醬缸韓國料理 (已搬遷) 新店位置

叫了魚蛋湯，即辣湯內有魚春，白蘿蔔，幾隻蜆仔，還有一些味似青口但像我們用蠔豉煲湯的物体，咬不開的。魚春不多，跟一碗飯，$159, 好貴，不過想試下，overall 味道ok. 另叫了一個有什菜、牛肉碎、煎蛋的飯，忘記名字好似叫「泡飯」，吃時才加枱上辣醬吃（我冇加，因湯已辣，我反而愛它清清地，可能預了人們加醬吃）送的四碟前菜為麻油大荳芽，麻油脆肉瓜，食開那隻紅色泡菜和麻油薯仔絲，味道非常普通。

食物同隔離街x城大同小異, 但係就平差不多一半, 見環境ok咁就瀨野一去到差不多full哂搭枱無問題, 坐左一陣剛剛叫完野食就有人走, 想轉枱, 問唯一一個識聽&識講廣東話既侍應轉枱, 一口拒絕話"唔得"兼夾講野無尾音, 當堂哂咀, 而且佢仲要係大聲, 攪到其他客人望哂過黎以為發生咩事tim呢方面已經有d減分前菜好港式, 無咩特別隔左5分鐘左右, 一個中年韓國嬸嬸送上食物, 但係就唔理您張枱有幾多空間, 隨便放低就走人, 我叫既係海鮮豆腐鍋, 又熱又滾, 點可以隨便放係枱邊就算ga, 淥親邊個都唔好啦全部侍應都好生手好似未做過飲食行業咁, 基本禮貌都無, 另外一個韓國女士耐唔耐就出黎睇電視, 仲旁若無人咁笑到好大聲, 加上電視開得又大聲, 都幾吵耳, 如果想安靜食一餐, 呢度一定唔係首選, 個人認為比較適合一個人去而全程黑面既侍應竟然在收錢時展露出笑容, 因為有貼士, 唉...咁快就學到香港人既勢利

朋友同我食生日飯, 因我中意食韓國野, 所以揀咗呢間新野試下, 一試即上癮我地order咗燒牛排骨, 燒五花腩, 生菜, 辣炒年糕拉面, 煎餅, 純豆腐湯 (包一個白飯) , 仲有最最最重要係有米酒飲 睇韓劇成日見到人飲, 但去到呢間新野, 睇完個menu,竟然係冇米酒, 唔甘心之際order時多口問吓, 佢地話冇因冇酒牌, 所以只有啤酒, 不過.......老細私人醒我地佢嘅"珍藏" (因見我係咁追問), 應該係佢地自己釀嚟飲 , 見我地咁想飲就俾咗半jar我地飲, 超開心呀.....終於可以試到啦, 酒精味唔重, 好易入口, 我地跟韓國人一樣, 都係用碗飲, 我飲咗4大碗呀 ^___^食完呢次, 我隔咗一個星期又再同屋企人食咗多一次, 真係好好味, 好地道....有一半客都係韓國人, 又有電視播韓國節目, 睇開K-POP / 韓劇嘅朋友應該好有親切感雖然冇中文字幕, 但個feel都唔錯, 我打算next week又再同朋友去多次

承上次的韓國餐廳食評，那顆想喝熱乎乎的辣豆腐湯的心還沒有冷卻，始終是想喝一鍋又熱又辣的湯，是晚趁著天氣漸涼，來到佐敦一定新開的韓國菜館。間格跟尖沙 咀韓國街裡的韓菜館沒太大分別，一樣都是紅木色牆身，牆上掛著一個很大的電視，裡面播放的是韓國綜藝節目，可是沒有字幕，都不知道他們在說什麼，但氣氛就 真的很像去了韓國般。由於午餐吃得夠飽，所以不算特別肚餓，最後我和鬆弛就各式選了一樣食物再分享。前菜只有四碟，款式有點少，可是全部都是我喜歡吃的，而且份量比正常多一點點。翠肉瓜，爽脆又有蒜香，好吃；菠菜，反而醃得不夠入味，蒜味稍欠，也沒有麻油香；泡菜，水準正常；大豆芽，從來都沒有吃過韓式前菜的大豆芽會不好吃的。辣豆腐海鮮湯。滾起泡泡的豆腐鍋實在吸引，湯頭鮮甜微辣，味道完全就是我想喝到的。裡面的豆腐超多，又嫰又滑。通常裡面都會加入一隻生雞蛋，而我總會因為忙 著喝湯而忘了它在鍋底，然後發現它的時候總是全熟的，而這次及早發現，所以蛋漿和湯混合在一起，好喝! 至於配料其實只有蝦、蜆和金菇菜而已，但蝦已經剝了殼，吃的時候很方便，所以我也頗欣賞。泡菜炒飯。其實我比較少點炒飯類，通常都叫石鍋飯，要不 然就要炒粉絲

公司附近開左一間新既韓國菜我呢個韓迷緊係要去試下可能新開張冇耐 冇咩人知有呢間野餐廳內有不少空位坐低左之後 望一望menu 就諗都唔諗叫左我最愛既" 海鮮辣豆腐鍋"唔好見個湯好紅 以為好辣 假架XD豆腐好滑 入口溶同我晌韓國食既一樣都係一patpat 而唔係一粒粒個鍋好足料 有2隻蝦 八爪魚 仲有蜆蜆因為見佢未開晒 所以放左佢晌底慢慢再煮下 差唔多食剩3分1既時候佢就開晒喇因為好好食 個鍋同飯都食到一乾二淨!呢個價錢食到正宗韓國味道真係抵!!

和朋友被門口吸引~ 看起來頗特別~ 所以和朋友決定試一試和朋友一人叫了拌飯和炒年糕拉面因為朋友不太吃辣, 所以叫了他們不要太辣~ 份量看起來好像不多. 但是兩個人吃絕對足夠~ 還有幾個小拌菜~這兩個菜的味道跟我之前去韓國吃的味道十分之差不多!!! 很好吃而且價錢不貴~下次再有時間一定會再到這間店吃其他的菜~~~