金田家 (已結業)

一直好想試金田家拉麵店，但平時夜晚經過都好多人 最終都係冇排到，星期六放假決定中午帶媽咪去食下日本拉麵🍜金田家有多間分店，最尾揀左元朗店，食飽飽順道可以行下YOHO MALL~去到門口等左陣就入得，餐廳裝修充滿日本感覺被安排了吧枱位置，可以看着師傅們忙碌地炮製拉麵媽咪揀左黑豚拉麵，我就揀左網上好多人推薦的黑松露拉麵🍜我地都追加左紫菜同糖心蛋🍳再點左個大將餃子一齊食🍜黑松露拉麵一送到黎，黑松露香味已經撲入我鼻子裡湯底濃郁富豚骨香，冇味精，湯濃稠度適中，將黑松露醬伴進湯底裡，散發出濃濃的黑松露味麵既質地我揀左超硬，食到最尾麵質都沒有變軟，吃每口麵都是黑松露香氣🍜黑豚拉麵中既黑豚肉分量十足 有好多塊，肉肥瘦適中，入口鬆化🐷糖心蛋滑溜可口大將餃子，皮薄餡靚，香脆不油膩，媽媽都讚佢好食，配拉麵吃一流好滿足的一餐

今日經過元朗型點，嘩！呢個商場真係好大，行到腳軟想搵間餐廳醫肚，見到金田家，就坐底嘆碗拉麵先。拉麵套餐有九款，我地試左黑松露拉麵和柚子辛口拉麵，黑松露拉麵有濃濃嘅松露味，湯底香濃，個面好爽口，超級好味。柚子辛口個湯有少少辣，好惹味，追加了一個糖心蛋，超美味芽菜好爽口，麵線彈牙爽口，果然拉麵之王。 追加了腩肉叉燒，肥瘦適中，食落甘香有肉味。我覺得最好味都係黑豚叉燒，放入口即溶，肉質亂畫，一是難忘。餃子皮薄多肉，食落好豐富美味。仲有這個北寄貝沙律，北寄貝切成粒粒，好爽口，蔬菜好fresh，食完拉麵濃濃的拉麵，加上清新的蔬菜配搭很不錯。餐廳坐得頗舒服，店員有禮貌，上菜速度快，拉麵有獨有特色，很值得一試，有機會會再來幫襯。

辛苦工作完，當然要犒賞下自己當知道形點I多左好多新食肆，身為元朗吃貨既一份子當然要去試下，今日就決定揀呢間拉麵做晚餐。店面都係行簡約風，同拉麵店普遍既開放式廚房設計，而且座位好闊略，一家大細黎食都可以坐得舒服。枱面擺放左杯同冰檸檬水俾客人自由斟，秉乘日本對待顧客既模式。呢度拉麵款式幾多，總共有九款，圖片好吸引呀，碗碗都三四塊叉燒，毫不吝惜，期待下上枱係咪都咁多塊叉燒先另外仲有小食、飲品同甜品。同其他拉麵店一樣，點餐紙都有得揀麵既硬度同特別需求，例如加蔥或配料追加。最後我點左：- 黑松露拉麵 $108- 配料追加：溏心蛋 $14 + 栗米 $7- 雅布尼叉燒 $28- 日本煎茶 $20煎茶係用茶包沖製，連同茶壺茶杯上，由客人自己斟，好處係濃淡可以自由控制同保溫，食拉麵我最中意配茶，清爽解膩。黑松露拉麵 $108一上枱己經聞到好濃既黑松露味，湯底睇起黎有層油，原來係湯底加左黑松露油提味重點係……叉燒真係有三大塊！（餐牌係依比例繪成咖）厚薄適中，無咩肥肉，食起黎好淋唔會韌。湯底係豬骨湯，添加左松露後味道更濃郁，食落唔會鹹，加上有紫菜、木耳絲、粟米等配料，口感豐富且爽口。拉麵麵質屬於幼身，份量

第一次光顧yoho 的排隊熱點：金田家係星期六的lunch time 竟然唔洗排隊，滿心歡喜😍坐低order 左黑蒜豚肉拉麵$84，加蛋要$14.. 但食日本拉麵唔加蛋對唔住自己！加啦加啦，加埋都仲$100左右姐！蛋真係好好味，呢$14係要俾的。黑蒜酒唔知係咪味精/味太濃，邊食邊飲水，飲左3杯，之後出門再買水麵係幼麵。其實，一田入面果間$5x 的拉麵煮得好一點豚肉唔好味跟住發現全場由於今日唔多人maybe, 樓面～6個人無野做企左係到傾偈，細聲講大聲笑埋單，哦，原來掛住笑的樓面係要服務費的。。。才疏學淺，感謝俾我試到一次要俾加一服務費，但無服務的拉麵體驗計錯數，$100落唔到樓tim😂

今天難得到元朗新豪宅區Yoho 探友人屋企，於是便到了這間《金田家》食特色拉麵作為晚餐。我們一去到門口便見到人龍正在排隊，大約十人左右，等了約十分鐘後便順利入座。門外招牌看落好得意，用一位拉麵師傅做圖形：首先我們點了一碗具特色嘅招牌黑松露拉麵，昂貴的黑松露嘅香味很濃、很吸引呢！值得一提的就是那個拉麵底有四種不同硬度嘅拉麵選擇，今次我選擇了普通的硬度，食起來啱啱好。以另一角度看這碗拉麵：我們各自點了一杯特飲可爾必思，飲落小小酸，但又甜甜地，幾好飲：黑豚叉燒和腩肉叉燒：我們又點了這兩款小食，肉質頗為新鮮及幾有香味，囗感唔錯，抵讚大將餃子：鬆脆嘅餃子一向都是我的緻愛，這款餃子嘅皮夠薄，好味道餐牌有各式各樣的小食：拉麵亦有兒童餐：

每次到日本，一定最少會有一餐係食拉麵，日本拉麵競爭好大，每家拉麵各有特色，而金田家能係眾多拉麵店中突圍而出，勇奪多個獎項，好幾年登上Tabelog最佳福岡拉麵店榜首，令人好想一試究竟！今日，終於和朋友相約，來到元朗的金田家分店。金田家一大個嘜頭，相當醒目易認。我們晚上六時半左右到達，幸好不用等位，離開時已看見門外數人在排隊。店內裝潢簡潔中帶點溫馨，一個個騰球吊燈從天花板垂下，燈光柔和不刺眼。廚房半開放式，可以看著拉麵師傅在廚房忙碌。坐下後，店員遞上冰水和餐紙，客人可以選擇麵質，辣度等等，還可以追加食物。北寄貝海鮮沙律自己好喜歡北寄貝，見到北寄貝沙律，當然不能錯過，北寄貝的鮮味十足，切成粒狀，配上薯仔粟米粒，毫無遺和感，加上新鮮沙律菜，作為前菜非常合適，亦可為金田家濃郁的湯底稍稍解膩。大將餃子餃子一碟有四隻，即叫即煎，熱辣辣，外皮煎得脆卜卜，但係內𥚃餡料多汁，豬肉軟腍冇筋，十分美味。柚子辛口拉麵+溏心蛋平日食拉麵會選普通豬骨拉麵，今日想試試新口味，點了柚子辛口拉麵，湯底雖然都係豚骨湯，但加入了柚子和辣醬，柚子味道清新帶點甘，朋友唔食得辣，覺得十分辣，但係我自己覺得還可以。拉麵軟度可以自己

事源系Openrice睇下Yoho Mall有咩食店，見金田家評分吾錯就決定一試。因為到達店面時已經兩點幾，所以吾多客人吾需要排隊。我叫左一份豚骨拉麵同男爵薯餅。等左5分鐘左右拉麵就上檯，望落吾系咁大碗，但食落都飽肚雖然話系濃湯，但飲落吾會好咸岩岩好拉麵硬度我簡左普通，食落岩岩好都幾彈牙。而叉燒就好 軟熟，好味而薯餅我反而覺得有點普通，佢系即炸既需要等得耐一啲，2個味入面牛肉味比較出色，味道比較豐富，紫薯則較為普通。PS.對拉麵無太大研究，只系覺得好好食

冬天總喜歡食熱辣滾燙的食物，好暖和暖和身子。今日帶朋友去元朗食曾5度奪福岡第一拉麵冠軍，2度北九洲拉麵節冠軍及1年奪倫敦十大必食拉麵冠軍的金田家食拉麵。我介紹左朋友食我上次食過的黑松露拉麵，而我對金田家的黑豚叉燒情有獨鍾，故點了有5塊叉燒的黑豚拉麵。朋友的麵送上時見她欣喜深嗅那濃香的黑松露味時，我就確定了她喜歡我的推介，她說此家的黑豚肥肉比例少肉質又稔，普通硬度的麵是她預期的軟硬情度，湯夠熱又夠味，她很滿意。而我的是硬麵，適合喜歡有咬口的我，此店就是這點好，麵的軟硬度如牛扒的生、熟度都由客自主，最重要是店真能遵從，食來更合意。小食今次叫左北寄貝海鮮沙律，用材好新鮮，味道調得唔錯。唐揚鷄塊炸得脆口又不油膩，水準之作，嘴饞的我們仲追加左黑豚义燒及腩肉义燒，食到嘴唔停，黏黏脷。今次最值得回味的是那溏心蛋，浸到入味非常，下次必定及指定再點。

天寒地凍約左個舊同事食飯，她提議食拉麵🍜，呢間金田家起yoho mall入面，唔怕出去吹風😖呢間係賣九州拉麵，湯底選擇都有好多款。裝修幾靚好乾淨企理。menu 有哂每款拉麵和小食的相睇，先揀湯底，再揀麵的軟硬度，最後就揀蔥的多少。等緊主菜的時候點杯蘋果汁解解渴。黑松露拉麵，一上枱已經非常香黑松露味，流心蛋 (+14）好靚，湯底好濃郁。黑豚拉麵，黑豚有好多塊呀我比較喜歡這個湯底，不會太濃味剛剛好，木耳爽脆。另外追加了腩肉叉燒試試，因為我和朋友那款都係黑豚叉燒，個人比較喜歡黑豚叉燒因爲瘦肉較多，若要追求半肥瘦的就口感點就腩肉無誤男爵薯餅，一塊係薯仔一塊係甜甜的紫薯，好味道呀！

早2日去元朗YOHO睇戲，見睇戲前有40分鐘可以快食個晚餐！即刻周圍睇下有咩食，見戲院斜對面有間拉麵店，而且有位！！！就入左去試下啦😹因為要快食關係，我地淨係點左2個拉麵我要左個濃湯豚骨拉麵另加左1隻燻蛋隻蛋好好味，好流心而且好入味拉麵其實我本來無咩奇望但好驚喜，湯底濃得黎我唔會覺得好膩而且豚肉好林好香，薄薄地岩岩好我覺得唔錯！朋友就點左碗辛子黑蒜拉麵碗麵加左勁多京蔥拉麵加京蔥，再加埋蔥一齊放入口朋友話好正不過個黑蒜湯底，雖然勁香但黑蒜始終會帶點苦味，所以我唔係特別好朋友就覺得正🤣

睇睇張點餐紙先，麵可以揀硬度分四個程度由超硬到軟身都有，同埋葱嘅份量，啱晒我呢啲嘴刁嘅人。另外，可以追加溏心蛋、叉燒有替玉同一啲配菜，仲有得叫小食、甜品、飲品，選擇多元化。激辛拉麵($93) 個麵雖然個名係激辛但唔算太辣，帶有辣香，而辣嘅主要來源應該係碎豬肉，辣得嚟帶甜，味道好夾，令個拉麵潤色不少。唔太食得辣嘅朋友都可以試下。腩肉叉燒($20) 脂肪同肉嘅比例係1:1，而且紋路好靚又夠肥香，同埋拉麵湯底一齊食非常夾。雖然個拉麵已經好多肉，但係都推介叫埋呢個試下。

之前都已經食過幾次金田家，覺得幾啱口味，今日約左朋友黎到元朗行街，呢個商場都幾新，附近有唔少食店，我有好多都未試過，下次去朋友屋企可以乘機試下。見到食過比較穩陣嘅金田家，毫不猶疑，呢間分店位於商場入面，位置唔少，有bar枱，亦有長枱、細枱，如果坐近門口位就會尷尬啲，始終都會有人經過。可能因為星期六，都有三五七人等位，但因為出餐頗快，都唔需要話等好耐。餐牌都係供應拉麵，我地都係按平時食開嘅款式點選拉麵，同揀左兩杯飲品。北寄貝準鮮沙律 42：份量都幾多，至於抵唔抵食，就見仁見智。我地幾鐘意食薯仔沙律，裡面加左唔少北寄貝粒，口感一流，又夠爽口。薯仔用新鮮生菜墊底，都幾清新開胃！柚子辛口拉麵 98：雖然我都食到辣，但唔算話十分之食得，都係揀呢個比較溫和嘅柚子辛口拉麵，追加左一隻溏心蛋(14)。用上幼身直麵，帶少少香辣，加柚子清新嘅味道。湯底唔會好杰好油膩，飲多兩啖都ok，唔會好糊口或者重口味。面頭加左少少辛辣醬，一般人都食到嘅辣度。腩肉叉燒好食過豚骨薄身果種，有少少厚度，口感軟lum，有少少肥膏位。幼麵揀左正常硬度，唔會太lum，又有口感，但如果唔鐘意食太軟麵嘅，建議揀硬。溏心蛋一向都好有水準

平時行開yoho mall見到呢間開左有一段時間既金田家都幾多人食，今日一於再去食下。呢度有好多款拉麵，有辣有唔辣，任君選擇，我就揀左呢個辛子黑蒜拉麵，再加左只溏心蛋，我自己就好中意食蔥，基本上每次食拉麵都會叫多蔥，所以今次都加多左碗蔥。 金田家既拉麵好彈牙，溏心蛋既賣相不單止好，食落又香又嫩滑，食到令人難以忘懷！呢碗拉麵既蔥花好新鮮，配菜木耳好脆好爽口，個湯好濃，加埋黑蒜既少少辣味，成個感覺好夾！ 小食方面我就叫左個北寄貝海鮮沙律，入面既每一樣食材都好新鮮，又唔同既蔬菜，再加埋甜甜地既薯蓉撈埋北寄貝粒一齊食，又係一種美味既新嘗試！

逛完一田肚餓了，想食碗麵。餐廳環境夠曬光猛，等唔夠10分鐘就有位了。一人一張落單紙揀想食既野。豚骨mix 同黑蒜味拉麵都好普通，整體都係以幼麵為主；豚肉片夠薄，質地偏瘦且不太肥；湯底以豬骨熬製而成，味道相當濃郁其中最like柚子辛辣拉麵，最有驚喜濃湯中夾雜著少甜既柚子味，感覺好特別有一陀紅色既辣醬嚮面，衝動既我一下子將所有辣醬搞勻後，湯底變辣左，但就完全覆蓋左原有既柚子味，即使平時無辣不歡既我平心而論，寧願唔加辣仲好味。

依排因公事常常到元朗，同同事做完嘢去左地鐵站隔離既型點逛逛，見係時間醫下個肚，於事就再去金田家。拉麵其實都試個好多地方，大部分都係鋪仔細細果隻，但呢間拉麵店感覺比較開陽，地方同座位都算闊落，可能係商場鋪樓底高關係啦，唔似平日食果Ｄ咁焗束。加上好彩既係我地入坐既時候，岩岩有張窗口位二人檯，傾下ｈｅａ下岩哂啦！餐牌簡單易明，我同同事好快剔左兩個拉麵，同事叫左個辛子黑蒜拉麵，我就一個黑松露拉麵。　由於太肚餓既關係，我地都加左料，溏心蛋呀、替玉呀、义燒呀、沙律都點埋。整體味道不錯，湯麵用既湯，豬骨味很濃，加上我叫既黑松露配料，味道很夾。另外，不得不提既係檯面上預先放左既調味料，其中一樽係醃菜（如上圖），辣辣地似乾身左既泡菜咁樣，當小食又得，用黎送麵又得。　　野飲就試左佢地其中一種，叫‘可爾必思’既乳酸飲品，味道ＯＫ！整體水準不錯。