127
1
0
營業時間
今日營業
11:30 - 00:30
星期一至日
11:30 - 00:30
公眾假期
11:30 - 00:30
公眾假期前夕
11:30 - 00:30
食家推介
其實大約4年前都曾經到過橋底辣蟹，辣蟹固然係遠近馳名，但其實小菜，真係大份、抵食、好食、美味。又夠穫氣今日我兩人叫了5個小菜..加埋一都只係$550，但真係好飽。平日茶記一份晚飯套餐都70，80起跳。中菜店黎講真係好抵。 豉汁炒蜆色、香、味全部都有。炒蜆份量係超多，比平日小炒店仲要多，粒粒蜆肉又大粒，加上豉汁，中式穫氣味道都出曬黎啦。 鐵板黑椒茄子牛柳粒平日蒜片牛柳粒食得比較多，茄子比較少，用鐵板方式上，香口又keep住熱，但比較多汁，與平日乾蒜片牛柳粒有少少唔同，但味道好香口惹味，絆飯係一流。令人會keep住食。 麻辣雞煲跟菜一碟半隻超抵食$128，仲跟菜。辣度可以揀的，揀了少辣，都真係幾辣，而且麻。但配菜真係好強勁，菜吸曬麻辣味，惹味都不得了。 沙嗲粉絲肥牛煲沙嗲味，汁用黎絆飯真係一流，加上肥牛、粉絲及金菇等等，味道真係唔錯，平日我自己食小菜飯經常會叫，今日既份量真係好大份，而且抵食。 啫啫唐生菜煲香口，穫氣。配有蝦米、肉碎。其實食煲，真係好享受一打開「渣」一聲既感覺。然後一陣香口散發過黎。 最後，仲送了兩碗綠豆沙，唔太甜，十分好。好怕平日糖水太甜。兩個人真係好好飽，佢每一樣既份量都好大。
繼續閱讀
個個都食大閘蟹,唔通個個都鐘意食大閘蟹咩??!同事C由蘇州過黎香港工作差不多半年,成日都叫我同佢去食橋底辣蟹…講左幾個月終於成行!望住menu 10分鐘都唔知叫咩好,最後我地用最懶懶既方式: 套餐!! 套餐唔算多野食, 不過想食既野都有!淨係呢盅 金湯佛跳牆 都$88好鬼足料好鬼好味, 岩晒美顏滋補既女士!呢度上菜好鬼快…大大隻招牌橋底辣蟹就上枱!份量配合埋搶眼既顏色真係好吸引,我地揀左小辣, 但唔係好辣, 其實唔係好食到個辣味, 反而真食到蟹既鮮味!而且蟹肉飽滿, 啖啖肉真是very的good!因為掛住食蟹, 搞到其他野食唔切…豉汁炒蜆粒粒都脹卜卜, 又夠味;如果唔係掛住食蟹攤到凍晒既話, 個炒蜆真係無得頂哩!清炒時蔬敬送精美甜品: 紅豆沙起初仲覺得唔夠食, 因為得幾款野食…食到尾原來又飽飽架喎!如果就咁叫隻蟹食, 係會按時價計算;而家叫套餐, 計落每人只係3舊幾,仲要有佛跳牆, 炒蜆… 滿足!!
繼續閱讀
今日放假，同朋友去左 Sogo 感謝祭，逛了接近兩個鐘，又攰又肚餓，提議一齊食晚飯。由友人帶路，去左「橋底辣蟹」。原來餐廳早幾個月搬左新舖，由謝斐道搬左嚟駱克道金禧大廈，至於其他分店，已暫時休業。聽朋友講，餐廳除了主打招牌辣蟹外，其他海鮮同小菜都做得唔錯，既然這樣，今餐就一於交由友人發辦。先嚟一客豉汁蒸鱔 ($138) 蒸鱔未上桌，蔥花豉椒香已撲鼻而來。挾起一件入口，肉質豐腴肥美，爽彈之餘又完全沒有泥味，豉汁亦調校得恰到好處，惹味非常。另外呢碟西蘭花炒帶子 ($138) 味道亦唔錯，好睇又好食。帶子鮮甜肉厚，爽滑彈牙。西蘭花煮得啱啱好，唔會過腍，軟硬度適中，保留到應有嘅爽脆。南乳齋煲 ($75) 齋煲用料好豐富，大大煲，內有西蘭花、白菜仔、多款菇菌、腐竹、粉絲和雲耳等，南乳鮮香不死鹹，齋菜吸盡南乳嘅香味，令人吃不停口。揚州炒飯 ($68)，熱辣辣、香噴噴，份量十足，材料有蝦仁、叉燒粒、火腿粒、蛋絲和蔥花等。米飯粒粒金黃，加上炒得鬆身乾爽，入口清香又唔油膩，絕對係飽肚之選。
繼續閱讀
一行4人去咗「橋底辣蟹」駱克道新址醫肚 (其他分店暫時休業)，費時諗食乜就直接點咗個晚飯優惠套餐 ($1180/ 4位)，整體唔錯，而且幾抵食👍🏻另啤酒仲做緊買一送一優惠👍🏻🦀招牌炒辣蟹（1隻）炒辣蟹可揀辣度，但即使揀咗微辣，辣度都不容小覷；隻蟹鮮甜幾好肉，蟹蓋都算多膏，加埋香脆炸蒜香口又惹味😋🦀蒜蓉粉絲蒸蟶子皇蟶子皇大隻鮮味，配埋大量蒜蓉、粉絲及金菇一齊清蒸，再簡單配甜豉油已經好好味😋🦀柚子脆香骨脆香骨有啲似咕嚕肉，但入口係柚子味，味道酸甜且炸得幾香脆😋🦀花膠杞子燉雞湯燉雞湯加入咗花膠、雞肉及豬肉等，有濃濃嘅雞味之餘仲好香甜，另花膠大大舊夠晒養顏🥰🦀霸王雞（半隻）雞肉嫩滑又入味，配埋甜豉油及大量嘅蔥更顯惹味😋🦀清蒸海沙巴斑仔（1條）斑仔新鮮唔腥，魚肉嫩滑唔會蒸得過老，清蒸後加入蔥絲及豉油已好好食😋🦀蒜蓉炒雜菜菜心及白菜以蒜蓉清炒，味道屬正常發揮😃🦀蟹油銀芽炒麵炒麵加入芽菜、洋蔥及蔥一齊炒，味道ok，而且仲有芝麻香😌🦀精美甜品最後附送糖水，糖水以幾款豆及芋頭煲成，味道都唔錯😋
繼續閱讀
聽說橋底辣蟹已經有20多年歷史，在港島區超級有名，但至今我仍沒有吃過，所以適逢中秋節，我們一家人便來吃晚飯，順便做節啦。 橋底辣蟹是間香港避風塘海鮮餐廳，所以一定要吃辣蟹試吓。除了辣蟹，我們還叫了好多款小菜，全部價錢都不貴，非常實惠。 招牌炒辣蟹 招牌菜真心好食啊！大大隻辣蟹，蟹肉好鮮美好鮮甜，加上香脆又惹味的避風港碎，好惹味。即刻叫枝啤酒，一齊啤啤佢！ 秘製沙薑雞 我哋叫了孖寶套餐，辣蟹配了一隻沙薑雞。沙薑雞雖然只有半隻，但份量並不小，肉嫩又入味，比想像中好吃！ 魚香茄子煲 $68 超級掋食的魚香茄子煲，非常濃味，好惹味啊。茄子全部煮得好腍，又軟又香，我們即時叫了一碗白飯吃。 海味粉絲雜菜煲 $68 最後想健康一點，我們要了海味粉絲雜菜煲。煲入面有西蘭花、小唐菜、粉絲、唐生菜等，好豐富。
繼續閱讀