醉胡爐 (已搬遷) 新店位置

今日同朋友去打邊爐，真係自從過年之後就無打過邊爐😖 好掛住熱辣辣食到好high始終疫情期間，去jor一間比較乾淨同大間既餐廳，放心啲～我地揀jor海鮮龍蝦湯底。個湯底有新鮮龍蝦同卜卜蜆，現場新鮮上搵牛油炒香然後再落超濃龍蝦湯底。佢有吩咐飲湯先，然後再落料食火鍋。湯非常濃郁，而且仲有新鮮龍蝦肉食🙈 一開頭已經好滿足之後就係典型既火鍋配料，配以濃湯非常惹味。值得一提係佢啲特別食物，例如紫菜響鈴、西洋菜餃、蝴蝶腩，全部都係出邊餐廳好少食到既嘢。由於個湯底越煲越濃，好容易痴底，所以都要全程攪拌下，可想而知個湯底真係超級濃！！味道濃，我地都特別嗌酸梅金吉蜜飲，超冰！好飲又勁爽🙈最後食到人地打烊😎😎