醉胡爐 (已搬遷) 新店位置

北海道原板海膽 + 牡丹海老 + 三文魚三件 + 赤貝 💰657 7⃣分小編同埋友人黎到呢個裝修超級靚，又有燒烤，日本刺身同埋打邊爐食既餐廳。呢個日本刺身拼盤雖然價錢就認真貴左小小，但堅係好鬼正唔係講經。呢板海膽真係好仙甜，同各大酒店任食自助餐既海膽真係無得比，甜到漏而且完全無任何ddd腥味。小編我真係幾分鐘啪左成板野。佢地既牡丹海老好貼心已經幫我地，剝曬所有殼最貴啱d嫌麻煩既女士。三文魚都好鮮甜但就唔會話太特別，你都知啦呢個價錢既三文魚，想唔好食都幾難下啦係咪。赤貝對於我黎講真係一試難忘，點解咁講？因為即使再新鮮既赤貝處理得唔好，都有一陣濃郁既臭腥味，但佢地處理得幾好燒烤部分：1）雞軟骨串燒 2）雞翼串燒（2隻），佢地燒雞翼真係出色，雞皮多汁但內裡居然多汁3）雞心串燒， 雞心小編覺得有小小腥但調味幾好4）雞腿肉串燒，真係女人恩物邊個想係男朋友面前，ma大個口食野係咪先5）秋葵，無用太多調味料只係用左小小海鹽調味，但小編真心覺得足以夠6）美國蘆筍，大家要嗌呢個火候控制得啱啱好7）大啡菇，上面鋪上木魚絲食落去多一種口感添飲品部分：1)醉Mocktail：飲落去覺得小編變成小親身，含有小小

今日又同屋企人出去食晚飯，搵間打邊爐可以慢慢嘆～見到呢間有中式既感覺，又應該係間有質素既火鍋店，決定入去試下！呢個＂哩＂設計幾好，可以隔走多餘既湯ＸＤ打邊爐最重要係個湯底，我地揀左招牌 鮮椰青雞鍋，係我地面前落料整個湯底架，唔洗驚佢會偷工減料。首先佢加牛油煮雞，然後加酒（果然係醉·胡爐）一點火，就有表現睇喇仲落左成粒椰青水再雞湯，咁就完成左咁真材實料既湯底了整完出黎既湯飲落清甜，偏重少少牛油味，好香～享用完呢個湯就可以開始打邊爐喇～呢度啲野好多都係好特別既配料，係出面未必食到， 所以要叫番幾樣黎試！包括老友鬼鬼甜酸醬配油炸鬼都幾夾P，值得一試仲有紫菜響鈴，連咁普通既響鈴原來都可以咁創新，但記得唔好淥得太耐呀～呢個黑松露鮮蝦雲吞好重黑松露味啊，入面仲有原隻鮮蝦好爽口！頂級安格斯肥牛果然好滑好嫩口對得住個價錢！其他仲有西班牙黑毛豬豚肉，蔬菜拼盤同烏冬等食物質素果然唔錯，但由於我地食量不大，要留番下次再試埋其他特色配料

揀咗個happy Friday同朋友慶生見呢間評價幾好 又仲book到位就決定試下佢當日下晝有店員打電話confirm booking同時問定要唔要留海鮮7點半準時入座 座位尚算舒服嘅有調味料俾大家自己揀不過提返大家 呢個醬料已經盛惠28蚊位餐牌：✨火焰龍蝦海鮮鍋 $368店員會喺客人面前表演一輪再加湯提醒飲晒啲湯先再加蕃茄湯打邊爐個龍蝦湯好濃好濃 味道的確好好順便一提 openrice寫住有匯豐卡就有人均消費200以上就送一個龍蝦海鮮鍋嘅優惠不過店員就話今日唔做呢個優惠✨鮮椰青雞鍋 $288同樣地店員又會表演一輪好足料地加足一個椰青水同一壺椰汁呢個好清好有椰子味 味道上同樣好評✨胡爐牛拼盆 $498呢個價錢 期望啲牛肉係好味啲嘅不過相對真係好普通✨安格斯肥牛 $338呢個賣相好靚 啲牛都睇落好正不過同佢嘅描述有啲出入比較un 完全無入口即溶嘅感覺其他配料就無影喇 因為都係啲大路野火鍋嚟講 完成唔提供野飲逼人嗌野飲筆者覺得其實有少少過份嘅而佢上野飲嘅速度係非常慢一榨荔枝梳打 筆者催咗三次再等一排先有筆者喺電話留咗兩份海鮮 結果佢上咗三份 再另外上多咗碟牛 一班人食野其實未必留意到佢有無

出黎做野之後開始少左去食任食嘅野，因為有時會覺得雖然好似抵食D，但通常質素都未必咁好。今次打邊爐就試下呢間唔係任食嘅黎獎勵下辛苦返工嘅自己。呢間餐廳都幾多元化，除左打邊爐之外都有提供刺身同埋串燒嘅選擇，雖然刺身價錢少許偏貴，但有多D唔同選擇比消費者係好事係打邊爐嘅食物黎到之前我地就叫左串大啡菇黎食先，大啡菇幾juicy同香，燒嘅程度岩岩好再叫左一榨青檸梳打黎share，甜度岩岩好，好解渴同解膩！呢種酸度我鐘意叫左呢個養生嘅花膠雞翅鍋，十分足料，湯好好飲！係打邊爐前已經飲左大半鍋！雖然係會有味精嘅成份但係不失為值得飲嘅湯！肉我地叫左一碟醉雞同埋牛柳粒。醉雞好入味，一上枱已經聞到好大陣酒香味，就算煮熟完食都食到好足嘅酒味，食得出唔係就咁放D雞入去D酒就上枱比你值得一試！牛柳粒嘅牛味好重好香，口感都好好，雖然未去到入口即溶，但絕對唔un!呢個黑松露墨魚丸都好好食，黑松露味好香，充滿成粒丸！而且爽口彈牙，一客8粒份量都算ok。萵筍係打邊爐嘅其中一樣好正嘅菜！夠新鮮爽口！最後再叫左個吱吱魚麵黎食。其實今次係我第一次食吱吱魚麵估唔到係咁好食，魚味好香！份量都好多，係烏冬外另一個我好鐘意嘅打邊爐麵類

好耐無黎呢到打邊爐，雖然天氣熱左，不過人氣都無減，仲係咁多人黎食！今次試左花膠雞翅湯底，一上枱見到一大堆翅，同埋大量花膠，雞應該至少有半隻，湯底未飲都知甜啦！打邊爐最緊要係個湯底，湯底鮮甜，飲完都無口乾，花膠好淋好好食～今次仲試左肉眼邊爪，本身都唔知咩黎，不過爸爸話試下，花紋好靚，咬落好有口感，唔會太ｕｎ，有ｄ爽口，而且好濃牛味！另外想推介老友鬼鬼，配埋辣醬外脆內彈牙，我地仲試左浸湯，都好好味～黃金墨丸都好彈牙，入面咸蛋王流出黎好正！

打得邊爐最緊要梗係個火鍋湯底！呢間醉胡蘆最出名就係湯底用料非常講究及出色，今晚就同幾個朋友嚟呢度食飯，帶佢哋試吓一個高質火鍋！餐廳有唔少嘅湯底選擇，較為特色嘅火鍋湯底要差唔多四百蚊一個，價錢一啲都唔平～不過我就覺得非常值得！我哋嗌左個海鮮龍蝦湯底，一嚟到店員會用牛油炒熟龍蝦、蜆及青口等海鮮，然後再加啲清酒令成個湯底昇華，最後再加入龍蝦湯。等湯滾起之後店員叫我地飲咗個龍蝦湯先，湯底非常之濃郁，一啲都唔馬虎！講真係西餐廳飲個龍蝦湯都唔平，我哋呢度成鍋湯底，四個人每人都飲咗兩至三碗！真係物超所值！飲完湯就開始打邊爐啦！估唔到呢度有牛骨髓食！呢個係朋友叫嘅，我個人就不太喜好極尚牛拼盤～分別有牛柳粒、A5和牛片、牛舌及牛胸爽等等，每一款來貨品質都很好。手唧魚蓉面，個人認為口感再彈牙啲會更好吃。吃火鍋我最喜愛吃萵筍，清甜得來又吸收晒湯底嘅精華！

朋友約我打邊爐, 見到醉胡爐openrice有優惠, 有湯底送! 去到一坐底店員就簡單介紹左一下menu, 推介我地試下串燒, 所以我地就叫左幾串試下~ 順便當appetizer 食下飲下酒~串燒即叫即燒, 離遠見到火光熊熊, 好香! 豬肋條燒得好香脆, 入面超juicy~白鱔既皮好脆卜卜,魚肉好滑~牛舌都唔un, 正!開始打邊爐, 湯底好甜, 食之前都飲左幾碗!邊爐料最推介牛汁牛丸, 超彈牙超多牛肉汁!!!飛驆和牛雪花都好靚, 入口即溶!

招牌鮮椰青雞鍋果然係招牌湯底，先在你面前炒一炒，火一火焰，再倒一個椰青，真係真材實料，無花無假，之後先再加奶白色的雞湯，滾起後就一定要飲湯先，啖啖濃郁的椰子雞味！正呀！再食啖啖肉嘅雞件， 建議要先食晒，如果唔係就鞋口～～暖完個胃就開始打邊爐，最推介係頂級安格斯肥牛，烚10秒內好食喇，真係好牛味濃，切的厚薄剛好，好冧而不膩有入有即溶的口感另一推介：鮮鱔片，好厚身，新鮮，無骨，啖啖肉另一最愛係新鮮卜卜蜆，粒粒鮮甜無沙，無一粒打唔開，證明好新鮮！總括來講，樣樣餸都新鮮，蔬菜鮮甜，環境舒服寧靜，空調夠涼，好適合三五知己傾吓計烚吓烚吓！

原本諗住去呢間打邊爐 ，但係個friend 坐底後見到刺身又想食 。好啦，咁我地最後就叫直接叫左刺身同串燒 。刺身就試左一板馬糞海膽，價錢上唔算貴，只係四百蚊。另外再加左少少三文魚，池魚，海老同赤貝。整體來說，刺身係好新鮮，每一塊都幾厚下。串燒就叫左大啡菇，和牛、雞翼、白鱔、牛舌同雞腎串燒都燒得幾好，無燶雞腎好爽唔硬，大啡菇又夠多汁。最後飲品方面我地叫左「醉」同「胡」。話就話「醉」有清酒，但係飲落酒味又唔太勁。

Open Rice 預約了2人打邊爐，雖然遲到了，但致電後也幫忙留枱；全程服務員由帶位哥哥，至落單上菜，也非常殷勤有禮，食物很快便到。4小時內也會主動幫忙換碟，又會添湯，服務細心。牛肉很美味，嫩滑又有肉味，黑松露餃子也很香，海鮮也有鮮味，龍蝦湯底先在我們面前炒香，煮湯後吃完才用來煮湯，很有噱頭。由於遲了致電時，服務員才告知我們只有2小時吃，9:00要離座，令我們本想去另一間，但後來答應可讓我們繼續吃，才繼續前往。如果要限時，請餐廳在訂位及致電確認訂位時，再提醒客人，減少誤會。我們二人埋單差不多$1700！

Openrice搵到新開的火鍋刺身店，剛好今日放工約了朋友在尖沙咀食飯，便提議了這家新餐廳。開頭想吃火鍋，但見到原來佢地有刺身同串燒餐牌，令本來想吃火鍋的意欲大大減低。加上夜左食飯唔想食太飽，最後決定兩個人單點刺身同串燒，唔會太heavy又可以食多幾款。佢有三款特飲，叫醉。胡。爐。我地叫左其中兩款，酸酸甜甜好開胃。首先黎左刺身，有海膽，赤貝，牡丹蝦，三文魚同油甘魚。最期待的馬糞海膽果然沒有失望，非常新鮮，一丁點腥味都沒有，非常高質。其他刺身雖然有點被海膽比下去，但都好新鮮值得一讚。之後我地仲叫左不同的串燒，雞心比較特別其他地方好少食，經理話用左日本燒法比較creamy, 食落真係唔錯。另外的串燒飛驒牛好juicy, 食到和牛的油香。雞腎都唔會燒到好鞋。想不到意外選中一間有驚喜的火鍋店，下次還會再幫襯。

最近有很多打邊爐的店鋪也會先飲湯後才邊爐，但是通常他們的湯底也是椰子雞煲或是魚頭煲，今次這裏的這個湯底是冬瓜魚翅花膠燉雞，非常特別。雖然湯底已經非常濃郁，但是我還是叫了喜愛的粟米再放進湯內煮一煮，令到湯底更加鮮甜，粟米亦可以食用。在尾聲時把粟米拿出來吃，爽脆又非常鮮甜。打邊爐打得多通常去到店內也會選擇一些平常沒有見到的材料，今次我們看到很少店舖有的紫菜響鈴，另外見到一個很特別的牛骨牛汁丸。紫菜響鈴挺脆身，放進湯底三五秒後拿起來，脆身加上湯汁，雙重口感，而且配有紫菜的味道，很欣賞。牛汁丸也非常不錯，吃進去就知道是真正的手打牛丸，肉絲有一根根的，而且牛肉味濃郁，配合了中間的一些牛汁，是平常火鍋店的牛丸做不到的。叫了一個較為普通的美國安格斯肥牛，安格斯肥牛不算很肥，肉跟脂肪分明，而且中間有一點筋，令到牛肉口感更好，除了吃雞外是吃肉的一個好選擇。

朋友介紹我來這間位於尖沙咀和佐敦中間的這間邊爐店打邊爐，餐廳裝修頗華麗，格調高雅，價錢亦屬中上。來到時才發現這裏原來除了打邊爐外亦有燒烤，頗特別的組合，由於我們是一心來打邊爐的所以便沒有吃他的燒烤。首先選擇了湯底，湯底我們選擇了滋潤的冬瓜花膠魚翅雞湯，女士最愛，我們都先飲一碗湯後才打邊爐。魚翅及花膠的份量也挺足夠，特別是花膠十分大塊，雞件大約是例牌的份量，雖然內裏的了看似不是很多湯材料，但是湯底味道也頗濃郁，只是稍鹹，預算打邊爐要比較入味吧。打邊爐都比較上火，所以我們叫了竹蔗茅根水，味道有天然的清甜，滋潤解喝。這裏有一些平常吃不到的材料，是黑松露愛好者的我就留意到有幾種黑松露的產品，包括了黑松露餃子及黑松露墨魚丸。黑松露墨丸除了手打墨魚丸外，還混合了一些黑松露醬，一些香香的黑松露味配上很新鮮彈牙的墨丸，味道新穎。另外黑松露餃子雖然小小的不是很大隻，但是皮非常薄身，內裏除了黑松露醬外還會放了一些菇菌類，令到原本是菌類的黑松露味更加濃郁，欣賞他的創意，店員細心提示，煮一分鐘就可以吃了，太久會爛的。

超好喝的火鍋湯底位於尖沙咀嘅醉胡爐 樓底好高 裝修又靚雖然價錢中上 但勝在質素高 環境又靜火鍋料創新 串燒刺身酒類都有好多選擇依家經openrice訂座仲有優惠 即刻試下.胡爐牛拼盤🐄$388(小)就咁睇好似好貴 但見到啲油花咁靚已經值得票價 有齊牛舌芯 安格斯手切牛極上手切肥牛 牛胸爽 霜降牛粒🥓最好食一定係極上 滑到不得了🥩如果中意重牛味的話 就推薦牛粒.特別飲品mocktail🍹有醉。胡。爐三款💙醉$48賣相好靚 成份有荔枝 藍蝶花 梳打 清酒仲有一大顆荔枝肉 清酒味唔重 好易入口岩哂女士們打卡 *胡/爐就不含酒精成份.黑松露蟹肉餃🖤$68(半份)呢個係店員介紹下點嘅 又真係幾正好特別一咬開就有好濃嘅黑松露香🦀入面除左有蟹肉仲有菇粒 可謂係同黑松露嘅絕配啊.除此之外👉🏻黑松露鮮蝦雲吞 手打梅菜豬肉丸紫菜炸響鈴 大蟶子 馬刀貝👈🏻都係店員推薦 全部都比較少見 標榜新鮮同獨有 可以一試.講返個湯底先🐓冬瓜花膠雞翅鍋$368真係好真材實料 花膠都有成4 5塊雖然用雞煲成 但一啲都唔油 足足每人飲左兩碗就算煮到最後 雞肉都好嫩滑唔老 值得一讚.服務好好啊 對面選擇困難嘅食客(例如:我)佢

朋友生日，雖然得兩個人，一於食好少少去打邊爐。湯底我們選擇是花膠翅雞煲，聽到淨係飲個湯都好味。十分足料，真係有翅同埋花膠，D花膠都有少少厚度，不錯不錯。他們的海鮮拼盤也不錯，分別有鮑魚、聖子、蜆、蝦、扇貝。用料非常新鮮，他們的海鮮還會郁，要大膽少少先可以放入煲。我們還有叫冰菜，炸魚皮，豆腐卜，墨魚滑。我們最後都係浪費了食物，眼闊肚窄。埋單$1000多啲，價錢是貴少少，但是食物質素及服務質素都非常好。推介推介