迎囍大酒樓 (已結業)

18 號阿爸生日我唔得閒呢，所以大家提早同食生日飯。阿爸阿媽都係鍾意食中菜，西餐機乎唔食咁濟，去酒樓最穩陣。本來我想攞一圍成班親戚一齊食，誰知兩老又厭麻煩又厭要洗錢，我請客之麻，隨您地喜歡啦。蜜汁叉燒，係阿爸既致愛，今日特別好食喎，開心到不得了啦。質地腍中帶趙口，軟硬適中，肉汁輕滲，不乾不鞋。比起以前質數有改善，好食左好多，滿意滿意。翡翠雲耳桂花蚌，暗啞灰色桂花桂邊皮，脆口但好韌呢，都有少少海鮮味道。翠玉瓜爽而多汁，混埋雲耳桂花蚌一齊食都唔錯。成張 menu 睇黎睇去都唔知食咩好，硬係好似無選擇，唯有是但啦。菠蘿咕嚕黑豚肉，太過份喇！點可以煮得那麼好味？諗住簡單一道小炒，誰知意料之外驚喜萬分，推介！鑊氣十足，熱力迫人，飄住煙送上。嚐一口，甜酸度出眾而剛剛好，非常醒胃醒神，越食越想食﹗最利害係可以炸到豚肉外脆內嫩，表面金黃鬆脆，包甜美肉汁。啖啖肉勁爽口，好好味呀 ﹗黃金豆腐扒小棠菜，唔夠熱喎，毫無鑊氣，彷如撈出黎一樣，微暖到個汁都差不多凝結到一劈劈。賣相不錯，擺位有條理，豆腐外皮香口，裡面滑滑，但最敝係外暖內凍呢，灼小棠菜都係凍既。我真係對齋完全無興趣，無肉食既，會唔會好淡口架？不出我所

諗住就老媽子(住大埔)咁咪附近飲茶，話說果日平日冇乜人，下午茶時間都坐有半埸，諗間野都唔會差得去邊，咁叫左D例牌野(老媽子喜歡食果D)但好失望小龍包又實又硬又冇乜汁，奶皇包第一籠上枱時蒸爆列果D表層，咁好正常叫人換過一籠，點知果姐話再蒸過都係咁架啦咁我即話冇緊要啦，你同我取消我依家唔食呢樣啦，果阿姐黑晒面咁攞走，又唔知佢會蒸過籠吖定取消！到後來D野齊晒最尾過左半小時有多都諗住佢會同我取消，佢又有上返，點知食落口果下真的想吐了！果D包好似有陣膠味！燒賣又似面粉底咁，冇乜肉味，蝦又生生地未熟咁款！煎餃子似D機器整咁，又實又冇汁！唯一食得只有茄子，唉……有人請都唔想食！

今日同事升職飲茶慶祝，難得各同事及老闆都得閑一齊去大埔迎喜飲茶。由於預先定位，無須等枱。點了好多點心、炒飯、糕點及半隻燒鵝。首先燒鵝有小小怪味，鵝肉梅梅地，蘿蔔糕直頭有酸味。鮑汁雞腳唔入味，水晶包硬到趙唔到。總之一個字差。希望迎喜以後有改善啦～ 由於太突然所以無影相。

小BB被長輩帶走了，二人於早上的生活就不會忙過一團亂，可以更早出門口，充分地利用早上凡好時光。然而，一大清早飲茶是老一輩香港人的喜好，偶爾，我們也會陪陪長輩，一大清早起床，吃過所謂的一盅兩件才返工。我們一早未到七點已到達大埔的迎囍，一眾的茶客也默默的守在酒樓的門口，當酒樓內的侍應準備好，一開門，就好似放馬閘開跑的一般，一班長者及早茶客，衝入去霸位。我們也不理三七二十一，一開門就衝入，可是不夠長者們快，弄得我們只好搭檯。然而，太太的爸來電，原來他已丰我們一步，霸了一張細檯，正在洗茶杯的我們，也就收搭自己的一套杯碟，過檔。(張點心卡點算，不用理，所有檯已預好哂茶同點心卡，沒有用過，就下一位來搭檯的人用。)早上飲茶，可是說是多個飲茶時段中最抵食的一個時段。一個早晨孖寶，一壺茶。已足夠讓茶客嗽晒份報紙才走。早上，好多時都會吃上腸粉，是日有太太的羅漢齋腸，我同外父分享的叉燒併金鈎腸。羅漢齋腸，明顯是純蔬的一個腸粉，皮滑而煙韌，做得十分之好，內裡的蔬菜已蒸得十分之腍，卻又不缺爽爽口的口感，不錯。 叉燒併金鈎腸，金鈎，是一隻香菜的葉，食入口十分之香，而

今日Mummy生日，一家人晨咁早去左樓下間迎喜飲茶，九點鬆 d上到去居然要搵位。 話時話都好耐冇試過搵位飲茶lu~好彩唔洗點等，但係我地走果陣就好多人啦! 建議大家weekend最好九時前好去啦。 呢間野都算幾出名，d點心份量都唔細。我地一家4口叫左10碟野，最後都食唔晒呢! 叉燒酥---好甘香, 內裡叉燒當然好味奶皇包---d奶皇好稀好淡, 個包又爆了口?食不出似奶皇,真是好差灌湯餃---都有好大隻蝦,有菇有豬肉&幾條瑤柱, 都ok啦豉汁蒸鳳爪---都好入味, 不會好散, 不過都是用花椒八角煮的鳳瓜好食啲燒賣皇---不會太多肥豬肉, 都幾爽都好好食鮮蝦腸 --- 唔差ge，粉皮唔會話好淋，而且唔會特別貴，但冇咩特別! 鮮竹卷 --- 完全喜出望外 ，d料又係靚野，每次必食招牌馬拉糕 --- 初頭見佢細細舊有d失望，不過食落確又真係幾「對板」。牛柏葉 --- 唔韌唔重味精，ok ge依間點心ge精粹夠「香」料又夠「足」，值得一試

去迎囍飲早茶，2人只叫了三款點心，純為可以找個地方坐坐的!1. 沙律炸蝦角 ($12.8)大家應該都食過炸蝦角，都應該知內裡係有蝦架啦，但呢度既炸蝦角，似係炸菜肉餃多D喎，內裡都唔覺有蝦肉既，菜既成份至少佔2/3，咁呢一款仲可唔可以叫炸蝦角呢，大家可以判斷喇!!2. 鴛鴦雙潮 ($12.8)一籠點心兩款選擇，啱啱多心的人，蝦肉都算新鮮，還有D彈牙，對上一次幫襯，蝦肉係梅既，仲有怪味，真係放唔到入口 ; 至於潮州粉果，內裡料算多，不過D花生係淋既，一D都唔脆。3. 煎釀鴛鴦椒 (中點)一碟四件，青紅椒各兩件，但肉餡只有薄薄的一層，紅椒唔辣，仲好甜好多汁，反而青椒係辣的。迎囍只有兩個優點: 其一: 位於大埔超級城，外區人士來到超級城都只係有這間酒樓可擇 ; 其二: 價錢很經濟，但要預左質數一般

星期日去了迎囍喝下午茶，由於不肚餓，只叫了四款食物~煎釀茄子 $9.8每次都點的，媽媽常常說比街邊的煎釀三寶好吃多了，魚肉夠多又熱辣，可惜今次送來的是凍的，媽媽叫店員換過碟，再送來的剛炸起，美味極了。紅油抄手 $12.8夠夠有8只，每只是一口SIZE，放便入口，調味為少辣，適合不太吃辣的人。菠蘿叉燒包 $8這是店員捧出來吃賣的特價點心，只是暖暖的，但是菠蘿皮脆脆的，加上少少叉燒，幾好吃的。鴛鴦雙潮 $12.8即是蝦餃拼粉果，皮比較濕，蝦不爽口，一般。粉果內的花生淋了，不好吃~這間酒樓經常都人頭擁擁，若果想平平地喝下午茶，都可以一來的。

十五號清晨先落機，係美國食左成個月垃圾，漢堡、薯條、pizza ﹗勁乾、勁燥、勁咸 ﹗好掛住我地既真正廣東菜呀 ﹗即刻要食返餐中菜先得，但有點強差人意啊。新 menu 喎，不過大同小異，好耐無黎喇 ﹗搞錯呀，青斑仔賣晒，其他魚最少斤半，得兩個人點食喎，好想食魚呢，係沙漠食死魚死左成個月喇。拍青瓜，女友有排都未到，叫個拍青瓜濕吓口先，點知拍左成半粒鐘先拍到黎我面前，女友都黎到坐低左喇。大量既陳醋加生蒜米，青瓜新鮮多汁又爽口，不過真的酸了點。女友不食酸的，我只好自己搞掂晒佢。海皇魚翅羹，睇錯左添，我原先以為係燉湯。湯底味濃，有海鮮香味，質地厚薄適中，好食好食 ﹗加左浙醋既海皇魚翅羹，又開胃又勁好味 ﹗蜜橘排骨，睇個名都知係甜啦 ﹗橙色醬汁帶橘皮清香味道，都幾特別，質感軟腍，不過不失啦。蠔皇鮮菇扣遼蔘，依家正係 promotion 期間，六十蚊有找，超抵食 ﹗當然一分錢一分貨。遼蔘質量算滿意，幾十蚊想點喎 ﹗夠滑夠彈又扣得入味，鮮草菇好鮮味，好食 ﹗熱騰騰用鍋上，正 ﹗翡翠靈芝菇炒蝦球，唔多見有靈芝菇喎，得幾片雲耳。蝦球質感爽到假，用勁鹽醃再啤水，唔新鮮。味道勁咸，咸到苦 ﹗入唔到口，要放棄

可以自由選擇一席或半席，另送一打或半打汽水，免加一免茶介。環境舒適，坐位舒服清潔，服務生有禮招待。御品燒味併盆 - 叉燒、肴肉和牛展都夠淋，不痴牙。油雞燒鴨味道佳。醬皇花姿象拔蚌 - 蝦醬好香口，花姿象拔蚌爽口易咬。百花杏香釀蟹拑 - 杏片好香脆，蟹鉗粉多不夠蟹味。鳳梨脆皮雞 - 皮脆雞肉夠鮮味花菇扣遼參 - 花菇遼參抆得夠入味，西蘭花好爽口。金華烝多寶魚 - 魚肉鮮嫩汁味美玉盤豔素 - 瓜肉及配料都好清淡，但伴湯清甜。紫雲竹影燴魚翅 - 足料好味生果併盆 - 西瓜清甜多汁，橙好酸。荷香絲苗 - 香味可口的荷葉飯滋味蟠桃 - 新鮮熱辣辣，蓮蓉不太甜。

今天見爸爸和媽媽都不用工作，就叫了公公婆婆，全家一起到這間酒樓飲茶。因為先早上的關係，酒樓門外早已站著很多等位的人，真的人山人海。我們一家在門外等了15分鐘，才叫到我們的籌，接著服務員便帶我們到那空桌子。叫了茶後，服務員將3張點心紙放下後，便離去了。但是，3張點心紙中，最吸引我的當然是下面這一張 ($13任選兩樣)。很快，我們便點了以上8款食物。 (後來，我因為不夠飽，還點多了兩豌皮蛋瘦肉粥)10分鐘後，食物便上枱了，先來的是艇仔粥和皮蛋瘦肉粥。皮蛋瘦肉粥︰皮蛋份量不夠，但粥很綿，很滑。味道清淡，加了胡椒粉後，特出了粥的鮮甜。整體來說，是不錯的。艇仔粥︰有魚蛋，肉碎等，跟皮蛋瘦肉粥一樣，粥很綿，很鮮甜。過了一會，其他食物也都上枱了。叉燒包︰跟普通酒樓吃到的沒太大分別，味道不錯。金鈎腸︰腸粉很滑，味道很好。三式包︰分別是擂沙包、奶皇包和燕麥包。擂沙包和奶皇包味道是可以的，新鮮出爐夠熱。但燕麥包味道就怪怪的，所以還是不點這個好。糯米卷︰這個不錯，值得一試。西生菜︰晨早的一碟菜，用來伴粥，一流。但是西生菜味道還是一般，豉油味重過生菜味。結帳時，還真的很便宜。五個人加起來只是$104.5，茶錢

跟朋友仔聚舊，佢又鍾意食小菜，就去迎囍啦 ~ 成個月無黎，發覺套餐有少少改動。燒腩仔併海蜇，今日啲燒腩仔特別咸既，皮就仍然卜卜脆。海蜇爽口，味道還可以啦。但始終不及細細個時候食嗰啲，有磨砂質地既表面，咬落會爽脆既，味帶海鮮既鮮甜味，已經搵唔返喇。碧綠炒龍躉斑球，脆肉瓜好嫰口，清甜又充滿水份，係厭佢全碟無咩鑊氣，又唔夠熱，都唔知係咩整定架。斑球溫度微暖，唔係熱騰騰既，仲煮得唔夠熟，只有約七成熟，廚房啲師父今晚搞咩呀？生炆龍躉頭腩，都係唔熱既，到底幾時炆架？整碟送感覺都係好油，可能係放左好多肥燒肉一齊炆啦，凍左啲芡一舊舊，味道又咸，真係食唔落口。啲伴碟既小唐菜同腐竹吸收晒啲油，好鬼油真係食唔到。上湯澳洲龍蝦伊麵底，只係會伊麵，唔係焗。上湯加入大量洋蔥，重未係任何一間酒樓會咁煮法，我唔食洋蔥架，唯有挑走晒佢地。個芡好杰好杰，質感太厚，不太討好。龍蝦球非常鮮味、彈牙亦爽口，好好味。但伊麵煮得過腍，再沒有嚥靭彈既口感，而且份量非常之多，我同朋友仔每人食左兩碗，仲要用兩個外賣盒打包走，誇張？定係好抵食呢？

此舖位前身為敦煌酒樓分上下兩層，商場大修後轉為迎囍，亦只保留地下一層用喇。裝修主色為棗紅同黑色，想玩高檔調及酒店餐飲方向，都幾舒服，只係地方較細，枱密度高左啲。侍應們既服務都倘算滿意，未到殷勤熱情位。食物中上級數，仲不時有新菜推介，非常好 ~ 迎囍係各方面都配會得唔錯，係酒樓介殺出條血路 ~最初攞枱時居然比個無人肯坐既路邊走火通道位，仲要係一邊枱貼牆既圓枱，火都黎埋，又唔係無其他枱，咁梗係既時要求轉枱啦，個後生仔侍應仲好似唔多願意咁喎，最後都係我再三要求下終於轉去個正常既位置喇，先坐得舒服。食飽埋單，見到全晚都係無人肯坐去嗰兩張係走火通道既枱囉。海蜇併燒腩仔，海蜇已經與甜醋混合，味道可以啦，都好爽口。燒腩仔皮脆肉嫰，最正係層皮卜卜脆。肉味夠濃有咸香，係略厭層次唔分明，肥膏較多，口感油膩，瘦肉纖維唔夠細緻，比較粗，一般啦。貴妃雞，全隻只需 HKD1，任叫、無限 quota，您叫十碟都得。最初無打算 order，因心理上一蚊隻雞唔方會好味啦，但因為家人再三表示想食雞，咁無所謂啦，都係一蚊啫。估佢唔到居然有驚喜喎，質數遠超一蚊，以味道口感黎講，我比依隻雞 HKD60，雞味濃、肉感嫰滑、身材適

we took our dinner there last night. One of the dishes we ordered was 白灼蝦. It was terrible!!! The whole plate of prawns was rotten. But their menu described them as "live" prawns!!! It was not the first time that we found their prawns bad. The other dishes were just Ok. Please do not order their "live" prawns.

其實..唔止食咁少.大概點了4至6種食物..環境.雖然唔差.但肯定要塔枱.仲有點嘈離....不過叫了多種食物.只是80元...又合情合理..無可批評...燒鴨瀨...16.8元...上枱的鴨每一件都是肉,肉質甜美又無肥油...而瀨上枱又熱辣辣.以這個價錢已經物超所值....炸雲呑.3件....雖則不是熱辣辣....食落口卜卜脆........炸起的皮佔9成..而肉佔一成...都係無可批評,埋單2人...80.5元...如果有機會我都會回頭......

普通一餐的晚餐，在一間普通的迎囍食，原本想在大埔的明星食，但因為有人擺酒，所以轉而陣地，到了迎囍，最終食了宵夜時間的食物！迎囍的宵夜是抵食的，合理價錢，食到合理食物。一來到，剛坐下，就有待應問我們食不食炸蟹鉗，是熱的，我們都賞面，叫了一碟($25)，真的是熱，都好味。以後叫了炸乳鴿($28)、雜菜煲($38)、炸墨魚爽($38)、蛋白炒飯($38)，最後甜品(紅豆沙加杏仁露)($10)。有特別一題是炒墨魚爽，它的菜譜是寫炸墨魚爽，但出來是炸墨魚鬚，很失望。