醉胡爐 (已搬遷) 新店位置

昨天與朋友到這裏打邊爐。 本地牛在水平之下， 其他食物 正常新鮮， 但比起其他店舖貴少少。 整體評分中上， 短期內會唔會再去？ 唔會。 因為有更好嘅選擇！喺網上訂枱， 以優惠價預訂海鮮。所以下次我都會用openrice訂枱。由於本人唔食牛， 轉食黑毛豬， 但係有少少嘅豬騷味， 可能是豬油味。蟶子都幾新鮮， 龍蝦都抵都算新鮮， 證明生劏。另外也食了新鮮整條魚生， 四舊水， 大約手板咁大， 上枱仍在震動， 加埋一隻特別醬汁， 酸酸甜甜， 很有泰國口味。

基本上吃火鍋我就只會一萬年不變的點麻辣，於是就點了這裡的四川麻辣鍋。辣度不俗，8分。今晚吃什麼？1.加拿大象拔蚌(中)$6882.珊瑚蚌$1083.白鱔片$1284.北海道帶子片$1285.原隻活鮑魚$48/隻6.蔬菜拼盤(大)$78原本我們還點了北海道野生大元貝和卜卜蜆，但店家說沒有了。感到殘念，因為大元貝不可少啊！加拿大象拔蚌可以當刺身，也可以下火鍋，是挺鮮甜爽口的，不過同桌的說切太細了，如果兩塊加一起長一點口感會更好。珊瑚蚌是我真摯愛啊～～這個倒是大件，吃起來真的非常有口感喔喔喔～～一級棒！白鱔片其實我soso，不過同桌喜歡吃就點了，一盤有七塊。我覺得這間吃起來不錯，他說這個很新鮮，而且很大塊，我不知道怎麼看出來的，他說是看白鱔片中間的紋路颜色。北海道帶子片相對失色，雖然不小件，但不夠鮮甜，因為我很常吃貝類，所以要求不低。原隻活鮑魚點了兩隻，切片有四五塊左右，這個鮮甜易入口。這個是我們都很滿意的點。蔬菜拼盤不及格，因為只有四款蔬菜，而沒有其他拼盤，比如玉米、南瓜、蕃茄。說一下其他，當天是平日晚九點，進入後櫃台沒有人，店裡客人也不多，只有三分之一，可是一直等不到人來，需要自己去找店

話說我有個出名嘴刁嘅同事，上星期去完醉胡爐打邊爐之後讚不絕口，我呢個邊爐控就心郁郁，好快就捉埋一樣鍾意打邊爐嘅朋友來試下～Kirin ichiban draught beer 接骨木花$68/pint打邊爐點可以唔飲啤酒呢?呢度嘅啤酒選擇特別多，唔止平時常見嘅樽裝啤酒，連特別口味嘅draught beer都有，我選擇左接骨木花味， 甜甜地好易入口。加拿大象拔蚌刺身象拔蚌好新鮮又大隻，切片切得好薄，鮮甜爽口，點少少醬油已經好正!鮮椰青雞鍋 $268湯底係我地面前整，先煮熟隻雞，加酒之後點火（名副其實的「火鍋」）然後倒入新鮮椰青加熱，超足料～！因為沒有過多調味料，而材料又新鮮，整個湯底很健康，我們都直接喝麻辣牛肉餃（半份）$48這個非常好吃，辣辣的很惹味，牛肉又鮮甜，餃皮很薄，推薦！黃金墨魚丸（半份）$52墨魚丸就食得多，裡面加了蛋黃的倒是第一次吃，很特別。手切頂級安格斯肥牛（小）$188牛肉愛好者一見到即刻心心眼睇紋路就知道好味，油脂分布均衡，入口有香濃牛味，直情想食多一碟！稻庭烏冬 $28粟米 $38芋絲 $28整體來講相當滿意的一餐，環境舒服，服務周到，湯底同食物都好好味，鍾意打邊爐

5人的慶生飯 友人想打邊爐好搵間好評好多既邊爐店啦係openrice 訂座 平均食夠200蚊有花膠冬瓜雞煲 或 火焰龍蝦煲送 我地揀左花膠雞煲 哇 一黎到 個心一沉 乜個樣咁唔新鮮個冬瓜好硬 雞件好晦咁 乜料呀一試味道 友人話似濃湯寶 差 食左雞件先記得影相之後我地叫左普通野，包括魚皮，黃金墨魚丸，油墨菜，魚皮，響鈴，午餐肉，肥牛，蝴蝶腩（豬黎，但忘記全名叫咩），魚面（忘記名），黑松露🦀 肉餃。所有食物都係一般，冇野特別好食！但果個豬-蝴蝶腩，極端地難食。救命超難食，似煲湯既渣魚皮又唔新鮮，唔係自家制魚面，依個我覺得幾好食既，但友人都覺得腥，但我喜歡食魚所以👌 。食物差又貴，點解咁多人好評 唔明白。最後，服務質素又差，傳餸姐姐好好，係有位好似經理既年輕男人，態度超差。真係永遠冇下一次，我一定會話晒比身邊所有朋友知唔好幫襯。

香港人一年四季都可以打邊爐，但平時既湯底通常係沙嗲、豬骨、麻辣湯底。今次唔同，呢間好特別，仲唔止有火鍋，仲有刺身同串燒食，叫做醉胡爐。湯底有好多選擇今次揀左卜卜蜆鮮蟹魚湯，落左單之後就有醬料俾我地自己落。但落完之後，其實都唔需要點好多醬汁，個魚湯都好夠味🤗🤗係等緊野食既時候，見到呢度有好多唔同既清酒，仲有手工啤酒🍻，唔覺意叫左杯試下呢杯MAC 易入口，岩女仔飲😌😌仲幾大杯，只係$68都幾平個煲黎到，服務員會即時落白酒煮下海鮮先，再落魚湯，咁蜆同蟹就唔會老，第一次試，好期待終於煲好喇，有勁多勁多蜆，仲好大隻，好鮮甜，個湯仲可以飲，一個字：鮮仲叫左幾款配料，左邊係黃金墨魚丸，入面係流心蛋黃，食既時候要就住食，因為太熱，而右邊係麻辣牛肉餃，皮好薄，個餡仲好夠味，唔算好辣我自愛既白鱔片，唔駛煮好耐，轉白色就食得，好鬼爽口重點黎喇，叫左個牛拼盤，最好食係牛肉粒同和牛片，點少少豉油就得，食完個口仲充滿住牛味皇帝菜吸晒魚湯之後，好味到呢，建議大家都揀d吸味既配料🤤🤤正！

今次朋友生日，一行四人首次去食，見openrice有優惠，評論唔差，而且枱與枱之間有板間開，感覺幾好，而且沒有限時，所以揀咗醉胡爐。可能閒日嘅關係，人唔算好多，因openrice優惠，可送湯底，我地揀咗龍蝦湯底，真係有驚喜，好香濃龍蝦味，飲完湯之後加番茄湯都係好濃郁服務可以，會留意主動加湯，得閒就幫忙執枱，而且態度殷勤其他火鍋食品新鮮，整體上都可以，我們還叫了雞軟骨，都係好香口惹味，但另一個串燒鱔，呢個無乜味，所以無再叫串燒

天氣開始稍涼，未入秋已急不及待吃火鍋。來到尖沙咀人流稍少的柯士甸，一試裝潢新潮的醉胡爐。經侍應介紹點了卜卜蜆蟹鍋，先加入燒酒炒香，再加入莞茜大葱和上湯即成，海鮮肉質飽滿，鮮味十足。必點的清熱飲品，竹蔗茅根足料夠凍，天然清甜。火鍋料充滿特色，黑松露墨丸十分彈牙，墨魚香味足。麻辣牛肉餃皮薄餡多，牛肉多汁彈牙，麻辣度適中，惹味吃下不口乾嗆喉。黑松露蟹肉餃落足料，混入菇粒鮮味突出。基圍蝦肉質結實彈牙，$98已有8隻，抵食。蔬菜拼盤種類豐富，新鮮爽脆。這裏食物高質，價錢合理，唯一是洗手間衛生情況雖改善，整體仍值得推薦。

今晚收工後，同朋友嚟醉胡爐打邊爐，間中都應該犒賞一下自己，食番餐好的！醉胡爐位於柯士甸路，佐敦、尖沙咀站行過嚟都好近。Menu選擇好多元化，無論係湯底，抑或火鍋配料，甚至刺身，都令人目不暇給。加拿大象拔蚌刺身打邊爐之前，先點個刺身作前菜，象拔蚌非常新鮮，即叫即切，爽口彈牙，真係好正，大力推介！其餘刺身類仲有龍蝦、立魚、牡丹蝦、海膽、和牛刺身，鍾意食刺身嘅朋友一定唔可以錯過！🐔鮮椰青雞鍋 $268店員會係你面前加酒煎香鮮雞件，熊熊火焰燃燒🔥好似睇表演咁！繼而加入新鮮椰青水，待滾，一鍋鮮甜嘅椰青雞湯底就完成啦！記得先飲湯，真係好正！🌶麻辣牛肉餃（半份）$48鍾意食辣嘅朋友一定要試呢個餃，牛肉彈牙，而且堅辣，好過癮！🌶🌶🌶🥩手切頂級安格斯肥牛（小）$188睇牛肉嘅色澤已知係靚貨，肉質軟腍，肉味重，下次應該點大碟的，因為食到停唔到口😂🐙黃金墨魚丸（半份）$52入面嘅餡料係鹹蛋黃，挺特別的👍🏻🍥稻庭烏冬 $28🌽粟米 $38⚪️芋絲 $28🍺Kirin ichiban draught beer 接骨木花$68/pint朋友點左杯酒，好大杯，甜甜地，幾適合女飲。整體嚟講，醉胡爐嘅食物質素都好好，店員

本身黎呢度係想食打邊爐加串燒，點知俾個刺身吸引左呢個係原條立魚刺身，本身成日睇綜藝節目見到人地食一片片透明嘅魚就好想食，今次終於食到喇！每塊肉身都切到好薄拎起身係透明，每一塊都勁甜勁鮮味，完全冇後悔叫呢條魚刺身店員話加錢就可以將魚骨變成椒鹽魚骨，本身鍾意食椒鹽同脆卜卜嘅我梗係冇問題啦！炸完出嚟仲有少少魚肉喺度，雖然外面脆卜卜但係入邊嘅魚肉依然好滑同埋呢度嘅椒鹽非常之香口好快又成碟清晒！食完條魚就可以打邊爐啦！我哋嗌完湯底之後就俾咗啲混醬我哋，一樣都係有我最愛嘅花生醬一嚟到係一個好靚嘅鍋我哋叫嘅係濃湯花膠雞翅鍋，一打開我同朋友都勁開心因為有好大舊嘅花膠亦都有好多菜！！急不及待即刻飲左啖湯先湯底係甜到根本唔使打邊爐都勁好味，已經可以想像到啲菜有幾咁入味幾咁鮮甜！啲嘢食未嚟到我哋已經不停咁飲啲湯啦打邊爐必食手切肥牛，每天肥牛都有滿滿嘅雪花，正跟住就有我最愛嘅貢丸同埋黑松露墨魚丸，黑松露墨魚丸值得推介因為黑松露味非常之香而佢墨魚丸嘅狀態係有啲似蝦滑咁樣所以食落口非常之彈牙打邊爐又點少得菇呢！飲到個湯底咁鮮甜，即刻決定要叫竹笙！因為竹笙可以索晒湯嘅所有味道果然冇叫錯！每一條嘅竹笙都充滿花膠湯嘅湯

見到推廣每人消費滿$200，贈送龍蝦鍋底，環境不錯，如果二至四人坐卡位有屏風可以輕鬆吹吹水，點左一款牛肉拼盒，牛肉看似不新鮮啞紅色，寫明有五款，但看似得三款，贈送龍蝦鍋賣相及味道不錯，龍蝦湯都有濃濃的龍蝦味，黑松露🦀柳餃子🥟都好味👍🏻其他黃金丸之類一般，象拔蚌都不過不失，串燒未達標準，烤貴妃蚌無味，燒雞泡魚干太淋唔夠乾身，煙肉生蠔也是冇味，侍應烏龍百出上菜超超慢，飲品所謂一渣只可以兩杯。四人消費$2xxx，但整體不合格，不會推介。

因朋友生日話想打邊爐 所以就搵咗呢間尖沙咀嘅醉胡爐試下～一入到去就比成個環境佈置吸引住 啲吊燈好似煙花咁 好靚～ 成餐飯都食得好開心仲有！呢度手機冇電唔洗驚！有埋後備電比你叉 無限影相用電話都唔洗憂當我地煩惱緊唔知點咩食嘅時候 侍應就好貼心咁推薦我地食呢條立魚刺身呢條立魚一上枱我地就即刻起筷 食落口就知道條魚好新鮮！再加豉油同小小芥辣 好正！肉質爽脆 仲有啲甜味 好推薦大家試下！！之後就到個鍋 呢個鍋係侍應超級推薦我地要嗌黎試～ 之後發現個鍋用足材料去制作而成 有雞 大大舊花膠 魚翅 仲有好多菜 好香好好飲！！！果然冇介紹錯之後我地驚食唔哂 所以都冇叫太多其他火鍋配料 有手切肥牛 我好中意嘅竹苼 黑松露墨丸 貢丸 一啲雜菇等等最後嚟個大合照先～～呢間醉胡爐都好推薦大家嚟試下佢地嘅刺身同個個鍋！！

今日同好姊妹聚餐， 佢成日聽我講話醉胡爐好食， 一定要我帶佢去試， 所以今日又嚟咗呢度食啦 一坐落 就點咗個必食鍋底畀佢試， 就係龍蝦湯鍋真係一隻龍蝦嘅分量，絕對冇偷雞， 之後侍應就埋嚟落啲酒， 跟住就點著火 將個鍋入面嘅龍蝦同蜆及配菜煮熟， 最後再倒入龍蝦湯滾大約五至八分鐘分鐘滾起lu...我地首先飲左個湯 同食咗啲龍蝦、蜆 先， 質感嫩滑， 個湯底都好入味， 龍蝦味好重好鮮甜， 我哋每人都飲咗兩碗之後我哋 就開始點其他配料， 分別如下：油麥菜 分量好多 靚菜 食落口好脆即炸響鈴 有一定嘅厚度 好香口 雖然份量唔多但未到搭夠蟹子蝦丸拼墨魚丸 大細適中 爽口彈牙 墨魚味重和牛串燒牛味很重，入口即溶， 非常香口 ! 讚最後仲叫咗 貴妃蚌 份量算好多旦價錢合理， 放落去滾大約分零2分鐘 已經可以， 入口好爽好鮮甜，就算滾個籠都唔會咬5開當然呢餐都食到好姊妹舔舔脷啦

放工同朋友去打邊爐，朋友推介醉胡爐嘅特式湯底同飛驒和牛。一行四人大約7點入座。餐廳嘅佈置好高級，主要黑色簡潔設計配上水晶燈。一入去完全無打邊爐嘅油煙味，環境空曠所以比較寧靜，氣氛拎人覺得好舒服~叫左個椰青雞湯。個湯底好得意，首先將一個火鍋煲裝有生嘅食材:雞，紅蘿蔔，椰子，洋蔥，牛油，加熱炒一陣，加少少酒，再倒一整隻椰青嘅水，最後加雞湯，煲一陣就椰子雞煲制作完成~首先一人飲一碗湯先，再食雞。碗湯味道好豐富，夾雜住椰香同牛油嘅香氣~今次重點嘅和牛都幾大碟~油脂如雪花般佈滿每片和牛。咬落好有牛嘅油脂香又有啲感。極品！黃金手打墨魚丸嘅中心喺由咸蛋黃做，好特別！墨魚丸仲夠晒彈牙。鮮蝦帶子餃好豪華，外面喺雲吞皮，大大粒。有一隻蝦同一片帶子，食得好爽呀。第一次試手唧魚蓉麵，利用膠袋親手唧落個鍋度。好足料，啖啖都喺鮮魚味。黑毛豬又厚又大片，肉質又厚身爽滑，咬落好有滿足感~黑毛豬真係唔同啲呀。火鍋一定要叫烏冬，最後先落，吸收晒咁多食材嘅精華！讚歧烏冬超滑，煮2分鐘已經好入味，食完想再食。菜方面叫左芥蘭苗同埋鮮淮山，2樣都幾新鮮。淮山貼心地切成小片，可以快啲熟。叫左1 Jar 竹蔗矛根都夠飲。有條條茅根喺

自從上年去日本高山市食過一次飛驒牛之後，我總係念念不忘，好想再食一次，重拾番果種齒頰留香既感覺。咁啱上個禮拜有朋友話約食飯，仲話食過一間打邊爐有得食飛驒牛，不得了！一定要去試下先得，今晚食完果然都無令我失望。期待左呢餐飯一個禮拜，今晚終於來臨。首先入座之後已經覺得呢個餐廳好與眾不同，樓底夠高，環境寬敞，最緊要係佢抽風系統一流，完全無油煙味，裝修又夠格調，仲有生啤可以叫，睇得出呢間餐廳係想打造一個舒適既環境俾你chill住咁食飯傾計，非常好。湯底叫左個店員推薦既鮮椰青雞鍋，食物方面叫左飛驒和牛肉眼A5, 西班牙黑毛豬豚肉，鮮蝦帶子水餃，黃金墨魚丸，芥蘭苗，鮮淮山，手唧鮮魚蓉麵同稻庭烏冬。 打邊爐，湯底係一個非常重要既一環, 呢個鍋個食法係，首先有店員即場幫你煮熟d雞，之後再加少少酒，椰青水同湯，滾左之後就飲湯先。個湯非常清甜，而且椰青味香滑濃厚。主菜嘅牛終於都黎，份量俾我想像中多，油脂分布均衡，未食都睇得出質素好高。口感分面完全係一流，甘香既油脂同濃厚既牛味喺口入面慢慢溶化，飛驒牛獨有既油脂香味會持續留喺口腔內，配上清甜既湯底食起上黎都唔會有滯住既感覺，極品！至於其他食物其實都好出色，西

最近轉咗新公司，好久沒有見的舊同事，今晚約了聚舊，一起去到尖沙咀（醉胡爐）食火鍋，大家一邊拾下拾下很快已經11點幾，要歸家了，我們已經約定每個月在這餐廳歡聚一次，以便保持友誼。自助火煱配料及味料。鮮椰青雞鍋$268 店員先將一些配菜炒香，下凊洒跟住放雞件，再加埋成個新鮮棷靑，煮一段時間後就可以食得，這時候店員會先給雞湯大家飲，然後再將雞煲上帶有清酒，及棷青味的嫩滑雞件分到碗中，等咗咁奈已按內不住起快啦！黑松露墨魚$丸88 墨魚爽口彈牙加上黑松露的味道，十分配合。糖心皮蛋酸姜$58 皮蛋用了糖心蛋特別晶瑩通透，再加埋酸薑一起食，十分配合。黑豚肋肉串燒$35雞軟骨串燒$28椒鹽豆腐$58外面香脆內面軟滑，加上椒鹽，十分惹味。新鮮泰國橄清，好清甜夠凍。