影片
18 號阿爸生日我唔得閒呢，所以大家提早同食生日飯。阿爸阿媽都係鍾意食中菜，西餐機乎唔食咁濟，去酒樓最穩陣。本來我想攞一圍成班親戚一齊食，誰知兩老又厭麻煩又厭要洗錢，我請客之麻，隨您地喜歡啦。蜜汁叉燒，係阿爸既致愛，今日特別好食喎，開心到不得了啦。質地腍中帶趙口，軟硬適中，肉汁輕滲，不乾不鞋。比起以前質數有改善，好食左好多，滿意滿意。翡翠雲耳桂花蚌，暗啞灰色桂花桂邊皮，脆口但好韌呢，都有少少海鮮味道。翠玉瓜爽而多汁，混埋雲耳桂花蚌一齊食都唔錯。成張 menu 睇黎睇去都唔知食咩好，硬係好似無選擇，唯有是但啦。菠蘿咕嚕黑豚肉，太過份喇！點可以煮得那麼好味？諗住簡單一道小炒，誰知意料之外驚喜萬分，推介！鑊氣十足，熱力迫人，飄住煙送上。嚐一口，甜酸度出眾而剛剛好，非常醒胃醒神，越食越想食﹗最利害係可以炸到豚肉外脆內嫩，表面金黃鬆脆，包甜美肉汁。啖啖肉勁爽口，好好味呀 ﹗黃金豆腐扒小棠菜，唔夠熱喎，毫無鑊氣，彷如撈出黎一樣，微暖到個汁都差不多凝結到一劈劈。賣相不錯，擺位有條理，豆腐外皮香口，裡面滑滑，但最敝係外暖內凍呢，灼小棠菜都係凍既。我真係對齋完全無興趣，無肉食既，會唔會好淡口架？不出我所料，味道靠晒個蠔油芡。今日預祝阿爸生日飯，您地鍾意食咩就叫啦﹗雲耳藕片炒豬頸肉，香口有趣又別出心裁，估不到的配搭，味道併得可口無比！脆脆藕片夾住爽彈豬勁肉，味濃微辣，香口惹味，油潤但不肥膩，好食好食，唯一扣分係鑊氣欠棒囉。清蒸青斑仔，游水生猛海魚即叫即劏夠新鮮，新鮮出爐熱騰騰送到，香噴噴又出晒煙，鮮魚味夾雜豉油香味正濃，食慾大增，急不及待要起動喇！一黎先處理掉臉珠登先，結實彈牙又滑滑，繼而魚肚棉滑微黏又帶油，再黎魚身味濃有嚼勁，好味道！最後連魚頭、魚尾、魚鰭都啜得乾乾淨淨，一絲肉都無得留低！終於有味餸係滾熱辣架喇，開心晒！雞鮑翅，真材實料滿到瀉都只係幾十蚊乍喎，梗係試啦！屋企人無興趣無緊要，我自己食。湯汁濃濃雞肉味，甜美可口。翅針一排排趙到索索聲好過癮，一梳梳翅針帶湯力超強，每一口都水潤多汁，好美味呢！飲到一漏不漏，每半湯渣都無得留低添。蜜汁叉燒、翡翠雲耳桂花蚌、菠蘿咕嚕黑豚肉、黃金豆腐扒小棠菜、雲耳藕片炒豬頸肉、清蒸青斑仔、雞鮑翅！比預期好食，心滿意足。
繼續閱讀
諗住就老媽子(住大埔)咁咪附近飲茶，話說果日平日冇乜人，下午茶時間都坐有半埸，諗間野都唔會差得去邊，咁叫左D例牌野(老媽子喜歡食果D)但好失望小龍包又實又硬又冇乜汁，奶皇包第一籠上枱時蒸爆列果D表層，咁好正常叫人換過一籠，點知果姐話再蒸過都係咁架啦咁我即話冇緊要啦，你同我取消我依家唔食呢樣啦，果阿姐黑晒面咁攞走，又唔知佢會蒸過籠吖定取消！到後來D野齊晒最尾過左半小時有多都諗住佢會同我取消，佢又有上返，點知食落口果下真的想吐了！果D包好似有陣膠味！燒賣又似面粉底咁，冇乜肉味，蝦又生生地未熟咁款！煎餃子似D機器整咁，又實又冇汁！唯一食得只有茄子，唉……有人請都唔想食！
繼續閱讀
今日同事升職飲茶慶祝，難得各同事及老闆都得閑一齊去大埔迎喜飲茶。由於預先定位，無須等枱。點了好多點心、炒飯、糕點及半隻燒鵝。首先燒鵝有小小怪味，鵝肉梅梅地，蘿蔔糕直頭有酸味。鮑汁雞腳唔入味，水晶包硬到趙唔到。總之一個字差。希望迎喜以後有改善啦～ 由於太突然所以無影相。
繼續閱讀
小BB被長輩帶走了，二人於早上的生活就不會忙過一團亂，可以更早出門口，充分地利用早上凡好時光。然而，一大清早飲茶是老一輩香港人的喜好，偶爾，我們也會陪陪長輩，一大清早起床，吃過所謂的一盅兩件才返工。我們一早未到七點已到達大埔的迎囍，一眾的茶客也默默的守在酒樓的門口，當酒樓內的侍應準備好，一開門，就好似放馬閘開跑的一般，一班長者及早茶客，衝入去霸位。我們也不理三七二十一，一開門就衝入，可是不夠長者們快，弄得我們只好搭檯。然而，太太的爸來電，原來他已丰我們一步，霸了一張細檯，正在洗茶杯的我們，也就收搭自己的一套杯碟，過檔。(張點心卡點算，不用理，所有檯已預好哂茶同點心卡，沒有用過，就下一位來搭檯的人用。)早上飲茶，可是說是多個飲茶時段中最抵食的一個時段。一個早晨孖寶，一壺茶。已足夠讓茶客嗽晒份報紙才走。早上，好多時都會吃上腸粉，是日有太太的羅漢齋腸，我同外父分享的叉燒併金鈎腸。羅漢齋腸，明顯是純蔬的一個腸粉，皮滑而煙韌，做得十分之好，內裡的蔬菜已蒸得十分之腍，卻又不缺爽爽口的口感，不錯。 叉燒併金鈎腸，金鈎，是一隻香菜的葉，食入口十分之香，而味道更勝過叉燒。一啖肉，一啖香菜，這腸粉的味道，也可是特別。 蠔王鴨掌，早上的是一隻鴨掌再以腐竹鋪底，有蠔油自然味道濃，只是鴨腳太少，汁亦不多，早上的特價點心，好多時都是細一個碼。 我要早上班，快食也要快走，一個大大隻的糯米雞就既飽肚又食得快，而且也來得快。餡料同份量稱得上是十足，不過包糯米雞的葉，就是慳功夫的一層及一片，所以應有的業香味就欠奉。食落夠軟夠綿，味道夠濃香，肉碎，雞亦，火腿充滿在內餡，一客只$15，非常抵食。 飽滿的早上，充滿正能量地，開始我的工作天。
繼續閱讀
今日Mummy生日，一家人晨咁早去左樓下間迎喜飲茶，九點鬆 d上到去居然要搵位。 話時話都好耐冇試過搵位飲茶lu~好彩唔洗點等，但係我地走果陣就好多人啦! 建議大家weekend最好九時前好去啦。 呢間野都算幾出名，d點心份量都唔細。我地一家4口叫左10碟野，最後都食唔晒呢! 叉燒酥---好甘香, 內裡叉燒當然好味奶皇包---d奶皇好稀好淡, 個包又爆了口?食不出似奶皇,真是好差灌湯餃---都有好大隻蝦,有菇有豬肉&幾條瑤柱, 都ok啦豉汁蒸鳳爪---都好入味, 不會好散, 不過都是用花椒八角煮的鳳瓜好食啲燒賣皇---不會太多肥豬肉, 都幾爽都好好食鮮蝦腸 --- 唔差ge，粉皮唔會話好淋，而且唔會特別貴，但冇咩特別! 鮮竹卷 --- 完全喜出望外 ，d料又係靚野，每次必食招牌馬拉糕 --- 初頭見佢細細舊有d失望，不過食落確又真係幾「對板」。牛柏葉 --- 唔韌唔重味精，ok ge依間點心ge精粹夠「香」料又夠「足」，值得一試
繼續閱讀