金田家 (已結業)

呢度拉麵有好多選擇，眼見都有十種而且款款都好有特色，而麵質、蔥嘅份量都可以選擇，自由度高，而且麵質更係有四種，好考拉麵師傅功夫，亦都睇得出金田家對師傅手勢好有信心。柚子辛口拉麵($98) 呢個麵係金田家推介嘅，個拉麵配菜有紅洋蔥、芽菜、紫菜、青蔥，而柚子香就來自個湯底。柚子味嘅拉麵我都係第一次食，帶有柚子嘅芳香同少少辣味，味道好有層次感，而且少少辣配合清新嘅柚香令人停唔到口，一試難忘，諗起都想再食返碗。黑豚拉麵($98)多葱(+5)碗拉麵一上枱我同朋友就忍唔住相機食先，因為佢嘅外觀同menu幅圖九成似，睇得出師傅有用心整好每一碗麵。碗麵有成六塊叉燒咁多，見到到心感滿足，而且大大塊、薄身，半肥瘦，相當高質。個麵我就叫咗硬身嘅，食落有口感，唔係硬到生個隻。另外，有時食拉麵叫咗硬身有機會掛湯力會遜色咗，但係呢度完全唔會，個湯好濃郁，同個麵融為一體，俾個讚佢。芝士年糕($38) 炸到金黃，而且上枱時熱辣辣，好味得嚟飽足感一流。

很少到新界區找食，這次去探朋友寶寶後，便到了形點1期商場入面，裡面有間自稱過江龍九州第一拉麵—金田家其實之前曾經吃過銅鑼灣的金田家， 今日吃元朗新開的這家不知有沒有分別一人叫了一碗拉麵，我自己好鐘意滿有嚼口質感的拉麵，這家完全符合我的要求。這間餐廳的麵份量很多，感覺有成一餅半份量的麵，適合我這些大食的女仔，因為好多時出面的麵份量不多，不夠飽肚感，所以覺得這家很抵食黑松露拉麵$ 108我是黑松露Fans,所以就叫了這一款湯底是豚骨湯，再加了自家製黑松露醬和黑松露油，令到湯底香味濃郁辛子黑蒜拉麵拉麵$88這個湯底加了很多京蔥和蔥花，再加上自家製黑蒜醬，微微辣再加上我們追加的粟米粒簡直絕配個湯底，一起吃不會有油膩的感覺，大家可以不妨這樣試一試！另外追加左紫菜、糖心蛋和蔥花，追加嘅配料特別是粟米和蔥花份量好足料好豐富，可以叫一個大家一齊share大將餃子 ＄30小吃就叫了煎餃子，一共有四隻，色香味俱全，不過不失！大家如果覺得得一碗麵不夠滿足，都可以叫個小吃來填滿肚子喔白桃味和蘋果味果酒另外伴隨兩杯飲品，我們揀選果酒－ 白桃味和蘋果味，清清甜甜少許酒精，值得一試！

自稱過江龍九州第一拉麵—金田家。之前一早都幫襯過金田家， 今日就帶我的好友食她鐘意的日式拉麵。一人叫咗一碗拉麵，我自己好鐘意滿有嚼口質感的拉麵，呢度完全符合哂我的願望。呢間餐廳既麵份量好多，感覺有成一餅半份量的麵，啱哂我地咁大食嘅女仔，因為好多時出面啲麵份量不多，冇飽的感覺，簡直抵食到爆！我是黑松露Fans,所以就叫咗黑松露拉麵$ 108湯底是豚骨湯，再加咗自家製黑松露醬和黑松露油，令到湯底香味濃郁，正！而朋友就叫咗辛子黑蒜拉麵拉麵$88湯底加左好多京蔥和蔥花，再加上自家製黑蒜醬，微微辣。再加上我們追加的粟米粒簡直絕配個湯底，一起食落唔會有油膩嘅感覺，大家可以不妨咁樣食！另外追加左紫菜、糖心蛋和蔥花，追加嘅配料特別係粟米和蔥花份量好足料好豐富，可以叫一個大家一齊分享。小吃就叫了煎餃子一齊試吓，一共有四隻，色香味俱全，不過不失！大家如果覺得得一碗麵唔夠飽都可以叫個小吃嚟食吓。另外伴隨兩杯飲品，我們揀選果酒（白桃味和蘋果味），清清甜甜少許酒精，可值一試！

今日同先生行街，唔街舊街改行新既yoho mall,行到肚仔餓打算搵野食，但大多數都係一啲大型連鎖店，無嘜驚喜，最後決定食下拉麵， 選擇咗呢間金田家作為我哋今晚嘅晚餐。講到食日式拉麵試過好多間 但係好似呢間裝修咁華麗既就真係少見， 可能係因為大商場嘅緣故啦。拉麵嘅價錢算係中規中矩 ，而menu亦都圖文並茂， 食物品種算係唔少! 而且拉麵麵質軟硬度湯濃度都可以自由選擇。我自己就選咗比較傳統嘅黑豚拉麵，送黎既拉麵非常香，而且黑豚叉燒又厚切又夠大，而值得一讚既係湯底非常真材實料，比好多我食過既拉麵好，食完沒有口渴既感覺， 而黑豚叉燒非常鬆軟，入口有溶化既感覺，肉味濃郁，整體都非常出色。貪心嘅老公就點咗黑松露拉麵,另加黑豚叉燒作為配料，感覺呢碗拉麵有少少似fusion菜式! 因為日式嘅拉麵好少用到黑松露， 但今次黑松露加拉麵嘅配搭令人另眼相看! 個味道係出奇咁夾， 濃厚嘅湯底加上味道強烈嘅黑松露互相輝映作用,味道出奇咁好味! 而且碗拉麵好足料，非常多黑松露!小食點咗呢款叫做男爵薯餅， 分別有牛肉同紫薯栗子兩種口味，而兩款都各具特色， 兩款都炸到啱啱好金黃色， 而且非常熱辣辣!甜品就係一款柚子芝

之前已經一早幫襯過 金田， 因為佢啲面嘅份量好大，啱晒似我同朋友咁大食嘅人，因為好多時出面啲麵都唔夠飽😁辛子黑蒜拉麵，很香的 黑蒜味道，湯底香濃，而且多喝 也不會 膩，加了＄7 追加的芽菜，分量超大，而且很飽滿，👍🏼朋友叫的豚骨拉麵，湯底很鮮甜，和新鮮的木耳 很配合我們還追加了糖心蛋，蛋黃很香濃，應該是用了新鮮的農場蛋，很重的蛋香味小吃 就叫了唐掦炸雞，這個真的很有驚喜，新鮮炸，所以很香脆 而且雞肉也很嫩滑，正宗的外脆內軟！🙌🏻 這隻雞真是死得值得😂 飲品方面 不喝洒的 可以叫一杯可爾必思，味道酸甜 像淡味的益力多❤️這店舖的小吃真是不錯，大家記住唐揚炸雞 必定要試吓啦👍🏼🐤

YoHo排長龍嘅店之一，終於可以一試。豚骨拉面(追加溏心蛋)香濃嘅豬骨湯底，呈現奶白色 ，可見用足真材實料淆製。拉面軟硬有五種俾大家選擇，投其所好。豚肉肥瘦勻稱，厚度適中，沾上湯底真係食指大動。溏心蛋熟度把握得好，入口即溶，又食到蛋黃味。辛子黑蒜拉面湯底為黑蒜，蒜味較重，同面嘅平衡幾好，鐘意蒜嘅值得一試。黑豚叉燒圈狀黑豚叉燒，薄薄一片，瘦肉較多。入口有較香濃豬味，沾上湯底食又係另一種滋味。男爵薯餅外層炸得好香脆，個餡係一種黃薯，一種紫薯。餅餡好香薯味，粉粉的，值得推介。值得一提嘅係，上面嘅速度都算快。

今日同媽咪去元朗yoho行街，經過imax戲院，見到來自日本的金田家，媽咪就突然話好想食拉麵，咁就入去啦!環境開揚，地方闊落。拉麵大約有十款，價錢由最平的兒童豚骨拉麵$50到最高級的黑松露拉麵$108， 另有十款追加食物。 拉麵的硬度可自行選擇，亦可以選擇䓤的份量。點餐紙桌上奉有薑絲和鹹菜，又有白芝麻粒和七味粉。先來飲品，可爾必思$20 ，蘋果汁$18。黑松露拉麵$108豚肉拉麵之上放有黑松露油和一匙自家制黑松露醬， 一如菜單圖片中有三大片黑豚叉燒，木耳和䓤。 湯底屬厚身，濃松露和豬骨味而不鹹不膩，拉麵側屬幼身。柚子辛口拉麵$98有三大片黑豚叉燒， 每片都有手掌咁大，對得起價格。拉麵內還有芽菜，紅洋蔥，紫菜同青蔥，上面加有一匙辣椒醬。湯底是微微酸辣厚豚骨湯。 追加了我最愛的溫泉蛋$14。另外追加了一碗黑木耳絲$7粟米$7還點了清新小食，北寄貝海鮮沙律$42份量比想像中的多，豚肉很大片， 拉麵份量比其他過江龍拉麵店多，單點一碗麵都夠飽。所以今餐真係飽到反肚。

Happy Friday唔一定要去Happy hour嘅，去靜靜地嘅元朗食碗拉麵係唔錯嘅選擇。我今日同朋友約左係去新開無耐嘅Yoho Mall 一期食金田家。對面有Paper Stone，執邊又有Neinei 炸雞，選擇都好多，不過朋友話要食拉麵，禁就簡左金田家。金田家同其他拉麵店一樣，會比張紙你簡野食，我簡左碗黑松露拉麵（$108），無蛋嫁，所以追加左隻流心蛋（$14），然後再追加左木耳（$7），追加木耳份量大得驚人，麵我簡左硬身，因為有黑松露嘅關係，碗麵好香，好特別，好少可會有黑松露湯底，值得一試，我再加左$18 要杯蘋果汁，朋友飲可樂就$14。朋友要左個辛子黑蒜拉麵（$88），朋友話蒜味濃，如果怕蒜嘅就唔好簡依款喇，佢地仲有好多其他選擇，例如黑豚拉麵，柚子辛口拉麵。朋友追加左黑豚叉燒（$33），有三塊，最後佢食唔哂，哈哈，所以大家唔好貪心啊，本身個麵已經有豚肉嫁喇。除左拉麵我地仲試左餃子（$30）4件，同埋男爵薯餅（$38）2件，薯餅有薯仔蓉餡同紫薯餡各一件，個人認為紫薯甜甜地比較好味。最後埋單加埋一$385，都差唔多，因為份量夠大，而且選擇又多，坐得都舒服。所以話Happy F

今次第二次去元朗，只不過今次去探下新入伙既朋友就黎左呢面，入到呢個商場發現好大，蕩失左幾次路，好肚餓既我地就望到呢度有間拉麵店，即刻唔理3721啦，跟住個商場指南由東行到西先黎到黎到佢門面已經覺得佢好食，因為好多人排隊架！！！全場滿座＋咁多人排隊，我已經等唔切試下金田家啦！！餐牌老實講有Ｄ後悔咁遲先黎，因為望到「松茸豆乳拉麵」已經賣哂，食拉麵成日食豚肉，真係咁岩上次係某一間拉麵店食到牛肉拉麵，見到「松茸豆乳拉麵」已經好有興趣，不過今次真係可惜！坐底之後點完野食野飲點左橙汁～拉麵我地就點左辛子黑蒜拉麵$88（同張MENU一樣樣架）湯底好濃郁好滑，而且黑蒜味好突出我個人好鍾意食黑蒜味既拉麵，好鍾意黑蒜少少既澀味呢隻黑蒜都無令我失望麵身我揀左偏硬，整體麵質黎講幾好咬口同埋彈身肉方面，麵原本搭配左腩肉叉燒腩肉既脂肪比例比黑豚叉燒多好多原本都麻麻地腩肉，點知食落又俾佢嚇左一跳腩肉入口幾冧身，而且因為Ｄ脂肪所以多左Ｄ「甜嫩」係度～柚子辛口拉麵$98好多產品既柚子味係偏向苦澀既，但呢個湯底都係帶有少少澀味，但唔會太搶味而且食落幾新鮮，加埋辣辣地，感覺唔油膩之餘仲多左份食唔停口既感覺呢個叉燒係黑豚叉燒

今日同仔仔去yoho mall 睇正義聯盟，就順便係附近食埋嘢，得知對面開左間金田家，呀仔又係拉麵控，就緊係要試下啦！金田家位置較入，但見到戲院就會見到佢，裝修同福岡個間都好似。係門口聞到好香黑松露味，原來有款黑松露豚肉拉麵$108，就叫返碗先，呀仔就食返佢係福岡話ichiban 既黑豚拉麵$98。等左幾分鐘，兩碗麵就到左，好有效率。食拉麵，緊係要呷啖湯先，豬骨湯好香濃厚身但唔肥膩，唔會好鹹。豚肉拉麵有五大片豚肉。麵可以揀軟硬，小朋友食軟身，好快成碗比佢ko 左。試完清湯，就食碗濃既，黑松露味好香，有好大匙羹黑松露醬，鍾意重口味既，就一定要試，好少地方有。 黑松露拉麵$108，有三大片豚肉，另外追加一個糖心蛋14蚊，大大碗木耳7蚊。鐘意食脆口野嘅衰仔話要食薯餅，咁就叫個男爵薯餅$38， 入面有碎牛肉，黃薯同紫薯。可爾必思( 乳酸箘汁，20蚊)，蘋果汁18蚊食完就同仔仔去睇戲。

難得去元朗睇場戲，一出戲院轉角就見到金田家，醫肚真就腳。店舖不算大，但座位空間感舒適，跟媽媽睇完戲，可以舒舒服服食個晚餐。梅乃宿果酒(柚子味)，果味濃郁，柚子味都頗酸，原先飲時還說不覺有酒味，怎知道飲多幾啖就要收回這句，酒味越飲越出，食個拉麵配果酒，這配搭蠻不錯。黑松露拉麵  $108店員一端上拉麵，未見麵，已聞到陣陣松露味，對於喜愛松露味的我，當然覺得未食先興奮。由於不想打散松露醬，所以沒有撈入湯底，我就像食沾麵般食法，每吃一注拉麵就沾少許松露醬伴著吃，松露醬聞的氣味比吃的味道濃，入口吃反而味道淡淡的。最值得讚的是黑豚叉燒非常嫩滑，連媽媽都大讚好吃，是入口即溶的叉燒呀。這店的拉麵款式都沒配蛋的，而這裡的溏心蛋蛋黃是超級溏心的，所以推介溏心蛋是必追加物之一。((追加$14一隻)追加腩肉叉燒   $20/ 4片看似肥膩，但薄切入口即溶，亦是追加物之一！黑豚拉麵 $98多塊嫩滑黑豚叉燒，簡直是大滿足。大將餃子 $30皮薄煎得香脆，餃子啖啖肉。每次食金田家都保持好水準，果然是九州第1拉麵。

最近天氣轉涼，忽然間想食拉麵，就試左樓下呢間金田家。店內裝潢比較簡單，燈光比較柔和舒服，店員很細心奉上檸檬水給我們享用，而且落單亦會主動問溏心蛋要不要另上，整體感覺不錯！首先吃了北寄貝海鮮沙律，北寄貝、生菜、粟米都很鮮甜，感覺他們的材料都比較新鮮。拉麵方面，我叫左一碗黑松露拉麵，送上黎果陣已經好香，黑松露份量好足，溏心蛋及豚肉吸收了湯底既味道，味道剛剛好，沒有搶到主角黑松露的味道，喜歡黑松露的朋友值得一試。黑松露拉麵配合暖笠笠的玄米茶，感覺既能消滯又能中和黑松露的濃醇味道！男朋友叫了一份黑豚拉麵，黑豚肉份量很多，以$98一碗的價錢真的很抵食，因為事前不知道份量，我們還追加了一份黑豚叉燒及替玉，男朋友一口氣吃完。他叫了柚子味果酒，柚子味很香甜，而且很容易入口！之後我們對男爵薯餅都很有興趣，於是叫了一碟來嘗試，一塊是濃郁牛肉，另一塊是紫薯，紫薯那邊還有栗子蓉，有驚喜！這一餐吃得很飽很滿足！

星期六都要返工, 放工一定要食返D好野!日本進駐拉麵係香港越開越多, 但真係突出好食既真係唔多。久仰金田家既大名, 一直都未有機會試, 直到元朗分別都開左, 終於都去試佢一試!本人對拉麵有一份執著, 對湯底更有執著。所以率先點左一碗我去所有拉麵店都一定會叫既黑蒜油叉燒拉麵。好食既黑蒜油係好香口之餘亦唔會好咸同油, 金田家呢碗正正符合呢個條件, 值得一讚。我叫既係硬麵, 個人喜好, 硬得適中。我追加左個糖蛋, 好好味呀, 個蛋心半流質但又唔會流出黎, 一淡放晒入口簡直係享受。同行朋友叫既黑松露叉燒拉麵。先先以為又係掛名黑松露既gimmick野,但黎到之後見到既黑松露醬好大PAT。食落仲同碗麵湯底好夾, 好香。呢碗麵配既係黑豚叉燒,比起普通既叉燒無咁肥,仲爽口D, 好合我心意!有見及此我地決定叫多份黑豚叉燒過足口癮,  同時叫多客北寄貝沙律。不過呢客沙律就比較普通, 無乜驚喜。我地叫埋男爵薯餅。呢客就有驚喜嘞, 薯餅炸得夠鬆脆, 薯仔夠甜夠香口, 中間仲有栗子粒餡。好好味喎!四個人食埋單$822大元其實唔算平,一共4碗拉麵, 4個配料追加, 2個小食, 4個野飲, 盛惠每人2百蚊。不過以佢

收工番到元朗食乜好，當然其中一個選擇係我最愛拉麵之一嘅金田家，由銅鑼灣開到入黎元朗真係好方便，唔洗下下要過海。位於於商場1樓，附近都冇乜拉麵店，可能因為咁，平日黎都幾多人，但至少冇星期六日咁誇張，通常都要排隊等一陣位。呢度裝修都保留左啲日式風格，有長枱有細枱，少得有吧頭位。今日黎到時得番吧枱有幾個位，二話不說，即刻坐低，我仲幾鐘意呢度嘅枱設計都有一個櫃格，可以放下手機、手袋等物品，好貼心。呢度主要有拉麵、小食，拉麵有差唔多十款，正常價錢，人均百零蚊左右，視乎有冇追加或者點小食。拉麵有濃豚骨湯、雞白湯、辛子黑蒜、激辛、黑豚、黑松露、松茸豆乳等，麵嘅硬度可以自己揀超硬/硬/普通/軟，比較自由。另外可以加錢追加溏心蛋、腩肉叉燒、紫菜、木耳、粟米、芽菜等。小食方面有泡菜、餃子、叉燒、炸雞塊、芝士年糕等，選擇都幾多，不會單一。仲有飲品同蛋糕。柚子辛口拉麵 平時我多數點辣味拉麵，不過見有個柚子幾特別，之前冇試過，今日打算試試。其實一樣都係豚骨湯底，入面有黑豚叉燒、芽菜、紅洋蔥、紫菜，我走左青蔥。本來以為柚子拉麵，會有點奇怪，平過柚子味道唔係好濃，所以都冇乜違和感，其實幾夾，食落係淡淡柚子味湯底都幾

行開yoho mall, 周圍遊蕩下，叫到餐牌，比較周圍餐廳，又想係冬天食d 暖胃d ge 野，就咁入左去試試九州拉面啦。 餐廳地方比較細，但都叫有空位枱同枱之間，可以細細聲傾下計又不至於比隔離位聽到。我自己叫左個黑豚肉拉面，朋友就叫左個濃湯豚肉拉面。 拉面可以選擇軟硬度同蔥花。個人鍾意d 濃湯那個，比起黑豚肉個個清香一點。濃湯個個豚肉就相對上無黑豚肉的豚肉咁好食啦，所以朋友之後都左碟。（上為濃湯豚肉拉面，下為黑豚肉拉面） 另外，餐牌好多小食，咁我地叫左大將餃子，肉同菜的比例幾好，唔會食落只係得肉ge 油膩，係份量少左dd。