影片
更多
2020-07-10
349 瀏覽
🔸脆皮逸東烤鴨二食 $768🔸蟲草花婆參燉螺頭 $680🔸砂鍋干蔥鮑魚雞 $580🔸野菌魚湯浸時蔬 $218🔸馳名燒味雙輝 $368🔸二弄玻璃蝦球 $438🔸擂沙湯圓 $45🔸香芒糯米卷 $58🔸香脆麻花蛋散 $45🔹另收加一服務費.又同班好姊妹食高級中菜，上次原本就係想食依間逸東軒嘅，不過full booking所以最後轉咗食上次介紹過嘅紫荊閣，今次早一個月終於book到喇，仲要撞正有晚市七折優惠，真係慳唔少，成張單折完平咗成千蚊，想試米芝連一星餐廳嘅朋友係機會啦！先講裝修，餐廳入門位掛起咗幾張米芝連一星認證獎狀，好架勢。內部整體走老上海風格，枱與枱之間有隔一定距離，唔會好似酒樓咁逼夾。首先上菜嘅係燒味雙拼，叉燒肥瘦均稱，咬落軟稔多汁，雖然厚切但一咬就斷，水準非常高啊，當晚我哋份叉燒仲要係心型哈哈；燒腩仔都係皮脆肉嫩，口感鬆化，大推！然後飲返碗燉湯先，湯頭十分清甜，冇過多嘅調味，飲得出食材嘅鮮味，而且唔會面頭成層油。一盅分成六碗位上，連湯渣都會舀起碟上，除咗燉完嘅瘦肉正常會較嚡口，其他湯料都可以食埋。接住上嘅係二弄玻璃蝦球，白色嗰邊係普通勾芡，比較清淡，主要食返蝦球嘅爽彈口感；而紅色
🔸蟲草花婆參燉螺頭 $680
🔸砂鍋干蔥鮑魚雞 $580
🔸野菌魚湯浸時蔬 $218
🔸馳名燒味雙輝 $368
🔸二弄玻璃蝦球 $438
🔸擂沙湯圓 $45
🔸香芒糯米卷 $58
🔸香脆麻花蛋散 $45
🔹另收加一服務費
.
又同班好姊妹食高級中菜，上次原本就係想食依間逸東軒嘅，不過full booking所以最後轉咗食上次介紹過嘅紫荊閣，今次早一個月終於book到喇，仲要撞正有晚市七折優惠，真係慳唔少，成張單折完平咗成千蚊，想試米芝連一星餐廳嘅朋友係機會啦！
先講裝修，餐廳入門位掛起咗幾張米芝連一星認證獎狀，好架勢。內部整體走老上海風格，枱與枱之間有隔一定距離，唔會好似酒樓咁逼夾。
首先上菜嘅係燒味雙拼，叉燒肥瘦均稱，咬落軟稔多汁，雖然厚切但一咬就斷，水準非常高啊，當晚我哋份叉燒仲要係心型哈哈；燒腩仔都係皮脆肉嫩，口感鬆化，大推！
然後飲返碗燉湯先，湯頭十分清甜，冇過多嘅調味，飲得出食材嘅鮮味，而且唔會面頭成層油。一盅分成六碗位上，連湯渣都會舀起碟上，除咗燉完嘅瘦肉正常會較嚡口，其他湯料都可以食埋。
接住上嘅係二弄玻璃蝦球，白色嗰邊係普通勾芡，比較清淡，主要食返蝦球嘅爽彈口感；而紅色嗰邊就係甜酸蝦球，仿照咕嚕肉嘅味道同口感，好有新鮮感呢！
跟住到鮑魚雞鍋，有四隻鮑魚幾大隻，配埋冇乜特別嘅啫啫雞煲，可以唔試。食咗咁多肉整返個菜先，魚湯浸時蔬好鮮甜，是晚用嘅係菠菜，浸咗魚湯好好味。
因為甜醬、京蔥、青瓜由我哋一入座就上咗枱，搞到我哋好期待，點知係最後一道菜先上。隻鴨會先俾客人望咗先，先再帶到去旁邊嘅分餸枱片皮，會分胸同背上枱，胸位會比背脊位烤得香口啲。隻鴨夠油香，不過要講個麵皮雖然夠韌度，唔易穿，但厚咗些少，亦冇乜麵粉味，可以改善下。而二食就揀咗豉汁涼瓜炆鴨肉，因為食到尾聲大家都飽，而個鴨肉又老咗少少，所以評價一般。大家想試片皮鴨記得要預先留定，眼見差不多每一枱都有叫呢。
最後到甜品，餐牌上嘅十一款甜品叫咗三樣。蛋散夠甜又鬆化；香芒糯米卷我冇試到但朋友覺得好味；擂沙湯丸外皮軟稔，內裡嘅流心芝麻超香滑，上枱暖暖哋食簡直一流！
張貼
