金記冰室 (創紀之城五期(apm)) (已結業)

今日同朋友去左觀塘APM行街，順便覓食。由地下行到上頂樓，發現係戲院對出開左呢間金記冰室，久仰金記冰室大名就入去一試。呢間位於潮流商場的冰室裝潢不像一般傳統冰室，融入左時代感，更適合商場環境。食物方面，有各式傳統冰室食品，更有一些經典嶄新食法。我就點左呢個金記招牌煎烏冬。金記招牌煎烏冬 $68有點像芽菜煎蛋餅，但係中間加入左烏冬。點一些茄醬一齊食，味道很不錯。加$28可配餐湯、是日小食、餐飲。餐湯是日小食係炸雞粒係冰室當然要叫一杯奶茶。套餐加$5就可以升級做無冰奶茶。 無冰 就是原味 就是香濃 餐後來一杯很滿足。

去Apm行街上到頂層想食壽司 但勁多人見隔離間金記冰室都有唔少人幫襯 但無咁長龍就二話不說轉陣入去試下呢間金記走比較高檔次既茶記路線 食物種類都幾多選擇 價錢亦唔算貴餐湯味道ok 夠晒熱 唔係一般茶記既杰達達生粉水 沙津係鮮果沙津點左西冷扒 大大塊好肉汁又有口 估佢唔到茶記都有呢個質素黑椒汁唔算辣 味道適中 塊扒底下仲收埋左好多配菜個杯好有特式既紅豆薏米水 唔太甜 美顏Level up仲有冰鎮冷茶之後輪到吃貨小妹最愛既焗肉醬意粉面頭有好多蘑菇同芝士 茶記肉醬意最易犯過甜既弊病 但呢碟唔會滿意仲叫左個極邪惡既芝士白汁焗西花蘭不過最估唔到就係竟然有心太軟食仲要幾好味食咁多野都係300蚊 比想像中抵食

今晚來到apm 逛街，上到六樓，見到金記冰室開到來觀塘，便和太太入去，環境都幾闊落，地方很大。我們點了咖哩豬扒飯$66，鮮薄荷青檸$26，爐燒原隻嚤囉雞飯$108，芒橙沙冰$26，吃完了主菜，之後因為太好味，點了紅豆冰$23，金西多配雪糕$46。鮮薄荷青檸，青檸的味道混合了薄荷，感覺好清新舒服，令人胃口大開。芒橙沙冰，芒果味偏淡，只飲到橙汁味，如果芒果再重些比較好。咖哩豬扒飯，咖哩有少許椰汁，好香咖哩味，不算太辣，豬扒煎得夠香，又大塊又有肉汁。爐燒原隻嚤囉雞飯，這個等了差不多廿分鐘，因為烤焗需時，不過上檯時香噴噴，嗅到一股濃烈的咖哩味，原來嚤囉就係葡式燒雞，雖然隻雞經過烤焗，雞肉又厚，仲可以保持肉汁豐富。雞肚藏了些飯，那些飯吸收了雞汁和葡汁的精華，芝味到不得了。雖然隻雞選用了春雞，不過份量都好大，所以建議一起分享。紅豆冰是我太太孩童時期，去冰室必點的，這個帶著兒時回憶的飲品，紅豆、花奶和冰的比例剛剛好，紅豆本身帶點甜，混合了花奶就變成一個完美的組合。金西多配雪糕，西多炸到金黃色，外皮非常鬆脆，用雪糕的甜味，代替了糖漿，這個設計好味又新穎👍👍👍金記經過多年轉變，亦能維持一定的水準，還加了

烏冬扮薄餅話說本來想食子彈火車壽司，可是人多到晚餐都要變宵夜了。見隔離金記有位，於是就會一會你。裝潢就是food court feel的茶餐廳（看得明嗎？）先來熱情果果茶。不說以為去了後面工廠街的文青小cafe! 微酸而清新。而且真材實料地有大量水果。招牌煎烏冬其實我完全未試過這樣吃烏冬。像吃薄餅一樣一塊塊，夾雜了蛋香。但我比較喜歡大牌檔式食法！是什麼？各位觀眾，辣椒油！油潤透明又多渣，淋上煎烏冬上就如西多士加上糖醬一樣！說起西多，當然要點一下，這個還有雪糕的。冷和熱，軟和微硬，是很有質感的甜食呢！雪糕更是我最愛雲尼拿，雲尼拿味道溫和不霸道，更西多士是絕配。同場加映朋友的雞脾沙律餐。竟然還包一碗福麵，份量十足！多謝收看

金記冰室開到成行成市，最近開到黎觀塘apm。位置正正係頂層戲院隔離，非常方便。睇完戲，大概兩點鐘黎到，都仲有好多人排隊，等左兩三張枱終於入座。叫左兩份午餐，一個無骨海南雞飯($68)，一個鮮茄牛肉烏冬($60)，再點左一份芥辣黑醋雞翼($72)。海南雞滑嫩，點上薑蓉、豉油等，更提升鮮味。油飯相對較硬，不過都合格有餘。配上中湯，得睇又好味。鮮茄牛肉烏冬，茄膏開嘅湯底十分濃郁，仲有好多新鮮蕃茄、薯仔等等。牛肉有咬口又唔會嚡身，唯獨烏冬有點發漲。牛肉烏冬餐仲配上黑松露炒蛋同蒜蓉包，黑松露炒蛋香口嫩滑，蒜蓉包不過不失。芥辣黑醋雞翼，估唔到雞翼有整整八隻。炸雞翼外層蘸滿醬汁，黑醋醬汁幾開胃，再加少少芥辣味，更加突出。黎冰室當然要飲奶茶，奶茶杯仲特別設計過，飲一啖後會發現有窩心字句，實在別出心裁。

好耐冇去apm食飯，今晚放工OT完就同同事去食。發現多左間金記，冰室黎講的裝修好modern，夠光猛又有格調。更鐘意店員的look，穿牛仔唐裝加格仔褲好stylish。冰室走親民路線，價格實惠，適合單身、一家人、情侶。連用具都金光閃閃。惹味乾炒牛河 ($58)超級香，唔油，好多牛肉片又入味，仲有芽菜、白芝麻、洋蔥、韮黄、葱，增加口感，令人想再encore!馬拉盞炒西蘭花 ($62)味道濃郁，唔會太稔，好味！晚市套餐無骨海南雞飯 ($68配 是日餐湯 蘿蔔薯仔湯)雞肉嫩滑，油飯唔係好油。湯都唔差，夠結身，冇味精。凍檸茶(跟餐+$3)多檸，唔孤寒，抵讚。濃濃情心太軟 $45(配鮮果及雪糕)流心朱古力真係流，蛋糕鬆軟，時間和火喉控制得好好，鮮果有桃、藍苺、草苺、火龍果，一D都唔馬虎，有水準。閃閃金西多配雪糕($42)，一口多士好鬆軟，唔係脆的，也不覺油，味道不錯。飲品好多選擇，除左懷舊的和尚跳海，連咖啡都有tiramisu和橙味，特飲最吸引我，蛋白杏仁茶($24)，女士最愛，夠滋潤。

難得weekend放假，決定去遠少少行下shopping mall🛍🛒🎁今次黎到觀塘APM行街街，行到又累又餓，係時候要慰勞一下自己個肚啦！其實呢度都幾多餐廳選擇🍴🥢原來金記冰室都係度開左。星期六既晚上，大約七點幾，都開始多人等位。📌爐燒原隻嚤囉雞飯 ᴴᴷ$108原隻雞連pan上檯，未到香氣已經首先飄來，頓時食指大動。先嚐一嚐個汁，濃香而不辣，正！等緊‘飯’既時候，用刀把雞切開，原來‘飯’就係入面，粒粒分明，色澤均勻，入口也有微微香料味，而且有嚼勁。而雞肉燒得剛好，肉質唔會老，不過味道偏淡，可能預計食客會點汁一齊食，咁就非常惹味！🉐️🉐️🉐️📌金記風沙炸豆腐 ᴴᴷ$75豆腐外層炸得金黃色，好似一條條黃金咁，應該叫黃金豆腐更像真。豆腐咬落去時有微微脆聲，裡面豆腐都算滑，不錯！📌金記蒸肉餅（粟米粒及豬肉）ᴴᴷ$75肉餅好有家既感覺，因為我媽咪都成日整呢個餸，味道不過不失，栗米粒增加口感，唔會成嘴肉咁膩；不過肉餅煎得太油了⋯⋯📌熱情果果茶（熱）ᴴᴷ$34用Lipton茶包沖既水果茶，甜甜地又有少少水果粒咬下，好arm依家凍凍地既天氣。📌最後，見隔離檯叫呢個冰鎮奶茶（個名好特別，但唔記得左🤦🏻‍♀️）

茶餐廳冰室可謂香港飲食文化的一部分，從早年供應西多士絲襪奶茶，到近年全日供應的茶餐、鐵板扒、中式小炒、炒粉麵飯、魚蛋粉雲吞麵、雲南米線、喇沙等，極盡多樣化，基本上任何人去茶餐廳冰室都一定有啱食嘅嘢。是日去Palace APM，旁邊金記冰室的侍應招徠客人，睇餐牌價錢喺APM屬低價位。既然冰室用膳上菜一定快，咁就可以快快食完入場睇戲。睇過餐牌，原來金記已經開咗半世紀，屬港式懷舊冰室，今次以全新形象喺APM開店。二人用餐意屬叫中式小炒可以share食。中式小炒可以加25蚊轉餐送餐湯、白飯及餐茶。餐湯可揀中湯或西湯。西湯羅宋湯味濃，入口酸中帶甜，味道對板。無骨海南雞飯無骨海南雞飯先上，無骨海南雞入口嫩滑，雞味不太濃但可點薑茸或黑豉油彌補不足。馬拉盞炒西蘭花馬拉盞醬帶有發酵蝦仔味，其他味道如辣椒或蔥頭蒜頭味較輕，應該係改良咗以適合港人口味。濃味馬拉盞配爽口西蘭花味道很合拍。金記煎肉餅煎肉餅等咗一段時間先上，即煎肉餅新鮮熱辣，非常香口。一碟煎肉餅有四大塊，每人兩塊剛剛好。餐茶可加10蚊轉蛋白杏仁茶，如果同糖水舖的蛋白杏仁茶相比，金記的蛋白杏仁茶杏仁味較淡較稀，不過以餐茶作準則，杏仁茶太杰又似食甜品

金記天文台又話下星期再次轉凍，近近地約咗朋友行APM，買返件薄羽絨預下寒。行完街街想醫肚，間間食肆都九萬幾人係度等，點知我哋行入小小就發現咗一間餐廳叫金記冰室。雖然全部坐位都一樣坐滿，但好快好快又有返位，因此等候時間不耐，好快就攞到位食飯。金記冰室，原來已經在香港有五十年歷史了，老鋪原來位於筲箕灣，可惜已經結業，不過西環店一樣好有特色，燈光非常光猛，有機會要去食下。鮮蝦白汁炒意粉，鮮蝦有4-5隻，蝦肉彈牙及爽滑，白汁多數用奶油湯加鮮奶製造，啲汁有奶味之餘又creamy，好好味。汁面仲有小小黑椒粒，胡椒粒，蘑菇片，令到意粉添加了點點野味及鮮菇味。推介指數：7/10焗豬扒飯，係呢度嘅皇牌，除豬扒大大塊外，有蕃茄醬，鮮蕃茄，雞蛋及蔬菜，用料均衡，不多不少。令到整個熱辣辣嘅豬扒飯好好味。推介指數：8/10例湯，青紅蘿白湯，味清甜，老火湯味。推介指數：7.5/10羅宋湯，蔬菜多，酸味重，帶少少咸味。推介指數：7/10蛋白杏仁茶，滋補潤喉，熱飲最佳。推介指數：8/10紫薯特飲，甜薯味，潤喉，熱飲嚟的，不過有cream係頂好搞笑。推介指數：8/10海鹽炒什菜，食蔬菜必選，多款鮮蔬菜，煮法簡單但是最好

<創新既老字號 金記冰室>😍印象中好似金記冰室幾區都有 仲係開左好多年既老字號 食懷舊茶餐美食😄今日經過apm見客 發覺新開左佢分店 就入左去試下 見到佢既野食除左有一般懷舊冰室野 仲有扒餐 多士 沙冰等等 都幾創新 幾fusion 💪🏻 嗰度坐位好多 但apm多人 䌓忙時間都要等一等😌🍴干炒牛河 58 蚊🐮🍜用鐵板器皿上枱既牛河 葱花 芽菜 🌿 同爽滑既河粉一齊炒 幾夠鑊氣 河粉爽口 牛肉彈牙入味 .點埋辣椒醬更正🌶如果可以炒得再乾身d更好😃🍴 金記煎肉餅 68 蚊🐷肉餅大大件 豬肉口感好彈牙 🐷入面有好多甜粟米 所以食落爽脆🌽 煎肉餅既火喉剛好 唔會太熟 點埋喺碟底甜酸醬剛好可中和豬肉既肥膩感 唔錯😃🍴金記風沙炸豆腐 68 蚊😆長形既炸豆腐 份量都多 豆腐皮炸得好香脆同薄身 金黃色 充滿住蒜香 😄 入面既豆腐好香滑 幾好味😋🍨閃閃金西多配雪糕 42 蚊🍨邪勁既西多配雪糕 😈 西多炸成金黃色 充滿蛋香🥚 切成粒狀口感香脆 加埋煉奶🥛 同香甜雲尼拿雪糕 🍦 一熱一凍味道好match 😋🍯蜂蜜檸檬沙冰 26 蚊🍋❄大大杯沙冰 飲落去就好似凍檸茶沙冰甘 充滿茶香☕ 飲到

係APM上面嗰層啱啱新開無耐嘅金記冰室，非常之近我番工嘅地方，午餐又可以多一個唔同嘅選擇，但係今日我就選左食晚飯。佢晚餐嘅種類都唔少，同其他嘅金記冰室有啲唔同，佢嘅食物會比較特別。尤其是他會有啲藜麥嘅意大利粉沙律又或者飯，仲有呢個好耐無食最經典嘅鐵板餐。佢呢個鐵板餐嘅份量真係好大，如果一個女士來講我會食唔晒，佢入邊有豬扒，牛扒，雞翼同薯菜等等，每塊份量唔細。真係好懷念呢一個風味，什扒加黑椒汁，惹味，上枱時熱辣辣，炸炸聲。人係貪心嘅，食咗個咁滿足嘅晚餐之後，都仲想試一試佢嘅甜品。今日食雪糕西多士，西多士設成一粒粒嘅小粒然後放喺鐵板到，喺食嘅時候將少份量嘅雪糕放到西多士上面，跟住放入口，上面凍，下邊熱嘅口感真係好正。78蚊一個晚餐，有餐湯，主食仲有嘢飲(果茶另外加錢架)。喜歡嘅話仲可以加＄12食多個菜，好完美。

早前跟朋友在APM逛街，才知道金記已經進註了在APM！應該...是第一間在商場內開的金記？裝修都有點大不同人比較多，我們4大1小都坐了一張大圓桌沒想到連圓桌也設有櫃筒，不錯..這樣桌面才不會太佔位置我被這個吸晴了，天氣冷了，來個秋冬暖飲紫薯也是熱的嗎？不過我怕伏...還是選朱古力吧沒想到進註後晚餐餐牌也沒有很貴雜扒才$78當然就立即ORDER雜扒不知雞扒是否沒貨了，竟然變了2隻雞翼..肉汁挺多，稔起來絕對不會是用了鬆肉粉...用了鬆肉粉就整個肉質破壞了薯仔可以再蓉一點叫餐我加了$13跟這個秋冬特飲CREAM是冰冰甜甜的，有點像雪糕不過我太貪吃，整個CREAM獨立吃完了再喝朱古力就顯得朱古力不夠甜晚餐中這個燒倉魚也是很相宜78蚊買魚也要了吧？很香口這個青口伴藜麥忌廉飯是我選的，不多餐廳有藜麥有益的東西要做得好吃有點難想不將藜麥加在忌廉飯令整個燴飯加多了質感..我很喜歡看到這個，為不會猜到是什麼？叫來是FOR不太愛吃飯的小朋友其實是金記招牌煎烏冬中間夾著的是烏冬，很易入口，創意十足之前在其他金記吃了西多士念念不忘APM這個叫閃閃金西多配雪糕有點不同，叫2個來試試吧2個人一碟不會太多跟平常的

成日都想去懷舊冰室食嘢，可惜成日都唔經，又無人陪我去。得知觀塘開咗，幾唔想留係觀塘，但難得有人陪我食，幾大都食一次。呢間之前係筲箕灣嘅一間出名嘅冰室，不過中間又搬，今次係觀塘，唔駛過港島。雖然裝修唔係傳統冰室，但係喺apm入面，係要靚嘅。拎左飛等左陣，好快入得。好多都好想食，花多眼亂，又係諗左一陣。仲有幾款影唔曬，價錢比我想像中平，可以叫多啲。朋友叫咗7成西冷扒，職員好細心，係我地位出邊先淋左汁，免得彈到我地兩邊枱嘅客人。可能加左汁之後，變到熟左，不過味道ok嘅，係我自己麻麻地全熟牛。如果下次再黎，會叫5成。我就食乾炒牛河，牛肉係多，炒得都算乾身，味道同色都適中，唔會太差，有我最愛嘅芝麻，即刻香哂。甜品叫咗心太軟，正呀！表面個層鬆軟，入面朱古力醬夠溶，成件事ok。朋友叫咗杯蜂蜜檸檬沙冰，唔會甜，佢話食完西冷再一啖沙冰，簡直一流！我就要左杯無冰奶茶，奶茶夠滑夠濃，又係提升哂成餐飯。我地每人唔駛150，我地算係豪食，想懷念冰室味道，可以嚟呢度。

Mussel and Quinoa with Rice and Cream Sauce $75扒青口伴藜麥忌廉飯With ‘Quinoa’ added, this plate definitely sounded more health oriented to me. It turned out quite lusciously executed too! Some authentic baked rice sets at cha Cheng teng is always something pleasing and comforting. The price was high though.Pan fried Meat Patties with Corn and Pork $75金記煎肉餅(栗米粒及豬肉)This plate was far too oily for my liking! It’s layer of oil on the pan fried meat patties made it too greasy to devour. Signature Fried Udon

擁有自家餐廳的獨有菜式，其實都係吸引食客的主要因素。今日嚟到觀塘APM嘅呢一間金記，佢嘅小菜擁有自己嘅味道，特別係呢一個煎肉餅。雖然佢係一個普普通通嘅肉餅，但係佢依然有佢嘅特色喺度，佢用上粟米粒配豬肉碎，然後壓成一件件，肉餅煎到外面金黃色，入面軟熟，香口。仲用咗鐵板上，所以一路食佢嘅溫度仲會保持暖，冇咁快凍。呢一個欖角肉碎四季豆炒得非常之有鑊氣，欖角的香剛好，四季豆爽脆，還有一個香料香，配飯食一流。不得不提嘅就係佢嘢飲嘅種類其實都幾多，除咗真係一般嘅檸檬茶，奶茶，可樂之外，佢仲會有特色嘅冰沙。好似今日試呢一杯芒果橙冰沙味道做得非常之好，飲落去起碼唔係出面淨係會用芒果色數整嘅假味道，係真真正正飲多飲芒果同埋橙嘅香味，而且佢嘅配搭仲好新鮮添。