越蘆越南牛肉粉

營業中

休息中

員工態度好差，對有小朋友既家庭特別不友善，建議有細路或bb既家庭唔好去我同老公同埋工人帶住bb車一齊入去食，雖然係有梯級，要兩人托架bb車先入到去，但見地方比周圍地舖食肆闊落d諗住可以放bb車（窄既餐廳我有帶bb車有自知之明唔會入去食既），所以唔介意托架bb車入去，但一托左入去一放落地個下就有個四眼後生女待應走埋黎問，你地可唔可以收左架bb車？我老公話好呀，雖然我有微言（如果可以收得到既話唔使兩個人寧願托成4-5級樓梯都唔收車喇，個bb車夾埋其他野成20kg重呀），咁算喇，可能係負責人落order以防意外，咁唯有抱住bb食，就派左我地去到洗碗既角落位坐，一開始我個bb好乖無叫無嗌既，我地睇緊menu落野食，一打開啫就已經催落單，都未揭第二頁黎睇，到我地落單喇，係頭先個位後生女待應黎幫我地落單，全程黑口黑面好似得罪左佢咁，嗌哂野食然後想嗌野飲，問佢熱既幾錢，佢唔答，繼續黑面，再問多次熱飲使唔使加錢？佢繼續黑哂口面咁話我聽，係一樣價錢架！語氣有d不耐煩，你個menu都無寫到熱飲凍飲幾錢我問你都好正常啫，完全唔知邊度得罪佢到差唔多食完，bb開始又叫又嗌，某d員工將洗完成籃既筷子抹乾淨，因為佢

晚餐時間唔洗等即入😍同大食仔即時彈入去～·🍜越蘆牛肉粉（$72）生牛肉；牛腩片；牛丸；牛柏葉🤤湯底清甜～份量頗多👍🏻·🦐鮮蝦柚子沙律（$86）睇相覺得麻麻😂點知真人正過上鏡👅柚子好甜啊🤤🤤·🥬馬拉盞椰菜苗（$72）🤤·🐷街頭香茅豬扒飯（$75）係木耳豬肉蛋餅🍳🤤即時加分！加埋厚切豬扒啖啖肉😍蔥花加炸蒜惹味～

同老婆係上環拍拖嘅時候，老婆又想食越南野，碰巧又真係有，就走咗入去啦，跟住我地就叫咗一個原個菠蘿海鮮炒飯同一個香茅鹽焗燒魚原個菠蘿海鮮炒飯，佢真係成個菠蘿咁起，入面好滿，又有青口同肉鬆，花生等，蝦同八瓜魚等等，好充裕，兩人份量真係好足夠另外香茅鹽焗燒魚，又係原條上，成條魚都鋪滿鹽，好入味，送飯一流，我同老婆今餐都食得好飽好滿足，價錢又唔會話特別貴，好正常嘅晚餐預算，想食越南野，呢間係一個好好嘅選擇

晏就放lunch嘅時候，附近嘅餐廳都成日食，諗唔到食咩嘅時候，就見到呢間越南野，menu好豐富，我就揀咗一個素扎肉撈檬啦，好重越南香料，扎肉份量好多，有成6舊，份量亦都好足，撈檬嗰汁亦都好足，唔會話剛剛好，絕對有多，晏就放lunch黎講好足夠，另外，我仲叫多咗份小食，香芒軟殻蟹米紙卷，芒果同軟殻蟹比例一樣，好有口感，咬落脆扑扑，但又有芒果嘅口感，佢嗰醬汁酸酸甜甜，幾開胃，食完香芒軟殼蟹米紙卷，之後再食素扎肉撈檬真係一流

上次黎越蘆是吃晚餐 點了一個牛肉牛丸河至今都仍念不忘今天就試一試它既Lunch假期都有Lunch 不過要留意佢係收加一既 換言之 一個Lunch Set 大概要七十幾元 小編覺得略貴我點了咖哩牛腩飯 咖哩是辣的 撈飯吃不錯不過牛腩有點遜色 不夠淋 有點硬 總體不過不失 而咖哩汁絕對是加分位喔而且佢既熱菜蜜吾洗加錢 落雨天氣涼涼地像菜蜜好正友人則點了這個豬肉串飯 味道偏淡 沒什麼特色 不會太難吃 是接受到的豬肉串幾有特色 吃起來比較像香腸下次都係食番牛肉粉

距離上環地鐵不遠有間越南餐廳。 我都係第一次試， 但一定要試其金邊粉， 原因有兩個： 1. 好大碟。2. 係用越南河粉炒， 超好味。 另一個會推介係蝦蝦， 亦都係好大碟， 因為有8小件。 大家可以留肚去試下。 但有一個不是太建意食係芒果軟殻蟹卷， 因為皮太過厚， 同埋內有紫姜。如果不太喜歡紫姜的人， 可以建意落單問清楚。

越蘆裝修光猛，主打越式牛肉粉，亦有好多特色新派越南菜。河內香茅燒春雞（$188）棟篤企燒春雞份量好足，可以比幾個人一齊share。叫得做香茅燒雞，燒得皮脆肉嫩，但味道較淡，可以再落多啲香料會更好。餐廳貼心提供手套同濕紙巾，放心手撕雞吧。整體味道唔錯，有香茅味，可以加入青檸汁一齊吃。香茅鹽焗燒魚（$188）燒魚香噴噴，魚肉夠嫩滑，點埋酸汁更好食。素春卷撈檬（$62）酸甜開胃，春卷夠香口，呢個撈檬CP值高！

平日最鍾意食越南菜，今日就嚟到上環呢一間越蘆越南牛肉粉開餐。雖然聽落去鋪頭名好似平平無奇，估唔到內有乾坤，除咗常見既越南粉之外，仲有越式嘅海鮮可以嗌。我最鍾意一定係呢隻河內香茅燒春雞。雞肉份量十足，啖啖肉，咬落去唔會乾爭爭，有肉汁，香茅味濃郁。而我朋友就最鍾意香茅鹽焗燒魚，與被一層厚厚嘅鹽所包圍，撥開鹽層，就係鮮香既魚肉。魚肉口感嫩滑，有淡淡的鹹味，鹽既咸味係啱啱好，為條魚帶來更豐富嘅味道層次之餘，又唔會蓋過魚原本嘅鮮味。最後我哋食咗海防烤原條魷魚，個醬汁幾惹味！總結嚟講，食物充滿特色同濃厚越南風味，海鮮夠新鮮。下次有機會去上環，都可以再食！

上環有間越南野叫越蘆越南牛肉粉。晏晝就見成班OL喺餐廳出面排曬長龍，夜晚雖然d人收曬工，但都吸引到唔少人黎幫襯。黎呢度梗係要叫佢個招牌越南牛肉粉啦！越蘆牛肉湯河湯底夠熱，有四寶——生牛肉、牛腩片、牛丸同埋牛柏葉。牛柏葉略賺硬了點。旁邊重有成半個青檸比你唧！呀我最鍾意河粉加埋檸檬汁食架啦，好開胃呀！鍾意辣嘅朋友又可以加埋啲辣椒落去。次次食越南野一定會嗌菠蘿炒飯，今次都唔例外。原個菠蘿海鮮炒飯一上枱就比佢個賣相吸引住啦！菠蘿切成一半，飯好似由菠蘿倒出黎咁呀！料好足呀，有肉鬆、腰果、提子乾。話明係海鮮炒飯，梗係唔少得海鮮啦！有好多海鮮呀，真係名乎其實嘅「海鮮飯」！有大到好似蠔嘅青口、蜆肉、魷魚同蝦乾。菠蘿切成粒，酸酸甜甜咁，新鮮菠蘿果然係唔同d。最特別嘅估唔到重有臘腸片！

食米紙卷都係食越南野嘅指定動作！米紙卷有好多款揀，其中一款吸引左我眼球嘅就係香芒軟殼蟹米紙卷。因為未食過黃色嘅米紙卷。同行友人重問係咪甜品。既然大家都咁好奇不如就試下啦！😆原來係米紙卷包住一片芒果肉同牛油果，最特別嘅係竟然有紫薑！真係麻雀雖小，五臟俱全呀！旁邊有碟用芒果整成嘅醬。點埋d醬食，芒果嘅酸甜加上微辣嘅紫薑，好開胃啊！最後嗌左個菜食。蒜茸炒通菜通菜好新鮮翠綠，食入口「索索聲」！總括黎講，餐廳環境舒適，菜式多元化。我重有好多菜式未試呀！下次一定要再黎！

最近都要OT遲收工，好肚餓，放工就喺上環附近覓食，好耐冇食越南野，所以就揀咗呢間位於皇后大道西的「越蘆越南牛肉粉」。晚上八點幾黎到都幾多客人，仲有唔少外國人幫襯添顧名思義，餐廳主打越南菜式食物，有小食、粉麵、飯類、湯品等等，種類繁多而枱面亦有各式辣椒汁、辣醬、魚露等等醬汁可供選擇，啱晒重口味人士，非常貼心街頭香茅牛肉飯香茅牛肉嘅香茅味頗重，帶有微微香辣，好惹味！牛肉偏瘦，香軟腍滑，少量蔥花同炸蒜令到牛肉更加滋味，口感同味道都好好，一定要送飯食！旁邊仲有木耳豬肉蛋餅，雖然賣相不太討好，但其實佢好有內涵，裏面材料有香蔥、木耳、豬肉碎等等，口感層次都好豐富啊，係不一樣的蛋餅熱檸水檸檬大大片又新鮮

2019年3月11日（星期一）路過被餐廳雅淡型格嘅越藍調吸引着，差唔多晏晝3點，一於歎個越式下午茶。位處街角大單邊，玻璃大窗視野廣闊。裝修、擺設、餐具高貴大方，徹頭徹尾越南風格十分討好，令人食指大動！雞絲扎肉湯河+鹹檸檬柑桔水湯碗大得驚人；當然河粉嘅數量只及湯碗三份一，引證「將貨就價理論」就是了。雞絲帶微微黃油，新鮮好味。扎肉比其他地方都要厚，但係有啲靱。最重要嘅係湯料、河粉都唔夠熱，無奈要扣分！🍲 鹹檸有提鮮作用，好飲！🍺

去開灣仔睇kkbox風雲榜，搵下附近有咩食，見到呢間好似幾越南feel就入左去6點入座，不用等位，d位都算闊落舒適，以藍綠色做主題，配上越南帽做燈罩同綠色既吊扇，好和諧。我地2個人叫左一碗生熟牛肉河，賣相唔錯，已預先加了九層塔同大量既蔥，同正宗係越南食有少少唔同，通常會放係碟自己加，呢度都有青檸同辣椒🌶️加左青檸汁落去個湯帶出左少少牛湯既香味，酸酸地幾開胃，食過好多pho既我地當然要加埋是搵差醬同甜醬啦！不得不讚既係個河粉，好幼細，好有光澤，食落去雪雪聲，一碗係唔夠喉！牛肉如果可以再䭃d會更好。係越南叫極都叫唔到呢款米紙卷，所以係呢度試下：香芒蟹肉牛油果米紙卷，加左日本酸薑，好有fushion既感覺，個人認為唔蘸佢個芒果醬更好食更清新。飲品叫左椰汁🥥冰，幾清香，又唔太凍，岩我！好掛住越南咖啡☕️，揀左個滴漏咖啡，係加左煉奶架！！！場內仲播住越南文歌，好有feel。

中午放飯過咗去上環搵食，之前聽同事推薦近上環街市附近有間越南餐廳幾好食，今日就去咗試吓新野！餐廳位於皇后大道西，地理位置都幾方便餐牌上嘅食物選擇多而且又唔算貴，點多幾款野食都唔會覺得肉赤街頭香茅牛肉飯牛肉片份量都幾多，醃得入味，帶有陣陣香茅香氣，少少辣，但係好香口，牛肉味濃郁，撈飯食就啱晒啦！煎蛋餅大大塊厚切的，裏面仲有豬肉碎同木耳，幾好味，不過就略嫌油膩咗啲啲白飯粒粒分明，有米香，而且唔會太軟腍，係有嚼勁的。面上有炸蒜片更加香口，好味道啊，大滿足的午飯

今晚一個人在上環搵野食，由於黎緊要去越南旅行，不如就食越南野啦~行行下就見到呢間 啦~門口望入去夠大夠光猛， 同埋都幾多人食緊MENU 都好吸引,  急不及待啦~MENU 有埋圖，好清楚生牛肉湯濛粉$58越南牛河一直都是很popular 的食物我改左食濛粉，好爽口呢~生牛肉香味出及夠厚切，入口不 嚡不韌，夠新鮮，成碗非常足料，正呀。有青檸及天椒提供，加在湯入面更加鮮甜美味可口台面有多款醬料提供加少少湯底更鮮甜椰菜苗(蝦膏炒) $72好少機會食到椰菜苗， 而且椰菜苗比一般青菜貴，所以有得叫就試下啦~蝦膏炒非常惹味，而且風味十足。薄荷青檸梳打$28飲埋杯凍飲更perfect ~