金田家 (已結業)

我同男朋友係yoho行完街睇完戲就去左搵野食，今次就揀左係yoho既金田家。太肚餓既關係，我地一坐低就即刻點野食。 拉麵方面，我地揀左一碗黑松露拉麵同一碗柚子辛口拉麵。由於我地都係食肉獸既關係，我地都再追加左一人一隻溏心蛋同腩肉叉燒、黑豚叉燒各一份。一黎到，好香好香既黑松露味，一大羹既黑松露醬，我試左一啖個湯，味濃得黎唔會好鹹，怕鹹既我都可以飲曬個湯！另外果碗柚子辛口味我地都好鍾意，fresh得黎帶小小辣，好惹味。值得一提既係隻溏心蛋，好入味好正，建議一定要加返隻黎食。叉燒都唔錯，跟拉麵上既係黑豚叉燒，但我更prefer腩肉叉燒，切得好薄身好好味。小食同飲品方面，我地叫左唐揚雞塊同兩杯可爾必思。本身以為雞塊個量唔多，點知黎到好大件個量都唔少，我地倒左dd七味粉落去，食落去同d沙拉醬好夾，個雞都炸得勁脆，雖然已經有d飽但係都冇後悔嗌左。我地都鐘意飲乳酸類既飲品，所以都係揀左飲可爾必思，雖然唔太大杯，但係杯野唔太甜好好飲，似係日本既益力多，酸酸甜甜咁即刻冇咁膩。 值得一讚既係落單後好快就有得食，肚餓既我地唔洗等好耐就有野落肚，下次睇完戲行完街都會再去！