醉潮館

營業中

休息中

同事推介去食醉潮館，咁近近地公司就去會一下啦。首先來個花膠螺頭炖雞湯、我最愛既湯款，夠熱，材料亦很足，很香螺味，花膠食完感到很有骨膠原呀😝呢度出名既係卜卜蜆，內裡有粉絲同粟米，湯底亦不會太濃，幾岩我口味，蜆的數量亦很多，2人份量都夠有特，我連湯都飲埋，呢個重要呀，即是不會過份濃味👍🏻我們胃口細細，只點三道菜，最後要了古法陳皮蒸鮑魚，一共有六隻，鮑魚鮮味出及有彈性，我極少食果皮但呢度剪開細條我可連鮑魚一齊食、原來味道都很好的呀。入到呢個巷街才發現呢度有美食，真的卧虎藏龍呢

好耐冇食過潮州嘢，朋友就推介呢間荃灣醉潮館～雖然裝修走中國風，但裏面嘅員工衣着同環境音樂都好潮，完全打破咗食潮州嘢等於老土嘅形象！今次試咗呢度出名嘅BB乳鴿($58)，肉質係我食過咁多間中菜館最嫩滑，超級正，食完簡直念念不忘～鴨蛋煎蠔烙($88)淨睇賣相都知吸引，蠔仔好飽滿，用鴨蛋比起一般蠔烙更香，配埋豆瓣醬一齊去食，不得了！最後主角潮州海鮮粥($210）終於上場～我地揀左好幾款配料，包括花甲、蜆、鮑魚、象拔蚌同雞肉～食材好新鮮，海鮮粥超鮮甜！呢到烹調手法獨特且用心，難怪食到夜晚九點幾依然咁多客人捧場！

讚1. 菜式熱辣辣，係即煮既2.芥蘭煲好惹味！入口又夠晒爽口彈1. 環境實在係唔舒服，逼狹，呢度咁多間都坐得唔舒服，但其他鋪起碼唔會逼人坐係個雪櫃隔離2.野食水準超普通，蒸雞過老，狗肚魚唔夠味，呢樣真係估唔到，通常係太鹹架嘛？呢間竟然係無味！3.柚子骨三催四請下終於上檯，肉炸得太乾，入口仲有羶味，醬汁無柚子味，反而係蜜桃，點呀⋯⋯4.價錢唔平，但份量細

去找在荃灣的朋友，了解她驗身情況怎樣！她說三坡坊很多食店，過去邊吃邊談。內街差不多全是食店，望過後她帶我去了這間坐位企理，簡約格局小店。她點了白果胡椒豬肚湯胡椒味香濃及夠辛辣，暖胃一流，每人飲了起碼三碗，如果有埋鹹菜頭就更好味。鐵板跳跳豆腐天氣凍時選擇鐵板上，是不會錯的選擇，柔軟夠味的豆腐，送飯好味，但我們沒吃飯，哈哈！鴨蛋煎蠔餅香，鬆脆的鴨蛋，蠔仔頗大隻，雖味略淡，但蘸點完豆板醬，味道剛好。芥末牛仔粒腍軟的牛肉粒，帶點芥末味與微甜，夠份量，吃得很飽了。

老公同朋友最喜歡去三坡坊，有著一種男人的浪漫，可打羊腩煲，打冷，再加幾支啤酒。今次他們帶我到醉潮樓，裝修雅緻得來帶點復古味，食物煮法仲好潮。黑松露蟹膏蒸水蛋 （88）賣相已經好吸引，水蛋好滑，撈入蟹膏及黑松露，鮮味十足牙簽雞 （58）雞肉剛剛一口一粒，炸粉撈了切碎的雞皮，再炸香，更香更脆蒜蓉椒絲炒通菜 （68）夠鑊氣，通菜新鮮爽口紅燒籠中BB鴿子 （58）鴿子很細，所以肉很嫩，放在籠中賣相更特別涼拌蔥脆魚皮 （78）魚皮爽滑彈牙，拌入麻油香蔥及花生，可自行再用wasabi 醬油，好味良朋知己三個人，小菜數碟，雖不是超名貴的菜式，但精心煮理，份量亦足，夫乎何求！

荃灣實在唔多熟悉，吓吓都要朋友介紹先至搵到好嘢食。呢日來到位於荃灣三坡坊的『醉潮館』，呢度有大排檔的枱仔，櫈仔，又有D古色古香的裝飾，二者合一，可以稱之為豪華大排檔吧。首先叫咗個炖湯好好補吓，佢就係滋陰、养顔、美肌、美目嘅『花膠螺頭炖雞湯』。仲有個打卡吸睛嘅紅燒籠中BB鴿，入味得來又會太鹹，有個鳥籠罩住幾特别。而『黑松露蟹膏蒸水蛋』再加碗『靚仔』已經非常之好味。來到潮州舖，唔少得有個醬滷拼盤，佢真係大堆頭，有紅腸，魷魚，豬大腸，腩肉，豬耳，豆腐，鷄蛋及蒜苗，好飽吖。

和友人第一次來到荃灣三陂坊，驚覺原來內街有很多中式潮州打冷。入到來呢間乾淨企理的醉潮館，坐下來先發現裝修相當精緻，餐牌同餐具都好有古典特色。紅燒BB鴿$58:用鳥籠上枱，紅燒鴿外皮香脆，肉質嫰滑，味道勝在不會太鹹，剛剛好入味﹗薑蔥筒蠔煲:熱辣辣上枱，薑蔥香口惹味，薑蔥汁送白飯一流。 金蠔好大隻，肥美嫰滑多汁﹗蒜蓉椒絲炒通菜$68:上枱餐碟似竹撮箕，頗特別。通菜炒得青翠嫰綠，不錯~花膠螺頭炖雞$68:湯底相當足料，有花膠、螺頭、雞腳、杞子、雞肉、豬肉等。 炖湯難得不會油膩，飲落味道濃郁，飲完感覺真的會滋潤養顏﹗食物質數不錯，感覺健康有益，價錢合理，是中式潮汕菜館中難得清泉。

今日同一班朋友放工就過去荃灣，唔知有咩好食，但天寒地凍，4枝棍互相對望，就不如去食下啲暖胃嘅嘢，行到去有義務幫最出名嘅木人港，就見到間打冷野，於是我哋立即就走入去。見到有個限時優惠嘅羊腩煲我哋義不容辭就叫咗個大到10分鐘個人都就到左啦，咁嘅羊腩炆得好琳，而且件數好多我哋四個人食得好飽，讓蘇媚亦都唔係特別重！ 每人平均食咗10幾件！之後再叫咗個牙籤雞，佢嘅做法好得意，炸雞配上香濃嘅芝麻，為方便大家想一路食又唔想整嘅手上面插左支牙籤上去！雞件揸得好香脆，亦都係呢一度嘅真點知寶！食打冷當然唔少得豪餅啦，你揸到嗰邊好脆，好嘅數量亦都非常之多，亦看得出你啲豪仔好新鮮！相信佢做得唔太油！值得一試！再之後我哋叫咗個砂鍋粥，裏面配料有海蝦、扇貝、雞件、豬膶， 成個粥好香甜，又唔太咸， 個粥煲得好棉！最後我哋幾個男人當然要隊支啤啤佢！

位於三陂坊的食街每晚都人潮湧湧，店內店外都坐滿了食客。今次走到街尾新裝潢的醉潮館食潮州野。砂鍋卜卜蜆煲(小$168)小煲份量都非常多，侍應放低個陣我仲要確認一下是否真的是小煲😆蜆肉非常肥美，無沙，鮮味十足，只加左蒜同辣椒，微辣非常野味，新鮮的蜆煲不用太多調味已經好正😋煲底仲有吸曬湯汁的粉絲、薄切白蘿蔔同清甜粟米🌽望下兩碟蜆山就知份量十足😂半隻霸王雞($148)又係大大碟，連雞胸都非常嫩滑，雞味十足🐔黑松露蟹膏蒸水蛋($88)真係超級無敵勁好食😍❤❤水蛋蒸得好滑好滑🥚好香黑松露味再配埋份量十足的蟹膏將蒸水蛋推到另一個層次，啖啖黑松露加蟹膏，滋味無窮，必食推介👍👍👍

網上面見到呢間潮州餐廳，知道係主打唔同嘅海鮮生滾粥。但係今日得自己一個，所以決定叫下唔同嘅香口炸物，輕鬆下嘢飲。牙籤雞，顧名思義，用牙籤吉住啲雞粒，加埋少少芝麻同埋炸漿去炸，一口一粒，方便食，用黎送酒一流。椒鹽九肚魚，周圍都有，好唔好食就係睇個炸漿，依度嘅椒鹽九肚魚都算唔錯，面頭嗰炸漿唔算太厚。食落個感覺都唔錯，魚肉有非常軟。另外見佢呢個小米餃有推介，所以叫黎試吓，果皮有少少似粉果嗰個皮，細細粒咁一啖一粒，做小食都叫唔錯嘅。整體來講食物都不錯，價錢還可以，一班人聚會係不錯嘅選擇，下次叫埋一班人黎食一定會好好多可以試多啲唔同嘢食

今日老友約我嚟荃灣食飯，三陂坊行到盡頭就見到呢間醉潮館，行到入去店內發覺裝修都花咗唔小心思，有啲傳統中國色彩😻好懷舊👍🏻首先叫咗傳統鴨蛋煎蠔烙🤤用咗傳統嘅鴨蛋煎，上碟見到個蠔餅好靚圓轆轆😻一口咬落去條邊係好脆😋真係第一次食到咁有口感既蠔餅👍🏻蠔餅入面嘅蠔仔好大粒，蠔仔既份量都好多，咬落去淡淡都有蠔仔😻粒粒都肥嘟嘟添😆哈哈😆另外叫咗個胡椒蝦🦐上碟香氣撲鼻，食落去咬咗粒胡椒好過癮，第一次食胡椒蝦，感覺好刺激又好味😋蜜桃生炒骨外脆內軟😍酸酸甜甜好開胃😆個汁調得好好味，送飯食一流👍🏻啫啫芥蘭煲配上大大粒蝦乾，份外入味同香口，芥蘭好新鮮爽口👍🏻蝦乾咸香好味😍我哋仲叫咗咗一碗白飯和一碗白粥，配上以上各種咁好味嘅菜式😋今晚真係大滿足，整體上價錢相宜，味道又唔錯值得推介👍🏼餐牌好多唔同款式嘅菜，樣樣都想食🤤下次一定要再嚟食😋

其實荃灣多野食就係人都知架啦, 咁我地係夜鬼來架麻, 成日都成10點先去食飯, 要搵間好食而家就腳既就有D難, 但我地今次食醉潮館又真心開得夜之餘又好食喎!!!!!!我地叫左醉潮秘制雞煲、紅燒BB鴿、雪裹紅蝦干芥蘭煲、椒鹽九肚魚、陳年果皮蒸鮑魚, 先講講每樣食物先, 醉潮秘制雞煲好香, 好入味, D雞好滑, 正!!!! 紅燒BB鴿係勁靚, BB鴿都係好滑,好香, 係即炸既, 仲要放係個鳥籠入面, 真係好可愛, 我都係因為個鳥籠而再叫多一隻….哈哈.. 雪裹紅蝦干芥蘭煲好香口, 好新鮮; 陳年果皮蒸鮑魚蒸到剛剛好, 好想再叫多碟, 果皮味又冇阻礙鮑魚的鮮味,真心正…最後個椒鹽九肚魚就唔洗講啦, 香夾脆, 回味無窮…

今日約左三五知己去左食下飯, 有朋友提議食中菜, 仲話有間食開好好味, 咁我地緊係立即和應話好啦, 原來係荃灣三波坊醉潮館, 我地都成9點半先去到, 都仲好多人坐滿客, 係LEE個時局仲咁多人食, 一定有反咁上下, 咁我地幾個人叫左幾個勁岩送酒的食物, 飲住青島吹下水咁幾正呀, 我覺得最好食係雪裹紅蝦干芥蘭煲, 芥蘭剛好爽脆, 用石頭鍋送住唔會咁快凍, 飲住BEER一流, 另外, 我地仲叫左雞煲同椒鹽九肚魚, 都係送酒既佳品, 同埋差D忙記左個勁可愛打卡一流的炸BB小鳥(紅燒BB鴿), 下次要再飲埋個湯, 勁多選擇, 但因為太飽飲唔到了

今晚和長輩一聚潮州菜最啱佢口味，和佢去左位於荃灣三陂坊街尾的潮州菜館。菜館格局不似慣常潮式打冷舖設肉架掛滿滷水鵝、紅腸、墨魚等，館內以紅磚牆木枱裝潢，簡樸得來帶點古色古香的潮味，環境乾淨企理。離開時見菜館外放置了多張大枱坐滿食客人相當好生意。餐牌有兩冊小菜湯目各一，菜名大字附有推介，圖文並茂清晰可見，價錢大眾化。紅燒籠中BB鴿子 $48鴿件放在雀籠裡賣相十分討好，影相呃LIKE首選。BB鴿一開四，皮脆肉嫩有肉汁，鴿肉醃得相當夠味，四十八蚊相當抵食。傳統鴨蛋煎蠔烙 $88潮州菜必食的菜式，蠔餅煎得原整外型似足比薩，而且炸得金黃脆身，嫌餅底略硬難以分割。鴨蛋蛋香味濃，蠔仔大粒飽滿嫩身食落唔腥，蘸上魚露或泰式辣醬，甚為惹味。牙籤雞 $58一碟有十多件，外層有粒粒脆米香口，卜卜脆口感十足，一籤一口佐酒小食口痕之選。鐵板黑椒豬仔髀 $98豬仔髀有六件大件多肉，二人食每人食三件有點吃力，錫箔紙包住骨位可用手拎住，食得方便自在。肉質鬆軟一咬輕易骨肉分離，豬仔髀早已醃得入味，黑椒汁比較鹹不宜蘸太多，免得鹹死自己條脷。雪裏紅蝦乾通菜煲 $88香噴噴熱騰騰，聲味俱全鑊氣十足。用上石鍋熱度持久，通菜爽口吸汁

招牌香辣魚仔炒花甲 $108招牌傳統鴨蛋煎蠔烙 $88芥末牛仔粒 $108-1️⃣ 招牌香辣魚仔炒花甲 ⭐️⭐️⭐️ 花甲size偏大😍，炒得好香，一陣香辣味，味道偏淡/2️⃣ 招牌傳統鴨蛋煎蠔烙［滿星］⭐️⭐️⭐️⭐️⭐️‼️炸得好香脆，炸粉又唔會過厚，做到比一般岀面食既薄身！唔會係個炸粉多過個蠔餅，蠔仔都好大粒又多，而且好每粒都好肥美😍😂真係鋪滿成個餅！/3️⃣ 芥末牛仔粒 ⭐️⭐️⭐️⭐️睇其他人既評價，都大讚好食，的確份量好多，牛原本就醃得好入味，重鹽味同小小黑椒味，加上芥末真係成個level提升。