金記冰室 (創紀之城五期(apm)) (已結業)

個日夜晚去完街翻嚟仲未食晚飯，見途經觀塘睇下有咩好食！但係我地去到觀塘個陣都已經成1030pm，大部分食肆都已經關門，但竟然比我揾到依間收12點即刻毫不猶豫咁去左！一坐低就見到個set dinner去到1130pm，而且價錢唔貴之餘，仲要唔洗加一服務費，好抵我地分別就order左4號同9號餐，2個都係包左紅湯or中湯，同一杯野飲。個意粉係出乎我意料之外好食當初見佢個名，以為真係淨係用忌廉汁同蝦球嚟炒意粉，點知，上到枱既時候，竟然見到入面有大量粟米同煙肉絲😍絕對係誠意之作啊落料完全冇留手，汁同意粉既份量都好夠，成碟食到後尾都唔會乾，食完仲超飽，推介另外個三色扒都唔差。我地揀左跟飯同要燒汁，3塊扒都唔細塊，而且飯同汁既份量同樣好足！重點係有如此既份量，但價錢一啲都唔算貴，CP值超高啊如果大家夜左少少驚揾唔到地方食野，不妨去試下佢另外仲有啲西多，甜品，價錢一樣唔貴啊！

今日男朋友仔一早CALL我食早餐，去咗APM金記食早餐，包裝外殼OK嘅﹗如果裝修和用具用60年代的懷舊風，相信應該會比較吸引。吃食就唔可以用一般吸形容，只可以話冇驚喜和麻麻地形容﹗茶係冰室占嘅比重好重要，藥唔靚，客難留。啲茶我可以講咁大個女未飲過咁難飲的。晚飯我唔知，但係早餐就我可以講係.....不願置評。

Kt泳池游完水，響APM食完，簡左好多間，最後想食元氣，可惜100幾個號碼，肚仔餓，見就腳就簡左尼間茶餐廳.大商場唔預你平的去邊.簡左個海南雞，同埋焗豬排飯.一開始甩我單.80蚊個海南雞飯.全部都係雞胸.🤷‍♀️甩我單我都無小你.你醒全碟胸我味道麻麻地，雞唔滑，飯普通，色唔靚，都無雞油味. 拍馬追唔上泰妃雞.朋友個焗豬，豬扒唔係好厚，個汁唔係好濃，無cheese味.80蚊啵大家樂40蚊都出色過距.貴唔係問題，最緊要有貨交.茶餐廳，都係穩穩陣陣食開邊間就果間.唔好亂試.

之前見到金記冰室喺APM開佐分店，今晚就決定試一試！⭐️木瓜雪耳湯 （餐湯）作為餐湯，味道不過不失，但略厭油佐d。⭐️甜酸菠蘿生炒骨 （$78）食生炒骨最怕炸粉太多，但哩度整得啱啱好，配合埋酸酸甜甜既汁，真係送飯一流！哩碟仲本身已經配埋白飯&湯&餐飲，份量非常足夠，好抵食！⭐️金記煎肉餅 （$78）肉餅煎得好香口，裡面巧妙加入粟米粒，不但增加左口感，仲有助減低油膩感，沾埋泰式辣醬一齊食，估唔到又幾夾，好惹味！但可惜既係，本身哩個唔係餐。要另加$25，先配餐湯和白飯，價錢略厭小貴。

 so bad that i wait a long time and the waiteress are impolite!金記位於apm戲院門口睇完戲好自然入內幫襯，我一共幫襯了2次，最後我覺得我以後都唔會再光顧這間餐廳不滿：1.食物好一般，講佢差又未係，好又冇佢份，特別係扒餐好乾，扒餐其中一樣餸冇左，換了另一樣但唔通知2. 繁忙時間唔好幫襯，好大壓力同受氣。(另一次幫襯)，大約6點幾唔係好多人當時入內職員要求我和朋友2人坐其中一邊卡位，另一邊會有人搭枱，當我準備落單時有一名職員A過來要求我換位，比個位人坐(有4個新客),我好客氣話好倦唔想換，佢講左一大輪野(基本上就係話有人想入來叫我換位比佢)。唔成功咁佢緊係走左，過左一陣職員B又來要求我換位，我就問咁多人可以換位點解一定係我，佢話我未落單。。。之後又來多個職員C，最後我係屈服左，我朋友就話怕佢係野食到做手腳，我就諗多事不如少一事，我剩係想食個飯姐，但成餐飯都好抑壓唔開心。總結：一開始座位是你們安排，我唔想換就要玩車輪戰術比好大壓力我，諗返如果我再拒絕佢入面洗碗個阿姐都出來，你地公司想做多台客關我咩事，我表明唔想換就唔應該再騷擾我

相約朋友到apm，便到這裡吃晚餐。這裡食物質素只屬中等，但綜合地考慮了價錢、環境、份量，便覺得是划算的！晚餐包括飲品及例湯，我選了中湯，喝完不會口乾、味道適中，算是不錯！不過，朋友的白湯似乎更美味，所以下次再來要飲白湯！雜扒餐只需$82，雖然肉質一般，薯條亦不夠香脆，但勝在大大份，有雞扒、豬扒及牛扒，肉非常多，十分滿足！另外，這裡的奶茶味道不錯，值得一試！十分香滑，茶味及奶味平均，是我喜歡的奶茶味道！

係APM行到攰攰地，又肚餓，就去選擇頂樓上的金記，係戲院果層行過去，地方都幾舒適。下午茶都有好多選擇，價錢雖然貴，但好好味，叫左個 沙爹牛肉麵同 欖菜雞粒炒飯。沙爹牛肉夠多，吾會好咸，炒蛋炒得岩岩好，吾會太老。炒飯炒得乾身，吾會太濕，正

平時好少同朋友食茶餐廳，因為怕坐得唔耐，傾唔到計，今日咁岩約咗朋友喺APM，天氣又鬼死咁熱，費事走來走去啦，決定喺APM度揾野食啦。行到上APM頂層，有幾間選擇，見到哩間最快有得食，所以就揀咗呢間啦。其實之前喺灣仔食過一次，嗰度嘅裝修好靚而且啲Menu係用乒乓波拍做成既，而APM嘅分店裝修就比較簡單同埋座位都比較少。原來星期六日呢度無得叫常餐，原本想食豬膶通粉，炒蛋多士架嘛。。。最後就叫咗蔥油豬扒撈丁，黑松露炒蛋多士同埋海南雞飯😋😋😋😋個豬扒撈丁實在有點油了，可能夾埋啲蔥油就多左少少油，個黑松露炒蛋有點老，如果可以夾埋啲黑松露炒就好啲啦，而唔係炒完啲蛋再加啲黑松露系面。至於個海南雞飯無咩特別，雪藏味比較重嘅雞，索價＄73，有點貴呢。。。由於坐得唔係好舒服嘅關係，我同朋友渣渣淋食完就轉場嚕。

幾次經過也沒有幫趁！一來附近有太多選擇！二來見到餐牌沒特別吸引的套餐。不過經過望進去，均見有不少食客。因為在附近睇電影早埸！故今早便去試試早餐。餐廳內地方頗大。大部份是卡位，坐得亦舒適。因為想吃簡單點！不試茶餐或湯粉麵了。我們選了三文治餐及咖啡我們還是第一次在金記點三文治餐！見到餐牌一般有幾款餡料任選餐肉，牛肉，蛋，火退，煙肉番茄等等...選一種$26這裏兩種都是$30連熱飲當然凍飲加$3比一般茶餐室價格貴很多叫了不過三分鐘咖啡到了隨著三文治到餐肉煎夠身幾香.蛋係炒蛋炒得夠滑麵包軟硬道剛好杯咖啡不錯，是即磨咖啡總叫不過不失！

今日同囡囡黎觀塘玩..玩完覓食..ApM啲舖頭又唔同左...金記冰室..好似好多地方都有.今次食佢下午茶..迷你焗豬..真係幾細下🙈🙈🙈$4x...抵唔抵見仁見智喇

星期六下午，約了朋友逛觀塘apm，想找個位置坐坐閒聊，結果揀了金記冰室。呢間冰室明顯刻意打造新派冰室的感覺，保留傳統冰室的裝修風格，環境不錯，座位亦算舒適，畢竟位處大商場內下午茶餐的價錢確實不算便宜我們點了鮮牛米同乾炒牛河鮮牛米份量不多，賣相平平牛河亦只是不過不失 牛肉片炒得頗冧、無筋，但河粉較味淡整體而言，呢間金記冰室環境不錯，跟朋友歇歇腳也不失為一個好選擇，不過食物質素一般，價錢亦比同區其他茶餐廳為高，性價比不高

金記位於apm戲院門口睇完戲好自然入內幫襯，我一共幫襯了2次，最後我覺得我以後都唔會再光顧這間餐廳， 我一向中意先讚後彈咁我係下面分兩個部份。滿意：1.座位同環境幾好，坐落感覺良好，開放式裝修可以睇到戲院。2.杯奶茶好飲有茶味幾香濃。3.餐牌幾靚不滿：1.食物好一般，講佢差又未係，好又冇佢份，特別係扒餐好乾，扒餐其中一樣餸冇左，換了另一樣但唔通知2. 繁忙時間唔好幫襯，好大壓力同受氣。(另一次幫襯)，大約6點幾唔係好多人當時入內職員要求我和朋友2人坐其中一邊卡位，另一邊會有人搭枱，當我準備落單時有一名職員A過來要求我換位，比個位人坐(有4個新客),我好客氣話好倦唔想換，佢講左一大輪野(基本上就係話有人想入來叫我換位比佢)。唔成功咁佢緊係走左，過左一陣職員B又來要求我換位，我就問咁多人可以換位點解一定係我，佢話我未落單。。。之後又來多個職員C，最後我係屈服左，我朋友就話怕佢係野食到做手腳，我就諗多事不如少一事，我剩係想食個飯姐，但成餐飯都好抑壓唔開心。總結：一開始座位是你們安排，我唔想換就要玩車輪戰術比好大壓力我，諗返如果我再拒絕佢入面洗碗個阿姐都出來，你地公司想做多台客關我咩事，我表明

又一間革新了的冰室。除了室內裝修，用品以及價錢都變更了不少。就連杯子也有特別的設計。看到這杯內的一句話，引來食客的一笑，也不錯。這次點了經典的焗豬扒飯，豬扒很軟滑，很易入口。芝士味也很香，與蕃茄配合一起吃，味道真不錯。

去APM最煩就是搵食，因為次次去都唔知食咩好。今日去完觀塘海濱公園，之後就到APM搵個下午茶!!揀咗好耐，見呢間有下午茶就入去試試。我同男友各叫了一個下午茶餐。佢一見到豬潤公仔麵就兩眼發光，其實可以揀通粉/米粉都得嘅!!一送埋黎我就好後悔無叫，因賣相唔錯仲聞到豬潤香，我更係即刻試吓先。嘩!!好味呀！個湯底都係豬潤湯底呀！再配埋啲芹香，好好味呀！但我都要忍住比番男友豬潤麵係配炒蛋多士，我就略微覺得酒油了少少，但都唔錯嘅而我就叫咗炸脾配薯條。炸脾都做到皮脆肉嫩，勝在新鮮炸起，無咩雪味，又是不錯選擇茶餐當然唔少得野飲。餐茶絕對合格。凍檸茶夠茶味最後。下次我一定要叫豬潤麵。

在APM行完街,去咗佢嘅6樓食咗一餐好好味的晚餐. 今晚叫咗佢嘅8號餐, 芭堤雅燒倉魚配白飯. 其實你話條魚似係半煎炸， 多個似燒。不過條魚真係好好食.條倉魚肉質敦厚，真係啖啖肉. 而佢用這一個半煎炸的方式處理, 更能夠鎖住與嘅肉汁和鮮味. 所以能夠做到外層香脆，內層嫩滑。佢炸到連魚鰭，魚尾都奇脆冇比. 所以食到最後，條魚比我狠狠的煎皮拆骨. 魚嘅外層有薄薄的炸粉，而我就咁用啲炸粉係送飯都覺得好正。因為佢脆之餘也十分香口，大概是椒鹽味道.更值得一題的就是跟餐嘅醬汁，佢係混合左魚露同嗰啲香草，甜甜酸酸的，更加提升咗魚的鮮味.