達順辣蟹火鍋 (已易手) 新餐廳

自疫情起都無乜出過街食晚飯，近排緩和返，都趁機同幾位好朋友聚一聚，銅鑼灣區嘅性價比之選，呢間達順辣蟹火鍋可佔一席位，除左火鍋，其實仲有非常多樣化嘅中式小菜，多到花多眼亂。豉椒炒蜆 ($88): 蜆肉肥美，新鮮爽甜，而且唔會有沙。豉汁味道濃郁，微咸小辣，揀黎送啤酒都幾唔錯。酥炸生蠔 ($158): 一客共有五隻，炸粉厚度適中，非常酥脆，蠔肉飽滿好大隻，啖啖肉，又爆曬汁，食一件都已經好滿足，推介之選。口水雞 ($110/半隻): 價錢超值，半隻口水雞都只係$110，而且隻雞仲要唔細隻。呢度嘅口水雞都幾濃味人，微辣帶咸，但勝在性價比唔錯。招牌橋底炒飯 ($75): 招牌也者，間間唔同，但呢個炒飯真心唔錯，用料豐富，除左肉粒，仲有唔少蝦仁及帶子粒，幾鮮味。飯粒顆顆分明，夠乾身，亦幾有鑊氣。餐後仲奉送綠豆沙，唔會太甜或太膩，唔錯。