影片
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
今日唔講米芝蓮，唔講酒店餐廳，我想帶大家走入上環嘅大街小巷，試一間好多街坊同埋OL都推薦嘅越南菜館——「越蘆牛肉粉」。呢間舖頭位於上環皇后大道西，門面唔算特別起眼，但一到飯市就人頭湧湧，證明佢有一定實力。🍜 主角登場：會安蕃茄蟹檬 (Bún Riêu Cua)首先要讚嘅，一定係呢碗「會安蕃茄蟹檬」。作為越南中部順化、會安一帶嘅特色粉麵，佢同我哋平時食開嘅生牛河有好大分別。一上枱，首先係被佢橙紅嘅湯色吸引，蕃茄嘅酸香同蟹嘅鮮味撲鼻而來，非常開胃。湯底: 飲一啖湯，味道果然無令人失望。蕃茄味濃郁得嚟非常自然，唔係茄膏嗰種死酸，而係帶有豬骨湯底嘅醇厚同鮮蟹熬煮出嚟嘅鮮甜。湯頭層次豐富，飲得出係心機之作。配料: 碗入面嘅配料都好足，有扎肉、豆卜、豬紅，最重要嘅當然係嗰件用蟹肉同蟹膏製成嘅蟹膏蛋餅。蛋餅吸滿咗湯汁，一啖咬落去，蟹嘅鮮味喺口腔爆發，口感鬆軟，絕對係成碗粉嘅靈魂所在！粉: 檬粉爽滑，掛湯力一流，每一啖都食到湯底嘅精華。總括嚟講，呢碗蟹檬無論係湯底定係配料都做得非常出色，味道正宗，絕對係必食推介！🐷 最佳配角：會安烤豬頸肉見到餐牌有「升級優惠」，可以用$38加配一份小食，我梗係唔會錯過，揀咗呢個「會安烤豬頸肉」。豬頸肉烤得外層焦香，帶少少炭燒風味，但內裏依然保持到肉質嘅爽嫩同肉汁。醃料嘅味道恰到好處，有淡淡嘅香茅同魚露香氣，唔會太鹹，點埋跟碟嘅酸甜醬汁，即刻可以中和油膩感，作為餐前小食或者送粉都係一流。以$38呢個價錢嚟講，CP值極高！☕️ 神級收尾：越南雞蛋咖啡 (Cà Phê Trứng)食完正餐，點可以無杯嘢飲？我揀咗越南河內嘅名物——雞蛋咖啡。好多香港人可能對佢有啲陌生，甚至會驚有蛋腥味，但正宗嘅雞蛋咖啡係完全唔會有腥味㗎！呢度嘅雞蛋咖啡一上枱，就見到面頭嗰層好似奶蓋一樣，用蛋黃同煉乳打成嘅綿密泡沫。 根據傳統飲法，可以先用匙羹試一啖面頭嘅蛋漿，口感好似液體Tiramisu，豐厚幼滑，充滿蛋香同甜味。然後再將佢同底下嘅濃縮咖啡攪勻，咖啡嘅甘苦完美中和咗蛋漿嘅甜膩，入口順滑，味道非常有層次，係一杯充滿驚喜嘅飲品。佢唔單止係一杯咖啡，更加可以話係一道甜品，為呢一餐畫上完美句號。 總結 💯總括而言，「越蘆牛肉粉」絕對係一間值得推薦嘅越南餐廳。由裝修佈置到食物質素，都感受到濃厚嘅越南風情。今次試嘅三樣嘢——蕃茄蟹檬、烤豬頸肉同雞蛋咖啡，全部都喺水準之上，而且價錢合理，埋單連加一都只係$144。無論你係喺上環返工嘅打工仔，定係專程入嚟搵食嘅朋友，呢間「越蘆」都唔會令你失望！
繼續閱讀
越南菜是我喜愛菜式之一 每次想不到吃什麼越南菜總不會出錯假日來到上環 發現這間越南菜環境都挺舒適 menu選擇又多 一於試試吃個late lunch～🍅🦀會安蕃茄蟹檬$85大大碗熱辣辣~有大量的蟹肉和豬肉碎 湯底鮮味出色蝦丸非常有驚喜 彈牙十足 有黑椒香氣這裡的檬粉像滑身米粉 吸滿湯汁後非常美味🍹香茅鮮橙茶跟餐飲品的選擇都相當有特色呢鮮橙茶散發淡淡的香茅香氣甜味來自香橙本身 甜度適中 🤍清沅粉包$26跟餐可以升級優惠價加添小食 點了一個小食第一次試粉包它的外皮好像河粉般裡面有肉碎、木耳和紅蘿蔔配魚露很滋味兩件十分飽肚
繼續閱讀
越蘆越南牛肉粉上環皇後大道西2-12號聯發商業中心地下B號舖經開上環，老友推介特色越南菜，環境舒適，食材新鮮，食返隻鴨仔蛋先。😋傳統蝦卷蝦卷配料有新鮮海蝦、生菜、青瓜絲、蘿蔔絲，新鮮爽口，外層口感鬆軟，加酸酸甜甜的醬汁效果更佳，推薦！😍清沅粉包即叫即蒸，皮薄餡靚，餡料新鮮，面層有炸蒜和香蔥提升層次，配酸甜醬汁，好開胃！😍生牛肉河+傳統鴨湯河生牛肉和鴨肉新鮮嫩滑，肉汁豐富，特色鴨仔蛋，補身一流，面層有新鮮薄荷葉、蔥花、洋蔥、芽菜和香草提升層次，湯底鮮甜，鹹度適中，湯粉爽滑，可加青檸、辣椒，好味道！🤤話梅咸桔水 甜度適中，飲完好舒暢，消暑解渴。😙越蘆越南牛肉粉 環境舒適，食材新鮮地道，粉包蝦卷湯粉正，侍應服務態度好，回頭率高。😎🤘
繼續閱讀
週日嚟咗呢間喺上環嘅越南🇻🇳餐廳食下午茶 🤣$72「越南蛋餅香茅豬扒飯」：香茅豬扒勁大塊好多肉夠香口，仲有幾特別嘅越南蛋餅，配飯食好夾又好飽🤣$68「傳統越南法包」：材料包括《肝醬.扎肉.扎蹄.胡椒豬肉.酸菜.青瓜🥒》，材料真係幾豐富🤣，法包外皮脆脆哋，配埋有肉又有蔬菜嘅餡料，出奇地好味喎🤣跟餐加 $38「會安烤豬頸肉」：豬頸肉烤得夠香口仲有一小兜辣汁可以沾🤣跟餐加 $38「馬拉盞炒通菜」：通菜新鮮幾爽脆馬拉盞炒味道變得超級濃郁🤣套餐配飲品 $28「鮮椰青」：夠清新🤣套餐配飲品 $8「椰汁珍多冰」：夠晒甜，仲好 foamy 🤣真係高質素嘅「下午茶餐」🤣
繼續閱讀
餐廳：越蘆越南牛肉粉地點：上環皇后大道西菜式：越南牛肉粉餐牌：星期日都有茶餐，主菜有湯粉，撈檬，飯類，街頭法包，配飲品4選1。可以追加地道小食，或者加錢要特飲。雞絲扎肉撈檬 $68 另加一雞絲扎肉撈檬既雞絲有雞脾肉有雞胸肉，好有雞味，健康好味。扎肉有四片，都唔錯。下底係多多檬粉，伴有生菜絲，青瓜絲同蘿蔔絲，仲有脆脆同蔥花。可以自己加枱上既魚露，呢度魚露比較辣，好醒胃。夏天食呢個，正呀！順化香茅牛肉伴檬粉 $68 另加一順化香茅牛肉伴檬粉大大碟用碟上，牛肉好多片，食落香茅味十足，肉質夠嫩，味道惹味。檬粉加上蔥花同脆脆，伴有唔少生菜絲同酸蘿蔔絲。生牛肉湯粉 $65 另加一生牛肉湯粉大大碗熱辣辣上枱，牛肉多片，真係粉紅色上枱，肉質都好嫩，唔會太肥。湯粉類可選河粉/檬粉。河粉好幼身，非常嫩滑，分量好多！配個清清地既牛肉湯好味道。配料有芽菜，洋蔥絲，金不換，蔥條同蔥花，加添口感同味道。另上青檸同辣椒比你自己調味。呢度牛河真係好食。越式酸辣鳳爪 $28 另加一越式酸辣鳳爪一共7件，配有蕃茄，洋蔥絲，西芹，同脆脆，味道酸酸辣辣，好開胃。會安烤豬頸肉 $38 另加一呢個會安烤豬頸肉係跟餐小食。豬頸肉一客7片左右，熱辣辣上枱，燒得外脆內嫩，好食呀。配另上既酸辣汁更好味。面頭加上脆脆，伴有酸甜蘿蔔絲同墊有生菜，可解膩。跟餐飲品選擇都唔少，冷熱都得。凍香茅鮮橙茶 跟餐香茅鮮橙茶係香甜鮮橙味帶淡淡茶香，少甜已經夠甜。凍話梅咸桔水 跟餐凍話梅咸桔水酸酸甜甜，好重話梅味，下底好多咸桔皮，仲有一隻桔仔，少甜已經夠味。凍越南老薑蜜 跟餐越南老薑蜜薑味好濃，都幾辣下，我叫左少甜。今餐食物保持一貫水準。茶餐特別抵食，無論主食同小食都好抵！地方光猛乾淨。服務員態度友善。
繼續閱讀