野郎Stone (已結業)

偶然在旺角一田超市購物時，聞到野郎Stone的煎牛扒香氣.... 光顧過後，每次經過見到有空位，都會食左先講，尤其係而家疫情關係，餐廳只提供6 個座位，有時真係幾難等位.....餐牌內熱門的翼板，牛板腱， 西班牙黑豚，西冷， 肉眼都有食過，今次就同朋友們分別點了牛柳， 紐西蘭羊架 ， 美國特上牛小排，點餐後，2 位大廚，會將肉類煎至3 成熟，再放上熱石上枱，可以根據自己喜好，煎至喜歡的生熟度，好玩又好食。🎯紐西蘭羊架 4 支 $148朋友同我都係羊架愛好者，一見到有羊架食就雙眼發光，4 支骨煎得色澤金黃上枱，賣相好吸引，上枱趁著熱石仲熱，馬上切塊慢煎，細細粒，大家都讚羊架脂肪同肉嘅比例剛剛好， 肉質柔軟而且唔騷，好好味。🎯牛柳 200g $148朋友中意食柔軟嫩滑既牛肉，店員推介佢食牛柳，肉質比一般西冷，肉眼都要更柔嫩，上枱有2塊，煎至5 成熟，中間仲係血紅色，朋友說牛柳口感夠軟淋，而且肉汁豐富，抵食過買牛扒返屋企自己煎。🎯美國特上牛小排 200g $158我點的牛小排最遲上枱，牛小排呈長條型，牛肉味道特別香濃，入口脂肪豐富，而且都好多肉汁，唔錯，加$30 變套餐，除送一罐可樂外，

今日比女友帶左入一田話食扒 本身心諗咩事😂點知又幾正環境方面算係幾乾淨唔好睇佢細細間鋪 都有唔少牛扒既選擇我地今次就叫左牛柳同埋芝士和牛漢堡扒😁😁😁我地仲要轉埋餐 女友話個沙律好好食 啲飯仲可以無限添加👍🏻 可以揀意粉同薯條添一路睇住師傅喺面前煎自己塊扒 有埋視覺享受🤣塊牛扒佢係煎到個表面好香 入邊紅紅地咁上然後等我哋自己切 再放係塊熱辣辣嘅石板上面燒返啱自己嘅version塊牛扒都幾唔錯 肉質都林林地 冇筋要吐出黎而芝士和牛漢堡扒就不過不失 因為牛扒係隔離自己燒 仲要唔係熟晒 個口感同牛味已經正好多🙈🙈🙈

早前同朋友喺旺角一田買餸，發現呢間驚世好店，高質石燒牛肉🐮❣️店舖有不同重量和不同種類的牛肉以供選擇，滿足大家不同需要😋❣️而今次我哋就揀咗牛柳🥩❣️📌牛柳100g $128 . 200g $148 . 300g $208我哋每人叫咗300克的份量🐮，啱晒我哋呢啲食肉獸😋！牛柳肉質相當軟嫩👍🏻，肉味香濃，熱石為牛柳鎖住肉汁，切開陣陣香氣散發😉❣️大家還可以配搭他們不同醬汁，例如燒肉汁，酸汁等等👍🏻❣️📌加配：沙律🥗、湯🥣、薯蓉🥔和汽水🥤，這些每款都只需要+$10！最喜歡他們的薯蓉，相當細滑，配搭牛扒一流❣️😋👍🏻

野朗Stone (14/8)星期六下午1:30左右食物：百零蚊可以食到原條燒牛舌係唔錯舌尖位比較爽口，一直落去會越食越冧滑。 (建議如果唔鐘意食太熟就慢慢少少咁切開嚟食，如果驚太生就早d先切開晒先，因為塊鐵板都凍得幾快）薯蓉一般，KFC咁上下。環境：只有bar枱位6~7個，唔好坐，大部分時間都要排隊。服務：快餐店感覺，無乜服務可言。價錢：埋單大約130左右。

近日太太迷上了石燒，到哪裡也會想起，來到旺角當然也不例外，因此我們便來到之前食過的這間石燒店，除了因為味道不錯外，主要是地點比較方便位置（9/10）：位於Moko新世紀廣場的一田超市內，所以等位也有冷氣，更大的優勢是商場連接旺角東站以及巴士總站，交通非常便捷環境（8/10）：餐廳在一田超市內，冷氣固然充足；由於座位不算多，反而很寧靜，整體環境算是不錯服務（8/10）：由於座位實在不多，依賴顧客食完後盡快回枱，不過店員也沒有給任何壓力。至於入座後，枱上有提供各種醬料及蒜粒等自取，亦有消毒潔手液食物（8/10）：提供各種石燒食物，包括豬牛羊，可加配套餐，任食沙律、麵豉湯及主食，同時亦有提供一些小食由於有食過的經驗，當然是保守地選之前食過的食材：美國上級牛小排(200g) ~ $158牛小排肉質結實，且油筋及油脂頗多，所以特別牛味香濃。要注意熱石只夠立即燒熟肉類，所以基本上不能食得太慢，不過要求店員更換熱石亦很快，而不會太熱有個最大的好處是不怕燒燶食物牛柳(200g) ~ $148牛柳亦即牛里脊，是牛身上最嫩滑的部份，肉質鮮嫩多汁，因此非常適合燒烤。如果大家怕韌或老，選牛柳應該是最保險的選擇

同朋友行moko一田行到好肚餓喺一田裏面咁岩有野郎stone 可以醫肚我哋就入去試吓可能我哋去得比較夜 餐牌上面有一啲肉類已經賣晒最後我哋叫咗一份美國上級牛小排同埋一份翼板填寫完點餐紙後 需要先俾錢再等店員送餐餐廳好貼心 有埋食用方法首先上咗美國上級牛小排牛肉油脂分布平均而且比較簿身 方便食用 但要盡早將牛肉夾起以免overcook翼板就比較厚身一開始擔心會比較銀但反而翼板比牛小排更加嫩滑而且牛味十足比較推介翼板！我哋亦都加咗一條日本豚肉芝士腸脆皮腸仔加上滿滿嘅芝士 唔錯👍🏻

與爸爸慶祝生日，鋸扒也是個不錯的選擇，這間位於旺角大型商場內的日式石燒餐廳，既開揚又坐得舒服，更可看著廚師弄製食材，一於試試吧！我們點了牛柳及牛板腱，再加$30轉套餐跟飯湯及飲品。石燒板較其他店舖相對夠熱力的，不需換板都可吃足全程。廚師先將扒件輕微煮一煮，鋪上白紙巾後便上枱。待20-30秒後便可移開紙張，好玩之處在於我們可切一塊再燒一塊，那麼肉片便能煎至自己喜愛的生熟度了。牛柳肉質相對柔軟，很容易便能煎至外脆內紅，啖啖肉沒有筋容易入口，薯蓉又煮得嫩滑，很滿意這質量。牛板腱感覺較大件，肉身偏厚賣相靚，個人偏愛較熟的口感，切一片後再燒四面，好好玩😂 再加了點白松露蒜蓉及自家製麵豉同煎，味道不錯有咬口，再送一口日本米及啤酒，嘩！正呀！

同男朋友過嚟行誠品限定店，行完兜吓一田意外發現有間開放式石燒店😍眼見有人食緊好吸引就決定晚餐喺度解決，現場座位唔多大概等左15分鐘，坐低填好紙仔就交俾員工！我哋分別叫牛柳& 美國上級牛小排，同樣200g，然後一直跟住店舖提供嘅食用方法，首先靜待20～30秒再將紙移開，一開始切開會有血水，呢個時候就利用石板嘅熱力慢慢煎到自己想要嘅熟度，過程挺過癮😁店舖亦有提供調味料，我覺得撒上黑椒、鹽、燒汁之後食起來更香口😋 我地兩個餐都加$30轉成套餐，包汽水一罐，而沙律+麵鼓湯+白飯更加係無限添加！！👍🏻值得一讚呢度選用日本秋田米，粒粒圓潤飽滿，撒上飯素後令本身平平無奇嘅白飯增添不少風味！牛柳肉質鬆軟，大大舊啖啖肉嘅感覺，配燒汁挺夾；牛小排就比較緊實，較有嚼勁，牛味香濃。兩者各有各好，但我較偏愛牛小排😬高溫下依然能保持肉汁，散發住油脂香氣 好食🥰

咁啱喺尖沙咀嘅商場睇完戲之後，喺附近行吓睇吓有咩食。我哋平時其中一個興趣就係最鍾意行超級市場，百貨公司咁。我行咗入嚟呢度之後，見到好多唔同嘅餐廳，我哋最後就揀咗呢一間日式石版燒牛扒嚟試吓。因為夠晒方便同時間有乾乾淨淨咁！老實講啲牛都幾新鮮，起碼冇好大浸雪藏味。同埋我最鍾意嘅就係可以自己控制熟度，因為你可以係咁煎兩下就食，又或者除咗你嘅個人喜好去決定生熟度。基本上食一個餐都已經好飽，因為又有飯，仲可以揀配湯或者沙律！

原來一田超市入面有間石燒店，行到攰攰哋 ，就坐低試下。睇下有咩食先揀咗150g 的西冷及牛小排。另外+30 可以轉套餐。有沙律，湯及意粉咁。製作中，一人餐廳需耐心等候。醬料多選擇，燒汁味濃，好味。仲有教食用方法。上枱時冚住，怕油彈到周圍都係。 燒石最緊要夠熱， 溫度夠， 肉汁先能鎖住喺肉入面。好味到要轉圈圈🥰牛小排超嫩滑， 牛油的香 味四溢。大概燒到7成左右，都唔會韌，靚牛肉。西冷一大片， 上枱時，肉香味四散出嚟油脂比例好，唔會太油或者太乾。

要了肉眼和原條牛舌。肉眼肉質不算好靚，但以這個價錢，是可以的。石燒火喉不容易控制，食到尾段牛肉就會容易太熟。不過，石燒原條牛舌就有驚喜，牛舌可以切到八件厚切，慢慢燒都仍然爽口，助酒尤其好。店內有汽水和生啤供應，顧客又可以在一田買其他飲品佐膳，不收加一。想簡簡單單又好想食肉，在這兒食石燒是個幾好選擇。

難得有空來一田購物，順度來到這間位於一田內的餐廳試試石板燒肉。圓形的吧台圍繞廚房，部份位置可看到廚師烹調。座位前有調味料，當中以蒜蓉醬最受人歡迎，還有自家製的辣麵䜴醬。美國上級牛小排(300g) ($236)，牛小排以三條肉呈上，份量適中，在熱滋滋的石板上反覆燒炙，適時翻轉牛小排燒炙，其血水便會慢慢消失。肉可按自己喜好燒成不同程度的熟度，熟透後加點蒜蓉吃，更能突出牛肉的濃郁。吃下一口，除了有焦香濃郁的牛肉味，還有濃香的蒜蓉味。牛肉部份有筋，切走便不影響牛小排煙韌的口感。日本煙燻豚肉腸($18)，建議先吃豚肉腸，豚肉腸不比牛小排耐熱，很快便熟透並從內裏爆開。爽脆的豚肉腸肉味濃郁，帶點微微煙燻的味道，十分香口，很適合配飯吃。這裏還可轉套餐，加$30可無限添加薯蓉、飯、湯及沙律，並有一罐可樂/無糖可樂/雪碧/忌廉。餐單上寫着飯用上日本秋田米，配燒肉類很適合。可惜我食量小，一碟牛小排和一條香腸已非常足夠了。仔細看看，餐廳還提供鐵板燒肉配飯，價錢也比較相宜。

唔知到大家鍾唔鍾意食牛🥩雖然我都多食菜為主，但間中都會想食紅肉補一補鐵質🥩🥩不過印像中的牛肉都好貴，估唔到今日試左一間抵食的選擇!✅💡-經朋友介紹，去左旺角位於一田內的野郎stone💡原來在一田內都有餐廳選擇，而且仲經濟實惠呢!‼️野郎stone以燒肉為主，同埋仲好抵食，有齊唔同牛的部份及價錢選擇，豐儉由人😙而且當選了牛的部份後，仲可以加配套餐，會有齊意粉/飯、麵豉湯、沙律及飲品選擇，好抵食!🤩而且意粉/飯同沙津，係可以無限任添呢!唔駛擔心唔夠飽呀!😝-我們分別點了美國上級牛小排同芝士和牛漢堡扒🍗🍖嘗試兩種唔同的食物，上桌時絕對係熱辣辣，等大約30秒便可以進食🫕而且用石燒上的感覺好特別呢!美國上級牛小排份量十足，好抵食!❣️而且肉的份量厚實，岩晒愛好牛的朋友!🍙-另外點了的芝士和牛漢堡扒，有滿滿的一塊芝士🧀所以真係好邪惡又惹味!同樣都係好抵食!😝連埋飯/意粉，真係好飽呀!💝-值得一讚係現場只有一位師傅工作，一手包辦，但服務態度好好及用心呢!💪🏻💪🏻-想不到野郎stone有這樣抵食的選擇，如果喜歡食肉的朋友，唔好錯過呢!🤤

早排去食旺角火車站的一田超市食晚餐，野郎Stone原來有加$30轉套餐，然後可以無限添加某些食物，譬如意粉/ 飯/ 薯蓉 , 湯和沙律~可樂/ 無糖可樂/ 雪碧/ 忌廉, 亦跟轉套餐，送一罐~西班牙產黑豚$118200g質地厚實而不硬~不老亦不乾~肉身保留肉汁，微微有血汁，如果怕生，可以再逗留鐵板上微微煎一會兒，待肉身再熟透~( 上枱時有餐紙巾蓋住鐵板上，油不會周圍四踐，幾細心的小部分，嘿)紐西蘭羊架$1484支骨羊架肉厚又不乾~羊腥羶不重~醃料不算多，簡單蒜片，鹽，黑椒，保留原本羊的羊肉味~日本芝士豚肉腸$22皮薄~肉香芝味濃～日本煙燻豚肉腸$18皮薄~豬味重～薯蓉：味淡淡的，只有薯蓉味～如喜歡味重的朋友們，可能另外再添調味汁～沙律： 清翠，新鮮～本身有添麻醬，如不夠，才額外再添吧～（我就夠了⋯⋯）意粉： 一小碗，可額外再添醬汁，按個人味道添加就可以，還可以食完再添意粉～人均消費$183～（無限添加，都食得好飽～）

第一次來早幾日約了s小姐，怎知她遲大到，我等了很久，又自己周圍逛街，周圍看看，打發時間。在旺角火車站附近的MOKO新世紀廣場其實都幾多舖頭，所以打發時間都好快過。等到她來，除了不停叫她下次別遲到，就是和她揀選去那兒食晚餐。最後，我們去了新世紀廣場的五樓，一田超市裡面的野郎stone食晚餐。埋單大概366元，平均每人183元。先講紐西蘭羊架$148，有四支骨，肉質豐富，好厚肉 ，又不多肥膏。職員將紐西蘭羊架送來時是半生熟的，但盛裝着紐西蘭羊架的鐵火石板實在太熱，所以將剩下來未熟的羊架部分，都慢慢煎熟了。啖啖肉，羊味重，但不算太重羊羶味。另外加30元，有跟湯，意粉，和沙律 ，以及汽水一罐。這30元的添加，是可以無限添加湯，意粉，和沙律 。西班牙產黑豚$118，大概200g左右，有兩件厚厚的西班牙黑豚。同樣在職員的烹調之下，是半生熟的。再經超熱的鐵板，令黑豚的豚肉，再熟至另一個地步。質感好厚身，豬味重，不過熟，所以肉質不會太硬。有微微蒜香味，可能因為職員有用蒜片與西班牙黑豚一同烹調 。另外，同樣有加30元，無限添加，湯，沙律和薯蓉。還有一罐汽水。日本芝士豚肉腸$22，日本煙燻豚肉腸$18，我