之前黃大仙已經食過一次，環境乾淨舒適，係高質既茶記呀！想不到宜家係APM都有分店了，很強勢唷！這碟咖哩海鮮炒鴛鴦米，單睇賣相已經流哂口水喇！米粉每條都均勻沾上咖哩汁，辣到適中。主角海鮮數量非常多，有鮮蝦、蟹柳、魚柳、八爪魚、魷魚及蜆肉，超級足料！！！跟餐+$25仲有沙律、餐湯及餐飲，用貼地既價就食到好西，食到飽飽的！餐飲order左奶茶....茶濃而不澀，加上奶既比例亦剛好，奶茶入口香濃順滑！去冰室又點少得食雜扒！雜扒有煙肉、雞翼、牛扒、豬扒，可選擇配上薯菜、飯/意粉。一個鐵板多重享受呀！小食叫左炸雞翼薯條，熱辣辣香噴噴，雞翼餣得入味之餘，肉質很嫩滑！波浪形既薯條外脆內軟，口感豐富。想不到西多都可以成為一道甜品！閃閃金西多配雪糕很有新鮮感。西多比平日食既乾身，半溶既雪糕作為醬汁，加上糖漿，甜而不膩，好好味呀！雪山什果冰係雪碧配雪糕，有汽既雪碧倒入雪糕杯內，雪糕很快就溶了，兩者混和後入口口感很特別唷！

@kamkeecafe 去茶餐廳要食西多士❤️今日唔知上左舖咩癮係咁叫煎炸野食，一定係因為落雨濕氣重！apm依家頂層差唔多全部都係餐廳，睇完戲最岩過黎撐台腳～叫左咁多樣最好食當然係西多士～加埋雪糕一齊食，冰火😆炸豆腐磚做得比較出彩，好滑好滑！心太軟恰到好處，切開流心流出既時候食慾大振！而煎烏冬就似蛋炒烏冬，總抬而言係甜品最出色！#冰火 #西多士 #甜品 #syrup #hkdessert #pandaeatshk #pandaeatskwuntong #茶餐廳 #香港美食 #香港

早前去觀塘APM逛商場看見六樓有裝修工程進行中，圍板也貼上「金記冰室觀塘新店」字樣。昨晚再臨APM逛商場，到達六樓見到店鋪外擺滿很多美麗的鮮花賀牌。原來金記冰室觀塘新店已經開張，於是我們順路吃埋晚飯，等候十分鐘左右就可以入座了！冰室地方不算少，可能客人多，座位安排比較擁迫，幸而侍應服務良好，明白我們坐得比較緊迫，特別安排一張椅子放手袋背囊，讓我們坐得舒展一點。幾清新的燒三文魚伴藜麥田園配木瓜雪耳豬骨湯，不是我的晚餐，造型不錯也拍照留念。鮮蝦球忌廉藜麥炒意粉配中餐湯，加入藜麥似乎是近年的大熱之選。這個金記招牌煎烏冬幾吸引我要試，用蛋煎封烏冬、蔬菜和叉燒絲很有蛋香，獨食會很滯我們要分享！鐵板美式什扒配紅酒燒汁配羅宋湯，嘩！淋下紅酒燒汁的一刹那！簡直是一場精采的表演，真棒！侍應先為我們送上一張大紙巾作擋布，真細心！除了煙肉、香腸和兩隻雞翼，尚有份量不少的豬、牛扒，腍腍滑滑的豬扒，眼睛也看到喔！我的芭提雅式燒倉魚配白飯，燒倉魚真的給我有驚喜，皮脆酥香、魚肉鮮味。波蘿生炒骨個甜酸醬汁做得不錯，掛汁也漂亮！俊男楝「白雪公主」特飲，梗係想起佢個白雪公主啦！杯子的那些年圖案，不禁令我多看幾眼！我的蛋白

話說奶油包既朋友B小姐終於係聖誕後返工咁係佢返工既第一日作為佢朋友既奶油包就sure要陪佢行下街食下野去舒解佢既困鬱(因為佢唔想做野...XDDDD)本來嚟到APM就知道有好多野食但估唔到又見到有『金記』所以就決定又試下呢間金記好唔好食會唔會有唔同店水準參差問題店面同其他分店比較係時尚D而係餐牌上都有好好好好好多食物揀今次奶油包同B小姐就揀左下面既野食首先因為奶油包好想食雞脾所以就叫左個優惠晚餐入面有炸雞脾，雞蛋，沙律仲有個即食麵炸雞脾好香口而且唔覺得太油個沙律又唔會太凍(奶油包曾經食過雪到結左冰既沙律)另外我地仲叫左個金記招牌煎烏冬呢個係極度好味蛋包住個烏冬去煎又香口又好味而且唔會過左火侯非常之唔錯既選擇重要分量唔會細野飲方面奶油包見到一杯野飲立即叫左佢就係鮮薄荷青檸沙冰 奶油包係一個薄荷控凡係有薄荷既野...奶油包就好鍾意估唔到金記會有薄荷既野飲仲要係青檸沙冰薄荷+青檸好match好清新...而且係真係有鮮薄荷既唔係呃人冇落足料既B小姐就要左個熱情果果茶佢話『都係果茶既味啦』奶油包冇試到...所以唔評價以免唔公平有奶油包既地方就一定會叫甜品估唔到金記竟然有甜品食奶油包同朋友就叫左2

之前o係西環出入，每星期都會去金記冰室食早餐午餐，最鐘意是仿鮑片通粉同埋咖哩菜飯，超豐富的說。金記冰室總店位於筲箕灣，已超過45年歷史，因為業主大幅加租而結業。充滿回憶的老店執一間少一間，奶茶更成為絕唱，還記得傳出結業新聞時那長長人龍。今次同朋友來到觀塘APM嘅新店，環境開揚，除了著名的菜式，食物更多選擇，連西式的沙律都有！貪新鮮的我，既然有新野，就當然係揀新野！水果紅茶（＄34），就是經典的台式水果茶，用蠟燭把玻璃壺熱著，保持微熱。水果新鮮配搭著紅茶，飲完仲可以Refill 呢。主食揀左金記煎烏冬（＄68），加左蛋一齊煎至金黃色貌似芙蓉蛋，蛋皮留有脆邊，比平常的炒烏冬油份更少，吃著沒有太多油膩感，而且烏冬彈牙好似食蛋角咁，不過配茄汁就有啲怪啦。另外仲叫左極邪惡的金西多配雪糕（＄42），以黑色的木版奉上，不說也不覺是冰室的出品。麵包切丁炸到外層金黃色，熱辣辣夠鬆化，可加上附上的煉奶，一口一粒甜度剛剛好，忘記了月巴 是什麼了吧～午後環境寧靜，價錢不貴，服務好，而且張凳坐得我好舒服，結果我o係度睇左成個鐘書。

好難以想像而家仲可以係大商場入面据扒竟然100蚊都唔洗我叫既呢個鐵板西冷牛扒只係需要80蚊跟餐都只係需要加多28蚊, 就可以有餐湯、小食、餐飲仲要免加一!!! 係唔係超抵先!!鐵板西冷牛扒一黎到就已經知道佢個鐵板係幾咁夠份量塊扒唔係細細塊的有我成隻手掌咁大我特登揀左係7成熟因為當淋汁上去既時間會再燒一次咁個陣食就岩岩好!!扒唔單止大, 最重要係佢個口感真係無得頂唔會老!! 係爽既口感, 用刀切都只係要少少力同埋佢可以揀跟麵飯薯菜夠多選擇之外仲要好食個下先難既然咁平, 我就加多左28蚊跟餐餐湯有白湯紅湯仲有中湯揀, 哇...我就揀左個白湯, 好夠味, 絕對唔係將貨就價既小食問左店員係可以揀咩小食佢話係規定小食就係炸魚蛋唔緊要試下囉～又幾好味, 少少脆皮既魚蛋外層, 加埋泰式辣醬又幾好味WO!!餐飲我就加多左$10要個紫薯特飲飲落有少少似飲緊蕃薯糖水咁又好味又健康!!

乾淨企理既冰室已經少之又少係APM食得既又更加係貴上之貴今日係去戲院對面既呢間冰室唔單止環境OK而且食物既選擇都幾多下我叫左既係爐燒原隻嚤囉雞飯唔知係咪即整既關係我個飯比友人既都要黎都耐等佢地食左一半我個餐先到最令我驚訝既係原來佢D飯係包係隻雞入面吸收哂燒雞個陣既精華呢種食法我都係第一次而隻雞比一般平時食既白切雞為細但係就好嫩滑, 切開隻雞基本上只要輕力一劃就已經可以將佢分開唔同既PARTS隻雞好惹味, 唔算咸但係好夠味!!有D似印度既味道同友人SHARE都仲得又好味又抵食!!

杯凍奶茶真係好正同出邊個d好唔同，而且個雜扒餐都真係好好食，仲包埋個湯比我，免加一黎講呢間真係叫做勁正勁好食，出品方面又夠哂快手☺我覺得係一間值得再去既一間餐廳黎😘

觀塘apm係呢度人氣地標除咗行家shopping 睇戲外都有好多食肆係度方便大家可以食飽再繼續購買大家心頭好夠晒方便，前排同好友去咗呢度除咗買到我嘅心頭好外，再行多一陣肚仔有D餓就去咗開餐，而每層都會有不同特色食肆，我就去咗老字號金記冰室開飯呢間同以往金記冰室都好同分別加咗不同口味，當然款式亦多咗好多選擇，我就先點咗杯特色飲品鮮薄荷青檸沙冰解解渴先，入口清新開胃透心涼，而套餐係鐵板滋選美式什扒，分別有牛扒，豬扒，雞扒，腸仔同煙肉，再配上紅酒燒汁淋上鐵板上就可以開餐，食到牛扒肉質細嫩又香濃，豬扒肉質豐厚夠飽滿，再加上是日餐湯有我至愛羅宋湯，食得相當飽滿又滿足除咗套餐外都點咗其他特色小食，另一款係鑊氣十足小菜金記煎肉餅（粟米粒及豬肉），肉餅煎得外脆金香內裏肉質軟熟，食到啖啖肉口感十足夠晒惹味，再配白飯一起食已經係簡單完美配搭最後當然唔少得食呢度甜品品嚐下，點咗閃閃金西多配雪糕，熱辣辣西多已沾滿糖漿，入口香脆鬆軟，配上雲呢拿雪糕球一齊食，一冷一熱係口中慢慢熔化，又估唔到咁好食是日又品嚐咗一餐全新口味晚餐

在觀塘人氣最旺的商場內逛完一輪想買手機，見到有一間懷舊的冰室，原來這間冰室自1967年於筲箕灣道開業，到2012年尾因難敵租金不斷增加而光榮結業。不過瞬即又於翌年中重新包裝，在西環重出江湖，至今已有幾間分店，觀塘這間分店是新開的，前後經營足有半個世紀了。其實觀塘分店的面積不算大，修長而一邊較窄，但在善用空間下，卻間出了廿來三十個卡位。等了一會就有位置，坐下來看看餐牌，主要是一些港式及東南亞的新派菜色。但發現有一些菜色包括鐵板扒餐，價錢在60至70多元之間，加多25元轉套餐配餐湯、白飯及餐飲，或加28元可配白飯、是日小食及餐飲，但另一張晚市套餐的餐牌，同樣的菜色(份量是否一樣就不得而知了)，差不多價錢已經配餐湯及餐飲，還可以用特價加配菜或甜品，於是我們當然選擇晚市套餐喇。我們要了一客鐵板美式雜扒($78)跟羅宋湯、咖啡及木糠布甸(加$18)，一客鮮蝦球忌廉藜麥炒意粉($68)跟中湯及蛋白杏仁茶(加$10)，另外要了一客金記煎肉餅($68)，再加一客甜品心太軟配鮮果及雪糕($45)。餐湯之中，中湯是青紅蘿蔔粟米煲豬踭，較為清淡，比較起來羅宋湯就較為濃郁些。再來是鐵板美式雜扒跟薯菜，份量都算

得知在APM有《星球大戰：最後絕地武士》的展覽，展出1:1人偶及一系列產品，以及以10萬粒Lego砌出的電影場景，當中更有一隻非常大的飛船可供拍照，黑武士、白兵當然也不會少，咁壯觀，一於去會一會佢！喜歡星戰的朋友真不少，真可謂"People Mountain People Sea"。我自然也拍了不少照片，只是人太多，很多角度也未如理想；而最令人有興趣的，莫過於VR 影像遊戲，雖然很多人排隊玩，但也無阻我的興致。玩飽影飽後，也是時候祭一祭「五臟廟」了，這裡有一間金記冰室，之前幫襯過其他分店，也還不錯，也就不作多想了。門口小有人龍，好在不用輪候太久；約15分鐘便可入坐了。等位期間，先看看餐牌吧。這間分店不走懷舊路線，走的是簡約風格；食物種類自然也有所不同。意式藜麥沙律∼潮流興食得有營，藜麥更是近幾年備受關注的超級食物；零膽固醇、不含麩質，對患這過敏症的人士尤佳；易於消化的特質更可減輕腸胃的負擔。混和了三色椒、番茄、青瓜、黑橄欖、蛋粒及沙律菜同吃，非常清新討好。炒蛋多士∼原個煎pan上枱，原汁原味的感覺，多士非常脆口；炒蛋亦嫩滑，惟蛋香味欠奉。芭提雅式燒倉魚∼掀起焦香的外皮是嫩滑的魚肉，配上

金記冰室的分店越來越多, 這個品牌在市場上的認受性, 也繼續在提升. 最新一家金記, 選址在apm, 即是說, 品牌開始打入大場了. 這個位, 就在百老匯戲院旁, 起碼食正一班看電影的觀眾.無冰奶茶 $22 常常喝冰鎮奶茶. 這客無冰奶茶, 一樣有水準, 茶味濃, 夠香滑. 這也是喝無冰奶茶的原因吧.凍水蜜桃果茶 $38 CEO選來的是凍水蜜桃果茶.無骨海南雞飯 $68 先介紹小晴晴的餐點, 晚市餐牌中的無骨海南雞飯, $68連餐湯及餐飲, 就來一客吧. 先說雞飯, 是有雞油香的, 質感軟硬度合宜, 不吃雞, 單單吃飯, 已覺滿足.至於雞肉, 很細滑, 無骨, 更方便小朋友吃. 只是沒有跟辣醬, 愛吃辣的朋友, 或者要吃花生了, 哈哈.好立克不用評, 反而這隻杯挺有特色.意式藜麥沙律 $64 藜麥, 近年很熱門的食材, 最重要是能夠吃得飽. 意式藜麥沙律, 在金記一樣能夠跟餐, 或者也是店方說明這是主食的例子. 間中吃頓沙律餐, 也無不可.炸雞髀, 雞蛋, 沙律, 配意粉 $58 CEO嚷著要吃炸雞髀, 果然又真的很有水準, 皮脆肉嫩, 最怕吃到肉鞋鞋的炸雞髀, 這裡的, 沒有這個問題