醉潮館

營業中

休息中

週末例牌去荃灣覓食, 三坡坊有好多間菜館都未食過, 同屋企人隨意走入呢間門面較為新淨嘅小菜館, 好多枱已經被留位, 好彩時間尚早, 仲有位俾我哋😛好耐冇飲湯水見佢嘅花膠螺頭燉雞價錢合理, 叫咗一盅嚟試吓, 非常驚喜, 湯底濃郁鮮甜, 而且份量都幾多, 一盅夠居然夠三個人分, 底部超多湯渣超足料👍🏻香辣魚仔炒花甲份量雖然唔算多, 但勝在隻隻都好大隻, 而且新鮮冇沙😋魚仔都幾辣, 非常鹹香😃雪裏紅蝦乾通菜煲亦係非常惹味, 上枱嘅時候仲啫啫聲熱辣辣👍🏻蝦乾都幾多一啲都唔孤寒最後係必須要推薦嘅黑松露蟹膏蒸水蛋🤩蒸蛋非常香滑, 配上香濃嘅黑松露香同大量嘅蟹膏😍簡直係無敵組合👍🏻