金色不如帰 (又一城)

營業中

休息中

貝汁醬油拉麵」鍾意食呢種有咬口唔易糊的拉麵湯底係由蜆湯+豬骨清湯+魚清湯組成本身已經有鮮味再加埋黑松露醬另湯底更加香🤤牛肝菌油令湯底有點油加入左京蔥可以中和番肉類分別有一片三層肉和一片低温叉燒可以滿足食下小小肥肉又唔會太罪疚叉燒又都夠淋自家制豚肉煎餃」始終係日本食過會噴汁又好香口的煎餃所以 呢款煎餃係正常品質煎餃皮唔會厚身搞到好粉但油味有點重所以影響左少少味道燒豚肉叉燒小碗飯」結果唔想食麵都仲有飯可以選擇雖然佢叫小碗飯但我覺得佢一D都唔小碗有三塊三層肉同三塊叉燒溫泉蛋好流心🤤下面亦都加左日式醬油汁和京蔥伴飯一起食整體來說 拉麵有驚喜但份量唔多價錢算少貴

冇得去日本，咁就係香港試吓啦，之前去日本實在排太長隊所以冇食過。叫左個貝汁醬油拉麵、裡面有牛乾箘粉及油，黑松露醬、京蔥…..一呢到立即試吓個湯，黑松露味好出，都好特別。個麵都偏細碗、男仔應該唔夠飽，啲义燒真係太薄。麵入面的京蔥好食、好多，夾住麵一齊食好爽口，正。湯底夠熱，不過中後段有少少鹹。煎餃子看似平平無奇，不過皮薄又夠熱，都唔錯喎。朋友食海鹽味拉麵，大致都滿意，啖湯我試咗，都好清，好味。整體都覺得幾好食，不過偏細碗，價錢有啲偏貴，但係都會再去食😊

超級失望😮‍💨尋日去又一城，諗住簡簡單單食一餐醫肚，就去咗呢一間食拉麵。點知嚟到嘅時候個麵竟然係黐埋一舊！問店員係咪煮唔熟，佢解釋唔係只係師傅上碗嘅時候搞個麵搞得唔夠鬆！☹️先唔講你係唔係米之蓮，一間拉麵店最基本就係識煮個麵！點解連最基本嘅嘢都可以做得唔好？！雖然佢即時幫我換過換新，但係已經令到我徹底失望😮‍💨價錢仲要一啲都唔平，麵嘅份量極少叉燒溥如紙仲要得兩片，兩碗拉麵加一碟餃子同可樂，承惠三百幾。怪唔得係lunch time嘅時間都唔使排隊. 既然開得日本嘢，應該尊重返日本人對自己嘅要求，唔好差過一間港式拉麵店，起碼識煮好個麵先。今朝起身個肚仲要唔舒服，都唔知係咪關個麵唔熟事😭

經過門口, 望到吧台有位, 都係等一張一位枱, 心諗應該好快啦... 殊不知都要等十至十五分鐘... (本身可能肚餓有點憫) Anyway, 最終都係坐吧枱, 望住個menu.... 有四至五款拉麫, 第一次就先試佢推介醬油拉麪個碗大大, 但大約一半到, 湯底有蜆, 豬骨, 魚 (介紹講), 仲有牛肝菌油, 黑松露醬... 一來到就聞到好香黑松露味.... 但始終黑松露味太搶..... 除咗都飲到醬油味... 就蓋過曬啲蜆味... ... 雖然我聽到師傳 煲湯時有隔開好多蜆殼..... 有兩塊叉燒... 一塊三層肉... (好肥美) ... 一塊低溫叉燒 (唔識有乜分別).... 兩塊都好薄... 其實真係唔太夠...個麪都好彈牙, 配上京蔥... 味道係好味.... 不過呢碗拉麪要$128 未加一真係 貴囉.... 加隻糖心蛋要$15.... 餃子四隻 $68..... (我都係無叫, 肉痛).... 所以食咗一碗拉麪就走人.... 

可能因為冇得去日本啦同埋食拉麵可以簡簡單單，一人一碗麵再加份餃子已經好夠。平時響屋企食飯成枱都係餸都未必係我想食，有陣時簡簡單單反而仲好。今日朋友揀咗地方食飯，咁我就喺呢個地方揀咗呢一間拉麵試吓，橫掂佢又鍾意食拉麵。又一城好多嘢食㗎，所以如果唔收窄範圍，我諗有排我諗。呢間聽過個名不過一直冇機會試，講真金色不如婦我都唔知點解。不過唔理咁多，見佢企企理理又唔使點等就入左去。好快就揀咗我嘅貝汁醬油拉麵，朋友叫咗白湯拉麵再加一份餃子🥟share。當然梗係要加一人半隻温泉蛋啦。麵條粗幼冇得揀，雖然唔係我最prefer 既「一蘭」粗幼度，不過都可以接受（未至於變咗粗面）我係想講吓佢個湯底，好大片油響面，又有啲似食黑蒜出前一丁那個包醬浮左響面頭，似乎油膩咗啲喎😵‍💫雖然佢咁樣可以保持面嘅熱度，不過⋯⋯⋯其中有一片肉（三層肉）好有肥膩感，但係我又唔好意思夾比我朋友食咗佢，（換轉以前同男朋友食一定夾咗比佢啦）所以唯有瞇埋眼123吞咗落肚，當然我相信如果鍾意食肥嘅朋友會覺得佢入口即溶嘅⋯～～😅餃子佢話係自家製嘅我都覺得係嘅。唔覺唔覺仲食得多過我朋友（男友人）

去開又一城 food court 食物又唔多吸引 諗起呢度有間一直都想試嘅過江龍 一於試試佢係咪同傳聞中咁正叫左佢嘅兩個招牌（1）貝汁醬油拉麵（2）貝汁鹽味拉麵一上菜鹽味拉麵嘅湯底味撲鼻而來白松露油同牛肝菌非常突出湯唔算好熱 但冷氣都幾大 所以都好驚佢會好快凍 啦啦林食左先 冇用咁多時間打卡呢個拉麵嗅覺刺激絕對滿足到拉麵愛好者 不過食落去反而係比另一個拉麵淡好多 重口味人士真心唔建議叫 如果本身唔好咸呢個拉麵係唔錯個選擇😋到醬油拉麵 聞落去冇咁香濃 不過食落湯底相對突出 貝汁味濃好多 都好鮮甜 不過就油左小小 我覺得唔加牛肝菌油會好味d 質感會light翻小小 不過黑松露醬都算唔小 係湯底到飲得出湯底雖然係值得一嚐 不過個麵底就強差人意🤨 好淋 個麵擺多幾分鐘就跟加一pat嘢咁 呢個價錢本身會期望有得揀麵嘅硬度 份量方面當tea係ok另外加左$15叫溏心蛋 好夠味酒味夠重 係蛋黃熟左小小 叉燒就切好薄 三層肉油脂分布唔錯煮得好軟熟 另一塊瘦少少嘅亦唔柴 不過整體算ok 😌不過服務質素爭少少 鋪面當日唔算多人我亦坐係中間卡位位置 舉左手勁來耐都冇人行埋嚟幫手落單 呢方面可以改善

8點幾行完又一城，又有啲肚餓，見呢間拉麵新開又米芝蓮咁，最重要唔使點等位！叫咗個貝汁鹽味拉麵加溫泉蛋、唐揚博多華味鳥。貝汁醬油拉麵加溫泉蛋$128+15湯底用大蜆、魚介同埋豚骨，飲落好重蜆味，仲有啲黑松露醬、牛肝菌醬，食麵嘅時候要撈埋呢啲醬，超級好食！原本拉麵係唔跟溏心蛋，就要加15有一隻溏心蛋，絕對值得加，因為好好食！唐揚博多華味鳥$88一碟有4粒（食咗先記得影），又脆口又滑，嚟到嘅時候超熱，不過就真係貴咗啲。

食咗咁多年拉麵 食嚟食去都基本上係豬骨湯為主 就算幾好食 都會覺得悶😖今次試咗九龍塘呢間拉麵 用嘅湯底非常特別 係用蜆做嘅湯底 終於打破咗傳統豬骨湯底拉麵 非常新鮮😋湯底好鮮甜 相對上冇普通豬骨湯明濃 冇咁重口味😚再加上牛肝菌醬 帶出嚟嘅香味 真係令人一試難忘🥰食完呢碗咁特別嘅拉麵 都唔想再食返以前咁普通嘅湯底啦✨✨

肥姑姐飲食推介 - 貝汁醬油拉麵Ramen House Konjiki Hototogisu (Festival Walk)金色不如歸（又一城店）Add.: Shop 25, LG2/F, Festival Walk, 80 Tat Chee Avenue, Kowloon Tong地址：香港九龍塘達之路80號又一城商場LG2層25號舖Tel.: 633381561）環境衛生金色不如歸連續三年獲得日本東京米芝蓮一星拉麵店，今日難得好榮幸可以喺香港嘅又一城分店試一試呢個一星拉麵，真係好開心。首先講吓拉麵店嘅裝修係走高級路線，一入門口就已經有一個開放式嘅廚房，店內師傅煮麵嘅過程可以一覽無遺，再嚟就係室內以金色及木材為主嘅高雅裝修，雖然地方唔算係寬敞，但係在走高檔路線嘅拉麵店度食拉麵，感覺好特別。2）食物質素今日點了貝汁醬油拉麵，拉麵一上枱已經俾佢嘅湯底吸引，係完全冇做過資料搜查嘅情況下，一飲已經知道湯底由海鮮及肉類熬成，而且仲帶有好濃嘅松露味，湯底雖然顏色淺淡，但係味道非常濃郁而且有層次，另外亦都完全冇味精，呢個咁特別的味道係我第一次品嘗到，令我印象非常深刻。其實呢個咁特別的湯底係由蜆湯，

金色不如歸19-21年都攞到東京米芝連一星，主打貝汁原味拉麵，完全冇落味精，湯底真材實料✅前排仲開埋牡蠣不如歸，喺香港越開越多分店，仲未通翻關之前，喺香港食住先頂吓癮啦🥺貝汁鹽味拉麵 $128呢款拉麵味道真係好多層次好豐富😍湯底集合蜆湯、豬骨湯同魚清湯三種精華，清徹鮮味。加上白松露油同牛肝菌醬，香氣加配濃郁，叉燒利用低溫烹煮，脂肪同肉嘅比例啱啱好唔會過肥。唯一係拉面份量唔算多😂我係雀仔胃食完都係覺得啱啱好😂🌟推薦指數：8/10▫️▫️▫️▫️▫️▫️▫️▫️▫️▫️▫️▫️▫️📍金色不如帰 (又一城) (九龍塘)九龍塘達之路80號又一城LG2樓25號舖分店：尖沙咀/中環

行過又一城見到呢間排滿人嘅拉麵，今次排咗大概半個鐘先入座，但感覺小食比拉麵更出色。貝汁醬油拉麵～湯底用上蜆、魚、豬骨清湯，加上黑松露醬，牛肝粉及牛肝菌油，但味道食落無想像中咁豐富。麵條食落唔係一般嘅拉麵，口感比較似蕎麥麵硬身。三層肉同低溫叉燒口感好嫩滑又唔油膩。涼拌黑松露紋甲墨魚～估唔到味道幾有驚喜！爽脆嘅墨魚加上酸醋汁底，又有好香嘅黑松露味，食落好夾又好開胃。唐揚博多華味鳥～$88 四件炸雞其實都好貴，不過入面真係juicy，雞肉好嫩滑，又唔會成口粉，沾埋酸酸甜甜嘅芥末醬，更加出色。

Shoyu Hamaguri Soup Ramen - $128The first and only authentic ramen place in Kowloon Tong omggggg🥺😢🍜💗 Finally getting the chance to try it after tons of negative comments on this Michelin-starred⭐️ ramen house from Tokyo 🇯🇵😭Itadakimasuuu🥢I was actually thrilled by their signature triple soup with clam, pork🐷 and fish🐟 ! That was SOOOOOOO GOOD. I drank all the soup😋 Will definitely have this yummy ramen🍜 again!! (Don’t know why people’s comments are so negative but kaikai approves this!!!! Just tha

今天一人來到九龍塘的又一城商場購物逛街，感到餓意的我便決定先吃過午餐填飽肚子，正當為選擇餐廳苦惱時，恰好走過此間拉麵店，見其屬米之蓮推介又是東京的過江龍店舖，因而便選擇了內進用膳。貝汁醬油拉麵拉麵湯底用上大量海鮮蜆、再配搭雞骨、豬骨、醬油熬製而成，並特意加入了黑松露醬調味，飲用時清新鹹香，鮮味濃郁，而且有着出眾的貝味和淡淡黑松露香氣。麵條煙韌彈牙，順滑入味，掛湯力高。配料有低溫叉燒、三層豬腩肉兩款，低溫叉燒軟腍嫩滑，肉味濃郁，而三層肉肥瘦均勻，入口即化，鮮香柔嫩。溏心蛋吃拉麵當然必須配搭上一顆溏心蛋才足夠完美。餐廳選用來自日本的雞蛋製作，食用時稠密滑溜，蛋味濃郁，內餡半熟的蛋黃呈現流心狀態，其漿液溢滿口腔，味道讓人齒頰留香。吉列香草車海老外觀金黃圓滾的車海老用上原隻虎蝦，再釀製入自家製的新鮮蝦滑和香草，並配搭日本直送的麵包糠製作而成，咀嚼時口感獨特且層次豐富，味道濃郁煙韌，清香爽彈，配以特製的他他醬同食，更是滋味無窮。總結而言，餐廳以木系配搭特色黃燈和梳化座位，整體予人感覺高貴柔和、舒適悠閒。菜餚方面用心製作，賣相精美，味道亦優質出眾，是外出聚餐吃拉麵的好選擇。

之前傳媒煲得好勁，話東京米芝蓮拉麵！講到咁垂涎欲滴，有晚經過，雖然已經有好多人等緊，但都拎左飛，四圍行下等。舖頭其實都係拉麵舖形式，三五知己gathering絕對唔係一個好選擇，因為根本冇時間or空間俾你地交流🤣我被安排到吧枱，望住師傅們煮麵。🌟貝汁醬油拉麵（$128）湯底主要由蜆湯、豬骨清湯及魚清湯組成。配有三層豬肉嘅低溫叉燒，再有黑松露醬、牛肝菌粉及牛肝菌油。湯底非常清甜可口，而且味精唔算好重。我連湯帶麵食都唔覺得口渴。麵就係default係幼麵，都彈牙掛湯！真係幾唔錯！🌟煙熏黑椒豚骨拉麵（$115）男朋友叫的這款就帶有少少的黑椒，唔算好辣。但因為加左黑椒，所以感覺好似可以驅風。但就掩蓋左本身豬骨清湯的甜味。🌟唐揚博多華味鳥（$88）其實就係普通炸雞，但雞肉非常嫩滑！出奇地好味！可惜價錢有d貴，以份量黎講，性價比不高。🌟吉列香草車海老（$80）得一件⋯雖然係好味，蝦肉爽口，炸粉又唔厚唔油但真係太overpriced啦⋯🧀🧀🧀🧀🧀🧀🧀🧀🧀🧀🧀🧀🧀🧀🧀🧀等左大約一粒鐘，食物質素的確是很不錯。可惜價錢有d over，無論拉麵還是小食。以性價比來說，實在不高！試過就算了。🏮 金色不如帰 (

服務: 服務態度好，微笑上菜哈哈哈哈哈哈哈哈。口味: 話No MSG,但湯底太鹹啦啦啦啦啦啦啦啦啦。分量: 太少，男孩子一碗不夠吃啊啊啊啊啊啊啊啊啊。價格: 偏高，一碗一片肉，一口就冇喇喇喇喇喇喇喇。質素: 擺盤隨意哈哈哈蔥花飛到碗邊邊邊邊邊邊邊。