金田家 (已結業)

元朗形點越來越多美食，今次呢間拉麵由日本開到黎元朗，我呢啲新界當然要幫襯一下啦！我叫咗個黑松露拉麵，好多時候食黑松露嘅食物都覺得只係味精，食到口渴，但呢度嘅黑松露拉麵爽滑之餘，湯底冇味精，叉燒肥瘦程度適中，面質偏硬，但對我來講就啱啱好，非常之彈牙！我哋仲叫咗個餃子，佢剪得啱啱好金黃色嘅外皮，非常之鬆脆，而且咬入去非常juicy!裝修方面，因為形點係一個新商場，佢哋嘅裝修都好新！雖然店舖唔大，但坐嘅位置都幾多，實用空間都幾好，唔會覺得迫！星期六日去食真係唔錯！

同朋友去元朗食拉麵。黑豚拉麵($98)＋溏心蛋($14) 呢個拉麵係我食嘅，我個人偏好軟身嘅麵，但係又怕會煮到太腍，不過見金田家咁有口碑就一試無妨，而葱嘅份量就選擇咗適中。先試叉燒先，叉燒大塊、薄切、肥度適中，唔會太油膩，而且有六塊咁多，份量十足。個麵就同我期望一樣，煮得啱啱好，軟得嚟唔係煮過耐個隻腍，而且掛湯力夠，啖啖都有好濃郁嘅湯味，個湯本身都好稠身，香氣十足。個溏心蛋夠晒流心，又入味，食拉麵就梗係要加埋隻蛋。

上個星期日朋友BB啱啱出世，我哋去咗元朗探佢，因為都好耐冇去過元朗所以感覺有啲陌生，原來元朗開咗好多大型嘅shopping Mall，跟住同女朋友去咗睇戲勁多人同爆估唔元朗咁旺，睇完戲係戲院附近食拉麵，拉麵都係要排隊攞飛，好彩都快我地點左兩個拉麵同幾款小食，我叫咗個黑松露拉麵湯底真係好香黑松露味叉燒又好足料 拉麵我鍾意食軟啲，所以我選擇軟身佢都好合我心意追加左溫泉蛋好入味，而且蛋黃都好流心女朋友點左個黑豚拉麵，真係好誇張啲豚肉圍住個碗邊鋪滿，望見都覺得飽大將餃子皮薄餡多，但係我覺得個唔夠脆都好食既男爵薯餅，一個係紫薯味一個係牛肉味兩款唔同架，我就鍾意牛肉味多啲因為因爲有濃厚牛肉味整體來講都幾好，難怪都多人排隊

之前在銅鑼灣也看過金田家，但是因為銅鑼灣有太多的拉麵譜，反而沒有緣份試過。今次竟然在元朗遇上，一定要試下佢😂同普通嘅日式拉麵一樣也是有一張只給我們點拉麵😝因為行完山的關係，特別肚餓所以就追加了一份叉燒！估唔到叉燒的份量也幾多，非常滿足！吃的時候，沒想過麵質十分彈口，而且啲湯的味道能夠深入面中，令人十分驚喜！至於叉燒的味道也不錯，但是有點薄，而且脂肪和瘦肉的比例不平衡，太多肥肉，所以吃下去的時候有點膩另外也要了一個炸餃子，味道和賣相也不過不失，但吃得出是足料的餃子！值得一題是那個拉麵可以加上一些薑在上面調味，會令拉麵的味道上呢個更高的層次！😁

Yoho Mall開業這麼久，還是第一次在這裡吃晚餐。天寒地凍，食一碗熱騰騰的拉麵醫肚最好不過金田家門外的餐牌寫著九州第一拉麵，共有8款拉麵可選。我們選了黑豚拉麵和豚骨拉麵。黑豚拉麵的湯底較為稠，應該是經長時間餚製而成，湯底配料包括紫菜、木耳和蔥粒。麵的硬度可以因應個人口味自選，我選普通的就好了。沒想到黑豚叉燒的份量竟然有這麼多，我們還追加一份黑豚叉燒和腩肉叉燒豚骨拉麵的豚肉味同樣濃郁，較黑豚拉麵清淡，較為適合我的口味。腩肉叉燒調味較淡，肉質柔軟取勝我們每人也追加一隻溏心蛋，還有少少流心效果，味道不錯。男爵薯餅分別有一件普通薯餅和紫薯薯餅，吉列外皮炸得超香脆，內裡的平滑薯泥薯味很香，紫薯餅又香又甜。沒想到拉麵店的薯餅這麼好吃呢

來到元朗睇戲，睇戲前想去食個拉麵就來到金田家。呢度位置都好開揚，坐得都舒服。我叫咗一個激辛拉麵，追加溏心蛋同自家辣醬；友人叫咗一個雞白湯豚骨拉麵，同樣追加溏心蛋同黑豚叉燒，另外再叫多咗個唐揚炸雞。激辛拉麵果然好辣，個種辣係辣椒粉嘅粉，並未至於不能入口，反而增加咗拉麵湯底嘅層次。而且中間有一球辣醬肉碎，本身肉碎已經好濃味，所以必須同湯頭撈勻，咁樣就剛剛好。友人嘅雞白湯豚骨拉麵就係完全第二回事，湯頭較清，鍾意食清淡口味嘅朋友呢款就好啱！有時豚湯湯底好油膩，食唔到拉面湯頭嘅味道，未必人人能夠接受，呢款就反而好易入口，飲多兩啖都唔會涸喉。唐揚炸雞就如坊間所食的一樣，好味而且夠脆，入面都好juicy。

朋友推介去元朗形點食拉麵---金田家. 我點了一個柚子辛口拉麵再加一粒溏心蛋,朋友點了黑豚拉麵,加牙菜,黑木耳環境舒適,坐位寬闊!天花板的波波燈感覺很柔和!!溏心蛋王油勁多,味道還是很不錯的!                 叉燒肉質嫩口,有口感,有別於其他的拉麵店,伴著少許的脂肪令整片叉燒帶有一點油脂的香氣朋友碗豚肉拉麵更誇張,有五塊豚肉,吃得十分滿足到主角出場啦,點了最硬身的麵底,拉麵麵質爽滑彈牙有咬口而且每一條也緊緊的沾有湯汁,湯底味道夠濃，讚!!最後點了一份北寄貝沙律,不得了!! 超級好味.鮮甜加上栗米的爽脆,絕配.難怪店員極之推介,無介紹錯.

放假今日去形點行街，晚飯時間友人提議食日本野，就試下呢間九州第一拉麵。黑豚拉麵($98）選了麵質中度，還加了1隻流心蛋，拉麵一到， 淺嘗一口豚肉湯底，發現豬骨味好濃，湯底較厚身，應該是自家親手秘制的，再試流心蛋，蛋黃的確流心，半熟狀態，蛋黃汁四射，掛滿口腔，唔怪得店員話必定追加，正!!!本人喜歡彈牙的麵質，所以選了中度，由於湯底比較厚身，拉麵掛上豬骨濃湯，十分滋味，真係高級享受，非常滿足。我地仲試了芝士年糕($38）呢個外皮香脆，咬開裏面係熱辣辣嘅芝士年糕，煙煙韌韌，一定要趁熱食先正!!!!最後叫左杯可爾必思($20）酸酸甜甜嘅味，有小小似益力多，解渴唔錯，一試無妨。總結除左拉麵主打外，芝士年糕都必試， 價錢屬於中價位， 食物質素中上，難怪稱為九州第一拉麵，有機會一定會再黎幫襯!!!

這天又來到YOHO MALL了，逛至一田的位置便是晚餐時間，那就在這邊挑一間餐廳好了。哈韓的我本想試NeNe Chicken的「炸雞年糕放題」，只是路過門外是冷冷清清的，加上老公不愛年糕，也就打消了吃炸雞念頭，改選旁邊的日式拉麵店一金田家。金田家就在形點一期的角落，店面相比場內其他食店為小，可容納的客人數量也不多，接近三分之一的客人在長桌共食，至於那些靠窗二人食桌，其實吃拉麵是沒有所謂浪漫氣氛的，所以坐那兒也是及沒差的吧！我的是柚子辛口拉麵($98)，拉麵的靈魂豚骨湯肉味濃厚而深沉，沒有任何味精、添加物，加進了柚子的果香和辣醬的辛香也無違和感，更不會搶去豚湯的味道。湯頭稠度是剛好可掛湯的程度，不多也不少。金田家用的是有幼身白麵條，個人對幼身麵條有一種偏好，選了硬麵麵條硬度十分理想，而且麵條也有充分地煮開，沒有黏作一團的，麵條一環算是相當不錯。叉燒看起來平平無奇，吃起來雖然沒有肥美的感覺，但叉燒嫩嫩的也有肉香，味道是合格了。老公對他的黑松露拉麵($108)十分滿意，豚湯加上黑松露醬是意外的搭配，肉香濃厚的豚湯與香氣霸道的黑松露，令這碗拉麵有美好的化學作用，而玉子蛋流心效果理想，滿有蛋香之

小妹是日一人出遊，黎到元朗睇完場戲餓餓地，就係形點睇下有咩好食，又突然好想食拉麵，咁岩就見到金田家，因為未試過就入去試下佢。舖面都幾令，正值下午茶時段，不過佢地拉麵都係正價發售我係睇中左濃味豚骨拉麵，然後就入左去，因為小妹今日一人行，所以唔需要等位，其他2-3人 就大約等5-10分鐘入到去就即刻畫剔剔紙，今日加左份溏心蛋連餐具都是自助喔賣相幾好，叉燒唔係平日圓形個款，口感較硬但勝在薄身夠入味，配料份量足夠，溏心蛋味更濃，比豚骨湯更咸但香，豚骨湯起初飲幾啖唔會口乾，但到一半就開始出現口乾情況，應該係因為湯內味粉稍嫌落多了點溏心蛋都好流心，味好濃反之麵條太幼唔得入味麵質小妹簡左硬，但其實係平日既普通，因為麵比平日既幼，麵係彈牙既，同時因為麵太幼所以唔太可以吸取到湯底既味道，要比平日夾更多先夠味，但麵偏少對男仔黎講應該要加個替玉先夠，小妹都只係岩岩好湯底能夠飲到呢個位已盡力，喉渴口乾，但整體不錯，值得再嘗

成日經過呢間拉麵店門口都堆滿人群，今日終於可以一嘗他的黑松露拉麵了，店舖在新的商場內，座位空間雖然不多但也算坐得舒服。同朋友分別叫了一個黑松露拉麵同柚子辛口拉麵，另外再追加了流心蛋及黑豚叉燒。黑松露拉麵面頭擺放了一些黑松露，還未食，已經傳來很香的黑松露味道，把黑松露混和在麵條中，加上農郁的湯底，食落的麵條蘊含着 一種濃烈的黑松露幽香味道，真的令碗拉麵生色不少。至於個柚子辛口拉麵，話明係辛口當然係辣嘅味道，不過呢種辣不是傳統的那種辣油，而是在麵上放了一些類似韓式辣醬的那種辣，不會讓人辣得要命的那種，配上彈牙的麵條，軟淋的黑豚叉燒及滑溜溜的流心蛋，拉麵真的值回票價。另外亦叫了一個餃子小食，日式餃子食得多，但呢度的日式餃子能夠做到皮薄餡多，熱辣辣上碟，真的很好食。飲品叫了一柸白桃果酒，果酒有好濃烈的桃味，飲落其實似飲果汁多過似飲酒，好易入口，好好飲，但相信酒精成份應該有不少的，是會醉人的！呢間店舖，食嘅主要係拉麵，所以食物款式選擇並唔多，但係對於鍾意食拉麵的朋友來說，應該也算是一個好的選擇吧！

來到元朗小社區，一心去imax睇戲，見仲有時間，就同老公去左個下午茶。呢間金田家就係戲院對面，位置很方便。原來佢連續兩年都被評定為最佳福岡拉麵店的第一名， 急不及待要試下對推介嘅拉麵。我就點左柚子辛口拉麵而先生就點左黑豚拉麵。柚子辛口拉麵材料有:黑豚叉燒,芽菜,紫洋蔥紫菜及青蔥， 為咗增加口感我追加了蔥花，粟米粒及溏心蛋 叉燒嘅肉味濃郁， 口感軟滑， 柚子配合辛口嘅醬料能夠充分地中和豬骨濃湯嘅油膩感， 令人食完每啖到都想繼續食而黑豚拉麵就有:黑豚叉燒,木耳,紫菜及青蔥。 另外再追加咗粟米， 拉麵嘅質感不硬不軟， 麵質彈牙而且吸收咗濃湯嘅味道， 令人有衝動將成碗拉麵連湯馬上消化。見到兩款拉麵賣相已經好開心。 要讚一下佢嘅湯底一啲味精都冇，味道勁濃，有膠質充滿骨膠原，黏口的， 感覺似飲濃湯飲品就點左梅子味的果汁酒， 入口好重果汁味， 酒味不算濃烈， 但入到喉嚨就會有暖暖的感覺。 好適合女仔飲我就點咗橙汁還有一點相當抵讚 服務人員會等我們享用完拉麵後 才會送上我們的甜品柚子芝士蛋糕給我們， 避免蛋糕 閒放影響質感。柚子味嘅芝士蛋糕口感絲滑， 上下層夾住柚子及柚皮，食落有回甘味，而且濃而不膩，

記得早幾個月之前都黎過金田家，記得當日用餐經驗都十分愉快今日又黎到YOHO，所以想再食一次，睇下係唔係依舊好食的今日大約6點到達餐廳，未到晚餐時間，所以都唔洗等位。上次係下午時間黎，記得天光時燈飾同陽光都好夾。今次天黑黎到，唔知係呢係就到聖誕節了。更加有Feel~~~~~~~~~~~~~~~~~~~~~~~~~~~~~~點餐時間！！！ 今次終於試到一直都十分熱愛既黑松露拉麵了！！Truffle Raman黑松露拉麵($108)豚骨湯+黑豚叉燒+自家製黑松露醬+黑松露油+木耳+紫菜+青蔥~~覺得金田家同其他拉麵店唔一樣既一點係，呢度無一款濃厚湯底。因為本身湯底已經好濃好厚，而且唔會好油膩！溏心蛋水準依然好好，本身有用醬油浸煮過，好入味。蛋黃好黏口好香甜蛋味，金田家既溏心蛋可算係我係香港排名第一名的，但可能我食過既拉麵店大約只有十多間，未有機會食到更出色的。單食左小小黑松露醬，好香，聞落好重味但食落唔算太濃郁。但加上黑松露油，與湯攪勻左之後有好香既松露味，食落好舒服。麵揀左硬身，就算食到最後都唔會變到淋左。叉燒好軟，一夾就夾得散，如果鍾意有口能既可能覺得太淋，但我好怕咬好耐都咬唔開既肉，所

集食市、時裝店....消閒於一身的元朗西鐵站附近大型商場，有間食日式拉麵店叫金田家，店裝修有日式簡潔的風格，見到聯想到佢的主題有好多拉麵或定食。叫了北寄貝海鮮沙津，將細碎的北寄貝肉混合在沙津蓉中，食落好清爽，又有蔬菜食。黑松露拉麵，當中有黑豚叉燒、黑松露醬同黑松露油令湯好味因混合了又淡又濃味、有豚骨湯、木耳、紫菜、額外加錢要溏心蛋及粟米，之後成個拉麵買相夠豐富。激辛拉麵幾好食，是香辣碎猪肉令人有辣辣地的口味，不肥的腩肉叉燒夠香口，攪攪豚骨湯有粟米同芽菜，夾起拉麵好快食到湯彈到面上了。柚子芝士旦榚，是滑身同有少少柚子味，吧餐食得好開心，是朋友聚餐的好地方。飲可爾必思的味道飲益力多，又凍又酸酸地好解渴。

一個人到YOHO散散心，順手睇場戲之前食個飯。吃拉麵就是最好之選，又唔使等位，又唔會太礙眼。反正毒拎一個也可以很開心......柚子辛口拉麵走蔥＋溏心蛋湯底濃稠，略咸，好彩有芽菜中和。豚骨味重，反而柚子味很淡。辛口就食唔太出，辣味也是弱弱的。麵為幼身麵，掛湯入味 。黑豚叉燒薄身不過挺大一塊。軟腍滑身，不錯。仲有每次食拉麵都必點溏心蛋，金田家的看起來很晶瑩，可是口感偏水，幸好溏心都算入味。整體不過不失，十分普通