金記冰室 (創紀之城五期(apm)) (已結業)

觀塘出席一個旅遊網站活動之前，專登去APM剛試業的金記冰室， 因為在本月份2-3號下午3點開始，只要like及share金記冰室在某大平台的專頁，會免費獲得香滑奶茶一枝(每人限取一枝)，共送出100枝，當我去到已經送完了。

去完活動後，又未到晚飯時間，於是再去金記冰室睇下仲有無奶茶送(自己在發夢嗎？)，去到當然無奶茶送，唯有入內堂食，見到餐牌同其他金記食物大大不同，但係專一的我還是點了午後時光套餐D1：迷你焗豬扒飯($50)，轉無冰奶茶加$5。

1

無冰奶茶先到，金記的熱奶茶不嬲香滑，我覺得凍飲更香滑(因為我喜歡飲凍飲)，其實用冰鎮飲料是蝕錢之作，因為平時凍飲裏的冰塊係會另到份量少很多，所以冰鎮奶茶份量比較多。

無冰奶茶

迷你焗豬扒飯，比正常版細少少，豬扒仍然夠淋身又好咬口，茄汁味濃而芝士又夠香口，飯底夠乾身，是不錯的，比起幾大連鎖店的更好食，下次要試其他新款食物。

迷你焗豬扒飯

*可能試業關係，有些伙記未夠熟手，不過金記已經開超過十間，相信問題不大。