迎囍大酒樓 (已結業)

滿月酒，$1388，原本對迎囍有 d 期望，話晒都係稻香集團嘛。頭盤乳豬半隻，半邊是海哲，怪怪的，又唔係全體，又唔係拼盤，乳豬常有的問題，就是偏咸，海哲尚算爽。雞絲翅，好生粉水，翅呢…… 一碗搵到一條。魚係蒸斑，但係斬件蒸，而且魚唔新鮮。炸子雞好唔掂，雞肉霉霉哋。其餘菜式都 ok啦。飯係泡飯，蟹子炒米粉，個樣麻麻，但味道都唔錯。最特別係生果，冰鎮菠蘿，菠蘿唔特別，特別在凍鎮，大熱天時食兩片確然幾正，總好過有時晚飯過後，果 d 暖暖地嘅西瓜。開始時所言，因為有 d 期望，所以結果有 d失望。

琴晚一家人到迎囍食晚飯, 心諗稻香集團酒樓既品質有保証, 唔會衰得去邊啦, 點知...1) 每碟餸既分量都好少, 石斑兩味既斑塊只有五片, 而炆頭腩就大部份都係骨頭. 半隻燒雞切開得十件左右, 都唔知究竟係隻雞太細定係切得太大舊.2) 牛尾煲既牛尾勁硬, 完全咬唔入, 咬得入既又黏牙, 唉~3) 西瓜汁好稀, 唔甜, 早知係咁叫汽水仲好 (起碼唔會有溝左水既感覺).最離譜既係我地叫左上湯焗龍蝦居然等左半個鐘都未黎, 於是我地問侍應可唔可以幫我地跟下張單, 佢就答我地: "好吖, 我幫你跟一跟"然後望下我地張點菜單就走左去. 如是耆我地又等左10分鐘, 再問另一位侍應同一個問題, 而佢既答案同動作亦同之前一位既一樣; 又再等10分鐘, 我地又再問, 又另一位侍應答我地既說話同動作亦係一樣!!! 等左足足一個鐘頭我地連龍蝦殼都見唔到, 於是我地問第四位侍應究竟我地碟龍蝦去左邊?! 佢既答案亦係一樣!!! 天啊~~~ 係咪佢地既training教左一定係咁講 + 咁樣做但就唔會去廚房check下?! 呢次我地好, 於是我叫侍應叫經理過黎, 我地要埋單走喇, 又等左5分鐘左

年初三，到小妮子的契媽處拜年，契爺一定要我們吃過晚飯才走，打亂了我們在大埔掃街的計劃，難得有空入大埔，當然想甚麼也試試，但盛情難卻，唯有留待下次吧！新正頭，所有食肆都人頭湧湧，來到這商場酒樓，我們約等了二十多分鐘才有位，全場爆滿，檯與檯之間非常緊迫。契爺問我們想吃甚麼，為了不想他破費，騙他我們仍有飯局，不要點太多，隨便就是。五個人點了沙薑雞，茄汁煎蝦，京都骨和海鮮雜菜煲。沙薑雞頗瘦，沒有丁點脂肪，肉質結實，味道有點鹹香，點沙薑汁可送飯；京都骨有罐頭桃伴碟，小伙子還以為是芒果，與小妮子年幼時在鏞記誤以為酸薑片為煙三文魚一樣天真無邪，京都骨份量不多，祇得幾件，汁醬卻不似京都汁，缺少了濃烈的糖和茄汁味；茄汁煎蝦，煎得頗入味，蝦肉則不太新鮮，事實上，新春期間，整個市面都沒有活蝦和活蟹供應，而活魚、活雞的價格又漲幾倍，何來煮得好菜式；海鮮雜菜煲有帶子、蝦和魷魚，粉絲和白菜仔，小棠菜，西蘭花等，又有些蝦乾來提味，是清爽的菜式，白飯是用白色的砵上，應是原砵蒸的，但沒有飯的香味。也許新春期間，食物的材料供應短缺，因此做不到應有水準。

這天和媽媽去了這間我們的御用飯堂吃晚飯，好失望的一餐，相信短期內也不会再光顧我們點了魚香茄子煲和椒鹽骨，那個加$10就有的椒鹽骨，真是不知所謂。那些排骨被醃至無甚味道加上經過炸的過程，肉質非常淋，可想像這排骨非常不新鮮。我心想即使加$10就有的椒鹽骨，也不能如此求其，令人反胃食物如此不濟，怪之得客人也減少。

外婆生日，例必會到迎囍食套餐。今次選了水晶宴 ($2688)，當中可從一list 菜式中選三款，啤酒汽水任飲。訂枱時講明要較靜的位置，他們亦辦得到，被安排坐在角位，較靜。金豬大拼盤有海蜇、叉燒、油雞、燒豬同牛。海蜇爽口得黎有點韌；牛好咸。燒豬肉幾好味，唔肥，唔會太咸。紅燒竹笙海皇翅都係例牌嘅生粉水，而且味道太咸。料可以再加多一點。百花蟹鉗正常12隻。由於我地14人，所以加了兩隻 $28@。14隻肥嘟嘟嘅炸蟹鉗。雖唔可以話好彈牙，但新鮮炸起，外皮幾脆口。琥珀花姿玉帶琥珀即合桃，帶點甜味。花姿片唔韌，不過無咩味；帶子不過不失，都係急凍貨。荷蘭豆翠綠，非常脆身。整體味道偏咸。碧綠珊瑚蝦球西芹翠綠，爽口；珊瑚蚌爽口，不過好咸。蝦球係雪藏蝦，無味兼鞋口。整體味道偏咸。花膠扣玉掌花膠屬劣質貨。質地怪怪，好彈牙，無花膠味又無味。似食塑膠多d囉！鵝掌就相對地好味，蠔油汁好入味，鵝掌好有肉又炆得淋！墊底的生菜通常都好味，咁多油浸住喎！同埋生菜好難會唔好味囉！清蒸大海斑唔掂！好細條！完全稱唔上係 "大" 海斑！細都唔在講，仲要腥架，唔新鮮！蒸過火，魚肉較實同老。完全無鮮味！脆皮醬燒雞呢個正常d。味道剛

提前同老爺慶祝父親節，又為咗遷就佢哋，老遠走咗去大埔果間…… 好彩都唔會失望！做緊特價，九百幾蚊一圍全包，我哋13人加咗兩碗飯都覺得夠食，份量足，味道都唔錯。有節瓜瑤柱圃，呢個價錢有原粒瑤柱，抵！南瓜魚翅羮，有淡淡南瓜味，幾特別~~其餘荷葉飯、魚、拼盤等都達到水準。其實成餐飯無乜嘢特別菜色或非常出色，但呢個價錢、呢個味道，絕對係超值！

一家人難得起到身去飲早茶點知咁大集團會有咁既對待d位逼就預左ga la我地近8點坐低就落單,叫左10樣野左右等左幾個字,上左4樣,我地諗住慢慢食慢慢坐,所以都無催單一坐就一個鐘,都未有上其他野問個阿姐,佢就循例答我地d野係要蒸既咁蒸都唔駛成個鐘丫,叫佢check check單la搞左幾個字先返黎話入漏左佢地又漏得幾好笑,幾張紙,每張入左d又唔入d,過左陣又上左部份都仲係差個盅飯同點心我地又問la,又係循例話要蒸la,真係訓練有數點知一check,又係漏左lor落一次單漏2次食物,點忍ar?叫個入單既阿姐黎解釋la,佢竟然話係我地畫得唔清楚,所以入漏左真係火都黎埋,即刻叫佢拎張單出黎,究竟邊一part寫得唔清楚佢先至話係太忙,睇漏左錯真係唔緊要,唔好話係人地錯lor食物方面,真係唔多ok叉燒包入面得叉燒醬，腸粉皮就棉胎咁厚,原來大集團就係咁

星期六同婆婆&阿姨們去飲茶。成點鐘去到，都唔滿又唔洗等位。叫咗好多點心。杏片蝦球外層佈滿杏片。蝦球彈牙，不過可以再大粒少少。沙薑蒸豬肚呢個combination幾特別。仲有咸菜墊底。豬肚爽口，唔會韌。沙薑味亦滲入豬肚。沙薑雞腳雞腳好爽口，有肉。不過沙薑味不太濃。柚皮鴨掌我無食柚皮，淨係食咗鴨掌。鴨掌入味，亦不會太肥膩。牛肉球：一般，無特別煎腸粉：都係一般，煎得夠乾身，不過唔夠香口。燒鴨檬粉原本叫瀨粉，唔知點解上枱變咗檬粉。檬粉都ok，唔會太碎，都夾到。亦唔會煮得太淋。燒鴨味道唔錯，肉質唔會梅。貢菜餃呢個好食，貢菜爽口唔咸。不過個皮較厚。小籠包都ok，皮算薄，有湯汁，肉唔太肥。

今日黎飲午市茶,1點到.......唔洗等位,但就搭枱!黎過好多次,但未寫過食評~通常都黎飲下午茶,抵飲d嗎~今次係第三次飲午市茶....當然貴d啦~大點$18.8,中點$15.8,小點$12.8!免茶介~good!叫左:牛肉球~~~無咩牛肉味油雞瀨粉~~~幾好,仲比左油雞脾部份...日式煎餃~~~好多油煎醸鴛鴦椒~~~魚肉同椒既比例合適鮮蝦腐皮卷~~~腐皮夠晒脆

一直都未食過一蚊雞琴日終於一試 人少少 ,叫左個冬瓜中 ,一碟蝦 ($148)加2隻雞 ($1@) ,一碗飯 ($8)埋單都係$200幾 好抵食呀 ! 食到棒住個肚走 哈哈 ps:本身諗住食放題 打去金田book 位態度勁差 心諗未食都受氣 去左仲得了 ?比個差你

又係稻香集團的，夜晚來吃宵夜好便，於是挨住餓打佐12圈，9個人來呢度開飯～9點后好多款菜式都係$21蚊，一人點一個菜，我點佐個金針菇蝦煲，哇，原來好多只蝦，成兩磅有多，味道都幾好～燉湯今日係青紅蘿卜燉雞腳，$1蚊一盅，一人當然要吃一盅啦，里面有青紅蘿卜各一，3只雞腳和一小塊肉，味精唔係多，好抵食！白灼蝦話賣曬哦，不過其他菜都夠食了，最好味係乳鴿，呢度的乳鴿好嫩，好香，油唔係好多，唔算膩，好脆皮～～$28一只， 超正，SIZE比BB鴿大少少又比成年鴿細翻D，味道調得OK咖！竹生豆腐煲好快沒曬，炒面、豬頸肉炒米同炒飯都係一陣就沒曬了，我念巨地實在係太餓了。我吃到少少瑤柱蛋白炒飯，很好吃哦～有人點佐個剁椒蒸魚頭，聽講好辣，我唔敢試。黑椒牛仔骨茄子砂鍋煲都是$21，超值啦～ 酸甜咕嚕肉肥佬話好正，我覺得一般～后來我忙住吃乳鴿，來唔切吃紅豆沙了，巨地實在係吃得太快了～ 我係最慢個個～～

本身覺得迎囍裝潢幾靚，話唒係稻香集團，　應該幾ｏｋａｙ。可惜：除左一個蝦球ＯＫＡＹ，其他唔記得咩煲同雞都係難食，女部長服務差，　態度極差宜家出左一蚊一隻雞，我地叫左１隻，order左超過３０分鐘都未上，於是問女部長Ａ，佢話：浸緊呀浸緊呀！再過４５分鐘，（我個飯已經又凍又硬，其他２個餸又食哂）　唯有咬住筷子問另一個女部長Ｂ幾時有，呢個去左check，同時遙遠既女部長Ａ就大大聲同女部長Ｂ講：都話左比佢地聽浸緊啦。等左一陣，部長Ｃ出現說：不好意思，　雞已經賣哂　一係換番隻乳鴿比你。好，換喇，再等超過１５分鐘繼續無野食，大家齋望住無人收既吉碟，問番部長Ａ，佢又話：燒緊喇燒緊喇！呢一刻既我已經真係忍唔住～鬧～！過左一陣，　佢０地拎左隻雞出黎，　話本身係其他客既。隻雞韌，而且只係微暖。唔想再同佢０地講野，無又唔一早講，跟又跟唔足，又無禮貌唔會再黎食喇～！！

難得放假,就同屋企人一齊去飲茶.諗住就係附近,可以順便行街,點知...下午茶竟然唔需要等位喎!不過,就坐係間細房度,接近冇人招呼狀態連加水都係自己動手,如果唔係都唔知要等幾耐.點心紙,都係自己行出房搵侍應入單,唔係可能會冇野食.點心亦好大眾化,款式亦有好多選擇.翡翠牛肉腸:味道幾好,而且D腸粉皮亦好滑流.酥炸魷魚鬚:幾香口,不過應該唔係新鮮做.因為個皮都開始淋淋地.黑椒黑仔骨:好似有D偏辣,牛仔骨又好似蒸過時,太韌,又鞋,好難趙,賣特點,但得三小件...唔值.錦繡炸雲吞:雖然唔係新鮮做,但都仲好香脆,個甜酸醬做得幾好,味道ok,又唔會太酸.脆皮小刺蝟:賣相好可愛既動物做型,有師傅既手作心思,原來係一個甜品,我冇份食,但哥哥幾好味,唔會太甜.奶皇馬拉卷:甜甜地幾好味,不過要趁熱食,軟綿綿的.另外再加幾點普通點心.大家都食得飽飽.

昨晚和媽媽去了這裡吃晚飯，環境不錯，唯獨洗手間不太潔淨，美中不足。我們二人點了如下莱式：-1 螺頭雞湯，味道清甜，材料充足。2 瑤柱扒豆苗，0K。3 年年有餘，其實是連藕餅，好味，彈牙由於太飽，所以沒有叫甜品，總括來說，味道0K

外婆生日，於是到迎囍食晚飯。要了個迎喜宴。豉油皇煎大蝦：非常惹味，d蝦好入味，但又唔會太咸喎，蝦新鮮，肉彈牙，好乳豬大拼盆：燒鴨較零碎，但好味；海蜇好韌；雞都幾好；乳豬我無食花姿伴珊瑚：花姿同珊瑚蚌都好好食 百花釀蟹拑：一般，解肉太少，粉略多，唔夠彈牙紅燒竹笙雞絲翅：都係一般ge 生粉水啦，都食到翅群的。玉掌扣柱脯：鴨掌炆得勁淋勁入味，幾好；墊底的西生菜很嫩又吸晒d sauce, 好正。清蒸大海斑：蒸得過了火，肉很韌；幸好有魚鮮味脆皮穗香雞：隻雞仔好細，但炸得好脆，個皮好香，雞肉都算幾嫩福建炒絲苗：呢個好食，多料，個獻又不會太杰，咸度適宜。萬壽桃飽: 無海港o個d咁king size, 只係normal size。個蓮蓉餡好多油滋潤甜品(紅豆沙): 我無食 鮮果拼盆: 西瓜拼橙。要彈吓呀真係，有一半上枱的西瓜是爛的。擺到明切o個陣一定會見到，咁都仲送上枱，有點兒那過吧。最後咪又係要換過俾我地，咁何必把爛的送上呢？由於當晚有兩場酒席，所以只間出一條走廊做門市。即使我地一早訂枱，都要坐咁ge 位。好迫，好嘈，枱拍枱。人手又唔夠。