醉潮館

營業中

休息中

約左幾個朋友一齊去荃灣打冷，之前有人推介過呢間醉潮館話幾好食所以去試下。去到附近都見隔離左右既舖頭都坐滿哂人，唯獨呢間人流較少。可能係角落位啦！得3個人叫左個大羊腩煲、牙籤雞、鴨蛋蠔餅、沙鍋粥已經超豐富。天氣涼涼地叫個羊腩煲暖下身，出面食羊腩煲份量都唔多每人都係食幾嚿就無，呢度我都食左成廿嚿都有。羊腩煲個湯都夠濃味羊腩入哂味，食落一啲都唔羶而且夠冧。正牙籤雞皮脆肉嫩，無諗過咁好食。鴨蛋蠔餅成個都係脆架，而且啲蝦都大大粒無腥味，加埋豆瓣醬仲正砂鍋粥叫左個細叫200餸就送粥底蕃薯蜆、咸骨頭、蝦、雞件，餸料都幾足料多過粥。樣樣都好新鮮，如果唔新鮮煲粥就唔好食。整體都高CP值，價錢都唔算貴。真心推介

是夜到荃灣晚飯，好友想食潮州菜，今晚就試試經常坐無虛席既醉潮館。裝潢充滿心思，帶點古典風味，擺設雅緻，環境整潔。餐牌分兩本，一本主菜，另一本主打湯品。潮汕砂鍋粥可以自由配搭材料夠HK$200就送粥底揀選了海蝦、咸豬骨、乾瑤柱、雞件、肉片。配料豐富有海鮮又有肉類，熱辣辣香噴噴，味道又鮮又甜，粥水帶點咸香，米粒飽滿，有嚼勁。椒鹽九肚魚炸至表皮酥脆香口，但咬下去魚肉滑嫩，嫩如豆腐～口感特別又鮮甜。皮薄肉多，炸粉不會過多，即叫即炸熱辣辣，好惹味！方魚炒芥蘭潮汕經典菜式之一既方魚炒芥蘭，方魚即大地魚，炸至金黃色夠哂香脆，青翠芥蘭鮮嫩，特別爽脆，炒得好有鑊氣。

今日來到荃灣三坡坊覓食，呢度成條街都好多間大排擋小菜，呢間餐廳裝修都算光亮，打冷舖黎講比較新淨企理，但食飯時間坐滿人，所以會坐得好迫。值得一提，餐牌有用心設計過，如有本草湯目成本武功書咁。花膠螺頭燉雞$68有雞、花膠、排骨等材料，都算好足料，一盎可以分到3至4小碗，飲落好清甜，無味精。但 因為雞湯所以油份比較重。醉潮口水雞$68係涼菜，夠曬麻辣，食到有觸電的感覺， 雞肉嫩嫩的帶點爽口。沙爹牛肉芥蘭$78 芥蘭切得細細條，方便夾起一啖食，菜分量都好多，沙爹味亦都夠濃，牛肉大塊但略嫌有啲韌。潮式炒飯$78炒飯好夠鑊氣，而且好多配料，有冬菇粒、鹹肥肉粒、蝦乾、蛋等，肉粒食落幾香口，推介。 香辣魚仔炒花甲$108花甲鮮甜，食得出新鮮，冇沙，又大隻，但有1隻冇開口，好味。

🦑椒鹽鮮魷 $78佢個粉漿做得啱啱好 不太薄太厚👍🏻鮮魷都係剛好 唔洗食香口膠咁😂(不過他們家既椒鹽九肚魚更出色😛).🦀潮汕砂鍋粥佢主打材料其實係膏蟹然後我地可以再自選其他海鮮/肉類食材今次我再另外揀咗細膏蟹 花甲王 蠔仔呢個配搭加埋係$240真係多料到你冇咩機會食到一啖係齋白粥材料新鮮 粥底非常鮮甜🥰.💛鐵板跳跳豆腐 $78好愛呢一味 因為本身好中意食玉子豆腐豆腐有上粉略煎先再煮 唔洗驚一夾就散帶有少許香辣味 加埋啲肉碎又係一道餸飯一流既小菜🥰.親們 想去記得book位呀😚

入到呢荃灣，點可以唔食飽飽就返去牙。今次就去食d麻甩潮州野，夠獲氣先好食牙maaaa我地一行4人，本來諗住每人點一樣... 叫叫下張檯都唔夠放一碟碟菜.. 無法啦⋯⋯潮州菜黎講，呢間醉潮醉都企企理理，令人全得舒服，加上店員熱情招待下，心情大好，比平日開胃一點，確實無可厚非的...儘管我地叫九肚魚，水煮牛，炒蜆，豆腐，雞都好，每碟菜一黎就係熱騰騰，香噴噴，真係令我洗曬口水。要獲味既有獲味；要野味既野味；要川味有川味，所以... 真係好難唔食得盡慶😆

見到OpenRice咁多好評，又唔想出去太遠食，於是就走咗嚟呢度食生日飯，輕輕鬆鬆過就算啦~鍾意飲湯嘅我，當然要叫佢哋嘅燉盅啦！用料足，咸味soft，唔似有落味精，而且夠滋潤，飲多d皮膚都靚啲！涼拌魚皮！我細個嘅時候最鍾意食！淡淡嘅麻油，加上芥辣豉油，夏天食就一流！籠裡乳鴿好搞笑，上枱用一個鐵籠載着一隻乳鴿，賣相係幾好嘅，味道就正正常常，同一般餐廳食到嘅差唔多味道椒鹽九肚魚，又係一個我最鍾意食嘅小菜，炸得鬆脆香口，惹味嘅送酒小菜之一整體來講，賣相見到係花咗心思嘅，但係味道就正正常常，冇乜特別

週末例牌去荃灣覓食, 三坡坊有好多間菜館都未食過, 同屋企人隨意走入呢間門面較為新淨嘅小菜館, 好多枱已經被留位, 好彩時間尚早, 仲有位俾我哋😛好耐冇飲湯水見佢嘅花膠螺頭燉雞價錢合理, 叫咗一盅嚟試吓, 非常驚喜, 湯底濃郁鮮甜, 而且份量都幾多, 一盅夠居然夠三個人分, 底部超多湯渣超足料👍🏻香辣魚仔炒花甲份量雖然唔算多, 但勝在隻隻都好大隻, 而且新鮮冇沙😋魚仔都幾辣, 非常鹹香😃雪裏紅蝦乾通菜煲亦係非常惹味, 上枱嘅時候仲啫啫聲熱辣辣👍🏻蝦乾都幾多一啲都唔孤寒最後係必須要推薦嘅黑松露蟹膏蒸水蛋🤩蒸蛋非常香滑, 配上香濃嘅黑松露香同大量嘅蟹膏😍簡直係無敵組合👍🏻

去荃灣有好多大排檔，想食打冷但又有人怕污糟，上網見幾好咁，所以我地訂咗依家餐廳裝修嘅環境好有舊式農村風味，不過係好乾淨嘅農村，而且裝修好新潮，連菜式名都好新潮梅子雞雞肉又嫩，雞油香配埋梅子酸MayMay，食落酸神開胃😋醬鹵鵝好入味，鵝肉好鬆軟，除咗滿滿鹵水味，仲有滲透鵝油香，味覺好豐富見涼涼地想食辣嘢，所以點咗水煮牛肉，雖然牛肉唔算好入味，不過好嫩口，而無咁辣，我覺得味道啱啱好，而且牛肉好多，好啱成班食肉獸😛有好多名菜仲未點，下次成班人過嚟荃灣再試埋其他

聽朋友話荃灣三陂坊有好餐廳食飯，見到呢間坐位環境ok唔會覺得逼，仲有見到有好多滋補湯，所以入左呢間餐廳試下。因為太肚餓所以點左好多樣餸，眼見樣樣都好食咁🤤🤤椒鹽九肚魚👍🏻👍🏻$78重點推介，整出嚟熱辣辣，又林又滑，另外有個汁就算唔點味道都好夠不錯砂鍋卜卜蜆煲$168小 $288大食左個小size 份量都好多，勁大鍋已經足夠四人食，清清地夠鮮味，仲有蘿蔔同粉絲，好抵食小食牙籤雞 $58👍🏻👍🏻意想不到地好食，原本以為都係類似炸雞件咁，但原來佢外面用左的脆脆米炸，增加口感另外有位後生服務員，態度都好好，一坐到位就有留意到我地等我地落送，一舉手就迅速黎到，比個like 佢😙

聽朋友話荃灣三陂坊有好餐廳食飯，見到呢間坐位環境ok唔會覺得逼，仲有見到有好多滋補湯，所以入左呢間餐廳試下。因為太肚餓所以點左好多樣餸，眼見樣樣都好食咁🤤🤤椒鹽九肚魚👍🏻👍🏻$78重點推介，整出嚟熱辣辣，又林又滑，另外有個汁就算唔點味道都好夠不錯砂鍋卜卜蜆煲$168小 $288大食左個小size 份量都好多，勁大鍋已經足夠四人食，清清地夠鮮味，仲有蘿蔔同粉絲，好抵食小食牙籤雞 $58👍🏻👍🏻意想不到地好食，原本以為都係類似炸雞件咁，但原來佢外面用左的脆脆米炸，增加口感另外有位後生服務員，態度都好好，一坐到位就有留意到我地等我地落送，一舉手就迅速黎到，比個like 佢😙

最潮的潮州菜館三陂坊主要是中菜 小炒 火鍋的食肆但醉潮館就與眾不同 打破一般的打冷鋪形象裝修十分中國風 現場的食客也偏向年青第一次來吃 便隨意叫了幾道招牌菜.砂鍋卜卜蜆煲由於只有兩個人吃 所以叫了一個小的沒想到份量卻如此驚人 絕對夠三至四人分享卜卜蜆目測有兩斤吧 都很飽滿 完全沒有沙鍋底還有粟米 粉絲 白蘿蔔🤤微辣和充滿蒜香.杞子紅棗蒸鮮鮑魚初嘗這個配搭的蒸鮑魚 非常養生鮑魚口感相當嫩滑 吃得出的新鮮原來配上杞子紅棗去蒸 味道是很甜的👉🏻忍不住叫了一碗白飯 鮑魚汁拌飯 很鮮甜！.傳統鴨蛋煎蠔烙看到好幾桌食客都叫了這道菜 好受歡迎很少地方能吃到用鴨蛋煎的蠔烙🍳顏色比較金黃 隱約間吃到鴨蛋的香味蠔仔每顆都很大很飽滿 真材實料.題外話🥺隔離桌叫了好幾碟海鮮全部都非常新鮮 份量又多又大盆好吸引…下次要叫多些人才能開心share另外想試他們的湯 好有住家靚湯的感覺

荃灣二坡坊，三坡坊不嬲都好多野食。集中都係打冷，大排檔餐廳。今日就黎左試一間新野，環境比其他大排擋好，坐落都舒服啲。同屋企叫左兩餸一湯，鐵板一口牛，蒜蓉炒通菜同埋胡椒豬肚湯。先講個湯，胡椒味真係好濃，甘岩依排天氣轉涼，飲翻啖辣辣地既湯，即刻暖曬胃。另外，個鐵板一口牛好惹味，熱氣十足，係甘岀煙，牛食落有口感，黑椒味夠，配飯食真係正。胡椒豬肚湯都係88蚊，好大碗。鐵板一口牛依個就108蚊，牛既量都好多。炒通菜

星期日就緊係要陪下屋企人，所以今日就帶左屋企人黎荃灣食野。食左幾次茶記，今日就試下新野，食潮洲菜。餐廳環境裝修雅緻，有小餐館既氣氛，7點左右已經坐滿曬人。🥢香辣魚仔炒花甲王 - $108香辣魚仔真係好辣，用黎炒花甲真係特別惹味。花甲隻隻都有肉，又肥美。🐉砂煲龍鱔(半條) - $198好耐冇食鱔，所以就叫左半條。以為半條好少，其實份量都好大。鱔肉十分新鮮，咬落彈牙肉嫩！🥚豬油蒸水蛋 - $68清清想食個水蛋，所以走左豬油渣。🥤天地壹號 - $18依個蘋果醋吾係到到都有得飲。食濟左可以解下濟。

荃灣一向是美食餐廳臥虎藏龍之地，這次找到這間位於三坡坊的醉潮館，聞說這裡經常爆滿，因此一早訂了位到此一試。花膠螺頭炖雞：雞、花膠、螺頭、豬骨等材料，清澈的雞湯充滿濃濃的精華，有養顏美肌滋陰明目的功效，另外還有多款不同功效的滋潤燉湯，都是女士至愛。醬滷鵝：鵝片和豆腐都切成薄片，更容易吸收滷汁的味道，沾一點白醋來吃又是另一番風味，味道更有層次感。香辣魚仔炒蟶子：蟶子配以洋蔥、青椒、紅椒等材料炒，感覺似豉椒炒蟶子，如配料炒的時間長一點，洋蔥會更甜更好吃，整碟菜就會更惹味。醬爆啫啫秋葵煲：秋葵給人的感覺都是健康清淡的食物，以石鍋去煮還是第一次嘗試，感覺很有創意，很惹味。

今晚在打波前同主子黎到三陂坊既醉潮館食潮州野, 我地平時都喜歡打冷, 但上網睇呢個好似好多人讚, 所以就想黎試試.今晚叫左花膠螺頭雞湯,一打開個蓋已經香氣四溢, 足料, 有雞, 排骨, 花膠同螺頭,勁鮮甜,香辣魚仔炒聖子,呢味餸味道一般, 洋蔥有啲生, 搵唔到魚仔, 小辣, 呢味餸只係普普通通, 醬滷鴨, 買相已經好正, 鵝片薄切, 再配以豆腐在底, 味道唔算太濃, 但都可以帶出鵝香味道, 值得試, 醬爆啫啫秋葵煲, 石煱上, 上枱時仍熱烘烘, 而且仲非常香, 聲色香味完全可滿足不同官感。總括而言, 呢餐算係普普通通, 不過不失啦