金記冰室 (創紀之城五期(apm)) (已結業)

上個星期同一班朋友喺觀塘睇戲睇，去咗隔離金記食飯，餐廳正正喺戲院附近，好方便，出菜又夠快。真係仲有30分鐘都仲食到個晚餐。趕時間嘅關係叫咗個什扒，有煙肉豬扒雞扒仲有薯仔底，黑椒汁夠多，唔會限住限住，抵食過平時食開嘅街坊西餐廳。老婆叫咗個麻辣米線，呢個真係有驚喜呀，首先佢望落去呢就唔覺得有啲咩特別，唔覺得有咩味道，老婆鍾意食豬膶所以叫咗豬膶，本身有豬膶或者雞。個湯底好好飲，有啲麻辣而且夠擔，估唔到有咁好質素！老婆極速飲晒，仲有索味豆卜，搞到我心思思都想叫一碗！仲要係＄40咋。好耐冇叫過黑牛，呢度又有喎仲係支裝可樂添！套餐有餐湯野飲，喺附近來講呢度環境又乾淨又抵食！

聽講金記冰室係好出名的但我讀BU都未去過島仔度食終於係年頭同🐷🐷逛逛街時可以坐低一試喇😛我地兩個都係叫#鐵板美式雜扒 ($78)牛扒腸仔雞翼豬扒煙肉 好豐富的樣子而識食一定係黑椒汁啦🤭 有同好嗎🙌🏼？味道上我覺得還可以 不過扒類的都太乾而其他的都太油了 食哂應該會肥幾磅🌚________________________裝修環境：✨✨✨✨服務態度：✨✨✨✨食物質素：✨✨✨(5個✨為滿分)________________________唔信我嘅可以自己去試試😂

發覺香港人改名都好鍾意千篇一律大概係中文字嘅combination都唔多每個時代都有d好代表到個個時代嘅人嘅名就好似家欣 嘉怡 家俊 俊傑 梓軒咁（對唔住響左你嘅朵😂）茶餐廳都唔例外金記 金鳳 金華 一街都係 我都分唔清乜嘢係乜嘢我正係知華嫂一定係我拍拖嘅number one😎不過星期日興緻勃勃黎到觀塘先發現華嫂原來無開 真係好唔開心😢好想食茶記嘅我結果都係黎左金記-講真印象中嘅金記都唔錯不過呢間金記確實令我極度失望好多食物都炸過而且係低質油炸處理手法令食物原本唔差都變成難食咖喱雞扒（HKD58）都唔例外雞扒可以用極油膩去形容🤦🏻‍♀️而且份量都唔係多再一次證實左APM無一樣嘢係好味嘅事實🙍🏻‍♀️-滑蛋叉燒飯（HKD64）當你食過順興同旺記呢個你只可以話拎黎頂下肚就算而且價錢仲要貴過上面兩間➕無飲品🌟Rate:3/10

茶餐廳，是大商場的小綠洲，特別是在購物慾高漲的時刻。忙碌的二月終有喘息的之時。忙碌過後，佳節當前，購物慾總是異常的高漲。這天友人相約在apm，瞬間便被兩旁的時裝店、美妝店征服了。想爭取時間盡情購物，向有選擇困難症的我，竟一反常態地晚餐由友人發辦。Apm內的金記冰室是大商場的小綠洲，茶記的消費、茶記的效率，對於想「速食速決」的我而言是最好不過了。循著開飯網的導航走上六樓，金記冰室就在扶手電梯正前方。開放式的設計有如美食廣場，但裝潢上更時尚型格一點，而且是有服務而非自助模式。價錢就有如美食廣場的親民，雖然要等位才能入座，但茶餐廳翻桌快等位不會太費時。深知時間的寶貴，甫一坐下掀掀餐牌，不作多想便選擇兩份晚市套餐，再加一款小菜。茶餐廳的套餐總是人氣之最，加上這兒的晚市套餐感覺絕不行貨，無論是雜扒、煎魚、海南雞或吉烈魚柳都很吸引，若要求不高在套餐餐單上挑選已很足夠。友人點的是芭堤雅式燒倉魚配白飯($68)，晚市套餐配條燒倉魚，而且還配湯、飯和飲品十分抵食。倉魚煎封得極為脆身，魚肉亦新鮮滑嫩，那酸汁調度得清酸可人，友人把倉魚吃得一絲不剩。無骨海南雞飯($68)值得一讚的是那雞油香飯，雖說是油飯但不

去到apm黎黎去去都係食嗰幾間好悶？戲院層有新食市開張，金記冰室應該係商場內難得港式小菜。今次點咗個芭堤亞煎倉魚同豆腐。本人本身好怕食魚怕腥，但呢條倉魚煎得十分香脆，而且個醬汁酸酸辣辣好惹味開胃豆腐外脆內滑都係冇得彈

在APM看完戲，逛完街，時間約晚上八時，找點吃的醫肚也很正常不過吧。環顧一周，原來這邊也開了金記。想也不想就走入去醫醫肚啦。本來以為食平日點的鐵板餐就算，怎料這邊的餐牌跟其他金記冰室的不同，所以我們認真看了弓看，最後選擇了這道菜。金記招牌煎烏冬 ($68)賣相就像一件蛋角，看真一點，烏冬被包在蛋角之中，蛋角的側邊位置就會見到一條又一條的烏冬在中間，食落先是吃到煎蛋角的香氣，蛋雖然煎得老了一點，但勝在鑊氣相當足夠。中間部份的烏冬有夠彈牙的，不錯。整體來說相當鹹香，讓我愛不釋口。原來除了炒烏冬、湯烏冬之外，更可以加入蛋角入面煎，相當不錯。閃閃金西多配雪糕 ($42)除了主食之外，還點了這份甜品，平日叫我食西多一定因怕脂肪而放棄，這邊加入雪糕，讓我大開食戒。雪糕香甜不多說了，西多士香脆可口，沾一點雪糕來吃，又冰又暖的感覺充斥在口腔內，讓人喜歡。(旁邊搭台的食客也點了相同的甜點呢XD)

其實之前在荃灣都幫襯過金記冰室，那次在荃灣吃了一個非常好的海鮮餐，都知道這間餐廳不是一般的冰室，於是金記就成為了我一間經常會去的餐廳。之前放工行觀塘APM的時候，發現這裏金記好開了一間新的分店，於是放工後便來吃一個簡單的晚飯。點了芭提雅式燒倉魚配白飯，有飯有湯加大大條蒸魚，絕對是非常超值，屋企樓下的茶餐廳也是這個價錢，你又有什麼投訴，最重要燒倉魚做得剛好，肉質甜又好吃，足以送一大碗白飯。和朋友又來一客馬拉盞炒西蘭花，炒得入型入格，魅力四射，炒西蘭花炒到勁淋身。朋友點的金記風沙炸豆腐都是好好，睇得又食得。另外單點了熱情果果茶，樣子精美，和外面我去開的文青店，價錢平得多。以質素來說，是絕對取勝，說真，在商場內的茶餐廳，價錢沒有對比外面高，已經好得多。而且蒸魚做得比外面的小炒店有驚喜，實屬非常難得。

觀塘apm係我經常行嘅商場之一，有間新開嘅食肆我又點會唔知啊，就正正開戲院隔籬，名叫〈金記冰室〉。入面嘅設計比較新穎，唔算坐得超級舒服但還可以的。但想不到設計新穎的冰室背後原來是一間很有歷史的餐廳！廢話就不多說，我點了叉燒滑蛋炒飯。咦！！不是炒飯來的嗎？為什麼變了白飯加豉油？？不過除咗炒飯變白飯之外其餘都好滿意。初初覺得$6x個飯又冇嘢飲都幾貴，但畢竟一分錢一分貨，叉燒炒蛋嗰邊真係好厚！！而且蛋炒得好香滑有蛋味，叉燒亦不乾不柴應該不是昨天買淨的。之後見到紫薯特飲好似幾吸引不過要加$10。但係見個飯咁有質素就一於試下啦！好在都冇令我失望，成杯飲品熱辣辣暖入心，而且紫薯味道好濃郁加埋忌廉就更見香滑！

金記開到周圍都係了。今次開到觀塘，同平時食開嘅金記，裝修好唔同已經變成一間潮流食店。開心嘅事食物品種越來越多，仲有質素仲好好啊！雖然呢度真係好多食店但係我都要試吓我支持嘅金記！今晚食咗個前蓮藕餅，好耐好耐冇食過啦！煎得好香好好味！一客四件，夠味而且夠厚！另外一個必食嘅就係佢哋嘅王牌豆腐，金記風沙炸豆腐，我相信呢個絕對係傑作，外皮脆，豆腐嫩，質感好，價錢平！$68 真係必食。好食過喺酒家食嘅多多聲。甜品點少得西多呀！呢度嘅西多變成西多配雪糕！冰火交融嘅感覺。正！建議大家真係要食一次！平時嘅西多士勁好食呢個更加不得了！裝修唔同咗地方舒服左，價錢都係抵食，晚餐有好多優惠套餐。下次要試吓麻辣米線見到隔離枱食得好開心！

最近好鍾意去冰室茶餐廳，睇完戲發現商場入面有冰室，即刻多多人都要等里面裝潢好時尚舒服寬敞先叫左個常餐HKD45另加HKD5可以轉無冰奶茶茶餐廳冰室必定要整返杯奶茶冰鎮我至愛，奶茶仍然香濃但又感受冰凍感，奶茶夠香濃滑溜餐配腸仔煎蛋，牛油多士好吃，但如果牛油多士分開上或會隔開就好，因為上檯時多士變腍了，會令其失色雪菜肉絲通粉不錯，但如果通粉係有坑紋個款就更正(心理作用)!味道好多，又唔會鹹，而且好香，想到又想食過!

由於短時間食左金記2次...所以下午茶同晚餐可以一次過寫晒了佢下午茶做到6點...如果你係附近放工!絕對有機會食到~不過茶記黎講其實都唔平~無計啦...APM 入面喎~仲想點?CURRY海鮮炒飯~其實係星洲炒飯XD~唔夠辣~夠乾身....差D哽親~味道好淡~配杯蜂蜜檸檬沙冰~出面好少見~唔太甜~幾好呢個係海鮮XO醬炒烏冬~同個炒飯一樣配料~但呢個就咸好多啦....勁重口味~一淡一咸平均返就剛好了熱檸水多謝你跟住可以寫埋夜晚~呢個就抵啦~78蚊有雜扒食...仲要有意粉~花園都做唔到呀~~~~大大份!! 唔評論啦!! 唔通我話新鮮呀...有牛味有雞味咩!!都係果D貨式啦!! 抵食就得啦!紅湯唔辣的...我喜歡辣~+$12要娃娃菜~ 太多肉唔掂~~老啦老啦~~總結:APM黎講~抵食既餐廳~又有好多我最愛既卡位~但如果唔怕遠~行出去觀塘工業區/ 重建區都有好多仲平既茶記但呢度太就腳了~仲要係戲院旁邊....無得輸!竟然被開飯啦懷疑係打手....笑左XD

父母外遊加上嚴重感冒, 令疲倦的我更加無心機回家煮東西吃, 所以就打算放工後, 和友人們吃點東西, 就回家休息去.最新一間金記的分店, 位於觀塘apm, 戲院的旁邊. 餐牌內選擇眾多, 亦有藜麥這款「超級食物」加入主食之中, 有新意.友人見到我病到半死, 於是幫我點了兩款不太熱氣而又加了藜麥的主食, 一起分享. 首先送來的, 是扒青口伴藜麥忌廉飯. 四大件半殼青口, 焗得金黃色的, 被放在忌廉飯之上, 甚為誘人. 忌廉飯雖不是意大利飯的質地, 但軟腍黏稠的飯粒, 混入了藜麥, 既減低了膩滯, 也增強口感.另一款加入了藜麥的主食, 就是鮮蝦球忌廉藜麥炒意粉. 蝦球扎實, 大件又爽彈, 炒意粉掛滿忌廉汁卻不軟爛, 藜麥也下得很慷慨, 整體不錯哩.生病中的人, 其實就不應吃甜品的, 但一場來到這裡, 又怎可能不吃這個特別的甜品, 閃閃金西多配雪糕? 金黃色的正方體西多和一球云呢拿雪糕, 同放在小煎鍋內, 美觀別緻. 熱西多配凍雪糕, 情況如心太軟一樣, 一冷一熱, 教甜品控愛不釋手.

同老公响觀塘睇戲，發現戲院隔離開咗間冰室，見仲有時間，就入去醫吓個肚。其實餐廳算係半開揚，可能係沿住走廊設立，所以餐廳環境比較長，而坐位亦都唔少。我們隨意找到卡位坐低，燈光通明，而且拉開抽屜，餐具一應俱全。看看餐牌，選擇都算多，無論中西款式、甜品，甚至素食都有。我們每人各點了一個套餐，有例湯、小食、主餐和飲品。先來個例湯，我們都點了羅宋湯，酸酸甜甜的，非常開胃。而小食就係炸雞粒，外面脆脆地，入面很鬆軟，熱熱地點埋辣醬一齊食，少少辣又容易入口。老公又要飲可樂，而上枱的係玻璃樽裝，相比起鐵罐裝的話，响冰室出現真係夠啱數。而我這杯係熱朱古力，味道夠出之餘，隻杯又好特別，因為飲咗一啖之後，會見到杯邊出現"多謝你飲我"，真係甜入心暖入心。扒青口伴藜麥忌廉飯其實餐牌有數款是以藜麥做主調的菜式，而我就選了這個，因為被青口吸引吧~青口是經已煮熟的，面頭有點脆脆的，但入面不會煮得全熟，所以保留到海鮮的鮮味。加埋藜麥同飯一齊煮，感覺是很健康的。鐵板西冷牛扒牛扒真係超大塊，淋埋個汁香味不斷飄出來，而肉質煮得很適中，很容易切開而且很軟身，加埋個白飯鋪底真係好飽。最後，我哋仲點咗個甜品，名為濃濃情心太軟 (配鮮

在香港搵食，好多時都要作出取捨：有舒適既環境，價錢就會比較貴；價錢平，環境就比較地踎；而有時唔介意價錢，就只想找一些地踎一點，地道一點的食物，這時候便會想到這間金記冰室。有別於其他茶餐廳，它沒有了污糟邋遢的地面，沒有了一陣地道的臭味，換來的是四四正正既面門。門外有一個大螢幕，等位更有系統，更有秩序。由於是新開張不久的緣故，餐廳的所有野都非常新淨，十分乾淨，也因為呢個原因，這裡成為了我和同事的午餐飯堂，今日放工後突然想起它，便再來試試它們的晚餐。晚餐大約$72-$82包餐湯，白飯，和飲品，另外可以再加錢有菜，有甜品。特飲既選擇也不少，唔鐘意有奶茶咖啡檸茶檸水既我，特飲部便成為了我的樂園。加$13就可以有特飲，那滿足感，絕對值得。我們點了2 個晚餐，餐湯可以揀紅湯，白湯，或者中湯，最後我地不約而同都揀佐紅湯，羅宋湯做得好濃，帶少少辣，有2-3塊牛尾連埋，味道很好。海鹽炒雜菜 $46特別鐘意食菜既我地額外order佐一個炒雜菜，用鐵pan上枱，賣相不錯，雜菜有洋蔥，西蘭花，三色椒，生菜等等，份量夠哂多，價錢合理。四季豆椒鹽豬扒 $79呢個唔係每日精選既晚餐，不過其實價錢唔差好遠，$79既價錢

今天下午放假，相約了老媽去APM行街，老媽說要買部in既手機...同佢行左好耐終於買到了，Note 8！是時候醫肚了，去了金記冰室。我地入內時剛好還未有下午茶，我們叫了午餐，想不到冰室的座位都很闊落，我叫了無骨海南雞飯，$72，等了大約10分鐘就到了，有中湯、油飯、海南雞和醬料，醬料之外還有脆花生，很驚喜！中湯有很大的雪耳，足料！味道也不錯，海南雞已經是去骨了，不要以為會只有很少肉，雞肉都不少，雞肉很嫩滑，有雞味，省卻了平時去骨的步驟，食到的是啖啖肉，雞皮沒有跟肥膏連在一起，算是瘦的，油飯也很香口，夠香但係油不是想像中咁多。老媽叫了R3豬扒蔥油撈公仔麵，這個餐先配上吞拿魚油包沙律，法包不算太硬，加上吞拿魚醬很開胃，又不會太咸，沙律份量小，開胃之選！主角豬扒很大塊，煎過的豬扒味道剛剛好，不會太油也挺脆口，麵上的油較多，始終是蔥油嘛，但不會過咸，蔥油的安排也很重要！這個蔥油公仔麵令我想起乜乜園的，這個吃起來比較爽口，沒有咁濕！想埋單時看到餐牌，有西多士配雪糕？咩玩法？老媽說新奇我們就試試！一件件一層層的西多士，外面很脆口，入面很軟，還有很香的麵包味！真係未試過用雪糕配上西多食，真的很特別，