醉胡爐 (已搬遷) 新店位置

今日經過尖沙咀見到呢間醉胡爐，裝修幾吸引，便以就入咗去打邊爐，睇下點醉法。鮮椰青雞鍋 ($268)嚟到梗係要試啲平時岀面食唔到嘅湯底喇，嗰鍋一到就見到裡面放咗雞肉、椰子、杞子同紅蘿蔔。首先會係你面前炒香 ，之後淋上清酒，用火槍燒一燒做成火焰效果，真係好香，打卡一流。但仲未夠，之後仲用真嘅椰青，將椰青水倒入湯度令湯底更清甜，哇真係好足料啵。本地農場鮮雞件 ($138)雖然本身個鮮椰青雞鍋包咗雞，但因為真係太好味，所以仲嗌多咗碟。雞肉特别鮮甜嫩滑，必嗌呀！蔬菜拼盤 ($58)稻庭烏冬 ($28)竹庶茅根水 ($68)打邊爐咁口渴，飲返杯竹庶茅根水就最好不過，好過飲啤酒，因為夠清甜解渴，大概仲分到四杯添。

星期日的晩上去了尖沙嘴打邊爐，因為我入座時已是晩上九時，所以人流不算太多，吃得更舒服。醬料我們點了鮮椰青雞鍋 ($268)，一來到便看到裡面放了雞肉、椰子、杞子和紅蘿蔔，先用牛油炒香 ，之後店員會淋上清酒，再用火槍一燒做成火焰效果，味道超香的。還未夠，之後並倒進椰青水，令湯底更清甜，果然夠足料。在放火鍋材料前，謹記喝淡才下材料。其實醉胡爐蝦餃皇 ($88) 就是巨型雲吞，雖然只要四粒，但勝在爽口彈牙，皮薄餡靚，果然是餐廳推介。安格斯手切肥牛 ($188) 太好味了，肉質不但鮮甜嫩滑，牛脂味還很濃郁，肥瘦均勻，更帶點入口即溶感。寶寶還點了個小食，這個糖心皮蛋酸薑 ($58) 有彈性，喜歡吃酸薑的就有福了，因為份量夠多呢。野生竹笙 ($98) 新鮮彈牙，全吸收了湯底的精華，留在最後才吃就最好不過。

今日朋友同我慶祝生日，6個人黎左醉胡爐打邊爐，價錢唔算便宜。不過值得推介既係龍蝦湯底，個侍應會係你面前煮熟隻龍下蝦，再配埋龍蝦湯，食到咁上下，試完個湯底，佢會幫我地加返番茄湯，唔知係咪食完個龍蝦湯，番茄湯底相對地無咩味我地叫左好多餸食，所有食材都好新鮮，不過手打丸就有d貴，半份得4粒，最後埋單2200左右

2018年9月12日。晴。佐敦。冬天打邊爐，夏天都可以嘆住冷氣打邊爐呢日約咗朋友烚下烚下湯底選擇多，仲要唔係平時見開嗰啲沙爹、清湯款款睇個名都好吸引最後叫咗鮮椰青雞鍋揀完湯底，選擇困難症大爆發成兩頁火鍋配料可以揀唔啱心水嘅話仲有串燒同刺身明明極肚餓，但都研究咗一番先落到單等湯底期間，先撈咗個醬先一應俱全湯底送到啦～見到貨真價實，入面真係有椰子，當然仲有雞啦～開咗蓋就係高潮所在侍應會過來幫手炒香啲配料，然後再一把火。。。將佢變成火焰雞煲，當佢係表演咁又幾好睇喎～再倒原個椰青水落個煲度，最後再加埋香濃雞湯湯底就係咁嘅樣啦～個湯超級香濃，椰香十足，味道香甜，未開始打邊爐已經飲咗兩碗配料都陸續送到自家製炸響鈴，$68有6件，每件都勁大卷香脆鬆化，大件嘅程度係可以有飽肚感，抵食！大份手切頂級安格斯肥牛，$298本來覺得略貴，點知原來咁～大份！賣相一流，份量夠多，肉質唔錯秘製蝴蝶腩，$108個名又靚又神秘，身為好奇寶寶嘅我哋就放膽點咗一份點嘅時候以為係牛腩，原來係豬嘅橫隔膜食落無論質感同味道都好似鹹瘦肉，鍾意鹹瘦肉嘅可以一試黑松露墨魚丸（半份），$52黑松露嘅香味非常濃郁，墨魚丸又彈牙食完半份有想

尋日同朋友去咗呢間位於尖沙咀嘅火鍋店食晚飯~呢間火鍋店嘅地點有啲偏僻所以可能冇咁起眼， 但係聽朋友講話食物質素幾好所以就帶朋友去試下啦~火鍋店環境都唔錯，座位尚算舒服。 而且火鍋配料多元化， 除咗可以食火鍋之外，仲可以叫刺身同埋其他串燒食物，真係可以一次過滿足曬三個願望呀!!不過今次同朋友淨係食咗火鍋。 湯底係椰子雞鍋， 本身湯底已經有雞件、紅蘿蔔同椰子。 湯底好鮮甜充滿椰子香味， 用嚟打邊爐一啲都唔覺得膩~ 火鍋配料方面我哋叫咗安格斯牛肉、 黑松露墨魚丸、蔬菜拼盤、蝴蝶腩、卜卜蜆、鱔片同響鈴。 安格斯牛肉油花分佈均，肉質軟腍，牛味又夠重，非常美味 而且大份嘅份量都唔少~ 黑松露墨魚丸充滿黑松露香味，而且墨魚彈牙，鮮甜又惹味！ 蔬菜拼盤有娃娃菜、菜心、生菜等唔同種類嘅蔬菜~ 蔬菜非常新鮮，吸曬惹味嘅湯汁，好味！ 卜卜蜆粒粒飽滿； 鱔片食落好鮮甜， 軟滑得嚟又帶點爽口～ 蝴蝶腩食落鹹鹹香香， 肉質都幾腍； 響鈴炸得夠脆口， 吸收曬鮮甜嘅湯底就更加美味啦～飲品方面我哋叫咗竹蔗茅根水，非常解渴，感覺似係自家製嘅，飲落感覺非常健康。整體嚟講，我覺得呢間火鍋店嘅食物質素都頗高，所以真係值得一試呀

約咗幾個朋友今晚食飯，當大家諗緊去邊到食的時候，我第一時間舉手介紹去到尖沙咀（醉胡爐）食火鍋，因為喺上個月已經食過一次，餐廳設計好有格調，華麗優美，坐得好舒服，另外餐廳供應串燒、刺身同火鍋等食物，可以係一間餐廳，食齊咁多種有質素的食物，就不用周圍試啦，二話不說地就呢間。鮮椰青雞鍋$268，店員在客人面前將雞件及椰子條等配料，用油炒香後，加些清洒炒後，又再加成個椰青水，最後加蓋煮一些時間，一鍋極濃郁的椰子雞鍋，咁就可以吸引了我們的眼睛及味蕾了。火鍋醬料必備。秘製蝴蝶腩$108份量十足， 蝴蝶腩係牛腩之中最軟腍的位置，非常有牛肉味。手打墨魚滑$88黑松露墨魚丸$52，可以叫半份（有四粒）用手打出的墨魚丸，又爽口彈牙，仲好有黑松露的味道，果然真材實料打邊爐，公仔麵必食，加埋啲湯底，好味到不得了。

今晚妹妹提議到呢間打邊爐。近山林道天文台之間。入到去深沉沉，我們坐邊位，枱與枱之間有屏風相隔。用點菜紙點菜，都幾多選擇，不過家人唔太好海鮮及肉類，只叫了小量品嚐一下。有八款調味料，剛好不會讓選擇困難症的朋友發病。四人叫了新鮮椰青雞鍋，侍應一手包辦為我們準備湯底，無花無假。將雞件、椰肉放入大鍋煎，加入麻油，再將鮮椰子汁倒入。試完味只有嘩嘩聲，想飲晒個湯！火煱料，我們點了以下幾款：白鱔串燒、汁燒貴妃蚌、雞腎串燒燒羊架：餐前食品，估唔倒又幾好味。手打墨魚滑：爽口又多魚子！芝心蝦丸：很有蝦味又爽口彈牙！蟹粉包丸椒鹽豆腐:呢個唔係火鍋食品，但係當餐前食品，幾好味。野生竹笙：當一刻我將竹笙從鍋裡夾起，嘩！點解可以咁長？！好大件，野生真係咁唔同！口感真係很爽。自家製炸響鈴：比一般的響鈴大兩三倍！滿足視覺同口感既要求！稻庭烏冬： 爽又彈牙！座左咁耐都唔覺熱，抽風做得幾好，裝飾也不俗。總的來說，每人二百五十呢個質素，回頭品嚐指數超高！

早排同女朋友同埋家人一齊去到尖沙咀食晚飯，附近有不同類型嘅餐廳，最咪就揀咗呢間醉蘆。一入到黎呢間餐廳，就覺得呢間餐廳環境非常之好，燈光柔和，服務員的都是非常之有禮貌，我哋叫咗個雞煲，刺身，同埋不同嘅海鮮，食物質素亦都相當新鮮，另外侍應喺每碟上菜嘅時候都會有提醒煮既時間，服務態度唔錯。個雞煲上菜嘅時候，侍應亦會即場落酒去煮，會發出熊熊烈火，最尾煮嘅時間亦都把握得非常之好，非常入味。最咪我哋幾個都食到盡興而歸，價錢亦都算合理，下次有機會會再嚟。

雖然餐廳離地鐵站出口有少少遠同埋都好易行錯路但係大家一路行見到fushion定marketplace就差唔多到啦！打邊爐最重要既第一樣！就係較好自己碗醬汁～要芝麻醬沙茶醬辣椒炸蒜咩都有一碗碗擺好比你一枱人慢慢整唔似其他邊爐餐廳成間鋪搞同一兜醬～衛生得多！呢個係椰子雞湯濃郁到唔識講 一飲落去好似飲緊十隻雞煲成既濃湯咁成班女人即刻飲多兩碗！好補㗎！仲要落酒點火燒燒佢 嘩見到都驚嘆不已炒完落番雞湯就係咁㗎啦 之後就打得邊爐了呢度有好多種丸可以叫唔係一般街市買到㗎！牛肉都幾有牛味～肥美juicy！呢一個煲叫左蕃茄湯底一樣係由好多既蕃茄煮成 感覺上淨係湯底都回哂本！最喜歡食呢個墨汁丸同唔知咩丸好鬼爽口彈牙 忍唔住encore左1碟！呢碟牛肉就油脂較多鍾意食肥牛既可以一試！因為淥得啱啱好既口感真係入口即融㗎！總括黎講 打邊爐想食骨子少少既可以黎醉胡爐！由湯底開始就見到佢地既誠意！

呢排黎得多左尖咀先發覺尖咀真係好多好野食呀，今日又同朋友黎食好野喇 朋友話上次食過呢間打邊爐好正，所以今次帶埋我嚟食喺門口見到個易拉架，推介火焰龍蝦海鮮鍋，$1咋，係$1呀，冇睇錯呀！！ $1有個湯底超吸引喔！！ 店舖裏面有個酒櫃擺左好多唔同嘅酒，就咁睇都有超多酒喔，鍾意飲酒嘅朋友就啱曬喇！！ 點菜紙有好多嘢食，講得出嘅打邊爐配料呢度多數都有齊曬！豬牛羊，海鮮，蔬菜丸類，餃類，全部都有齊！眼見淨係手打丸都有好多款..... 除咗打邊爐之外，呢度仲有刺身，小食同埋燒物，超級豐富！！侍應同我哋推介原條立魚刺身，喺魚缸即時拎起架！可以刺身，又可以打邊爐，魚骨仲可以酥炸添！！一魚3食可惜朋友唔食魚，如果唔係我一定會試。火熖龍蝦海鮮鍋出場喇！鍋入面有大大隻切件龍蝦，仲有好多蜆。店員幫忙炒鍋入面既材料，好香喔！！再加點酒，火燄就湧上黎喇，好澎湃呢！！炒完之後就加龍蝦湯.....飲左點湯食左入面既海鮮先再加蕃茄湯打邊爐龍蝦湯好鮮味，有好濃郁既龍蝦味！！手切頂級安格斯肥牛 雖然叫左小碟，但份量一d都唔少，夠3-4人食呢肥牛好新鮮，肉質甘香鮮嫩自家製炸響鈴一上枱嚇一嚇，好大條既響鈴呀！！比起平時食開既巨

一行5條女去打邊爐但因為有辣有唔辣 都有人唔食海鮮叫左一個麻辣青紅豬手鍋一個花膠雞煲翅講下呢個豬手鍋先紅色嗰邊勁較油 麻辣味一開始就好刺激青色則比較清 但佢個辣後勁凌厲 不過好易入口 不知不覺令人食多左鍋中豬手煮得軟嫩滑又入晒味 我都忍唔住食左兩舊手打芝心牛肉丸食嗰一刻要好小心 啲芝士好熱一咬開嗰一刻流晒落條脷度個肉都算爽口 又唔會煮到硬晒豬肉拼盤砌得好靚 層肥層瘦食落清爽 配個青色麻辣好夾另一個超級主角 花膠雞煲翅真係有半隻雞嫁 花膠兩大舊每人都分到兩舊仔嫁 唔算好薄 但要煮耐少少應該係未發得夠雞味夠濃 呢個淨飲湯都覺好補主要用黎煮菜 個湯會更甜翅都有咬口 人人有份雪花牛肉👍🏾👍🏾👍🏾👍🏾如毛飲血嘅女人 拖下水就算嫁啦好夠牛味 停唔到口呀就算有時放左落去唔記得左佢都無煮到鞋 好好味其實我地仲叫左響鈴 鵝腸 同豬紅豬紅爽口 一開始叫黎放落麻辣湯 煮一陣就好入味 鵝腸夠肥 洗得夠乾淨 烚兩烚食最好味響鈴俾10個讚 佢話自家製 炸出黎超大條浸佢個5秒 真吸晒啲湯係好好味員工服務都非常好 環境乾淨 坐得好舒服可以再去多幾次👍🏾👍🏾👍🏾👍🏾

天氣開始涼，係時候食多d火爐。今次揀左呢間, 因為佢門面好靚!入到去，同平時既邊爐店好吾同, 格調高, 燈光間, 好有氣氛! 店員介紹左個鮮椰青雞鍋，當然要試下。真係無介紹錯, 雞肉新鮮，肉多骨少，同出面既好唔同，佢地先炒香榔子, 加酒, 再倒一個完整椰子內既水，加添一樽椰醬湯底, 絕對要試！湯底椰子味夠，越飲越有味道，會忍唔住飲多幾碗。食好雞後，食手切頂級安格斯肥牛，見到價錢，以為佢只會比d普通肥牛，點知來到見到，真係安格斯來的，而且食得出好新鮮，肥瘦適中之後到黃金墨魚丸同手打芝心牛丸，抱住試下新野來食，味道都好好，但小心入口好熱，黃金墨魚丸, 當然有咸蛋王, 墨魚&牛丸亦都好彈牙, 平時吾多食丸，今次全部都食哂。

星期六同男朋友同埋屋企人去尖沙咀食飯，男朋友想打邊爐，我有想食刺身，點算好？原來有間餐廳可以滿足晒我哋所有願望。間餐廳裝修幾好，而且坐得好舒服，我同枱之間有個屏風隔住，感覺上好有私人空間。我哋叫咗佢最出名嘅椰子雞湯煲，之前喺大陸都試過唔少椰子雞湯，感覺上都唔錯，原來香港都有咁好食嘅椰子雞湯煲。佢嘅湯底就已經可以就咁飲，非常鮮甜。而且雞肉都好嫩滑。我哋叫咗啲海鮮，同埋刺身，全部都好新鮮，我哋全部都食到好飽好滿足

老友提議霄夜打邊爐，找到一間頗特別的醉胡爐。餐廳格局走型格路線，帶點神秘感。擺放着不同的酒類， 像一個嚐酒收藏家的博物館。打邊爐又怎可缺少醬料，當中推薦其辣醬，很惹味。桂圓紅棗茶先加入清酒再點火，中學時見到的藍火及黃色火焰盡在眼前。再加入特製鮮椰汁雞湯，而雞件滾了很久仍然嫩滑。材料亦很多，基本上吃完雞湯的材料都不用點太多配料打邊爐。建議先吃完雞湯才選其他配料。秘製豬手都不錯，肉多而且很高膠質。黑松露蟹肉餃很香，蟹肉亦算多。炸芋頭份量都算多，結實稻庭烏冬是打邊爐必備值得一讚是這裡的湯殼設計，很方便!

上次見到隔離枱打邊爐打得咁開心，所以星期六在尖沙咀睇完戲，就行過黎食下。餐廳推薦個湯底揀鮮椰青雞湯，一於就試一下。飲落先知幾唔錯，個鍋本身有雞肉、椰子片、紅蘿蔔，然後侍應會用明火去炒。跟住會加入新鮮椰汁，咋一聲，好大陣椰子香味飛出黎。最後就倒入椰漿，直至佢滾咗。個侍應建議我們飲咗湯先，啖湯非常鮮甜，好重椰汁味！而且，呢度加湯唔似其他餐廳咁加水，而係加椰漿，登時感覺好鬼抵！之後我們叫咗普通食材，有水餃、豆腐、午餐肉，響鈴，務求吸晒啲椰汁味