影片
更多
2021-06-30
780 瀏覽
肥姑姐飲食推介 - 貝汁醬油拉麵Ramen House Konjiki Hototogisu (Festival Walk)金色不如歸（又一城店）Add.: Shop 25, LG2/F, Festival Walk, 80 Tat Chee Avenue, Kowloon Tong地址：香港九龍塘達之路80號又一城商場LG2層25號舖Tel.: 633381561）環境衛生金色不如歸連續三年獲得日本東京米芝蓮一星拉麵店，今日難得好榮幸可以喺香港嘅又一城分店試一試呢個一星拉麵，真係好開心。首先講吓拉麵店嘅裝修係走高級路線，一入門口就已經有一個開放式嘅廚房，店內師傅煮麵嘅過程可以一覽無遺，再嚟就係室內以金色及木材為主嘅高雅裝修，雖然地方唔算係寬敞，但係在走高檔路線嘅拉麵店度食拉麵，感覺好特別。2）食物質素今日點了貝汁醬油拉麵，拉麵一上枱已經俾佢嘅湯底吸引，係完全冇做過資料搜查嘅情況下，一飲已經知道湯底由海鮮及肉類熬成，而且仲帶有好濃嘅松露味，湯底雖然顏色淺淡，但係味道非常濃郁而且有層次，另外亦都完全冇味精，呢個咁特別的味道係我第一次品嘗到，令我印象非常深刻。其實呢個咁特別的湯底係由蜆湯，
肥姑姐飲食推介 - 貝汁醬油拉麵
Ramen House Konjiki Hototogisu (Festival Walk)
金色不如歸（又一城店）
Add.: Shop 25, LG2/F, Festival Walk, 80 Tat Chee Avenue, Kowloon Tong
地址：香港九龍塘達之路80號又一城商場LG2層25號舖
Tel.: 63338156
1）環境衛生
金色不如歸連續三年獲得日本東京米芝蓮一星拉麵店，今日難得好榮幸可以喺香港嘅又一城分店試一試呢個一星拉麵，真係好開心。首先講吓拉麵店嘅裝修係走高級路線，一入門口就已經有一個開放式嘅廚房，店內師傅煮麵嘅過程可以一覽無遺，再嚟就係室內以金色及木材為主嘅高雅裝修，雖然地方唔算係寬敞，但係在走高檔路線嘅拉麵店度食拉麵，感覺好特別。
2）食物質素
今日點了貝汁醬油拉麵，拉麵一上枱已經俾佢嘅湯底吸引，係完全冇做過資料搜查嘅情況下，一飲已經知道湯底由海鮮及肉類熬成，而且仲帶有好濃嘅松露味，湯底雖然顏色淺淡，但係味道非常濃郁而且有層次，另外亦都完全冇味精，呢個咁特別的味道係我第一次品嘗到，令我印象非常深刻。
其實呢個咁特別的湯底係由蜆湯，豬骨湯及魚清湯熬成。另外，拉麵更由四種不同的日本麵粉製造而成。雖然金色不如歸無得選拉麵的軟硬度，但係我覺得師傅將煮麵時間控制得好好，煮熟嘅拉麵嘅軟硬度適中，比好多有得選軟硬度嘅拉麵店有過之而無不及。可惜拉麵上的低溫叉燒完全不行，我覺得有少少un，相比麵屋丸京嫩滑到不行的慢煮叉燒，確實失色不少。可幸金色不如歸嘅三層肉非常讚，肉同埋脂肪比例層次分明，接近入口即溶嘅感覺，的確為呢個拉麵加分不少。
總括來講，金色不如歸的湯底，拉麵，額外添加嘅醬汁及部份配料都令人非常滿意，亦係市面上少見，難怪會連續三年獲得米芝蓮一星！！
金色不如歸的確帶比我一個好難忘嘅體驗，亦都非常推介俾各位！
3）價格HK$128
（另收加一服務費）
4）再惠顧指數👉🏻
張貼
