越蘆越南牛肉粉

營業中

休息中

因為好耐都未食過一啲好味嘅越南菜 今晚喺上環有野要買 於是就同屋企人 係上環搵到一間越南餐廳 呢間叫越蘆餐廳環境都好整潔 店員好快就安排我地入座 我地點左個香芒軟殼蟹米紙卷 一份海防烤原條魷魚 仲有串燒雞撈檬先講講個香芒軟殼蟹米紙卷 軟殼蟹炸得金黃鬆脆 加上芒果酸甜味道 開胃得來好惹味嘅小食再來講講呢一個海防烤原條魷魚 魷魚烤得好靚 口感都燒得好爽口 配搭上醬汁 連小朋友都鍾意食 最後黎左 串燒雞撈檬 一道菜整得相當香口 配撈檬簡直正 配料佈滿食材 撈埋非常美味 雞肉串都好香口 非常推薦大家來這間越南餐廳 試一試 因為呢間越蘆 又好味又正宗又地道 下次都會同屋企人來試下其他菜式

好耐冇食過越南菜啦，今日決定同我個“為食Friend”搵間越南菜食，於是！我地揀咗越蘆！我地就未食過嘅，完全係因為佢個樣靚所以黎試下，哈哈哈，好膚淺！ 介紹下我點嘅兩款野食順化香茅牛肉撈檬 $62落單嗰陣仲未到下午茶，如果係下午茶時段先至$46蚊，我應該忍到下午茶先黎食！我就好鐘意食粉麵類嘅，不過因為平時成日食湯粉麵，有時候都想試下其他款式，所以揀咗撈檬試下。撈檬有好多配料，成個搭配好清新，加埋越南菜特色嘅撈檬醬汁，超級正，酸酸地，好開胃！牛肉都好好嚼，味足！ 鮮蝦韭菜米紙卷 $56薄薄地嘅米紙包住蝦同埋韭菜總有粉，配埋d蔬菜，色彩好靚，配埋醬汁好好味！ 越蘆越南牛肉粉 (上環)上環皇后大道西2-12號聯發商業中心地下B舖

越式下午茶💛.📍越蘆.同屋企人返嫲嫲度食飯前諗住去食個tea😆行過上環見到呢間有啲型格feel嘅餐廳就入去試吓啦~🍜香茅豬扒撈檬($42)-豬扒好香口🤤配料多菜青瓜感覺好fresh好健康~🍜越蘆牛肉粉($52)-乜都有齊嘅牛肉粉🤤生牛肉,牛𦟌,黑牛栢葉同牛丸都有!啱哂心大心細揀唔到食乜野好嘅🙆🏻‍♀️湯底鮮甜配埋河粉一齊食好正👍跟餐仲可以加錢配小食一份🤭我地就叫左一份蒸粉包同一份酸辣鳳爪~🥙扎肉蒸粉包($28)-皮薄到似腸粉~裡面有甘荀粒洋蔥同芫茜多種蔬菜🥬連埋粉包上面果片扎肉一齊食好滋味😋🍖酸辣鳳爪($28)-有芹菜蕃茄洋葱做拌菜🤔但多到主角鳳爪唔係幾見到

OpenRice搵上環有咩越南菜食，見到越蘆張相的moment就決定我要去！餐廳好大間，有兩層，而且越南餐廳的色彩運用真係好正，黃色加埋其他唔同飽和度嘅藍色，成個搭配好舒服，尤其是玻璃落地窗，夜晚入面開曬燈，喺出面望入去，好靚，而且望住入面好多人傾緊偈享受美食，好chill啊❤見到都會想入面歎下會安檬要(鮮茄蟹膏蝦丸湯檬) $72湯底係鮮茄湯，番茄味好濃，味道偏酸，好開胃！炒椰菜苗 $72，可選蝦膏，魚露，馬拉盞去炒椰菜苗可以有幾種炒法，可以揀蝦膏，魚露，馬拉盞去炒，因為其實本身椰菜苗嘅味道都夠，再用埋其他料去炒，令到個味道更加突出，平時食嘅一條條嘅青菜，偶然食下呢種都幾得意，一粒粒咁食~

係皇后大道西行行下見到呢間越蘆，見到好多人食，估計應該好好味，所以就決定試一試佢！ 原個菠蘿海鮮炒飯$128好耐冇食過菠蘿海鮮飯，因為宜家好多餐廳整嘅菠蘿飯都唔係好正宗，係得幾塊菠蘿炒下咁，同細個食嗰d完全唔同曬，落單嗰陣見到呢度副菠蘿飯圖片幾靚下，懷念舊時候的味道，所以都忍唔住嗌咗個海鮮飯係用個木盤裝住，有半個菠蘿塞滿d海鮮飯，飯連海鮮傾斜一半出黎，一眼望落去有蝦、青口、菠蘿同埋好多好多肉鬆！首先個樣係吸引嘅！！食落個味道就覺得冇我想象中咁濃味，不過都唔錯，如果鐘意清d嘅應該都會喜歡嘅。

又黎越蘆啦！上次淨係食咗麵，今次要嗌d小食食下！ 越蘆小食拼盤 $148越蘆嘅小食拼盤外貌好吸睛，竹籃上面有蔬菜墊底，跟住裝滿春卷、胡椒豬肉串、蝦卷、扎肉，成個拼盤好Full，好滿足！ 香芒軟殼蟹米紙卷 $68呢款小食又係賣相好靚！軟薄嘅米紙卷住脆卜卜嘅軟殼蟹，外軟內脆，口感好豐富，蘸埋跟配嘅醬汁，唔~好味 串燒雞撈檬 午市$62第一次食撈檬！我覺得我真係孤陋寡聞，見識少，以前成日食湯粉麵飯，宜家先知道撈檬咁正，同食湯粉嘅感覺係完全唔同嘅，撈檬嘅汁酸酸地，好開胃，而且好多配料，成個感覺好fresh，如果胃口唔好的時候，我建議可以揀撈檬！

黎到上環見到間好靚嘅越南餐廳，勁鐘意越蘆嘅裝修風格，用藍綠色為主色調，顏色望落清新又高級，地磚係藍綠色花紋，任何一個角落都可以影相打卡！ Lunch要食飽d所以嗌咗個香茅豬扒飯，香茅豬扒好豐富，有大大份嘅豬扒，豬扒有一定嘅厚度，啖啖肉，香茅味好香！蛋餅係木耳豬肉蛋餅，好特別，味道亦唔錯，加之成個賣相就靚，最適合女仔影相，又飽肚 海防烤原條魷魚新鮮嘅魷魚烤過好惹味，外皮唔係燒得好焦嗰隻，肉質好嫩滑，好有嚼口，如果跟配野飲酒仲正！

位於Sheung Wan的越蘆越南牛肉粉Pho Nhat Vietnamese Cuisine，此店標榜越南大廚主理味道正宗，主打越南傳統越菜，例如生牛肉河粉丶蒸粉包、炸蝦餅、甘蔗蝦、炸春卷和米紙卷等。餐廳的裝修較為低調以湖藍色做主色，光猛明亮，也加了越南元素作裝飾，越南帽斗笠做燈罩滿可愛，地方寬躺座位全是卡位。平常來滿多人排隊，感恩但今天只是排了十分鐘左右已有位。朋友食香茅豬扒河，大大嚿豬扒份量滿多，我食了一小塊豬扒滿好味但有點肥膩，我還是選擇食生牛肉檬粉，一碗熱騰騰的麵有九層塔、嫩滑口感的生牛肉和芽菜，擠些青檸汁，撒點指天椒，湯頭更滿濃郁。再來一杯熱鹹檸檬柑桔水滋潤喉嚨。今日午餐食得開心🥳又滿足。

今日，又在上環搵到間平靚正嘅越南餐廳。 呢度 算大間， 可以坐到起碼六七十人，大部份4-6人枱為主。 輪候時間不算太耐，午飯時間門口企滿人，都只係等咗約15分鐘枱。午餐以套餐為主， 就算沒有散叫， 餐牌上也已有很多套餐選擇。我叫左鮮茄蟹粉蝦丸湯檬， 個名好似好勁， 但係食落去唔覺有蟹粉，而且蝦丸得兩粒，但勁多配料，如洋蔥、芽菜……但係檬粉就比較比例少，好一般。其中一位朋友叫了生牛肉牛丸湯河，佢話個牛肉湯好得好香甜，加埋啲配菜，冇得頂。 但牛丸就 遜色少少。另一位朋友就叫了扎肉雞絲湯河， 扎肉內有黑椒未必人人喜歡， 其他冇乜特別。

今日同2位同事黎食晏 ，13:10到達攞飛 ，等.. 等... 諗好晒食咩... 13:32坐低即刻點左生牛牛丸河、豬扒撈檬、香茅牛肉飯。13:45先黎撈檬，大大件豬扒，賣相幾好啊，不過乾左啲。再過5分鐘上生牛牛丸河，唔夠熱，重味精，牛肉大塊既，牛丸有牛根既。再過5分鐘上埋香茅牛肉飯，牛肉完全冇香茅味，濕濕地同平時既口感好唔同，飯係凍既。14:05埋單，飛返公司。總結：岩晒喜歡重味，港式，得個樣又唔怕等位既朋友。

在港鐵上環站A2出口,步行約9分鐘就能到達，一間越南口味的粉面店，價格適中，人均$50-100，大份抵食，味道還不錯，牛肉粉滴牛肉比較嫩，口感不錯，但是服務態度不是太好，如果服務態度可以好一點的話就更好了。

店員態度差門口有個取票機，個機壞壞哋唔出飛，同店員講，好唔耐煩咁樣出嚟reboot個機落錯單叫落單，店員多次回覆轉頭幫你落，但都係冇人返轉頭同我地落單。終於搵到個店員落單，店員即刻呼喝，要我地叫Number唔好講叫乜嘢，到後來又落錯單食物偏鹹，飯淋啤啤叫咗個生牛肉湯濛，個湯好鹹，食完好口渴。另外本來叫咗個扎肉濛，嚟錯咗個豬扒飯，豬扒硬骨骨，啲飯淋啤啤埋單找錯錢只可以用現金或八達通付款，比現金，冇為意佢找錯，喺門口又俾佢叫返轉頭，佢自己計錯數，唔好意思都冇講句

話說我已唔係第一次黎食，味道係好既又大份，但負責叫飛既男服務員態度惡劣，未食就開始睇佢面色。話說上次和今次到去，都有外籍人士等拎位，第一次那對外藉人士冇拎飛，企係餐廳內等位，男服務員冇叫佢出門口等，仲要好好咁先安排他們坐位，但我們拎左飛的，態度好差叫我們出去等，但外面在下大雨都要迫我們出去，但為什麼那對外藉人士不需要？到今天，又是那位男服務生叫飛，前面又有一對外籍人士，今次他們有拎飛，但佢地可以在餐廳裡面等位，男服務生示意我們跟另一個本地人要在餐廳外等候，但今天非常焗熱實在不可長時間在外逗留，我們跟那對本地人死都唔出去等，男服務生沒有再理會我們。之後男服務生叫飛到我們，佢居然主動去serve那枱外藉人士，完全當我們透明，亦沒有安排其他服務生協助我們，我們傻傻的企左一段時間，要我們去叫其他服務生才有人安排坐位。在這兩件事看到：1. 為什麼對待客人上既態度有明顯分別2. 一路見到男服務生叫飛會直接安排坐位，但由於今次我們有表示不滿，他選擇直接當我們透明，由得我們在餐廳企。3. 好明顯亦有其他等待食客對此表示不滿，那些客人叫我們不用理會，直接照企在餐廳內等位態度咁差既員工，仲要負責餐廳做把關

平時，我都幾鍾意食呢間野。有時特登去返呢間野，今日中午佢好似要成11定12點先開門，咁唔緊要啦等埋佢開門啦。呢間野個杯椰汁冰幾好飲值得推介！豬扒夢，我亦都非常之鍾意食！但我嗰日去食可能我一開舖就去，對唔住囉咁早！塊豬扒走咗樣...杯椰汁冰都冇平時咁好飲....對唔住囉，下次我唔敢急，講真收銀嗰個老闆都唔係好客氣，食成$8-90個lunch唔係平㗎，我俾錢嘅時候，我都唔知點解，好似我唔啱囉，我下次會改善下。

大家好，今日小柔同大家介紹位於上環的越南餐廳———越蘆👍🏻👍🏻👍🏻今次係下午茶時間食，價錢係比午餐時間要便宜點，而我最鍾意食的是佢地的生牛肉粉，牛肉的質量好，放在熱辣辣的湯上慢慢變熟後，肉質鮮嫩而且夾雜湯的鮮味，真係好正👍🏻👍🏻👍🏻👍🏻👍🏻除左單叫生牛肉粉，仲可以選擇最多配搭的牛肉粉，有齊生牛肉，牛柏葉，牛丸同牛展，同一時間試曬咁多款，認真滿足。其實牛肉粉最正的地方係佢哋個湯底，係好味到想飲曬的，越南河呢間算做得出色👍🏻👍🏻👍🏻👍🏻👍🏻第二款叫左小菜，酸辣鳳爪，呢個有芹菜，番茄，洋蔥做拌菜，但鳳爪是挺酸辣的，吃不了辣的朋友就要注意了⚠️嘢飲係椰汁三色冰，甜甜涼涼，好舒服的感覺，夏天喝一流👍🏻👍🏻👍🏻👍🏻👍🏻