迎囍大酒樓 (已結業)

第一次到此飲茶,知客說大堂可以搭,廂座則不可以,為求舒服,當然揀廂座.可能是星期一的關係,十分鐘左右便有.坐落,三個人叫了十一碟點心,發覺味道很不錯,依次如下:1.銀蘿千絲酥-外脆內軟,蘿蔔絲熱辣辣,香噴噴,咬落酥皮夾餡時好像材料自動在口內融化一樣,味道及口感都一流,好野!2.千層糕-香滑軟熟,食落不黐牙,好味道!3.4.蝦腸及叉燒腸-腸粉夠滑,餡料又多,好食!5.蝦餃-皮薄餡靚,好食!6.炸春卷-擺了一個鐘後才食,春卷還是脆卜卜.冇得彈!7.8.鮮蝦燒賣,時蔬牛肉球-此兩樣點心中規中矩.9.糯米卷-可能已半飽的關係,覺得一般.10.灌湯餃-餃子皮穿了,與湯混和,失敗!11.鮮竹卷-蒸得不夠稔,最差!埋單$160,在中午時段來說,不算貴!但與下午茶時段來比較,價錢就相差很遠.相差如下:12:00-14:00 小點$9.8,中點$12.8,大點$14.8,特點18.814:00-17:00 小點$5.8,中點$7.8,大點$9.8,特點12.8.兩個時段的價錢相差都頗大,都要找時間試試這間迎囍的下午茶,看看有沒有分別!

朝朝or 下午茶時間都見到迎喜喜門口好多人等位，雖然唔係成日咁好耐性去等位飲茶，但係見佢早茶同下午茶價錢咁抵，都會去等下位食下~迎喜喜o既點心真係唔差同埋大件夾抵食，好似盅頭飯、粥、炒菜同千層榚真係幾好食!!如果你有耐性等位食好野就要去試試喇~ 不過等緊位o既時候都可以周圍行下,都唔怕悶o既~! ^^

我每星期9點後都去迎囍食晚飯2-3天(預排隊時間最少半個鐘)，起初都好好，後來食吓食吓覺得都冇嘢食好叫，日日如是, 除了坐得舒服外，的汽水超值HK$10.00三支, 橙汁hk$15.00一渣(加咗hk$5.00價)，好低外,依家的服務就好差(尤其是有囍宴時候)，人手唔夠外，下了單的嘢食都唔來，又要吹佢3-4次,等又等得好長時間，的菜食完的煲仔飯都未來，4個餸通常兩個餸無來，一餐飯起碼要食2個鐘。4個人食$180元左右

都忘記了上次來是什麼時候, 因附近也沒有較為吸引的茶樓, 見這裡九時前入點心紙有特價, 就走到這家來。 唔怕搭檯的話即是有位, 五個人來只點了十款點心, 其中一味的富貴孖寶($12) , 是瑤柱白粥加自選腸粉的粥餐, 叉燒料不少但腸粉偏腍, 當其中的春卷上檯時不油, 但入口帶有油味, 另一款馬蹄卷, 外皮是叉燒酥的皮, 內裡是丁方粒的馬蹄, 酥皮入口雖是暖暖的但也算鬆化, 相比其他點心, 此款巳算比較好的了。

昨晚原打算在家中玩煮飯仔，但是細叔說費事煩，於是出街食。一向都知每逢節日酒樓都不設散叫，不過是夜一行9人，每席12位，半席6位，點都覺得唔化算，所以在部長通融下，可以點半席另加三至五個小菜。在有比較之下，發現套餐的質素比小菜為差，我們另點的七味豆腐、山珍炒海參和冬瓜環釀上素，每碟都很好味，很清，尤其是七味豆腐，雖然是炸，但外脆內滑，非常了得；但套餐就…先講海蝦，細隻兼唔太新鮮，有肉質更是霉的，至於乳豬拼海蜇就可以拉接受，惟海蜇太碎；跟著的翡翠鮮魷皇帝蚌，西芹勁多，但鮮魷和皇帝蚌就夾埋都冇8件；另外鮑絲海皇翅，料足(不過唔係翅)，但太杰身，味頗淡；至於大龍躉兩味，唔知點解清蒸頭腩會用山根一齊蒸，而且為數不少，起碼有6個完整的，炒球肉就碎晒，夾都夾唔起。整個套餐中最出色係臨尾o既雞和荷葉飯，雞好嫩滑，又鮮味，肉質一都唔；荷葉飯好香，加以冬菇粒，瑤柱絲等配料，很是味美，最重要的是飯粒分明，極之煙韌，雖然已在八成飽的狀態，但也令我連吃了兩碗呢~~~

今日family day, 兩點幾一家人黎飲茶. 上到去見到人山人海, 以為有排等, 但係好好彩, 好多人埋單, 等左15分鐘就有位.兩點過後係茶市優惠, 有d衰酒樓會o係優惠時段扣起大部分點心, 只提供數款點心供茶客選擇. 但係迎囍就無呢個問題, 點心花款同午市一樣, 抵讚! 亦都係吸引我黎飲茶o既原因!大路點心如叉燒包, 腸粉, 蝦餃同燒賣都有水準, 但係最得我同家姐歡心o既一系列香口o既煎焗點心. 迎囍o既煎焗點心比傳統酒樓多花款, 鹹甜都有, 當中我最鍾意o既係鮑魚雞酥, 同采蝶軒o既有得揮, 但係價錢只係後者o既三分一! 家姐就最鍾意奶皇酥, 外皮鬆化, 有少少似鳳梨酥o既外皮, 不過香d, 奶皇餡唔會好甜, 熱辣辣食, 正!點心上得幾快, 侍應又attentive, 實有下次!

This is our favourite restaurant for family gathering. Their dinner set for 12 with lobsters and shark fin is very much value-for-money at only $1111 (net price) .Good location and delicious food,

今早未夠8點巳出門口, 可能係落雨關係,去到都唔駛等位,點了基本點心如煎腸粉, 包類, 鳳爪,鯪魚球粥,當然唔少得我至愛o既蘿蔔千絲酥個腸粉煎得夠熱, 好多茶樓連依樣咁簡單都做唔到呀, 鯪魚球粥以小點計, 仲食得到有鯪魚味道, 唔錯, 仲有d薄脆, 居然仲係脆o既都幾出奇, 而蘿蔔千絲酥, 依到整得最好食, 唔似得金龍船, 用叉係面頭介幾下就算, 又細隻. 係依間茶樓食過好幾次, 依然可以保持到一定o既水準,又平又底食, 幾好, 幾好.星期六, 日及公眾假期早上7時至9時(以入單時計)下午2時半後(以入座時計)茶芥$6.0小點$6.8中點$9.8大點$12.8特點$15.8

有一排無黎哩到食晚飯,所以今晚特地同個朋友黎食飯,嘩!無食一排依然咁有水準,兩人食到肚滿腸肥.好胞.9點後有特價小菜多款菜式一律$20元,煲仔飯每煲都係$10元有10款選擇,仲有超抵ga花膠燉雲吞雞湯每盅都係$10元咋.好抵好抵.果汁每渣$10元,汽水$10元有3支,簡直係超值兼抵食.加上環境舒適,服務殷勤,值得一讚.今日我地點左小菜有:1).黃金脆玉卷~~類似海鮮卷咁,皮係籮白絲炸成,餡係海鮮卷D料,一碟4條,OK ga 唔係太肥膩.2).金莎脆瓜爆爽肉~~即係脆玉瓜炒肉片囉,不過不失.OK啦.3).萬壽果焗帶子薯蓉($18元)~~半邊木瓜焗原隻帶子,木瓜好甜,帶子好大粒,好鮮味,木瓜燉就食得多,焗就好少咁食法,初初覺得怪怪地,食落先知好好味,部長無介紹錯,值得推介,記得襯熱食,特別香.4).檸檬泰皇雞~~即係西檸軟雞,幾香唔會太甜或太酸.5).兩個煲仔飯~~豉汁鱔片同鱆魚雞粒煲,鱔片足料,好味道,鱆魚雞粒就麻麻地,得幾粒洒係飯面,比較削.不過D飯上左檯有一段時間都仲熱辣辣,有煙出,仲有D飯焦好香口,一剷就起,唔駛渣住個煲係咁刨,咁鬼尷尬.6).糖水($3元一盅)~~真係令人又驚又喜

有時在廂房飲茶,光線不足,看報紙有少許困難.不過點心及服務不錯,跟稻香分別不大.

始終跟開稻香大集團傳統,個別員工服務不俗的,但要稱得上高級食府,還差一截,服務有待改善.<br />食物佢最好是貴妃雞,同稻記招牌點心:籮白絲酥餅,正!

上年和朋友試過一次, 已經覺得唔錯. 星期日再和朋友黎飲下午茶, 雖然好多人, 等了近四十分鐘才有位. 不過d野真係好好食, 燒味湯粉一碗才$12.00, 雖然平得絕不欺場. 我們叫了叉燒湯檬,翡翠豆苗餃,白灼鮑魚菰娃娃菜, 蘿蔔絲酥餅,奶黃卷和椰絲糯米等, 蘿蔔絲酥餅正到痺. 三人才共吃了$92.00. 真係又抵又正.