達順辣蟹火鍋 (已易手) 新餐廳

好耐冇同朋友聚聚，想試下新嘢。去咗呢間橋底辣蟹嘅姐妹店幫襯，睇相覺得菜式好傳統好有鑊氣。👇🏻招牌橋底辣蟹呢個係必食必食必食，重要到要講三次呀。炒蟹有得揀大細 ($388, $488, $588不等)，仲有唔同辣度選擇，我地揀咗$388細隻小辣。其實上到枱$388都唔算細隻，食落好juicy。最掂嘅係帶有蟹味嘅辣蒜，同朋友都忍唔住加咗兩碗白飯撈辣蒜食，下次一定encore。👇🏻豉椒炒蜆有鑊氣同埋冇乜沙，可以同大排檔一較高下。同埋唔會話殻多過肉，份量好足。加十蚊就可以轉炒花甲，下次一於升級試下。👇🏻芝士焗蘭花呢個係芝士控必食嘅！西蘭花焾得嚟唔會太老，上枱仲係青BB好靚仔。如果可以再落多啲芝士就好了。👇🏻咕嚕肉個汁嘅酸甜度啱啱好，食落好醒胃。咕嚕肉嘅炸粉唔會太厚，配菜索哂汁，又係一個撈飯推介。麻辣手撕雞 (竟然冇影相)可以揀要半隻或者一隻。我地叫咗半隻但都有半座山咁高，又係充料之作。怕食辣嘅朋友可能要考慮下，但唔怕辣嘅朋友一定要試，因為都幾野味下。用嚟送酒送汽水都一流！嘢食嘅水準絕對喺我地期望以上。成餐飯店員都好好服務，上菜同加茶都好快。埋單時仲有問我地覺得食物點樣，感覺親切，會再嚟幫襯呢！

糧尾嘅友聚，最需要就係抵食好坐嘅餐廳。。。初初聽到朋友話食橋底辣蟹，都以為唔平，點知又出奇地抵食，叫左5個小菜一個粥先$639!!!店員服務態度又好，地方乾淨。魚湯浸蜆，味道唔錯，但略嫌有時會食到沙椒鹽九肚魚，外脆內滑酸菜魚，湯酸辣適中，魚片好滑唔會腥仲有索味薯粉😋金銀蒸蓉蒸勝瓜，海量嘅蒜蓉炸蒜配上清蒸勝瓜，健康清淡得黎又不失惹味田雞粥，粥底軟綿，田雞份量都唔少避風塘BB骨，熱辣辣啖啖肉，搭上蒜頭豆豉辣椒香茅，推介！食到十分滿足，埋單時店員仲主動送紅豆沙俾我地食，碗紅豆沙起晒沙而且又唔會太甜💯

銅鑼灣一帶有好多避風塘炒蟹嘅餐廳，但係從來都冇試過任何一間。今晚朋友提議是但入一間試一試， 就去咗呢間達順辣蟹火鍋，食完先知道原來佢係橋底辣蟹嘅姊妹店。三個人點左沙律蝦球、花甲、芝士焗西蘭花、同埋最出名嘅招牌橋底辣蟹。👍🏿沙律蝦球，蝦球爽口彈牙，用西蘭花半碟，西蘭花點到少少沙律醬，好好味。👍🏿豉椒炒花甲，花甲新鮮，但係唔夠辣，味道亦算可以。👍🏿芝士焗西蘭花，同張相有少少出入，但係芝士嘅份量都幾多， 好香口濃郁，多得嚟又唔會膩， 推薦！👍🏿避風塘炒辣蟹，非常出色嘅一個餸菜，我哋三個人，點左最平嘅一隻蟹，大約三百幾$400 。 炒蒜非常香口，少少辣，蟹嘅質素亦都10分新鮮，上枱嘅時候，蟹鉗嘅位置亦都已經處理好，只需要再用夾輕輕一夾就好易拆開。我另外加咗個白飯撈炒蒜嚟食， 絕對推薦要試一試！

鵝頸橋底嘅辣蟹不嬲都好出名今日上到黎又唔係好想打邊爐，見到枱枱都食緊小菜，好似幾好食咁，咁就一於叫餸食飯啦辣蟹嘅小菜非常之經濟實惠，$100唔使找就叫到個小菜，兩個人嗌返三道餸送飯一流<薑蔥生蠔煲$168>生蠔勁大粒，Fatbrown 好鐘意食蠔肚，肥滋滋蠔肚薑蔥爆香，有港式大排檔風味<西蘭花炒帶子$138>平時食西蘭花炒帶子，通常帶子都係得個一、兩粒辣蟹的西蘭花炒帶子，帶子分量十足，鋪滿西蘭花個面，且鮮甜爽口<柚子翠香骨$78>排骨肉炸過去沾上柚子蜜，爽脆得黎有少少甜香，又無沙拉骨咁膩

橋底辣蟹出名好食,原來佢有好多間分店達順辣蟹火鍋係其中一間,都係上到去見到個餐牌先知,上到佢念緊食火鍋定小菜,因為得2個人,最後都係選擇左食小菜因為我見到有我最鐘意食既煲仔菜,好吸引我點左2個煲,一個小食同一個湯其實2個人食真係好夠,而家比想像中平真係估唔到煲仔菜:豬潤啫啫雞煲 + 薑蔥生蠔煲豬潤啫啫雞煲當然係食豬潤,唔係間間都有豬潤但其實豬潤先係精華豬潤薄身,但都幾滑薑蔥生蠔煲有5隻,唔會太熟太生,剛剛好夠火候小食係一碟沙薑雞腳都唔錯,雞腳都幾大隻再點多個橋底海鮮湯超多料,有蜆,蝦,尤魚,帶子,豆腐,白菜,湯奶白色,無油,清得黎好濃海鮮味而且份量十分多,夠6-8人

自疫情起都無乜出過街食晚飯，近排緩和返，都趁機同幾位好朋友聚一聚，銅鑼灣區嘅性價比之選，呢間達順辣蟹火鍋可佔一席位，除左火鍋，其實仲有非常多樣化嘅中式小菜，多到花多眼亂。豉椒炒蜆 ($88): 蜆肉肥美，新鮮爽甜，而且唔會有沙。豉汁味道濃郁，微咸小辣，揀黎送啤酒都幾唔錯。酥炸生蠔 ($158): 一客共有五隻，炸粉厚度適中，非常酥脆，蠔肉飽滿好大隻，啖啖肉，又爆曬汁，食一件都已經好滿足，推介之選。口水雞 ($110/半隻): 價錢超值，半隻口水雞都只係$110，而且隻雞仲要唔細隻。呢度嘅口水雞都幾濃味人，微辣帶咸，但勝在性價比唔錯。招牌橋底炒飯 ($75): 招牌也者，間間唔同，但呢個炒飯真心唔錯，用料豐富，除左肉粒，仲有唔少蝦仁及帶子粒，幾鮮味。飯粒顆顆分明，夠乾身，亦幾有鑊氣。餐後仲奉送綠豆沙，唔會太甜或太膩，唔錯。

去銅鑼灣買嘢順便約朋友食飯，上次我揀餐廳今次就朋友選餐廳，佢就帶咗我嚟呢度食飯。原來呢間係「橋底辣蟹」嘅姊妹店，連餐牌同紙巾盒都有「橋底辣蟹」個名😆我哋今晚主攻小菜，其中有「果皮蒸泥鯭」，泥鯭好新鮮，肉質結實，同果皮一齊蒸，好香又完全冇腥味，沾醬油好美味😋「酥炸生蠔」被脆卜卜嘅脆漿包住，好香口；生蠔就幾大隻，幾creamy，好食😋「薑汁炒芥蘭」嘅芥蘭菜非常鮮嫩，簡簡單單都炒得好味，感覺又非常健康🥰仲叫咗一鍋「生滾鷄粥」，粥底好綿，見到落咗好多件雞，唔怪得每一啖粥都有雞味😋仲有甜品紅豆沙送添！同朋友食得好開心，美味滿足嘅一餐😋

避風塘炒辣蟹代表水上人嘅飲食文化，構成香港歷史文化嘅一個重要部分。以前食炒辣蟹真係喺避風塘食，隨住時代推演，漁民一個一個搬晒上岸生活。換言之，要食炒辣蟹亦要上返岸。銅鑼灣一帶比較多同類型店舖，問起店員，呢間達順辣蟹原來係橋底辣蟹嘅分店，講起橋底辣蟹，當然最出名就係食避風塘炒辣蟹。不過今次只係同朋友兩人嚟到，我地諗完一輪，覺得兩個人未必食到咁多嘢，見到餐牌有其他特色小菜，決定今晚試一試佢地嘅中式菜。我地首先試咗呢個麻辣手撕雞(半隻)。雖然成日話自己屋企好容易整到，但係要撈得惹味都唔係容易，呢碟手撕雞夠晒香、夠晒辣。當係開胃前菜食又得，份量之多亦足以當成一個小菜去食。酸菜魚：酸菜魚我最睇重個湯底調味，其次睇魚片肉質。今次呢個湯底幾啱我口味，唔敢話去到最好味，不過以香港嘅水準已經相當唔錯，價錢亦相當抵食，唔洗一百蚊已經大大兜，魚片有好多塊，個碗仲有好多薯粉，無得去中國食辣嘢嘅朋友都可以嚟呢到過住口癮先！椒鹽鮮魷：呢味簡直係大排檔必點菜式之一，係出街食先會食到咁香口。屋企得三、四丁友，懶得花心機去搞一大輪炸魷魚。呢碟椒鹽鮮魷整得有大排檔水準，魷魚夠乾身，最緊要唔好太水、太淋，呢碟魷魚應該喺落鑊

最近餐廳推出海鮮火鍋套餐優惠，於是我哋一行四人去試一試海鮮種類又多又大份，包括蟹、蝦、花甲、鮑魚、魚片同埋魷魚等等，而且鮮味十足！只要按着時間煮，就已經好好食！蟹肉鮮甜，唔會腥 ！蝦用咗竹籤咭，方便進食，而且蝦肉彈牙，證明係新鮮貨源！鮑魚只要煮幾分鐘就食得，肉質彈牙，千其唔好煮得太耐，否則會韌🙈花甲非常新鮮，仲識得郁架！所以非常鮮甜！魷魚更加不得了，初時以為冇咩味，但原來既彈牙又香魷魚味！除咗海鮮之外，仲有大量蔬菜、肥牛同埋丸類，款式豐富！粥底材料都好豐富架！可以自選唔同嘅蔬菜同埋肉類，令到粥水味道層次更豐富！最後餐廳仲送上陳皮紅豆沙，為呢一餐畫上完美句號！

呢個價錢食到蟹嘅粥底海鮮🦞火鍋又唔收加一真係好抵食套餐本身包左蟹同埋沙白另外有6揀5款海鮮：鮑魚，蝦花甲，多寶魚，油貝，大尾魷有蔬菜籃，南瓜粒芋頭粒粟米粒做粥底再揀8款火鍋配料：我揀咗肥牛，豬頸肉，金菇，雞件墨魚丸，魚蛋個粥底鍋一開火 當然落左隻蟹先😎👻睇相望落細，但係其實都有隻手咁大隻 見到啲鮑魚下郁下郁下就好興奮喇沙白，蝦🦐唔使點汁，豉油都好有鮮味 yummy隻蟹鉗好大隻呀 店員有齊工具比我地開蟹 very good 平時覺得火鍋好熱氣但呢個粥底火鍋清清地又有鮮味完全唔覺得熱氣好好味呀啲餸上齊晒一次過影相📸️打卡，好岩一家人黎食 幾偉康 肥牛唔會太肥 有牛味 冇雪味 食左海鮮先打邊爐 🍲入哂啲鮮味精華係個鍋度😆 配埋支啤酒🍻爽呀！ 一定會再黎幫襯🍾️真係超飽爭啲食唔晒其實都好似食淨左少少🤣

呢一日約咗朋友出去打邊爐，見呢間可以食蟹鍋，就揀咗呢間。一上到一樓，侍應姐姐就帶我哋兩個坐卡位，以兩個人嚟講，都算幾闊落。其後阿姐好快上咗點菜紙，調料盤同豉油。辣蟹湯鍋 ($168)呢間餐廳出名食辣蟹鍋，我哋一場嚟到冇可能唔試一試佢，跟手叫咗幾碟配菜同肉一齊食。不出意外地係先上咗個辣蟹鍋，睇落去幾紅吓，我朋友唔算太食得辣，有啲嚇親，但食落去又唔算太辣，仲好惹味。望落去好足料！蟹鉗就快有我半隻手咁大。食落去，蟹肉好實，辣味唔算太搶到蟹肉本身嘅味道。豬皮($32)牛帕葉($38)我哋叫咗牛帕葉($38)、豬皮($32)，尚算新鮮乾淨，呢兩樣好吸辣，而且好爽口，食到個蟹鍋本身嘅鮮同辣，食落去好過癮。肉呢，就叫咗雞、豬頸肉同牛肉，想樣樣都試一下。比較推介嘅係豬頸肉同牛，呢度價錢幾實惠，唔會MARK UP，份量又大，好岩後生食呀。美國肥牛($78)就係靚牛，好滑好有牛味。豬頸肉($38)豬頸肉食落去好有咬勁，食得好爽。其他配料係現成的，我就唔特別講啦。芋絲($28)炸魚皮($32)唐生菜($32)嗰蟹鍋本身有枝竹同冬瓜做底料，成餐食完落去，我哋兩個都食得好飽肚。最後必須要提嘅係，係一路食野嘅期間

最近天氣凍左就會想食火鍋，放工後約左好友去食粥底火鍋🍲餐廳內裡環境裝修舒服，進去後沿著樓梯上一樓，坐位都很舒適👍🏻粥底火鍋一個價錢已經包括了多款海鮮跟火鍋配料，最後仲有最緊要的粥底喇🥰🥰🥰鮑魚不算大只但很厚身，爽口彈牙鮮味十足👍🏻有殻類的海鮮分別有花甲、沙白、油貝，殼打開左就熟啦，各款都很新鮮美味🥰而大尾魷入口很爽口又唔韌，點上醬油更添美味可口😋😋海鮮後是就是食粥啦，有南瓜粒、芋頭粒及粟米放進鍋里，慢慢熔化的粥底，食出陣陣鮮味😋😋😋仲有其他自選配料炸魚皮，煮一煮就食得打邊爐必點之一😋；魚腐香口美味，彈牙可口；另外豬紅和豬皮都整得好質感彈牙！👍🏻👍🏻

好耐無食過粥底火鍋7：30 經過見到呢間好彩唔需要等位～ 就入左去其實有SET 好似好抵食但朋友仔又唔太想食蟹😂員工都好NICE大多都係叔叔姨姨一直播住J2睇賽馬配料盤 茶位$20@EACH鍋底烏冬 $25唔記得左有粥食都唔知自己做乜要叫烏冬😂鮮冬菇 $32好新鮮啲菇好彈牙美國肥牛 $78雖然睇上去唔吸引但淥出黎OK 有牛味鮮滑雞件 $48真係又滑 又新鮮澳洲帶子 $78呢個差少少急凍白鱔片 $88鮮甜 爽口桂花蚌 $98呢個好爽 好彈牙鮮蝦滑 $48好似手打既感覺好足料 仲食到蝦～好彈牙四寶丸 $78同手打丸一樣 油麥菜 $32總括黎講都 食材都好新鮮～～同埋服務都幾好

過年前約了一班同學飯聚，去了銅鑼灣這間達順辣蟹火鍋，除了有一般火鍋外，還有粥底邊爐，我們點了$198免加一茶芥套餐，非常抵食。先用了粥水碌海鮮，海鮮中當然不少得肉蟹，肉質鮮甜。海蝦味道都不錯，很爽彈。多寶魚超嫩滑，但比較多骨。鮑魚就較有咬口。花甲及沙白無沙超新鮮爽甜。水魷份量很多又彈牙。另外八款配料，一定要食肥牛，肉腍又不油膩。幾款丸類都不錯，尤其係墨魚丸，彈牙有驚喜。蝦滑爽口彈牙，有蝦肉粒。牛栢葉碌一碌就食得。雜菌份量多，亦有幾款菇菌。最後放入蔬菜粒入粥底內，粥底鮮甜綿滑，充滿海鮮味道。餐廳還會送上西瓜做甜品。

話說我個好鐘意食海鮮的邊爐控朋友，話佢近排食咗間性價比極高的火鍋，咁就當然叫佢帶我去食啦我地一行4人揀咗呢個餐，$198/位，免咗加一同茶芥一開始會比咗南瓜粒、竽頭粒同粟米你煲個粥底先之後會上肉蟹，每人半隻，老闆叫我地下煲淥一陣，之後先落其他海鮮海鮮方面，肉蟹同沙白係指定的，另外可以再揀五款，我地就揀咗鮑魚、蝦、大尾魷、花甲同多寶魚。說實在，呢度啲海鮮都很新鮮，不用特別的調味同湯底已經食到海鮮個鮮甜味，勁正我地另外散叫了一碟蠔，啲蠔好大隻，有成個手掌心咁大，而且清潔得很乾淨，淥完又唔會縮到好細，食落好飽滿爽口，好食除了海鮮外，套餐亦包咗8款火鍋配料，當然大部分都係平時打邊爐會食到的，但我地點咗一様平時好小見，我自己都係第一次食邊爐食的章魚燒，食落都幾好食，一層一層，而且好彈牙有咬口，不錯食哂火鍋後，伙記會幫我地落粥，煮一陣就已經將之前啲精華吸晒，又好食又飽肚飲品唔記得影，但有瓶又係我未飲過，餐廳自己榨的粟米汁，很清甜，幾香粟米味，好適合打邊爐飲食完飯，餐廳最後仲送咗紅豆沙比我地，好完滿呀！呢個價錢，呢個質素，實在係性價比高之選