188
5
0
電話號碼
92210347
開飯介紹
非一般打冷店,以潮汕砂鍋海鮮粥作主打,配以不同特色地道的潮汕小食。海鮮粥可自由配搭食材,如膏蟹、蜆及鮑魚等,粥底鮮甜。深夜之時客人更可選擇坐到店外露天座位,別具風味。 繼續閱讀
營業時間
今日營業
17:30 - 01:30
星期一至日
17:30 - 01:30
付款方式
現金
其他資料
網上訂座
賞訂座積分
加一服務費
室外座位
有關獎賞計劃
食評 (200)
等級4 2019-12-02
1529 瀏覽
今日老友約我嚟荃灣食飯,三陂坊行到盡頭就見到呢間醉潮館,行到入去店內發覺裝修都花咗唔小心思,有啲傳統中國色彩😻好懷舊👍🏻首先叫咗傳統鴨蛋煎蠔烙🤤用咗傳統嘅鴨蛋煎,上碟見到個蠔餅好靚圓轆轆😻一口咬落去條邊係好脆😋真係第一次食到咁有口感既蠔餅👍🏻蠔餅入面嘅蠔仔好大粒,蠔仔既份量都好多,咬落去淡淡都有蠔仔😻粒粒都肥嘟嘟添😆哈哈😆另外叫咗個胡椒蝦🦐上碟香氣撲鼻,食落去咬咗粒胡椒好過癮,第一次食胡椒蝦,感覺好刺激又好味😋蜜桃生炒骨外脆內軟😍酸酸甜甜好開胃😆個汁調得好好味,送飯食一流👍🏻啫啫芥蘭煲配上大大粒蝦乾,份外入味同香口,芥蘭好新鮮爽口👍🏻蝦乾咸香好味😍我哋仲叫咗咗一碗白飯和一碗白粥,配上以上各種咁好味嘅菜式😋今晚真係大滿足,整體上價錢相宜,味道又唔錯值得推介👍🏼餐牌好多唔同款式嘅菜,樣樣都想食🤤下次一定要再嚟食😋 繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-05
1954 瀏覽
今日去咗荃灣探朋友,然後去咗三坡坊食飯,朋友話呢間舖頭好有人氣,要早啲去,最好預先訂位。我哋乖乖的六點就去到,已經有幾枱客人坐响度,未夠7點已經爆滿。餐牌同餐具都好有特色,湯水都有一本獨立餐牌,自然要叫個飲滋潤一下啦。花膠螺頭炖雞$68湯料有花膠、螺頭、雞腳、杞子、雞肉、豬肉, 湯水大約有三碗份量,炖湯唔油, 味道香濃,養顏又滋潤呀!麻辣田螺大腸煲$98好耐無食過田螺嘞,見到有就即刻叫嚟食,送來時香噴噴熱辣辣,店員細心提醒唔好掂個煲,見佢過咗好耐啲汁仲滾緊。除咗田螺同大腸,仲有大蒜、香芹、辣椒乾。田螺香辣惹味,大腸乾淨無異味,又腍又有咬口,辣辣哋,好好味。食辣嘢,飲罐蘋果醋就最夾!雪裡紅蝦乾芥蘭煲$88雪裡紅就即係雪菜,青綠芥蘭爽口無渣,加埋蝦乾雪菜香鮮惹味,正呀!白果胡椒豬肚湯$88配料有白果同排骨,湯水胡椒香味濃郁,入口微辛,飲落順喉暖胃。豬肚乾淨無異味,軟腍有咬口,好味!潮州舖唔單止可以食打冷嘢,仲有靚湯、惹味小炒、街坊小菜,真係幾潮喎。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-30
1931 瀏覽
荃灣三玻坊有很多中式打冷, 中菜,火鍋店外, 還有一間一直想試的潮式菜店。今晚心血來潮, 就食潮菜吧一看菜單竟然發現有很多款足料燉湯花膠螺頭燉雞湯燉雞湯一般較油,但這湯竟然很清, 但味道濃郁,又足料有花膠,有雞腳,很多圓肉和肉粒, 兩個人每人都飲了大概三碗椒鹽九肚魚吃潮菜當然選一些平常不會自己做的,椒鹽九肚魚功夫多, 去腸,去頭,洗淨,抹乾再撲上生粉炸 這菜做得非常出色 ,外脆,肉質滑溜, 炸粉也不會太多,最怕吃到全口粉。 蜜糖柚子骨一碟大概有七至八件, 每一件都炸得非常之香口 ,骨不多,也不會吃到一口粉, 配上清新的柚子汁和芒果粒,用來撈飯一流。紅蝦乾通菜煲香噴噴,熱騰騰上枱, 通菜炒得非常之香口,雖然是煲上枱,但是感覺很有鑊氣,配上細細粒的蝦乾令平淡的通菜增加幾分口感。總的來說,雖然是潮式菜店,但是有很多燉湯可選擇外,還有出色的中菜,實在是三五知己或家人聚腳談天說地的好地方。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-25
1422 瀏覽
星期六,要做無飯主婦,平時買餸會路過,見到已經好吸引,今次放假唔煮飯終於有理由入去品嚐下內𥚃裝修好雅致,古色古香,感覺好有古舊風味連餐牌都好有心思,分咗兩本,一本小菜的,一本湯品的小菜價錢由$68起~我地兩個人叫咗四樣食物,先來的係招牌款式~傳統鴨蛋煎蠔烙,蠔烙即是蠔餅,這個蠔烙超級脆,而且鴨蛋味濃,咬下"卡卡"聲,煎到炸咁嘅效果,而且煎得乾身之餘,也不會令D蠔仔縮水變乾。又大粒又嫩口,而且一D都唔腥添第二道菜是椒鹽魷魚,$78嚟講好夠份量,而且炸好熱辣辣即食好好味,魷魚外脆內軟,炸得恰到好處,帶有微微的咸香味,而且嚿嚿都好大件嫁當然唔小得愛人的至愛~蜜桃咕嚕肉,也是大大一碟,夠酸夠入味,值得一提係~雖叫咕嚕肉,但更像厚切豬頸肉,係爽口的,炸粉也只是沾了薄薄一浸,而且每件大小相約,仲無骨添~啖啖肉有肉,當然要有菜調劑一下,簡單一道蒜蓉椒絲炒通菜,炒得青翠鮮綠,嫩滑好味其實這間餐館除小菜外,仲有潮式打冷丶湯品同特式菜色提供,除味道好食外,仲無味精,而且好大碟。4碟餸菜已經夠四個人吃飽,是回頭率極高的食店~ 繼續閱讀
(以上食評乃用戶個人意見 , 並不代表OpenRice之觀點。)
餐廳呢裝修相當光亮,同隔離大排檔相比明顯比較新,先睇下餐牌,除了一啲典型嘅潮州菜,還有一些特別的菜式。另外值得一提,餐牌設計用心,如有一本本草湯目設計得像一本武功書一樣;至於裝修,餐廳樓底幾高,加上當日人流不多,所以整個感覺幾舒服。牙簽雞 ($58)味道非常之唔錯,香口,好脆,配合泰式辣醬的味道,酸酸辣辣。作為第一款菜,實在十分開胃口,實質口感有點和kfc的脆辣雞粒,不過這道是新鮮炸起的,味道更好。砂鍋卜卜蜆煲 (細) ($168)勁足料蜆多到滿哂,送到後用猛火煲到蜆都逐隻打開,蜆都入滿了味,逐隻打開,既吃到蜆肉的鮮味道,也有些湯底的味道。除此之外,蘿蔔和粟米都非常入味,值得推薦,必食!紅燒籠中bb鵨子 ($58)乳鴿比想像中的細隻,但是打卡效果十足。這道菜更適合打卡!鵨的味道其實不錯,不算太鹹;肉質不算突出,不過幾入味!椒鹽鮮魷 ($78)椒鹽鮮魷送時熱辣辣。魷魚外脆內熱,食落少少辣 ,感覺好有風味,真的會吃個不停!份量十足,這價錢抵食!總結餐廳價錢相宜,而且味道相當不錯,環境尚算舒適,如果與三五知己黎食下野更佳,可以吃更多的小菜! 繼續閱讀
(以上食評乃用戶個人意見 , 並不代表OpenRice之觀點。)