金色不如帰 (又一城)

營業中

休息中

夜晚突然想食拉麵，就去咗又一城依間拉麵舖試下，第一次食就試下米芝蓮拉麵先啦拉麵一攞上黎已經聞到好香牛肝菌+黑松露味，心諗會唔會係fusion菜咁，湯就非常之熱，成個碗好辣手拉麵本身無跟蛋，可以+$15加一隻蛋，不過蛋無乜味麵係幼拉麵，彈牙同吸到湯汁。低溫叉燒較瘦，少少嚡。三層肉食落唔肥膩，肉質鬆化。湯算鮮甜唔油膩，混合菇菌味又幾夾，但過鹹，其實唔係好食得出菇菌菇味，除非咬正個牛肝菌碎。湯比較清，若果唔係咁鹹，我諗我會飲哂去，無其他湯底咁有罪惡感。份量加完蛋都係唔夠飽，最後加多個燒豚肉叉燒小碗飯 $58兩個人一齊分先夠。我另一半話鍾意個飯多過碗麵好可惜無影到相，依個係意料之外飯有叉燒同三層肉各3塊，由於上枱前燒過一燒，充滿油焦香。三層肉好似拖羅咁有入口即溶既感覺，飯係高黏度日本珍珠米加上炆豬肉既甜豉油+豬油，成碗飯都好香。加上鹹度適中，我都投飯一票

今日經過又一城，見到間幾出名的拉麵店－金色不如帰竟然唔使排隊，就入去試下。叫左個188既Set餐, 首先係貝汁鹽味、貝汁醬油、白豚骨、新豚骨同黑椒豚骨湯入面揀左貝汁鹽味拉麵黎試，然後就係餃子同飯中間揀左明太子滑蛋小碗飯，最後跟左個椰子雪糕。同價位黎講個拉麵都幾好食，D湯都夠熱同鮮甜，不過麵底就冇咁驚喜，正正常常咁。個滑蛋飯就幾香幾好食，唔錯。最令人驚喜係個雪糕，椰子味好濃，奶味好香，真係好好食，唔知邊度有得買呢

平日夜晚去到九龍城搵野食 大部分餐廳都要等位 但金色不如歸竟然唔洗 之前喺尖沙咀食過 已經覺得好好食 所以決定入去食拉麵牡蠣拉麵 $128湯底用蠔湯 豬骨湯 魚介湯混合而成 飲落蠔味好出 而拉麵質地係比較彈牙 好掛湯 每一啖麵都有蠔味 拉麵配有洋蔥、火箭菜、京蔥等等 好清新咁平衡蠔既濃味可惜拉麵得一隻蠔 唔係好夠 但係呢隻蠔真係好好食 煮得岩岩好 熟得黎保留到生蠔既口感同鮮甜因為得一隻蠔唔夠食 我哋另外叫左小食涼拌黑松露紋甲墨魚墨魚好大隻 原來係野生墨魚 口感彈牙 墨魚嘅鮮味同黑松露原來都幾夾

佢嘅湯底係由蠔湯、豬骨清湯及魚清湯調配而成。入口蠔味最重，跟住就係魚味，湯底好清甜，味道濃而不漏。配菜方面有意大利番茜、切碎咗嘅紫洋蔥、火箭菜、茗荷、京蔥同蘿蔔苗。佢成碗拉麵得一舊醬漬牡蠣，不過勁好味，食落好似蠔豉咁濃味，但係佢嘅口感係新鮮嘅蠔，口感好新奇，食完一夠即刻問店員可否追加，好可惜地店員係答唔可以😂麵係用幼麵，口感非常符合湯底，不過略嫌份量有啲少，女仔食都唔夠食😭不過唔緊要，佢呢個麵餐有三樣限定嘅小食可以追加。鮑魚以日本醬油及昆布慢火炆煮，配上軟熟日本一級香米佢嘅冬菇入口軟糯鮮嫩，合埋眼食會覺得自己食緊鮑魚，最驚喜係佢個配菜，識落有少少黑松露味，非常惹味！

［又一城］第二次試煙燻米芝蓮拉麵😎係又一城睇完戲，差唔多9點，又未食嘢，但又唔想食咁多野，就揀左食麵。環境裝修有線條感，坐位之間闊落，唔會有壓迫感🤗☁️煙燻黑椒豚骨拉麵$115豚骨湯底唔算好濃，但味道豐富，聞落有黑椒的香，煙燻味撲鼻，豚骨湯底香🤩，所有野加埋，味道更顯豐富❤️。拉麵彈牙，可惜份量應該夠我7成飽🥲，又會好想再食，但再食又會過飽😆味道：🌕🌕🌕🌗🌑☁️自家製豚肉煎餃$70皮煎得香脆，味道正常味道：🌕🌕🌑🌑🌑整體味道：🌕🌕🌕🌑🌑環境：🌕🌕🌕🌑🌑

2022.10.08 dinner因係大學會堂瞓音樂會，就諗到嚟九龍塘呢間拉麵食早飯😋 上次中秋食過都有少少想再食。今次唔揀飯了，我哋兩個都叫拉麵，女友叫番同上次一樣嘅煙熏黑椒豚骨拉麵，我就揀貝汁鹽味拉麵，今次加隻$15嘅糖心蛋，一人一半😋唔知係咪上次第一次食，覺得個煙熏黑椒豚骨拉麵好好味，但今次就爭咗少少，個感覺都油過上次，可能唔同師父製作🤔 定冇咗份新鮮感🤪我個貝汁鹽味拉麵就唔大驚喜，但就有兩塊低溫叉燒，好味嘅，糖心蛋都好好味😋 我倆都好鐘意呢度嘅拉麵，真係想問下係咩拉麵，望落係似橋麥麵樣。今次抵食只能俾兩粒星😝 因今次只係食拉麵，上次個鰻魚定食真係覺得抵😁

約了朋友在又一城吃飯，她說這間拉麵店開幕是很多人食，那就試試吧！可能是閒日的關係，不用排隊，而且餐廳裡也沒有很多人，大概只有三四檯客人，環境挺舒適，檯與檯之間有很大空間，這點是我會加分的。我朋友各點了一碗拉麵，另外再點了一份牛筋小食share我點了貝汁鹽味拉麵，湯底算清，湯裡加了一些香草吊味，配上幾塊豚肉，是一碗正正常常沒有什麼特別的拉麵，溏心蛋需另加錢，同樣是中規中矩的質素啦牛筋好韌，咬不斷的那種，醬汁算不錯，微辣香濃，可是蘿蔔只有一件⋯⋯ 餐廳環境不錯，如果想和朋友找個地方靜靜地食飯傾計也可以。

2022.09.10 中秋dinner 冇諗過中秋出街食，但咁嘅嘢女友放學嘅時間早，未有月光，所以諗住行一陣先買外賣返屋企食。 點知路過呢間，門口餐牌又吸引左，加上時間尚早，冇咩人，可以坐低食😁 入到去，環境好舒服，仲有 sofa 位添😃 但⋯⋯😂😂 原來出面睇個個餐牌係外賣，唔怪得咁抵食 😂😂 唯有睇吓其他食物啦，揀咗一個拉麵-煙燻黑椒豚骨拉麵，一個飯，係定食-鰻魚串燒華味鳥定食。拉麵好快到咗，唔怪得服務員話個定食要十五分鐘⋯⋯個拉麵咁快到！首先俾個碗吸引左先，似乎冇食過日本拉麵唔係用圓形碗🤪 拉麵好香！真材實料喎，望落好靚，係叉燒少咗啲，得一塊 😏 女友即刻試一口湯先，我都係！好味呀！😋 成碗拉麵有晒佢所形容嘅味道，真係幾好味，我倆都好鐘意，個麵質都同其他拉麵唔同，有少少橋麥麵 feel，不過唔知係唔係🤪女友個麵差唔多食晒我個定食先到，我哋都嘩咗！冇諗過咁大，俾足料！沙律大！雞肉串大！鰻魚大！一個好豐富嘅定食呢！好開心，真係中秋節大餐😃 加埋咁舒服嘅環境，$188 值回票價😝 飲湯先，好味！不是普通麵豉湯，我覺雞肉串可以燒耐少少，會惹味啲，鰻魚就正常，算唔錯。怕食物凍，所以最後先食

👩🏻‍❤️‍👨🏻：⭐️⭐️⭐️⭐️最近🤵🏻‍♂️個個星期六要返學進修，👰🏻‍♀️就趁呢啲時間去做自己嘢同扮靚靚。今日出咗去又一城整頭髮，去嘅時候比較趕，中午時段間間餐廳都排長龍，唯有餓住咁整頭髮啦。整完之後四點幾，餓到不得了，見隔離金色不如帰係米芝蓮餐廳，難得等候人潮散咗，就馬上去試吓。其實👰🏻‍♀️超怕一個人食飯，本來見到門口有吧檯單丁位，好似比較容易接受，就鼓起勇氣一試。點知俾侍應安排去坐卡位😂，不過實在太肚餓，同埋其實坐得幾舒服，隱蔽度又夠高，所以都成功克服到。👰🏻‍♀️貝汁醬油拉麵 $128 +溏心蛋 (+$15)👰🏻‍♀️好欣賞佢個湯底超級夠熱，成個肚暖哂，有種幸福嘅感覺。聞到黑松露醬同牛肝菌油香味相當突出，食落口，三重湯底（蜆湯，豬骨清湯同魚清湯）當中嘅蜆味同豬骨味都幾出，三層肉同叉燒都好香口。溏心蛋係另上嘅，味道不過不失。拉麵份量唔大，呢個價錢係比較貴嘅，不過喺肚餓嘅時候，一碗好食嘅拉麵實在有令人難以抗拒嘅魔力。IG@eateat.couple

餐廳有擺塊牌仔提我哋食麵嘅步驟，又會叫我哋感受下溫度、聞下先 幾得意🤣而位置都算闊落，行完街嚟食翻餐啱曬。拉麵嘅湯底配料豐富，有牛肝菌醬、煙肉碎同香草。飲落口感層次豐富，暖暖地好舒服。佢哋拉麵都好好味！

聽說出名，所以自己一丁友都特登慕名而去的。叫咗個醬油拉麵，又想試吓其他野。見網上講黑松露墨魚呢個涼伴正，於是我就想親身試吓了。講下個麵，d湯係超級熱！呢樣係加分嘅。味道又幾好飲。麵質也不錯，軟硬合適，算係入味。不過碗麵幾細，好快食完了。至於個涼菜，黑松露基本上好難係難食嘅。不過可能睇得網上吹奏多，我覺得無想像中咁outstanding 。可以話係，算好味，但普普通通，無乜特別驚喜。一共食咗二百幾蚊。店舖內d位算好坐嘅。

Small portionNoodles is a bit clogged Too damp Not chewy enoughPricy as wellOver $300 for ramen + snack + drinkThe crispy skin of the fried pork is way too thick and hard Ramen is very salty in a way that I cannot feel the layers and texture in the broth

💨煙熏黑椒豚骨拉麵$115+溏心蛋$15+低溫叉燒$15湯底濃香唔會係好假溝出嚟果種豬骨味，拉麵係幼身果種，口感唔硬唔軟剛好，幾掛湯，唔洗用匙羹乘住湯食都好夠味。溏心蛋正常發揮，低溫叉燒就略嫌太瘦，badboy比較偏好半肥瘦叉燒。如果唔另外加叉燒就得兩塊肉，成碗拉麵分量都幾細，女仔都未必夠飽？今次坐卡位都幾闊落，張枱好夠大，不過眼見有d二人位好窄。上食物速度好快，有少少食快餐嘅感覺😂加上分量少，所以好快就食完。

行過又一城覓食，見到有過江龍的米芝蓮拉麵店，一於入去一試究竟13:00左右去到，不用排隊，二人坐四人卡位，寬敞舒適二人各叫了一碗貝汁醬油拉麵 $128 湯底有蜆味，但因為同時加入了黑松露醬、牛肝菌粉及牛肝菌油提鮮，稍嫌蓋過了蜆的鮮味另有幾種其他口味，如貝汁鹽味拉麵（聲稱用上日本進口海鹽、自家熬製蜆湯、清魚湯及豚骨湯等製成）下次或許試一試這個，看看淡味一點，會否蜆味更突出這個價位在拉麵店中算上價，性價比尚算一般，但可以一試

剛行過鋪面見有set有d吸引，就決定入內試試，可是s那個set只供外賣。星期六的下午茶時間，人不算多，有大量不同吉位。樓面先安排前面1女子入內，10秒轉身就是安排我和老公了。職員的安排令人不解，居然安排前面1人女子坐4座位的卡位，而安排我和老公坐2人對坐單邊座位，其中一邊有牆頂住手，不利用筷子用膳。拉麵夠熱，但份量超少，無咩配料。