金田家 (已結業)

依家係日本嚟嘅札幌拉麵，味道唔錯，最好味嘅係佢濃郁嘅湯底！我就叫左一個黑松露豬骨拉麵，黑松露嘅味道非常之不錯，濃郁得來又唔會蓋過豬骨嘅湯味！估唔到黑松露同豬骨湯底係咁配合嘅，不過如果可以選擇，我寧願黑松露味再重一啲！另外我亦都叫咗個餃子，不過餃子就冇特別，同普通煎餃一樣，唔似其他食評寫到咁突出！我知道其他分店會大排長龍，我選擇平日去到，當日只係有四五個人排隊，唔算等左好耐，另外呢度嘅餐廳非常別致，裝修亦唔錯， YOHO MALL又有好多野行，有時間去食下野都唔錯！

好耐冇食拉麵，今晚經過元朗就試試佢，七點半已經好多人排隊，叫左辛子黑蒜拉麵，本人愛食黑蒜味，每條拉麵掛上香濃嘅湯底，另一個黑松露豚肉拉麵，食到香濃嘅黑松露味道，豚肉入口即溶及非常鬆化，兩碗拉麵嘅湯底非常濃郁，正，最後成碗滿既拉麵湯都飲晒，仲未夠喉，之後重加左一個男爵薯餅，一份有兩件，有牛肉薯餅同埋紫薯栗子薯餅，薯餅金黃鬆脆，而且一啲油味都無 ，裏面嘅紫薯味，仲食到粒粒栗子非常配合、甜甜地做飯後甜品一流

辛苦了好幾個月，工作上有階段性的進展，決定在外吃晚餐，慶祝一番。來到yoho mall 商場，見到來自九州的金田家拉麵，頗有特色，網上也有很多好評。拉麵選擇多，更可自由調配麵的硬度及蔥的份量。透過instagam 打卡，更可贏取福岡機票。大將餃子餃子大大隻，外皮炸得香脆，內豬肉味香濃。黑豚拉麵拉麵硬度剛剛好，掛湯一流。黑豚叉燒有5片，份量之多完勝其他拉麵店。湯底豬骨味濃，每一口拉麵都充斥著豬骨的味道。

今晚我同媽咪一齊去YOHO MALL搵嘢食，行下行下發現有間「金田家」拉麵店，立即排隊試一試，估唔到唔駛等好耐就可以有位入去坐。點餐紙好清晰，點左一碗黑松露拉麵，黑豚拉麵同兩款小食-唐揚雞塊，男爵薯餅。首先黑松露拉麵上面黑松露醬份量一點也不少，配合湯底豬骨味十分濃郁帶一點膠質，味道很好，黑豚叉燒薄切但肥瘦平均，有驚喜！麵底可選擇自己喜歡的硬度，我就選擇了普通硬度麵底，口感軟硬適中有咬口。喜歡食蔥同木耳嘅朋友可以加＄5好大碟既配料，見到隔離枱叫好抵。小食方面-男爵薯餅分別有一件牛肉薯餅同紫薯甘栗薯餅，即叫即炸外表香脆金黃，熱辣辣，咬落去一點都不油膩，欣賞紫薯味香濃而微甜，有栗子粒添加多一層口感，在吃牛肉薯餅有一點微鹹。唐揚雞塊-第一口咬落去有想不了的驚喜，外皮酥脆，內裏肉汁多而且肉質嫩滑，小食重點推介。最後食到好飽，結賬金額亦算十分合理。

同朋友一行四人 黎試下呢間九洲口味既拉麵九點黎到 都仲要等十分鐘先入座男爵薯餅(圖上)一碟兩塊 一塊牛肉味 一塊紫薯大家都覺得紫薯味好味d大將餃子一客4件 叫左兩客 味道唔錯濃豚骨拉麵 飲左啖湯 超重胡椒味 完全蓋過豬骨味道麵係好幼嗰種麵黑豚拉麵個湯又係胡椒味重到 好似飲胡椒雞腳湯甘唯一ok 係叉燒多 幾腍 溏心蛋都ok要吐糟一下服務我地係紙上已各自寫上自己座號但店員上麵時完全冇跟位 而且冇講係乜味既拉麵朋友a食左幾啖麵先發現食錯左朋友b碗麵(好彩佢地係情侶啫)跟住女店員再上麵黎時 我地問佢係咩味佢答唔知 然後自己傻笑😓 完全唔係返工！之後仲見到佢坐左係個食緊麵既客對面休息 嗰客都呆左整括黎講 無論叫乜味湯底 都係勁重胡椒味我地四個人都覺得好麻麻豚王都好食多多聲完全唔明點解甘多好評 究竟係我地去嗰日水準失準定係點？真係不得而知

好耐冇來元朗， YOHO MALL感覺完全唔同晒！多咗好多食肆，今次我專登嚟食金田家拉麵。呢間拉麵館係日本福岡開始，一直開分店開到香港，之前想食銅鑼灣嗰間，點知新界都開咗！我呢啲新界區朋友，一定要來品嚐！其實都有幾多人慕名而來，最好笑係坐旁邊個個係日本人，即刻加左分！由於我同男朋友對食物的口味完全不一致，男朋友鍾意食濃味軟身食物，但我鍾意食清淡或者fresh d食物！所以今次嚟到，男朋友就點左黑松露拉麵，應我就選擇較清爽嘅有柚子辛口拉麵！喜歡食辣嘅就可以加右面呢個配菜，但佢都幾辣架！要注意份量wo！拉麵賣相都唔錯，麵質非常之爽，以湯底非常濃郁，你哋睇吓佢嘅顏色！另外我亦加左個煎餃子，個底煎得金黃，咬落脆卜卜，但入面依然有湯汁，真係有驚喜！

金田家每次走到銅鑼灣登龍街上都會看到兩旁各形形色色的拉麵店金田家是其中一家但一直都未有機會去試這次難得地開在我家附近我想這次沒有我不試的理由吧愛吃粗身拉麵的我這次便選擇了餐牌裏唯一選用曲麵的雞白湯豚骨拉麵湯底是雞湯跟豚骨湯混合而成的濃郁不油膩配上我最喜愛的粗身拉麵口感較Q爽掛湯力亦較強還不錯吃而友人點的辛子黑蒜拉麵我也分了一點點來吃但我跟友人的吃後感都是試過就算了只能說不合我口味吧我覺得好吃不等於你純屬個人意見愛分享

是日美食曰，這家是今天試的第三家餐廳。早前見他在OpenRice 名列前矛，今天未到七時已經見到長長人龍。幸好拉麵流轉速度高，等了二十分鐘，即可入座。餐廳唔係好大，中等大小，座位有點窄。拉麵由$78-108, 而兒童拉麺$50。黑豚拉麵$98+糖心旦$14這拉麵舖滿五大片叉燒，感覺十分慷慨，一般的只有一片至兩片，而這裡足足有五大片！叉燒入口幾甘香，雖然不是十分嫩口，但以半肥瘦相間，質感唔錯。而糖心 旦真的推介一下，這旦煮到半流心，而且無論旦白或旦黃都嚐到滷水味，正！拉麵湯是豬骨湯，幾有豬骨味，而且稠度夠，有少少黏口，同一風堂的白丸差不多。拉麵是幼身的，質地比較稔，但索湯力十足。黑松露拉麵$108+糖心旦$14這拉麵同剛才的是一樣的，只是多了少許黑松露醬。你可別小看這一小匙，拌勻麵湯，黑松露的味撲鼻而來，湯底變得更甘香鮮味，食罷那香味在囗腔良久不散。雖然價錢有點貴，但這拉麵比較特別一點，下次一定要encore 一下黑松露。

去Yoho探朋友，原來金田家都有分店係度，真係好幸福吖，唔洗專登去元朗食！我同朋友四點幾諗住食個下午茶先，唔洗等位，一於食拉麵。朋友話平時晚市要等好耐先有得入座，下午茶唔洗等位，感覺賺左。餐廳環境光猛、位置舒適，唔洗同人迫。Menu：其實食拉麵來來去去都係呢幾款，個人鐘情於原味的豚骨拉麵，原汁原味。我叫左黑豚拉麵、友人叫左黑松露拉麵，另外叫左份沙律一齊share。黑豚拉麵 $98黑豚拉麵份量跟餐牌的圖片一樣，大大份，豚肉多多，最啱我呢種食肉獸。木耳、蔥的份量都多，不過如果想多蔥要多$5。我最中意就是拉麵的湯底，因為湯底是豚骨的精華，濃郁而不咸。黑松露拉麵 $108黑松露拉麵的豚肉是腩部，所以較肥。我試飲左一啖湯底，黑松露味突出，我略嫌黑松露味道蓋過豚肉湯底，但友人就話好好食。元朗金田家的食物質素跟銅鑼灣那間差不多，唔錯！另外，金田家的價位係元朗嚟講都算是中上，不過食拉麵唔洗去市區食，當慳返車錢啦。

元朗形點一期1樓1023號舖開了一間很出名嘅拉麵館名叫「金田家」， 今日無煮飯， 放工後去食。如果唔係住附近嘅朋友， 其實都好方便， 乘西鐵到元朗站Exit K 出口， 步行數分鐘即可。 原來「金田家」多年來被Tabelog評定為「最佳福岡拉麵店」的第一名。地方乾淨舒服，掛著別緻嘅燈飾， 以淺木色為主色， 用了淺木色的餐桌， 十分natural ! 高當次嘅拉麵專門店， 可以讓客人選擇適合嘅配料， 小食、甜品、和麵嘅硬度等等。店員話普通硬度嘅拉麵最多人叫， 因為拉麵不但富有彈性還有十足嘅煙韌度，適合各人享用。 《柚子辛口拉麵  $98》用了豚肉湯底， 湯底非常濃郁，好creamy， 內裏散發濃郁嘅清甜柚子味， 再配上少少辛辣味， 加上爽口嘅木耳、蔥花 、紫菜和京蔥等，非常惹味。以平民嘅價錢， 叫了一碗高質素嘅《黑松露拉麵  $108》， 上枱時， 我已經聞到獨特而濃郁的黑松露香氣， 我就是喜歡這黑松露的味道， 還未食就已經知道這碗麵非常有質素。奶白色嘅豬骨湯底加上黑松露， 對我來説足最好的配搭，再加上肉質嫩滑嘅黑豚肉， 入口鬆化， 真係高水凖。我哋大家都叫了追加《日式溏心蛋   $14

今天放假走去行元朗一田，但人太多行走一陣就走，但附近都好多嘢睇行行下見到一間自稱九洲第一嘅拉麵店就想試下本人都幾鍾意食拉麵，人到去座落近廚房位置睇下咩環境先入面係開放式廚房，衞生方面要求一定要高，但做成點好易睇到睇返食物方面係大商場入面算平，拉麵軟硬度和是否走青都有得選擇到主角出埸，叫咗個豚骨拉麵一試之下雖然唔算難食不過九洲第一就有點失實湯底唔算濃郁，相比以豬⻣湯底作主打嘅台風和焰拉麵算失色好多，而上菜速度唔算快，係未爆場情況下都要等(湯底材料都準確好嘅情況下)作為飲食同業我明白咩原因，不過唔講速度員工方面有點問題，樓面上班補妝 廚房員工玩頭巾，你可以話我雞蛋挑骨頭，但日本公司應該非常嚴格，感覺上名不符實評語:如果唔係自稱九洲第一都唔會咁失望，衛生方面其實算滿分(因為玩頭巾扣分數)服務普通唔算好，簡單講評分比ok算係比多

一行4人，點麵時已經填好座位號碼，金髮戴眼鏡服務員送麵時沒有說話便把一碗麵放在我面前便轉身走，我要叫停她問是什麼款式的麵是我的嗎？她回答後才發現碗麵係我隔離位的家人，即係填咗座位編號都冇用啦！根本就冇理！一d日本料理的精神及態度也沒有！之後送第二碗來的時候，一樣係她送來，不發一言放下便走了，我再叫停她問，她態度無禮地回應，你填咗座位號架嘛，呢碗咪係佢架囉！嘩！好離譜！以後不會再來！

金田家，之前系銅鑼灣返工也未試過，系樓下商場，開業初期或假日，長期都有一條人龍。本想試松露豆乳拉麵，但這天沒有。柚子辛口拉麵成了我的選擇，還追加了木耳。湯味較傑身，整體濃郁度高，味帶點淡淡的柚子香，減輕了油膩感。麵條比較幼身，份量也多，但不是很彈牙。黑䐁叉燒很對胃口，個人喜好瘦一點的叉燒。

元朗形點一期開咗之後，又多咗餐廳選擇啦！今次嚟到來日本福岡縣既金田家拉麵專門店多數都有得揀麵質，我就揀左普通我地點左辛子黑蒜拉麵同黑松露拉麵，經18小時熬製嘅湯底非常濃郁，配合自家制醬料上枱已經聞到陣陣香味我既辛子黑蒜拉麵以豚骨湯作湯底，加上腩肉叉燒、木耳、蔥花同京蔥絲另外追加了溏心蛋同大將餃子，溏心蛋一試難忘，煮得好腍好入味軟林林咬都唔使咬依家upload照片再加hashtag fukuoka_tonkotsu 仲可以參加抽奬贏得日本福岡之旅添呀

聽朋友講話好食，咁就嚟試吓啦，倆個人去，睇吓餐牌，都係一般嘅拉麵款式，叫咗兩款麵，一個炸薯餅，一罐可樂。成 $100 一碗麵，食完完全無飽嘅感覺，已經 share 食咗一個薯餅，講真一定唔會再幫襯，其實點值咁嘅價，$150 可以喺出名嘅中式麵店食到飽飽，我都唔明收呢d價錢，點持續佢嘅生意額，如果長時間有遊客都可能生存倒嘅！