達順辣蟹火鍋 (已易手) 新餐廳

銅鑼灣一帶有好多避風塘炒蟹嘅餐廳，但係從來都冇試過任何一間。今晚朋友提議是但入一間試一試， 就去咗呢間達順辣蟹火鍋，食完先知道原來佢係橋底辣蟹嘅姊妹店。三個人點左沙律蝦球、花甲、芝士焗西蘭花、同埋最出名嘅招牌橋底辣蟹。👍🏿沙律蝦球，蝦球爽口彈牙，用西蘭花半碟，西蘭花點到少少沙律醬，好好味。👍🏿豉椒炒花甲，花甲新鮮，但係唔夠辣，味道亦算可以。👍🏿芝士焗西蘭花，同張相有少少出入，但係芝士嘅份量都幾多， 好香口濃郁，多得嚟又唔會膩， 推薦！👍🏿避風塘炒辣蟹，非常出色嘅一個餸菜，我哋三個人，點左最平嘅一隻蟹，大約三百幾$400 。 炒蒜非常香口，少少辣，蟹嘅質素亦都10分新鮮，上枱嘅時候，蟹鉗嘅位置亦都已經處理好，只需要再用夾輕輕一夾就好易拆開。我另外加咗個白飯撈炒蒜嚟食， 絕對推薦要試一試！