迎囍大酒樓 (已結業)

星期六同婆婆&阿姨們去飲茶。成點鐘去到，都唔滿又唔洗等位。叫咗好多點心。杏片蝦球外層佈滿杏片。蝦球彈牙，不過可以再大粒少少。沙薑蒸豬肚呢個combination幾特別。仲有咸菜墊底。豬肚爽口，唔會韌。沙薑味亦滲入豬肚。沙薑雞腳雞腳好爽口，有肉。不過沙薑味不太濃。柚皮鴨掌我無食柚皮，淨係食咗鴨掌。鴨掌入味，亦不會太肥膩。牛肉球：一般，無特別煎腸粉：都係一般，煎得夠乾身，不過唔夠香口。燒鴨檬粉原本叫瀨粉，唔知點解上枱變咗檬粉。檬粉都ok，唔會太碎，都夾到。亦唔會煮得太淋。燒鴨味道唔錯，肉質唔會梅。貢菜餃呢個好食，貢菜爽口唔咸。不過個皮較厚。小籠包都ok，皮算薄，有湯汁，肉唔太肥。