達順辣蟹火鍋 (已易手) 新餐廳

年初五假又放完，一年既開始，同老公兩個人去了食粥底火鍋。粥底是用了肉蟹及沙白配搭了芫茜及冬菜等等調味，用料十足，海鮮鮮甜味融入粥底內，另外還有南瓜、芋頭及粟米粒，令粥底越煲越綿。另外自選海鮮五款我們就揀了鮑魚、蝦、花甲、多寶魚及大尾魷，海鮮十分新鮮，鮑魚彈牙；蝦肉結實彈牙；貝殼類洗得乾淨無沙。自選配料有八款，揀了肥牛、魚旦、墨魚丸、竹笙、魚皮鮫等等，墨丸超彈牙，有粒粒墨魚粒，肥牛都很腍滑，竹笙吸收了粥底鮮甜味。雖然唔係任飲任食，但食完海鮮同配料都已經夠飽，再加埋碗粥已經非常豐富。最後還送上糖水。

銅鑼灣粥底火鍋誠意推薦，新鮮食材，性價比高。入座後，店員便拿火鍋調料給我們調配。粥底火鍋包括了一隻肉蟹，自選五款海鮮及八款火鍋配料。有一張餐牌清楚寫明每款海鮮所需的煮食時間，大家只要跟足指引，就𣎴會怕海鮮煮得太生或過老。一大盤海鮮上菜了，肉蟹頗大隻，肉質結實，完全食到蟹味同鮮味。鮑魚及海蝦爽口彈牙，啖啖是肉，口感豐富。有兩款貝殼類海鮮，包括沙白及花甲，重點是全部都沒有沙！ 品嚐完海鮮可以食火鍋配菜。吃火鍋配菜的同時，可以將製作海鮮粥的蔬菜如南瓜粒，芋頭粒及粟米放進火鍋內，同時滾起來。最後最精華的海鮮粥出世了，粥底軟綿綿，而且吸收了所有海鮮的精華，十分香口，美味，今人愛不釋手。買單更有贈送糖水，綠豆沙。 這個粥底火鍋十分超值，食物新鮮，款式多，大家食到捧住個肚走。

粥底海鮮鍋不是什麼新鮮事, 要以平價及海鮮新鮮度才可以留住食客嘅心今晚黎到銅鑼灣嘅達順辣蟹火鍋, 淨看門面及地段, 真係無諗到係咁抵食！一個海鮮餐, 有肉蟹、鮑魚、海蝦、魷魚及多款蜆類, 仲有8款打邊爐配料, 最後仲有粥底, 飯後果水果同糖水, 真係飽到上心口。唯一就係除左熱茶,係無包任何飲品,飲品都需要散點, 多人的話都可以叫一勺酸梅湯及粟米汁。先用粥水黎淥海鮮, 粥水本身無味, 全靠海鮮觧味打做粥底, 所以海鮮品質好重要。餐廳有提供淥煮時間, 例如肉蟹13分鍾,鮑魚5分鐘等等, 只要跟足指示, 海鮮熟度岩岩好！值得再提嘅係海蝦, 用竹籤串好除左美觀及食用方便, 而且好新鮮, 肉質好夾爽, 市面少見。經過一轉海鲜之後, 粥底明顯有味而且偏甜。食完海鮮後再放入雞件,豬頸肉及牛肉令粥底再加添肉味, 當然雞有雞味,牛有羶味, 十分正常。最後加入粥膽同芋粒南瓜粒再煮綿, 最後一啖粥非常入味, 全晚嘅精華 不過煮粥前記得要撈起所有野 (例如有蟹殼)。最後最後有西瓜同綠豆沙送, 不過唔係跟餐架,要撞下手神喇!

This is my first time having a congee based hotpot, and here I was wondering how does that even work? Wouldn’t the congee just burn? But uneducated me didn’t know that for the hotpot portion, they just add the congee liquid so that it soaks up all the deliciousness from all the hotpot ingredients. And then at the end they add the actual congee and it makes for a flavourful bowl.We got the seafood congee set which included the congee base, crab and fish, 5 different seafoods, and 8 hotpot ingred

咁耐以黎都無食過粥底火鍋朋友介紹話上次食完都幾好味又黎試下呢個餐睇落幾抵！198一位5樣海鮮仲有8款配料 仲免加一好似好豐富咁所以我地決定食呢個個湯底就清左d 就係等我地落蟹落海鮮蟹同沙白係跟餐另外海鮮6選5 但因為其中一款無 所以都無得揀睇落都好多呀！仲有教你大概幾耐拎起食得！我地跟住佢黎倒數蟹都ok膏就無乜但蟹味幾香 蝦都好食又易甩殼仲有鮑魚 魚 魷魚 食到差唔多 就可以落佢嘅配菜但個湯底會越黎越結另外果8樣配菜因為係人頭份量 所以就好少咁🙈個牛係好好食 早知叫幾碟 魚皮係最近嘅最愛本來見到咁想加單但食到最後係飽到嘔 加唔到肥牛臨尾就會俾埋個粥底 湯底吸哂味黎食 但食到兩啖已經食唔哂如果想加單都有好多選擇埋單食左好多野咁 都係200蚊只係得啤酒要加一！好抵！

年尾時份，又是時候與食得之同事一起吃個團年飯，雖然得兩個人，但找到同樣喜歡嗜好食野嘅同事都唔錯。一行二人找了一間地道港式鍋氣小炒，不過，我哋本來因為火鍋而來。達順的火鍋吸引左我們來，兩百蚊左右就可以有個粥底火鍋，還是海鮮為主。不過最後睇到佢嘅餐牌後，我哋改變了主意，食小菜。達順主要係辣蟹聞名，炒小菜一定都唔會輸蝕。當然我哋嘅決定係正確。火鍋食鮮，小菜食鍋氣同㘃味，我地都一致認同達順完全做到鍋氣及㘃味，仲要有鮮味。兩個人其實點三個都相當足夠，因為達順嘅小炒份量都不小。不過兩個為食嘅人點會滿足？我哋點了買味餸一鍋雞粥，最後飽到上心口。不過一點都不後，小菜真係相當出色。可以嫩，鮮，㘃味來形容。先係雞粥，達順有佢特別嘅方法帶出雞嘅㘃味，佢一定是先張雞件拉油，奇就奇在，粥底一點都不油膩，反而有雞味同鮮味。跟著就係鵝腸，用了豉汁爆炒，師傅手勢非一般，可以炒得剛剛好，鵝腸嫩而鮮味，唔老。另外，豉汁炒花甲，不過，大家要小心，唔食得辣嘅朋友，要忍一忍。花甲相當辣，㘃味，花甲又係岩岩夠，火喉唔多唔小又㘃味又嫩口，只係辣左啲。仲有姜蔥爆桶蠔，同西蘭花🥦炒鮮魷。足料㘃味恰道好處。順達廚師有功力，果然炒開辣蟹，

價錢： 價錢望落每樣都唔貴 但份量得正常既一半都唔知有無 環境：老闆安排左間房俾我地 好好 但張檯同個煲既比例太大 夾野好辛苦 食物：我地叫左兩個套餐其他散叫 因為套餐款式不多 同埋都唔肯定好無食費事叫全部一樣 跟套餐既蟹同蝦都媒媒地 但鮑魚好食 其他散叫既食物都一般般 得炸魚皮同多寶魚好食😂但套餐份量唔少既 服務：見到我地叫兩個套餐個員工秒我地 嘖埋出聲🤣整體：如果對海鮮質素無咩要求 都可以約朋友食下既 套餐ok 散叫就唔好喇 同親戚聚會食團年飯黎講就真係好失望加掃興喇

我們點了一個海鮮粥底火鍋套餐不同的海鮮用一個大碟送上有肉蟹鮑魚亦有海蝦花甲又有油甲大尾魷放在一起賣相很吸引湯底清淡所以絕對可以吃得到海鮮的鮮味桌子上有每種海鮮用火鍋煮的指引不用怕不會煮當我們第一輪吃得差不多的時候店員主動送上第二輪的美食種類亦很多當然有肥牛花膠仔魚皮餃墨魚丸炸魚旦黃金墨魚燒香菇燒味道都不錯火鍋差不多吃完最後把粥底放到鍋裏面煮把所有的鮮味都吸收到粥裡面不需要任何的調味整個粥都十分濃郁

到這間店吃粥底火鍋，酒樓式裝修！今日6:30到尚未有太多人，粥底火鍋抵食，只需$198不用加一有7款海鮮和8款火鍋食材再加主角入味海鮮粥旁邊有指示建議各款海鮮煮沸時間。蝦🦐同鮑魚都好新鮮～肉質彈牙！如果套餐裡食材不夠，也可以自行選火鍋點心紙的食物，我們就加點了桂花蚌，提提點心紙的就要另加一了。吃得差不多，最後可以叫店員加粥，賣相就一般，但慢慢煮滾了就開始見到粒粒粥的模樣混合了濃郁的海鮮味，真的吃盡所有精華。還有西瓜做甜品

年尾諗住換咗個浴花灑頭，於是乎去咗駱克道，行完買完梗係要搵嘢食，又記得朋友介紹過粥底打邊爐，於是問下是邊間，真的就在眼前，於是我就試吓。店舖面有點傳統，但招呼真係好到不得了👍👍👍他們介紹了海鮮粥底火鍋，又話酸梅湯好正，既然介紹得，咁就一定go go go🏃‍♀️🏃‍♀️🏃‍♀️個海鮮真的大大碟，款式多、又新鮮，鮑魚，蝦、肉蟹多寶魚，花甲樣樣正😍粥底可配上南瓜及芋頭粒，夠曬甜！至於牛肉很薄很正，不過細碟d😂猪頸肉好滑，魚片頭有質素👍仲有花膠片，都唔錯，又補骨膠原,啱晒女仕🥰仲有最後的粥真係好好好甜、又鮮、，所以精華盡在粥裏面，至於價錢相當合理🥰👍

適逢冬天嘅來臨，再加上係媽媽嘅生日，揀咗好耐，最終選擇左位於銅鑼灣駱克道既達順辣蟹火鍋專門店！揀左食粥底火鍋，全程可以食2.5小時，一開始會上咗個粥先，不過個粥係比較水嘅，俾我哋拎黎打邊爐！個粥底本身已經有肉蟹同沙白， 肉蟹好新鮮多肉 沙白亦幾鮮甜 之後再黎咗一盤海鮮，海鮮我哋揀咗蟹、蝦、鮑魚、花甲、多寶魚，因為有海鮮， 款式同份量都好多 而且以呢個價錢嚟講 質素算係相當唔錯 最起碼海鮮新鮮 從而令到個粥底都好鮮甜！另外自選配料可選八款食物，食到差不多記得叫職員拎埋個稀飯出黎，再將佢倒入去火鍋度，咁最尾就可以食到一盤超級鮮甜嘅粥！爸爸媽媽都大讚好味！

同阿媽行下街見到呢間火鍋店門口的宣傳，海鮮粥底火鍋$198一位，會唔會太正😌 我地就決定係到食晚餐。天氣涼返啲，嘆個火鍋最好不過！。靚靚的特色美味海鮮粥底，當然要先品嘗海鮮。個餐包左兩款精選海鮮（肉蟹及沙白），還有自選五款海鮮！我地揀左鮑魚、油貝、花甲、大尾魷和多寶魚。一次過嘆咁多款海鮮真係好滿足。每樣都非常新鮮，份量亦比我想像中多。好正！餐包左的精選蔬菜，包括南瓜粒、芋頭粒和粟米件。店員介紹可以食完海鮮先落入個粥底到！另外仲可以叫8款自選配菜，我地就揀左美國肥牛、農場雞件、炸魚皮、薯仔、鮮淮山、萵筍、金菇和花膠仔。每一款份量都唔算多，不過勝在款式多，小食多滋味。好過普通單點配菜咁大碟，冇得叫太多樣野。我同阿媽都認為份量剛好。食完所有配菜之後，就係時候享受下個非常入味和鮮美的海鮮粥。撈埋餐廳提供的芫茜、冬菜、菜腩粒、大頭菜粒、豬油渣，味道更佳。食完一碗已經太飽😂非常滿足抵食的一餐！

天氣寒冷的時侯吃火鍋是最好不過，於是約了很久沒見的好友在銅鑼灣尋找美食，走著走著到了這家「達順辣蟹火鍋」，只需$198就能吃到豐富的海鮮粥底火鍋，感覺好像很化算，所以便內進一試。下單後侍應友善地提醒我們吃粥底火鍋的次序，一開始要放粟米，先吃海鮮，然後放南瓜粒和芋頭粒，再吃肉類和蔬菜，最後再吃粥；座位旁亦有海鮮下鍋時間的溫馨提示。新鮮鮑魚首先這裡的鮑魚很新鮮，咬下去的時侯爆出鮮甜肉汁，肉質很彈牙很爽的，是這家店的必食之選。吃粥底火鍋有三種必點的海鮮，分別是蝦、蟹和蜆，三種海鮮都能讓粥底更鮮甜，它們的殼在熬湯時能帶出昇華。大肉蟹肉蟹多膏又多肉，下鍋後仍然有很多膏在蟹蓋中，沒有全部散掉，廚房也很細心地敲碎了蟹殼，方便我們進食。聖子皇平常在酒家吃的炒聖子又小又沒味道，這裡的聖子皇十分大隻，簡單下鍋後甚至不用沾醬油都能吃到濃郁的味道。另外還有很多食物，如帶子、大魷魚、芝士腸、花膠、雪花牛肉等等，在經過兩小時多種食材的熬煮後，湯底吸收了所有精華，再放米飯多煮一會便變成了黃金粥，最後一共吃了三碗。整體來說食物種類多而新鮮，十分美味，下次必定會再來一嚐。

2019年長期不在港 同朋友見面真係一件好奢侈嘅事搞咗成年終於約得成見面由於有一個朋友特別喜歡食蟹所以我哋就揀咗呢一間蟹粥湯底打邊爐價錢非常合理大人都係$198包左肉蟹同埋粥底另外在可以自選五款海鮮再加八款火鍋配料湯底係白粥嘅湯底初頭都覺得會唔會好淡蟹肉上枱太大隻我哋先拎咗蟹肉落去粥底煲令到湯底有其鮮味大概烚咗13分鐘後蟹肉熟咗啦肉質爽口 仲有好鮮蟹味蟹又大大隻所以食落口啖啖肉自選海鮮上枱時都好新鮮自選火鍋配料款式亦不少雞件同豬頸肉好食打完邊路之後再加入南瓜同芋頭煲10多分鐘之後再加入白粥煲蟹粥白粥吸晒海鮮嘅鮮味所以食落口好鮮最後仲送上綠豆沙俾我哋清熱非常滿足

今晚同男朋友出銅鑼灣辦年貨， 之後黎左「達順辣蟹火鍋」歎左個超值粥底海鮮餐！ 餐廳甚有人氣，平日都差不多全場爆滿，好多枱都打邊爐！ 畢竟冬天凍冰冰，特別喜歡食火鍋。$198 不收加一及茶芥，真心覺得好抵！ 餐廳環境又坐得舒適，職員服務又友善。 銅鑼灣黃金地段，居然有這樣平靚正既套餐。-套餐有兩款精選海鮮及五款自選海鮮大大份海鮮拼盤相當吸引！！ 有肉蟹、沙白、鮑魚、油貝、蝦🦐、花甲、多寶魚！每款味道都好鮮甜。最鍾意厚肉爽彈既鮑魚、厚切滑嫩多寶魚及肉蟹。 肉蟹優質蟹肉夠豐滿，雪白蟹肉夠鮮夠甜亦有種清香味道。食完海鮮後，湯底多了份鮮香。-歎完海鮮，職員替我們更換碟子，然後就奉上一系列自選配料。 有嫩滑農場雞件、彈牙貢丸、養顏花膠仔、爽口竹笙、清甜勝瓜、鮮甜白魚蛋、厚切午餐肉，居然有魚蓉燒賣！-之後準備淆製粥底，加入了南瓜粒、芋頭粒及粟米粒。 粥底夠綿密，最正既係加入埋脆脆、蔥粒、菜莆粒及勁香口既豬油渣粒。 -餐廳除了粥底火鍋，還可以點小菜。 我們點了脆卜卜又咸香既椒鹽鮮魷🦑 伴青島啤酒-還有南瓜西米露糖水奉送