野郎Stone (已結業)

今日同友人行過MOKO，成日覺得呢個商場咩都有但就係冇乜特別野食吸引我，點知行到入去一次第一件事就係被呢間撲鼻而來既牛扒店吸引左，決定去食下。食過其他分店既野郎stone，但呢家喺超市入面既就真係第一次，咁香冇理由唔試下既。我食左一個最細份量既150g牛板腱，而朋友就嗌個200g既肉眼板。師傅刀法好純熟，我地全程望住師傅整圍住師傅坐，個感覺好似去咗日本居酒屋咁，氣氛都唔錯。佢d肉有幾重牛味就唔需要多講，唔同部位只係唔同口感既分別，如果大家經過嘅話都值得去試吓！見到有d人都係坐低食塊扒就走，一路食佢一路嗌好味🤣！絕對係價錢合理服務質素亦都好好嘅一間細舖

西班牙黑豚：肉質好嫰，又有彈性，非常好食，極之推介。肉的脂肪不多，不會吃得有負擔，但依然有非常香濃的豚脂味，石板燒出來就是不同，將肉汁鎖住。建議配飯吃，一口肉一口飯，再想起都立即流口水。選白飯是配有飯素的，令到白飯的味道不會單調，飯粒分明，是煙韌好吃的日本秋田米。紐西蘭羊架：羊肉的香味簡直是噴出來，身邊走過的人都紛紛停下看我們吃什麼。羊肉沒有很大的羶味，肉很軟又多汁，脂肪位置燒的香脆，是高級的味道。

喺旺角行街，都可以搞到非常攰，本身諗住行埋一田衝返屋企煮飯，見到依間野郎stone喺超市入面，感覺都幾chill. 食物選擇簡單，而且價錢唔貴，咁一於食埋野先返屋企😁😁之前都去過類似嘅餐廳。餐牌上，主要係唔同嘅肉類，有唔同重量嘅選擇。加$30就可以無限追加飯/意粉/薯蓉/沙律/湯，真係好抵！咁就可以選擇少啲份量嘅肉，150g/200g😁😁沙律係椰菜加芝麻醬，清清地，都OK啦。薯蓉冇乜特別，同埋我自己都係比較鍾意用飯黎餸燒肉😄😄所以食完薯蓉之後，再加左一碗飯，自己落少少燒汁，yummy😆翼板200g翼板有較多細筋路、口感Q、嫩度適中。原來200g都好大嚿！ 肉味都算幾突出，冇乜脂肪，要切得好薄，再點埋醬汁👍🏼👍🏼肉類上菜嘅時候，只係一成熟，可以自己切，燒到自己想要嘅成熟程度。除咗燒肉汁同其他醬汁之外，仲有蒜蓉！ 每份牛扒上菜嘅時候，仲有少量嘅蒜片！惹味！估唔到喺超級市場入面，都可以食個簡單又美味嘅晚餐，夠晒方便👍🏼👍🏼

每次經過一田超市都傳來陣陣肉香飄入鼻腔，所以今晚決定要做這間「野郎 stone」的座上客，滿足一下我的各種慼觀。店內各種肉類大多以重量來計算價格，客人可因應個人食量來選擇，此舉真是不錯。我們選擇好所要的食物，先用八達通付款，之後師傅便開始將我們所點的食物先放在大鐵板上煎到三成熟左右，再将肉食放回一塊厚一吋的火山熱石板上呈現給客人，讓客人自行烹調到自我喜愛的熟度。 美國上級牛小排(200g) - $158火山石板傳出吱吱喳喳的聲音，陣陣的白煙，再聞到牛小排的肉香，不禁地口水滿流。再揭開覆蓋在肉上的廚房紙，見牛小排肉身仍是大部份未熟，肉切開小件，用熱石板的熱力煎至我喜愛的七成熟，再灑上岩鹽來調味，令牛小排更誘人。咬一口，肉汁豐富，肉味濃郁，真係要俾個贊!👍啤酒 🍺- $38食燒烤當然不可不點啤酒，又爽口又解油膩。牛舌心(原條) - $148今晚見到有牛舌心，還要是原條上，挑起我對它的慾望。原條份量十足，店員都提議我們切開小件再煎耐小小。煎好後，我配上燒肉汁來食，十分惹味，有嚼頭但不韌，真係不錯的選擇。沙律，麵豉湯，汽水 ，白飯🥗🍲🥤🍚- $30我們還加$30將一份肉食轉為餐，有清爽的沙律、

今天行過一田超市，見到一間店面比較細，座位不多的燒肉店。經過都聞到肉既香味，搞到岩岩食完飯既我都忍唔住吃了一個下午茶。店內既所有扒都可以加配套餐，但因為我剛吃完午餐就不加套餐了。上枱時會用紙巾冚住，以免油周圍亂飛。建議按照指示所寫，20-30秒後才把紙巾移走。🌟美國上級牛小排；芝士漢堡扒油花分布均勻，油筋及油脂頗多，牛味香濃，質地柔軟多肉汁🌟美國精選肉眼，較多脂肪，肉質比美國上級牛小排更為柔嫩。牛味都不比牛小排差！我個人比較喜歡肉眼的肉質。

餐廳位於旺角東大型商場之內，地理上十分方便快捷，餐廳主打的就是石板燒肉，最喜愛餐廳即叫即製的誠意和充滿溫度的石板，把這個只有一成熟的肉食，烹調成為自己喜愛的，像我一樣喜歡三成熟，就可以因應自己的喜愛烹調出來。另外，我最欣賞的除了他多元化的選擇之外，就是他的選材認真，本來還有點擔心會不會買肉類冷藏得太久，帶有雪味而影響了肉質，但沒想到完全沒有這個問題，證明餐廳儲存位置恰當，絕對是細心之作。加上餐廳挑選來自日本的米，令整個米飯味道更為美味。

上星期和朋友到旺角，天氣太熱的關係都不敢到室外，只留在moko行逛一下，沒想到現在一個商場都足以消磨一整天，剛好到了一田超市買東西，看到這間已經很久沒有嘗試過的石板燒的餐廳，朋友同意過後便吃個下午茶餐廳主要提供牛肉，當然牛肉應該是最適合石版燒，可是剛好當天不太想吃牛，於是便聽從店員推薦點了豚肉西班牙黑豚肉 另外加配了套餐，店員細心先用餐只把石板蓋上，以防彈油，另外作為主角的黑豚肉亦非常驚喜，肥膏和肉已三七作比例，而且脂肪的香味非常濃郁，有別於普通豬肉，配搭白飯非常滿足

和太太到旺角添置嬰兒用品，過來之前已經想起了這間之前嘗試過位於一田超市內的石燒牛扒專門店，於是便再次過來回味一下以牛肉作主打的石燒套餐以重量和種類區分，另外他們亦可以加錢轉套餐，白飯意粉無限添加，非常適合配搭牛肉他們提供各類醬料配搭肉類享用，非常推薦白松露蒜蓉，白松露香配搭蒜蓉比較少見，結果親身嘗試過後非常值得推薦，令到牛肉充滿層次香氣點了沒有嘗試過的原條牛舌心，非常驚喜，先說份量足足一整條，而且內裏軟熟，即使燒至全熟亦能感受到軟滑的口感，另外旁邊的牛柳同樣以軟熟肉味香見稱，非常滿足的一道全牛宴

今晚去咗MOKO行街，行到攰就費事返屋企食飯啦～ 一於喺一田裏面解決埋晚餐！野朗Stone 絕對係食肉獸會鍾意嘅地方。首先選擇你想要嘅肉同埋份量，之後就坐定定等食。枱面有食用方法嘅介紹，唔需要擔心唔識得處理件肉。我哋要咗一份美國上級牛小排、一份紐西蘭羊架。上枱的時候熱辣辣香噴噴！食嘅時候就切一塊燒一塊，保持美味。牛小排都幾厚身，肉質比較淋，味道都唔錯。羊肉香味十足，生熟程度控制得剛剛好，肉質鮮嫩！呢度嘅飯、湯、沙律都係無限添加，絕對可以食到好飽，大胃王嚟呢度都冇問題！

前排睇左某位 YouTuber 介紹這間位於旺角新世紀廣場一田超市入面既野郎Stone, 於是帶同小姪女一齊去試下。 這裡坐位有限，好似得 6 - 7 張櫈，bar 枱形式，自己見到有位就坐，沒有 service; 我地下午2點幾3點去到，避開 lunch 時間，去到就有位坐；我地點左原條牛舌芯和牛板腱200g, 加$30 轉左一個套餐，有碗飯 (係珍珠米) ，麵鼓湯，沙律和一罐汽水，點完餐原來要出番去超市 cashier 度比錢再拎番張收據交比職員，如果用八達通或支付寶好似可以即場付款 (唔記得有無睇錯，帶番頭盔先😜)原條牛舌芯：性價比高，好大條，好似都有12 - 13cm長，爽口唔韌 (因本人燒到好熟先食); 疫情無得去日本食靚牛舌都可以考慮黎呢度食，頂頂引，好滿足😋牛板腱：肉質幼嫩，多肉汁，九成熟都唔太韌，無沾任何醬汁都已好好味😋; 碗飯面仲有碎紫菜和芝麻，好惹味。

小店在一田內，吧枱open kitchen一目了然，缺點是油煙頗大。餐牌簡單，款式不多但實而不華牛舌芯 (切上 ) 套餐 $148+$30此店牛舌在關注組上甚出名，到晚上經常售罄，今天中午來成功食到。份量不少，厚切上配點鹽味道已很出色，難怪不少人推薦。此價錢有此份量絕對是抵食。牛板腱 (200g) 套餐 $108+$30對比牛舌，牛板腱就普通質素。由於牛板腱沒有切上，發現小缺點是把刀唔夠利，都切得好攰下。套餐沙律、麵豉湯、飯意粉或薯蓉是可添加的，另外亦包一罐汽水，套餐份量不用添加已好夠飽。

放工去到旺角MOKO搵食，記得之前喺北角嘅一田食過野郎Stone，好好食，所以今晚試吓另一間分店。今晚叫咗美國上級牛小排300g，再加個白飯。經驗話我知，鐵板上嘅牛小排好唔好食，好睇自己嘅時間拿捏得好唔好。如果食得太慢，要拎起牛排先。一上菜滋滋聲，好彩有紙巾蓋住。感覺就好似喺廚房即煮即食，鍋氣十足。牛小排厚度適中，肥瘦均勻，肉汁豐富。上放咗嘅蒜片同牛小排味配搭一流。白飯亦都係記憶中嘅好食，上面再加七味粉，令人特別開胃。因為自己調校牛扒嘅熟度，所以一路煮一路食，冇時間玩手機，冇時間諗其他嘢，係正宗嘅活在當下。

星期日陪老媽子行一田超市 順便試下呢間日式石板燒 ，入面有豬牛羊，羊架，肉眼，西冷，牛柳，牛小排，豬翼板等等。我地一人order咗一份套餐，點了份肉眼和翼板。落完單店員就馬上係 open kitchen燒，全程望住店員專心一致完成成個石板燒，等待食物的過程都幾有趣。枱上面有詳細介紹牛扒要點樣先為之幾成熟啱哂我呢d識食唔識煮既人 而且可以控制到想要幾熟 老媽子鍾意食medium well都冇問題套餐跟一碗白飯/意粉/薯泥 一碗沙律同麵鼓湯 仲有一罐汽水牛扒羊架連鐵板上 肉質又香又嫩 羊架邊舊肥膏入口留有餘香 牛柳肉嫩多汁 不過要小心唔好擺係鐵板太耐或者一次過切哂 如果唔係就一定會過熟期間無有跟隨說明的指示，一次過將所有肉眼砌成一粒粒，然後最後食既份量，變左overcook. 所以下次會跟指引，切一塊，燒一切。但過程真的有趣。食完補充完能量就轉戰一田掃貨 餐廳地點真係很方便。Shopping大戰完，又可以來這邊來個鋸扒。

前幾日同男朋友喺Moko行街突然好想食牛扒，記得一田有間石燒扒專門店，就過黎試下😋雖然鋪仔細細，選擇都唔小，有牛、豬、羊等，可以自選份量。我揀左牛小排200g，加30蚊變套餐，湯、沙律，同（意粉、飯、薯蓉）任選一款任食😍沙律係椰菜絲配芝麻醬，爽脆👍🏻好岩而家咁熱食！薯蓉軟綿幼滑，細細個唔洗一次食太多。牛排由店員煎至一成熟再放上石板，滋滋聲好治療😌超中意牛小排，因為肉味好濃郁，肉質軟腍。就算我食得太慢，後黎煎到熟哂都唔會變韌。另一個揀左三支骨羊架，羊肉唔會太羶，石板燒溶左外層既肥膏，入口油脂感爆發好好味！估唔到鋪位細細，食物拍得住出面好多西餐廳啊！絕對會encore😎

喺一田超市購物，聞到傳來香噴噴的味道，搵到呢間野郎stone~好吸引🤤坐位唔多，要等一陣先有位。坐低後點了一份羊架4支骨，同200g牛小排，+30元有沙律、湯同飯任食，但我只想吃飯，所以我要一碗飯就夠要幾熟自己控制等左一陣上枱，來到滋滋炸炸左好耐，好香！唔敢揭開張紙😅會被油彈親一段時間後，實在忍唔住了！羊架好大件一路切仲一路滋滋炸，食到尾全份還是很熱~正羊架肉質好鮮嫩，不會太羶，油香肉香，燒了一陣都不會太靭，再加些黑椒，回味無窮🤤🤤牛小扒牛味香濃，肉質嫩滑，但不可燒太耐，容易變靭，配上蒜片一起吃已非常好味😋白飯煙靭飽肚，又可減去肉食既膩👍🏽還有蒜蓉、特色醬供選擇，非常周到