越蘆越南牛肉粉

營業中

休息中

小朋友難得早訓覺 所以我就放低小朋友比公公婆婆睇一陣 然後同老公快閃出街食個靚飯 ，呢間餐廳係屋企附近開咗好一段時間 但係平時要湊仔唔得閒去食 所以今日終於可以去到 真係好開心呀！.難得出嚟食飯老公話要食餐勁嘅😂然後我哋就放閃叫咗一堆嘢食包括有牛油果沙冰 椰汁三色冰 越蘆小食拼盤 越蘆牛肉粉同扎肉蝦餅撈檬.椰汁三色冰：三色係紅豆 綠豆 同綠色嘅果凍 雙豆嘅味道一濃一淡 互雙平衡下味道啱啱好 加上椰汁味重 口感又豐富 老公好中意飲.牛油果沙冰：將女士美容恩物牛油果 整成沙冰 一邊消暑一邊護膚減肥 正！.越蘆小食拼盤：有春卷、胡椒豬肉串、蝦、扎肉等等 全部食物都調味得啱啱好 種類又豐富 見到都覺得開心 食落去都冇失望😊.越蘆牛肉粉：材料有生牛肉、牛腩片、牛、牛柏葉等等 湯底清而不膩 麵條索晒啲牛肉湯 雖然已經好飽 但最後我地連啲湯都飲埋.扎肉蝦餅撈檬：紮實 彈牙 香脆 嘅蝦餅 兩個小朋友一定好鍾意食 下次帶佢地黎食先！

嗌咗個牛丸生牛肉湯河， 啲牛肉好新鮮啲生牛肉亦都砌得好薄， 個份量就叫中等， 唔會太多， 但係個湯落嘅香料亦都好惹味好醒胃， 夏天食特別開心， 之後我哋都嗌咗一個扎肉撈檬， 但呢個撈檬嘅份量真係超級超級大， 我同個friend都係女仔所以食唔曬， 但如果你係本身可以食好多，比較食量大嘅人， 或者你好肚餓， 可以考慮 撈檬。 嗰啲越南扎肉好爽口彈牙， 入面啲料都唔差， 個飲品嗌咗個梳打青檸， 唯一美中不足嘅就係個梳打太多氣， 一直飲條脷都好辣， 啲泡泡係咁出呢啲氣太多， 飲得有少少唔舒服。

外國生活回港後其中會掛住嘅係越南菜，北美洲越南菜實在出色。而呢間係港島幾滿意嘅一間越南菜，聽講係越南大廚主理。見到滿滿嘅綠色青菜就開胃😋越蘆小食拼盤 $148拼盤有炸春卷、豬肉串、扎肉、米紙卷，份量好豐富成碟滿瀉，扎肉都比一般嘅切得厚！每款都有水準，特別係免治豬肉串喺香港唔係常見，微脆嘅口感帶甜味，好食！米紙卷嘅菜新鮮，好清爽。越蘆牛肉粉 $72有生牛肉、牛腩片、牛丸同牛柏葉。越南粉最主要係湯頭，香港好多美式越南河會比較牛脂油膩，呢個越南牛肉粉湯頭就明顯更清更甜！可惜生牛肉有點過熟，但欣賞佢選擇嘅食材，牛肉味濃香，牛腩片同牛丸都有驚喜，而牛柏葉係未未經染色嘅原材料，河粉都幾滑。下次要留肚試埋甜品！

LOVE this place for real! This is always my place to go to when I am around sheung wan for lunch or dinner. Great food, friendly staff and clean space. One of my all time favourite Vietnamese places in Hong Kong. Their beef pho is served with great beef broth and slices of juicy beef.  Also their satay is really good, it's a must try. Cannot wait for the next visit ! So good ! Reasonable pice and great value!

與同事午飯，選了食越南菜，菜單選擇很多。我選了越蘆牛肉粉。當天餐廳人數不多，地方亦衞生。牛肉粉的份量足夠，不過太多蔥及香料佢陪襯，而且牛柏葉不太爽口，是當中的敗筆位。

今日特登同朋友出嚟上環呢邊諗住行下街,行左陣喺附近見到一間越南野，見到咁多人等位就諗住想試一試，我哋兩個人都係等左15分鐘左右就入得去，我叫咗個菠蘿海鮮炒飯，炸春卷，燒春雞，首先我想講下個菠蘿海鮮炒飯先，我諗好多人同我一樣食菠蘿炒飯係一定要真係有半個菠蘿喺度嗰隻，佢呢度嘅菠蘿海鮮炒飯係用菠蘿裝住，而且個飯亦都炒得好好食，朋友都話好鍾意，另外佢嘅炸春卷，比起我之前食過嘅炸春卷好食好多，入邊嘅餡料又夠多，而令我最最最滿意嘅就係佢嘅燒春雞，勁香口皮又脆，整得好入味，燒得好香而且勁大隻!

一直都聽人講有間越南野好出名就係我公司附近，呢間位於上環皇后大道西嘅越蘆，次次都話要去食，今次終於有機會試到佢啦😋今日帶埋我女朋友一齊收工過嚟呢度，可能因為食晚飯時間，都幾多人喺度等緊位，再加上我實在太肚餓，等得好心急，等左10分鐘左右就到我地，我同我女朋友就安排坐咗係梳化卡位，坐得好舒服，點餐嘅時候店員推薦左呢個芒果軟殼蟹米紙卷比我地，我女朋友都有興趣試呢個，咁我哋就點左呢個同埋越式炒金邊粉，烤魷魚，其實兩個人食份量已經足夠店員推介嘅香芒軟殼蟹米紙卷的確好好食，軟殼蟹唔會林晒，金邊粉份量好多而且好食，烤魷魚我不嬲都好鍾意食，佢整得好香好好食，非常滿意

我朋友帶我來左一間 越南餐廳一開始我期望都唔算好高 因為多數係香港嘅越南餐廳 都唔太做到越南真正嘅嘅味道 但係呢間越蘆 我真係要讚讚佢呢間食物款式算多又有小食又有炒飯 又有串燒 先唔講佢好唔好食 呢間餐廳嘅擺盤真係沒得輸 擺得好自然食慾都大增 當然味道都非常之高質 我點左個河内香茅燒春雞 一口咬落去皮脆亦散發著雞嘅香味 相當回味 雞肉肉嫩多汁 好濃郁嘅雞味 非常有特色最後重點推介呢個 鮮茄蟹膏蝦丸湯檬 鮮茄酸酸甜甜的味道 非常開胃 蟹膏都很濃郁 蝦丸爽口彈牙 配搭起上來正係好惹味好高質 非常推薦大家來呢間越蘆 品嚐一下高質越南菜

今日心情很好 所以決定去上環 選擇一間好的越南料理 獎勵自己 我詢問了很多朋友 很多都說呢間越蘆 食物質素很高 所以就決定來依間餐廳好好慶祝將自己喜歡的食物都點了一遍首先我要推介一下這一道香茅鹽焗燒魚 魚肉嫩滑多汁 海鹽的味道包圍了魚 做得很好味 再來講講呢一個鮮蝦韭菜紙米卷 韭菜加上蝦爽口嘅口感 相當驚喜 最後一道是香茅豬扒湯河 香茅豬扒分開上 相當細心 豬扒香口鬆脆 豬味都好足 湯河個湯底都好正 配菜提昇湯嘅味道 又香又好味 推薦大家來呢間越蘆食下高質越南菜

今次我想推介下呢間越南餐廳 越蘆 事緣約咗朋友喺上環見面 就想搵一啲越南小食 可以坐低傾下計 發現呢間相當高質素嘅越南餐廳 我點咗最中意食嘅越蘆小食拼盤 香茅鹽焗燒魚 順化香茅牛肉撈檬 先推介一下呢度嘅越蘆小食拼盤 小食種類好多加上獨特嘅醬汁 非常美味 再來講講呢個香茅鹽焗燒魚 香茅和鹽都平均滲入魚肉 魚嫩滑多汁非常入味 最後來了順化香茅牛肉撈檬 牛肉好鮮好嫩 加上配料 檬粉都好好味 做得相當出式 推薦大家來這間越南餐廳試試這裡的越南菜

因為好耐都未食過一啲好味嘅越南菜 今晚喺上環有野要買 於是就同屋企人 係上環搵到一間越南餐廳 呢間叫越蘆餐廳環境都好整潔 店員好快就安排我地入座 我地點左個香芒軟殼蟹米紙卷 一份海防烤原條魷魚 仲有串燒雞撈檬先講講個香芒軟殼蟹米紙卷 軟殼蟹炸得金黃鬆脆 加上芒果酸甜味道 開胃得來好惹味嘅小食再來講講呢一個海防烤原條魷魚 魷魚烤得好靚 口感都燒得好爽口 配搭上醬汁 連小朋友都鍾意食 最後黎左 串燒雞撈檬 一道菜整得相當香口 配撈檬簡直正 配料佈滿食材 撈埋非常美味 雞肉串都好香口 非常推薦大家來這間越南餐廳 試一試 因為呢間越蘆 又好味又正宗又地道 下次都會同屋企人來試下其他菜式

好耐冇食過越南菜啦，今日決定同我個“為食Friend”搵間越南菜食，於是！我地揀咗越蘆！我地就未食過嘅，完全係因為佢個樣靚所以黎試下，哈哈哈，好膚淺！ 介紹下我點嘅兩款野食順化香茅牛肉撈檬 $62落單嗰陣仲未到下午茶，如果係下午茶時段先至$46蚊，我應該忍到下午茶先黎食！我就好鐘意食粉麵類嘅，不過因為平時成日食湯粉麵，有時候都想試下其他款式，所以揀咗撈檬試下。撈檬有好多配料，成個搭配好清新，加埋越南菜特色嘅撈檬醬汁，超級正，酸酸地，好開胃！牛肉都好好嚼，味足！ 鮮蝦韭菜米紙卷 $56薄薄地嘅米紙包住蝦同埋韭菜總有粉，配埋d蔬菜，色彩好靚，配埋醬汁好好味！ 越蘆越南牛肉粉 (上環)上環皇后大道西2-12號聯發商業中心地下B舖

越式下午茶💛.📍越蘆.同屋企人返嫲嫲度食飯前諗住去食個tea😆行過上環見到呢間有啲型格feel嘅餐廳就入去試吓啦~🍜香茅豬扒撈檬($42)-豬扒好香口🤤配料多菜青瓜感覺好fresh好健康~🍜越蘆牛肉粉($52)-乜都有齊嘅牛肉粉🤤生牛肉,牛𦟌,黑牛栢葉同牛丸都有!啱哂心大心細揀唔到食乜野好嘅🙆🏻‍♀️湯底鮮甜配埋河粉一齊食好正👍跟餐仲可以加錢配小食一份🤭我地就叫左一份蒸粉包同一份酸辣鳳爪~🥙扎肉蒸粉包($28)-皮薄到似腸粉~裡面有甘荀粒洋蔥同芫茜多種蔬菜🥬連埋粉包上面果片扎肉一齊食好滋味😋🍖酸辣鳳爪($28)-有芹菜蕃茄洋葱做拌菜🤔但多到主角鳳爪唔係幾見到

OpenRice搵上環有咩越南菜食，見到越蘆張相的moment就決定我要去！餐廳好大間，有兩層，而且越南餐廳的色彩運用真係好正，黃色加埋其他唔同飽和度嘅藍色，成個搭配好舒服，尤其是玻璃落地窗，夜晚入面開曬燈，喺出面望入去，好靚，而且望住入面好多人傾緊偈享受美食，好chill啊❤見到都會想入面歎下會安檬要(鮮茄蟹膏蝦丸湯檬) $72湯底係鮮茄湯，番茄味好濃，味道偏酸，好開胃！炒椰菜苗 $72，可選蝦膏，魚露，馬拉盞去炒椰菜苗可以有幾種炒法，可以揀蝦膏，魚露，馬拉盞去炒，因為其實本身椰菜苗嘅味道都夠，再用埋其他料去炒，令到個味道更加突出，平時食嘅一條條嘅青菜，偶然食下呢種都幾得意，一粒粒咁食~

係皇后大道西行行下見到呢間越蘆，見到好多人食，估計應該好好味，所以就決定試一試佢！ 原個菠蘿海鮮炒飯$128好耐冇食過菠蘿海鮮飯，因為宜家好多餐廳整嘅菠蘿飯都唔係好正宗，係得幾塊菠蘿炒下咁，同細個食嗰d完全唔同曬，落單嗰陣見到呢度副菠蘿飯圖片幾靚下，懷念舊時候的味道，所以都忍唔住嗌咗個海鮮飯係用個木盤裝住，有半個菠蘿塞滿d海鮮飯，飯連海鮮傾斜一半出黎，一眼望落去有蝦、青口、菠蘿同埋好多好多肉鬆！首先個樣係吸引嘅！！食落個味道就覺得冇我想象中咁濃味，不過都唔錯，如果鐘意清d嘅應該都會喜歡嘅。