迎囍大酒樓 (已結業)

今日一心想去飲茶，一諗就諗起稻香集團，因為稻香集團有一定的水準，雖然時時發生一些不公平的事情。不過今日真係太過份，今日唔寫食評都唔得。d帶位每逢見到熟客就會比位佢地。當等緊位d人死，今日我等得非常之耐，原因就係d帶位很多熟客，我諗每人都有四、五枱客，你話有四、五個帶位，每人四、五枱熟客，你話我要等幾多張枱才入得？尤其帶位阿平，好似見到我地等緊位d人死，無理會我地見唔見到，佢就問自己d熟客幾位，立即帶他們入位。大家如果去得多呢間野就知。好心d高層正視下呢個問題啦！正係熟客先叫做生意呀！我地呢d唔係呀？

就大埔而言,迎喜算是心目中較有水準之酒家,相比只以價廉作招徠,但食物及衛生情況皆難以接受的明星,即時高下立見。父母跟我預祝生日,二人異口同聲選擇迎喜,縱使經常光顧,但實為適合一家三口的"穩陣"之選。是晚點了兩個套餐,分別為上湯龍蝦伊麵配炸子雞$3xx 及_斑兩味配沙薑雞$2xx(兩味我忘記了是甚麼斑),由於兩個套餐皆有雞,故部長跟我們換了乳豬拼海蜇。乳豬拼海蜇:乳豬皮脆卜卜,但因怕熱氣及肥膩,故只小試一片;海蜇就是普通的,沒甚麼特別之處。上湯龍蝦伊麵:雖自己較喜歡芝士,但上湯龍蝦味道亦惹味,媽媽最愛吃,可是這晚的龍蝦有點"鞋",比以往吃的稍為遜色。伊麵吸收了上湯之精華,挺惹味的。炸子雞:我最欣賞這道菜,每次來皆吃。雞皮炸得十分香脆,但雞肉依然嫩滑! 最值得欣賞之處是雞較熟但又不會過火,因為我不太喜歡喜宴式那種帶有很多血水的炸子雞..從事飲食業的爸爸亦認為這兒的炸子雞不錯。斑球:斑塊新鮮又不會腥,不會一夾便散開,啖啖肉配以爽口西芹,不俗。蒸頭腩:爸爸喜歡"選"骨,但這晚的居然有很多斑塊?!他覺得有點可惜。相反我平日較少吃這道,因不想"選"骨,但看見啖啖肉便嚐了一件,很鮮甜!比起斑球鮮味得

平時去親呢間野一係飲荼一係9點後小菜飲茶無謂提..假日去一半機會走單我既笑哈哈係比9點後既小菜20蚊一碟小菜有咸魚雞粒茄子煲,咕嚕肉等等而且個份量都唔會因為20蚊而細細碟兩個人一定夠食!20蚊就食到酒樓既水準,抵食啦!!甜品6蚊兩碗紫米露!!兩個人兩個一個飯計埋茶錢每人都係40蚊!你仲想點!! 平時行街夜左返未食飯既首選!

中秋節來臨，一家人去了吃"團圓飯"。因為中秋，所以有個明月宴套餐。乳豬件：由於大量製作，上到枱已經唔熱，幸好皮仲脆，肥瘦適中，又唔會太咸魷鮮貴妃蚌炒脆肉瓜：脆肉瓜很好吃，很甜很脆；貴妃蚌新鮮唔韌美極煎蝦：十分惹味，有鑊氣，蝦都新鮮，size 適中，但略嫌蝦肉實咗少少翅：唔記得exactly 個名係咩，都係一般質素，水溝粉，有少少翅薑蔥貴妃雞：賣相好唔得，一pat汁又一pat pat薑蒜，食落都ok ge，不過薑味好勁，而且肉有少許"鞋"仲有個類似沙律海鮮卷ge物體，不過唔記個名，而且仲唔係好食得出係咩餡，好似有魷魚，問d阿姐，佢地都唔知鮑魚菇生菜：鮑魚菇炆得入味蒸魚：條魚偏細，但有肉食，唔算鞋糯米飯：不知是否生炒，但都很有鑊氣，多料，夠乾身壽包：好多蓮蓉，仲有咸蛋黃紅豆糕：好唔掂，唔知似咩=.="佢d "食送" ge size 唔大，我地十個人都食得晒十二人餐。

為了慶祝媽媽的生日,眾兄弟姐妹相約出來吃飯.見迎喜正推廣海鷗宴-$1388 全包宴,有乳豬,青班,魚翅,魚肚,炸海鮮卷,鵝掌,一一未能盡錄,都幾抵,對稻香集團有信心,應該唔差,於是昨晚一行十多人滿懷高興去吃飯.怎知一開始,待應便問不如不要青班輚另一種魚,我地堅持下,最後比番青班我地,沒多久待應又走來問,唔要炸子雞要油雞好嗎?我地認不合理,仍是堅持不更改真不明白為何連稻香集團都用咁低劣的手法,若你話青班剛剛賣晒,改輚為另一種魚,我地還可接受,但在堅持不改後,青班依舊送上,不是欺詐手段是什麼?另外乳豬全體,在乳豬皮下的肥肉足有半厘米厚,根本見不到一點可吃進口的瘦乳豬肉,在鼓吹鄇康飲食的今天,竟然有如虍肥豬肉上,真嚇人除了上述的不滿,其實酒樓的環境,侍應的服務,食物的味道都不錯,但經此一次,好難有下次了

食過幾間稻香集團的酒樓~都是這一間最好今天和兩個朋友一起來~一入來侍應便不段推介當天的主打了一個12兩龍蝦加伊麵底,仲有半隻雞~$288因為今天推廣,所以有優惠-再加一打壽包(都要$30半打)不過好像不是太抵,於是叫了幾個菜算名字不是太記得了1)燒肉, 味道不錯,不過好像美心o個d好d2)雜菇煲,食入口幾鮮ga,仲好熱tim3)西檸雞,味道不錯~可惜的是很碎...一夾起來便碎了...不過一入口也溶了,幾特別ge...4)海鮮炒飯,味道很好~最好吃的一個~不過最美中不足的是...茶中竟有隻小甲蟲...哈哈..扣左分

補番星期日先!o個日好早起左身~習慣下啦六點半起左!之後hea左陣,又上唔到網~去左呢度搵家位等屋企人起身~去到8:15,等左陣就有位~去到叫左龍井~呢度既好淡,沖兩次就冇咩味!星期日都有10蚊set,就係一個點心加一個盅頭飯/粥!叫左:咸魚肉餅飯,都ok呀~呢度既盅頭飯唔錯架!仲有鮮竹卷,都ok多料!仲有蝦米腸.....呢度既好正架真係^^仲有擂沙湯圓...一時時啦,之前果日黎飲下午茶好食d,熱d~d黑芝麻好食呀!!!!!!!不過凍左真係差好遠呢!ox醬炒蘿蔔糕,有時都幾hea下~~好似好亂咁成碟野!下午茶食既話:叫燒豬骨....wa~~好正呀~~~~多蜜糖^^overall,我都幾中意殷呢度飲茶因為個feel好乾淨~

尋晚同老公再接再厲去多次迎喜食晚飯...因為實在太想食佢地既乳豬喇...今次食左...例牌乳豬- d皮一樣好脆呀...食到停唔到口呀...但d肉就好肥囉..所以食左兩件無食到lu... 梨山醬汁肉排- 都ok啦...好似鎮江骨d味咁...但我老公話越食越甜...搞到我都覺得係...食食下仲有d漏添呀...金銀旦芫菜- 份量都唔小...但好咸同好油呀...再加十蚊三支既樽裝汽水...正呀...不過今次有粒野黏住左o係隻spoon 度...洗唔乾淨呀...好驚呀...咁都得既........

尋晚終於同老公去迎喜食晚飯...地方唔係好大..講真..以酒樓黎講真係細..唔怪之得次次假期都咁多人等位啦...不過環境ok 啦..at least 乾乾淨淨...又唔o係太嘈..尋晚食左(1) 避風塘炸茄子- o係第度食o個d係一條條同好辣既..但佢係一個個..心諗咁大舊好難食啫...食落有驚喜...因為原來係釀左魚肉黎炸..所以一舊舊..但可惜唔o係咁惹味..唔辣同埋d炸蒜粒"林"既..但都ok(2) 麵醬碎蒸班? (sorry唔記得左個名) - d魚好滑..無腥味...不過再多d麵醬仲好..因為好似食緊清蒸咁..但都好食..(3) 乳豬拚盤(拚海哲.cha 燒.雞) - 乳豬皮好正..脆lock lock..但d肉就好肥...cha 燒係半肥瘦...ok..雞就麻麻地..有血既....其實我對燒味無咩興趣...至在食乳豬同試下d燒味..唔好得一樣咁dry 嘛..hehe由於想試糖水...同埋佢既價錢太吸引關係(好似$6/碗)...我叫左南瓜湯圓, 我老公叫紫米露..我碗南瓜有好多南瓜蓉..抵..紫米露我無試..但都見到好多料..又係抵..因為我覺得size 唔係細..美中不足o係

琴日婆婆生日，於是同佢去迎囍飲茶同食晚飯。八個人飲茶，叫咗勁多野食，飽到不得了！酥炸雞軟骨：份量勁，好大碟，脆漿好香，雞軟骨唔錯，不過就唔係淨係骨，有埋雞膏，所以肥少少，不過整體黎講係幾好食。紫菜花枝餅：有三塊，新鮮，墨魚好彈牙。香芒海鮮飯：呢個勁唔抵食，無料架。個"香芒"其實只係切半隻芒果放o係碟度伴碟，而唔係炒埋落d飯度。什麼海鮮喎，呃人的，只係見到帶子粒，仲要係好細粒，其餘就淨係得蘿蔔粒同菜粒，勁唔抵！煎腸粉：每次必食，因為佢煎得好香，又唔會太乾身。灌湯包：好抵食，做緊promote, $11.8，皮薄，湯清唔肥膩，裡面有蝦、帶子、蟹柳，又夠熱，好好食。鮮蝦雲耳餃：幾new ge combination, 比例均勻。楊枝金露：夠凍，唔會太多芒果，好過滿記。仲食咗好多點心，但唔記得咗，但整體新鮮好味。--------------------------------------------------舊年婆婆生日都係o係度食，"一圍圍"ge全包宴大碟好食又抵食，所以今年都選這裡。叫咗個$2888ge餐，每席奉送席後果汁、啤酒任飲，平日仲有八折。乳豬拼盤：乳豬好脆，唔太肥；叉燒燒得好香

平時好少星期日黎呢佑飲茶,一黎人多,二黎貴!今日難得老豆off一陣~就過黎飲啦!平時都係下午荼/早茶最抵,佢地有10蚊既盅飯同一個點心~抵!8點幾黎到,等一陣就有位^^仲要唔洗搭枱tim!叫左牛肉,都係okay架!生菜魚肉,紅油炒手(呢個幾好食)<$11.8>OX蘿蔔糕<$14.8>,好香!仲有排骨飯,不過等左好內,吹左佢地幾次先黎到!d飯好似未熟咁,因為多人啦可能!個銀針粉好攪笑,個底係碗仔翅黎,媽咪話唔好食wor,有d怪!因為覺得太貴,所以冇mud點其他野食luu!不過佢地既點心水準都幾好gei,recommend早荼好d假日小點要成11.8中點14.8,大點17.8本人覺得唔係好抵呀!

7個人星期六去飲茶。一坐底個waitress就即刻推介我地食加菲蟹伊面($98)，佢極力推薦，話好抵食，gum 就即管試試。加菲蟹伊面: 好大碟，隻蟹好大，新鮮多肉，肉地似龍蝦，算多肉。伊面都唔錯，唔會太咸。真係幾抵食！仲叫咗好多點心灌湯包—做緊promote, $11.8，夠熱，好多料，好多蝦，湯清甜，飲完無口渴，好味。美味雞翼—麻麻，醃料太勁，有少許"o拿"口，蓋過了雞翼應有的香味，屋企整的仲好食。素餃—好味，有D鮮草菇，carrot, etc. 皮唔算厚蘿蔔糕—煎得好香，外面有少少脆，內面熱騰騰。沙薑雞腳—幾好，夠彈牙，沙薑味亦夠。整體服務都好好，個個waitresses 都好笑容；食物質素唔錯。飲茶唔錯嘅choice!

迎囍的特價時段，是我的家人發現的。有晚跟媽媽買完機票後，由於太晚關，唔想回家再煮飯，於是我可以順利成章試了第一次；小菜款式選擇不算多，但都幾大路，是晚要了豆腐煲、通菜牛肉、炆雜菜、蒸魚、壽包、碟頭比例牌要細少少，味道不過不失，冇乜驚喜，所以印象不深，但飯後要的紫米露真係唔多掂，杰兼甜，完全係紫米漿，難頂！

年初三, 又入大埔, 今次目的係飲茶, 揀了最多人的迎喜.佔了一張大臺子, 但我們真正飲茶的人只有幾個, 都叫了不太多點心.菜干豬骨粥: 4分, 不太夠熱, 粥好稀.奶皇馬拉糕: 4分, 奶皇味欠奉. 馬拉糕唔夠鬆身, 實實的.炸雲吞: 4分, 雲吞皮炸得太勁, 好油.排骨: 3分, 相當相當肥的排骨, 無乜瘦肉.叉燒腸粉: 4分, 腸粉皮太厚, 叉燒太硬.位置上的得天獨厚, 讓這裡人頭涌涌. 十一點幾離去時, 等位的人潮簡單恐怖. 這裡地方又細, 像沒希望地等超過兩小時去吃這樣水準的食物, 唉!

第一次到此晚飯,三個人叫了四個,分別是:炒桂花翅-甘香爽口,鑊氣夠,廚師好手勢!花膠海參炆豆腐-火候好,豆腐入晒味,稍嫌花膠海參切得太細件,冇咬頭.乳豬-皮超薄,入口香脆,有溶化感,越食越想食!翡翠花姿蚌片-花姿新鮮,蚌片不"un",火路均勻,好!侍應招呼敏捷,廚師手藝好,上菜快,整體服務優異,加上座位寬敞,抵這食肆全場爆滿,又可轉幾輪!掂!