逸東軒

營業中

休息中

都係聽講好出名，所以慕名而來。一直都欣賞呢間酒店嘅格調，有性格得嚟好親切，而且門口上面嘅大SLOGAN好有理念，加上有個好坐嘅FOOD COURT，所以第一次印象已經好好。而今次就試試佢間茶樓。作為米芝蓮榜上有名嘅茶樓，我對佢嘅期望都幾高。佢嘅服務好好，而且枱好大張，亦同隔離坐得好遠，都幾舒服。先上幾碟小菜同茶，小菜惹味，茶叫咗普洱，一路有個座座熱，但味道就真係爭啲，可以話冇乜味。當中必試嘅會係佢最著名嘅叉燒，食落口真係好林好鬆化，而且豬肉嘅一絲絲感覺仲喺度，所以唔會因為係落鬆肉粉，相信中間化咗好多功夫；表面嘅汁好甜，而且搽得均勻同好足，食落好JUICY；兩邊嘅肉瘦少少，中間嘅肉就半肥瘦，肥位呈透明剔透嘅狀態，非常新鮮。如果要挑剔嘅話，唯一就係覺得燒焦位可以再燶啲～至於其他菜色整體嚟講係賣精緻，都好食嘅，不過以價錢嚟講真係好貴，所以如果要推介嘅話，鍾意食叉燒嘅話試一試都無妨。

忙了個多月之後，終於有時間寫這篇食評了! 首先重申這間米芝蓮一星的食物質素是很好的! 這一篇文章裏面要評論的只是服務態度!既然主菜是說服務管理差，這樣子就先簡介一下這個套餐吧!這個成為1388元加一的套餐， 味道是相當好的! 沒有太大的瑕疵! 相片應該都能傳遞得到 那種美味的感覺! 這樣就不浪費筆墨， 直接跳到主菜吧!要說作為一家酒店及擁有米芝蓮一星的榮譽的中餐廳， 多多少少都給人一種既美味又能提供良好服務的感覺!首先說， 這個是一個投訴! 投訴的對象，不是普通侍應而是他們在餐廳的管理層。他們的普通侍應確能提供貼心的服務給客人。但他們的 supervisor及管理層就有非常大的進步空間了! 首先說我們不是第一次到逸東軒， 及我們是擁有他們 vip咭的客人。所以 每次到逸東軒都能從正價食品中獲得相應折扣。 我們亦於今年3月用同一折扣吃過這個套餐。 雖然說 六月的時候, 逸東軒是在做散餐七折優惠 但是我們還是選了這個 1388元加一 的套餐， 因為 3月吃的時候， 感覺用了vip折扣後這個性價比很高。 當我們點餐時, 好心的侍應不住提我們散叫有七折， 我們就跟她說我們有vip卡， 點這個

餐廳仲做緊推廣，就係平日嘅中午時段，全部點心一律$38！可以用優惠價試呢個米芝連一星嘅點心，咁抵食我當然試下啦。➡️ 帶子蒸燒賣 ($38)鮮甜嘅帶子，可以帶出海鮮味，配上用豬肉同蝦肉整嘅燒賣，幾特別！➡️ 蜂巢海鮮芋角 ($38)依家唔係間間茶樓都有得食芋角，果然同個名一樣，炸到成個蜂巢咁樣，食落好脆好有咬口，非常之懷舊，推介！➡️ 酥皮叉燒焗餐包 ($38)高級版嘅叉燒包，酥皮超級酥脆，口感真係一流，成個熱辣辣好好食！➡️ 招牌叉燒腸粉 ($38)腸粉嘅皮做得都算薄，叉燒都好肥美入味，配上豉油一齊食，好味！逸東軒地址📍: 佐敦彌敦道380號香港逸東酒店B2樓層.............................. 味道😋: ⭐️⭐️⭐️⭐️環境👀: ⭐️⭐️⭐️⭐️服務👨🏻‍🍳: ⭐️⭐️⭐️⭐️抵食💰: ⭐️⭐️⭐️⭐️

因為逸東軒長期full booking, 本來係book左普慶，不過見逸東軒walk in都有位，所以試試依間都幾出名既中菜廳。地理位置方便，係酒店b2層，樓底比較矮 都幾有壓迫感，燈光都比較暗。1. 明爐蜜汁叉燒：應該係逸東軒比較出名既菜式，但有好明顯臭豬味 即有整得夠鬆化同肥瘦均勻都救唔到。富豪軒既叉燒正好多2. 片皮鴨：皮唔夠脆 唔夠熱 片得唔夠薄 肉好柴皮 中意食鴨既推薦滿樂3. 話梅車里茄：甜甜酸酸 不過有d過甜 算比較特別既其他：帶子蒸燒賣 & 蝦餃： 冇咩特別 所以影都冇影粉葛湯：幾濃味 唔算菜同甜品都正常冇咩特色總結黎講覺得係一間overrated 既中菜廳 好多都一般般 甚至below average 下次用自己錢既話一一定唔會食依間

打左好幾次電話先book到！午市時段超過20款點心都係HK$38，其餘招牌或矜貴款式都係HK$48-78不等。以米芝蓮一星食府嚟講，真係好抵食⋯原價普通一碟「蝦腸」都要HK$75！.「脆皮流沙包」(HK$38): 外層似炸饅頭，有驚喜👏🏻，唔油；入面奶黃流沙有流心效果，合格。🌟.「招牌叉燒腸粉」(HK$38): 呢度出名叉燒高質，腸粉當然都很ok。✨.「賽螃蟹餃」(HK$48): 唔洗成日食蝦餃菜苗餃，滿滿蛋白配蟹醋，好夾🦀！.「筍尖鮮蝦餃」(HK$38): 一般酒樓以上嘅質素，皮薄🦐蝦肉飽滿。.「逸東小籠包」(HK$48): 老老實實小籠包真係好一般🥴，是但鼎泰豐、金滿庭都好食過佢好多，主要問題係塊皮極厚⋯👋🏻👋🏻點解仲會用餐廳名命名😐⁉️.性價比而言係無得輸，不過提一提服務質素就真係有待改善⋯包括門口招待態度同樓面漏單情況情況，以呢個定位嘅酒店中菜嚟講係會有更高期望。

讚1. 點心的確係平左，每人約一百五十，同美心差唔多，但環境舒服好多2. 部份點心係唔錯既，蝦餃外皮好，春燒炸得唔油，燒賣都多汁，呢幾樣基本功都好彈1. 明顯地唔夠夥計，好多人都舉手叫人都無人理2. 部分點心係差既，馬拉糕根本係清蛋糕咁既樣，仲超甜，叉燒酥油得出奇，完全唔酥皮

🔸脆皮逸東烤鴨二食 $768🔸蟲草花婆參燉螺頭 $680🔸砂鍋干蔥鮑魚雞 $580🔸野菌魚湯浸時蔬 $218🔸馳名燒味雙輝 $368🔸二弄玻璃蝦球 $438🔸擂沙湯圓 $45🔸香芒糯米卷 $58🔸香脆麻花蛋散 $45🔹另收加一服務費.又同班好姊妹食高級中菜，上次原本就係想食依間逸東軒嘅，不過full booking所以最後轉咗食上次介紹過嘅紫荊閣，今次早一個月終於book到喇，仲要撞正有晚市七折優惠，真係慳唔少，成張單折完平咗成千蚊，想試米芝連一星餐廳嘅朋友係機會啦！先講裝修，餐廳入門位掛起咗幾張米芝連一星認證獎狀，好架勢。內部整體走老上海風格，枱與枱之間有隔一定距離，唔會好似酒樓咁逼夾。首先上菜嘅係燒味雙拼，叉燒肥瘦均稱，咬落軟稔多汁，雖然厚切但一咬就斷，水準非常高啊，當晚我哋份叉燒仲要係心型哈哈；燒腩仔都係皮脆肉嫩，口感鬆化，大推！然後飲返碗燉湯先，湯頭十分清甜，冇過多嘅調味，飲得出食材嘅鮮味，而且唔會面頭成層油。一盅分成六碗位上，連湯渣都會舀起碟上，除咗燉完嘅瘦肉正常會較嚡口，其他湯料都可以食埋。接住上嘅係二弄玻璃蝦球，白色嗰邊係普通勾芡，比較清淡，主要食返蝦球嘅爽彈口感；而紅色

從前在附近工作, 久不久也奬勵下自己到逸東軒午餐, 裝修前有個商務套餐非常超值. 裝修後雖然加左價, 但也是值得的，因為食物質素及服務水準都很好👍🏻現在做這個點心優惠, 真的要一去再去! 今天帶了兩位老人家🧓🏽👵🏻試試, 大家都很滿意! 雖然是特價但各方面的水準都沒有打折扣, 真是一個愉快的聚會!! 已訂枱帶其他的老友記再歡聚, 真的期待🙏🏼🙏🏼掛住吹水及享受美味食物, 只拍了幾張不太淸楚照片, 請見諒

連續四年獲得米芝連一星嘅餐廳 - 逸東軒 🌟星期一至五上午11點至下午3點 $38點心優惠 而家延期至七月底🎉有興趣嘅話就快啲去訂位啦🙆🏻‍♀️.整體黎講 無論環境定食物 都比起一般酒樓高質好多坐得十分舒服 枱同枱之間距離充足原價嘅話就唔係太抵食了 但有$38優惠嘅話真係絕對值得一試！.兩個人太興奮 係咁點 總共點左九樣嘢食 超多超飽😂集中介紹推薦嘅點心🥧.💬Hkfoodholic 推介 ❗️必點📝❗️🔸筍尖鮮蝦餃 $38🔸皮薄料足 每粒都食到兩隻蝦👅 個人幾喜歡！.🔸帶子蒸燒賣 $38🔸燒賣上有帶子 帶子唔算好厚身 但我喜歡嘅係燒賣本身口感食落好爽彈 入面仲有大大粒蝦 絕不孤寒成粒放入口個口感同味道真係好正 高質燒賣😛鍾意食燒賣嘅你不容錯過～.🔸脆皮流沙包 $38🔸熱辣辣 新鮮炸起 外面乾脆內裡鬆軟感覺更加似奶黃炸饅頭奶黃鹹香味濃郁👌🏻 如果流心效果明顯啲就更出色啦～.🔸叉燒焗餐包 $38🔸比起流沙包我更加鍾意呢個叉燒焗餐包 十分有驚喜🤭外層賣相有點似菠蘿包 食入口係超鬆化 鬆脆帶點甜味叉燒內餡都十分高質👅.💬可以一試🔸薑蔥牛柏葉 $38🔸🔸金沙脆豆腐 $38🔸🔸逸東小籠包 $48🔸呢三碟

放假做乖乖女 同爸爸媽媽黎食米芝蓮一星推介的食府逸東軒逸東軒有優惠，仲要係黃店  ，當日全場爆滿蜂巢海鮮芋角，平時少食芋角，呢樣炸得非常鬆化，好味金沙脆豆腐炸得好好，入面豆腐滑滑，食唔停口😘😘😘酥皮叉燒焗餐包，酥皮酥化，麵包鬆軟，叉燒甜甜💕黎逸東軒點可以唔叫 明爐蜜汁叉燒超厚切，肥瘦適中，超高質唔食真係對唔住自己總結 有優惠 $ 38碟真係好抵 食物樣樣高質，一定再黎

逸東軒 (佐敦)依然覺得呢個係近期最抵餐廳優惠😭佐敦逸東酒店中菜廳逸東軒繼續做緊優惠,逢星期一至五早上11時至下午3時,menu上30款點心劃一收費$38蚊。要留意嘅係逸東軒連續三年榮獲米芝蓮食府1星推介榮譽,所以話$38真係好抵食架😭。。🔘 XO醬炒蘿蔔糕 | 原價$95評分: 🌕🌕🌕🌕🌑評語: 廚師並非一味落XO醬將蘿蔔糕兜熟就算，因為咁樣做只會掩蓋左蘿蔔糕嘅味道。廚師應該有用其他辣味調味料,而避開用大量XO醬掩蓋蘿蔔糕嘅味道,鑊氣十足之餘,真真正正做到外脆內軟。。。 🔘 春風得意脆皮腸| 原價$68評分: 🌕🌕🌕🌕🌗評語: 豉油、麻醬、甜醬都係另上的,可以根據自己口味而作出調味。小編係落醬汁前先試一嚿,腸粉皮仲熱,內𥚃春卷都明顯係新鮮炸起再即刻製作拎去俾客人享用,大家要知道咁樣做唔難,但廚師需要好多時間逐次去烹調。春卷足料,腸粉皮薄而不爛,而小編認得落豉油調味已經足夠。。。🔘 合桃叉燒酥 | 原價$55評分: 🌕🌕🌕🌕🌑評語: 叉燒酥非常鬆化,咬落口,成個叉燒酥已經係口中溶化一樣,內層叉燒肥瘦各半,集味道同口感於一身,絕對有驚喜。。。🔘 蜂巢海鮮芋角| 原價$55評分: 🌕🌕🌕🌕

米芝連一星中菜⭐️•明爐蜜汁叉燒-半肥瘦啖啖肉•脆皮片皮雞二食-雞皮夠晒香脆，肉夠嫩，用塊熱辣辣既白色皮包住食，估唔到個生菜包雞鬆又會咁好食，唔油喎，炒得好香！•蝦子柚皮扣鵝掌花菇- 呢個好值得食因為他只有皮真係好考功夫去整，柚皮夠化舊淋冇苦澀味， 鵝掌花菇夠林夠入味，不過可以再濃少少！

適逢父親節正日，剛巧又有家人生日，一於豪吓，吃個米芝連飯局。4人聚餐，本預計叫4份父親節米芝蓮星級盛宴，為了試多幾款食物，便預訂了3份，另訂了脆皮逸東烤鴨二食、芝士鮮蟹肉焗釀蟹蓋。父親節米芝蓮星級盛宴共有八道菜：先來是前菜小食有3款：花彫鮮鮑魚：新鮮鮑魚彈牙且帶有輕淡的花彫酒香。明爐蜜汁叉燒：軟淋有肉味且帶有蜜味。話梅車厘茄：以為是話梅肉來在車釐茄，其實是用話梅汁浸泡過的去皮車厘茄。珊瑚芙蓉蝦球，大大隻虎蝦球放在蒸蛋白上，再淋有蟹子的玻璃芡汁。蒸蛋白滑溜溜，蝦球爽脆彈牙。松茸黃耳螺頭燉菜膽，燉湯很清甜，松茸黃耳螺頭都很軟熟且仍有味道，湯和料都能全部吃回。鮑汁扣原隻十頭鮑魚，鮑魚軟黏，唔知點解味道有些似罐頭鮑。蒜片A5佐賀和牛粒伴峰巢香芋，和牛粒有焦邊，有燒烤風味，一啖一粒，咬落肉汁流出，且入口融化。峰巢香芋鬆脆香口。迷你飄香鮮蝦荷葉飯，荷香飯粒分明。家鄉薄罉伴香芒糯米卷，鬆脆薄罉皮中卷住花生、糖、芝麻等。香芒糯米卷，大大件香甜芒果肉配以糯米皮。兩種甜點都小小件，好味又唔駛太膩。蛋白杏仁茶湯丸，濃濃杏香，蛋白煮得剛好滑滑的。湯丸ok。另外的脆皮逸東烤鴨二食 一食是片皮鴨，共切出2中碟的片

今晚是雙方家長見面，所以找了一個比較得體又安靜的地方坐下來慢慢傾慢慢食，就找了黃店酒店這間之前食過午餐（點心），好正好高質素又抵食，今次同家人一齊食好啲熱茶是出名靚又好飲點了龍井及普洱茶前菜是微辣豆角配豆乾粒及燒肉，幾香口好食菜式不算很多，我們點了：1. 脆皮片皮雞脆皮片皮雞，原隻送來讓我們看，服務員幫忙片成薄片連雞肉，但雞份量少、只有少部份片出的雞片及2隻雞翼連尖；配上蒸出熱熱的傳統春餅、青蔥、青瓜及海鮮醬，包著吃！2. （二食）雞鬆炒飯這個雞鬆炒飯好香，黎到食了唔記得影相，粒粒炒得靚，配有蛋、蔥粒、雞肉及肉粒3. 砂鍋薑蔥爆乳香銀鱈魚這個好香好惹味，銀鱈魚外脆內嫩，配有洋蔥、蔥段等，醬汁香濃配飯一流4. 高湯蝦球窩麵這個好食，蝦球大隻又爽口，高湯唔咸好味，麵軟硬剛好，配有甜甜的菜心苗，自家添上紅醋，更正！

Their dim sum has all along been quite famous and today I finally got to try themThe steamed seafood dumpling in soup was rich without being salty. Word of advice is beware as it is very hot.I was so surprised by the lobster dumpling as not only was their lobster inside but also outside. The lobster was springy and the wrapping was really thin yet without breaking.The abalone tart was just as exquisite. The abalone was seasoned just right and the base of the tart was flaky.  We also ordered the