越蘆越南牛肉粉

營業中

休息中

今日又開OT，就去左公司附近食越南菜🇻🇳Lunch 成日想來，不過每次見好多人排隊，所以晚餐來就比較少人。我們叫左餐廳必點之選😂⭕️越盧牛肉湯河$72生牛肉幾入味，唔會太咸，好重牛味。牛柏葉好有趙頭，唔係飄白左既牛柏葉👍🏻比較高質。牛丸普普通通，湯底因為有生肉，所以清得來又帶點牛味⭕️芒果布甸$28我叫左個飯後甜點🍮芒果布甸簡直女生最愛🥰面頭充滿芒果果肉，十分足料，令你有啖啖芒果肉的感覺。底層有濃厚嘅布甸味道，好滑⭕️串燒雞撈檬粉$62個雞串加左花生，食落好juicy又香跪，個粉配有青瓜，加埋一齊食都幾fresh ⭕️熱蜂蜜玫瑰柚子茶$26餐飲叫左一杯玫瑰柚子，兩者原來好match ，而且甜度剛剛好，飲完個人好舒服，好岩而家冬天食完覺得好滿足🥰係價錢貼地高質的越南餐廳

當日跟舅父經過上環, 我哋兩個覺得好肚餓。好耐冇食越南嘢。門口嘅客人都幾多需要排隊等位。原只菠蘿海鮮炒飯首先店主很大方, 他們採用原隻菠蘿, 將附有海鮮魷魚, 蜆肉嘅炒飯炒得咁香,配上火腿絲,及小小原隻臘腸, 將所有炒飯放在菠蘿裏, 用焗爐焗15分鐘。出出嚟嘅效果好震撼, 這個炒飯是我一生食過最好。裏面有色香味並重， 唔會太鹹。分量多夠兩個男人食。酸辣鳳爪首先唔太酸亦唔太辣, 適合我舅父食因為佢有胃病。佢食過都話好食, 因為裏邊唔咪淨係得鳳爪而係有成個泰式沙律, 沙律多菜有番茄亦有蒜頭及洋蔥,成個配搭好colourful總括而言,過年時候必定跟家人再來光顧。最好就係食團年。但人流比較多。

病病地的我，放工都要食飯既，係公司附近搵左間食越南野食下！餐廳燈光光猛，以4人枱為主！餐牌都幾多選擇，但因為病病地，所以只係揀選了一個小食及一碗粉！保寧雞絲扎肉湯粉（$62），湯底用上了雞湯，跟平時越南餐廳有所不同，扎肉比出面食的更有口感，因為扎肉中間有軟骨！雞絲都幾嫩滑！湯粉軟硬度岩岩好，唔會太淋！蜆港甘蔗蝦（$76），共有4件，上菜還是熱辣辣，咬落啖啖肉，味道剛剛好，唔會過咸，再配上附上的酸甜醬一齊食更加惹味！總括黎講餐廳環境舒適，唔會太局促，係一個食清清地的好選擇！

事緣今日約舊同學去食野，今次食越南野...就去呢間啦，間餐廳都幾易咩搵，由地鐵沿路行5分鐘就到。店鋪店內樓底都幾高，空間感都幾強。座位都大張，坐落去都幾舒服。燈飾就用左越南帽做裝飾。餐具餐廳提供碗、筷子同匙。餐具都幾乾淨。餐牌餐牌封面用磨沙做，無咁易整污糟。扎肉雞絲撈檬檬粉幼細,好爽口。撈檬內有花生、蒜片、扎肉、雞絲、青瓜絲、蘿蔔絲。扎肉做得好好，幾爽口；食落去唔漏。因為扎肉唔可以有脂肪，否則扎肉會偏淋同埋唔彈牙。沙嗲串燒呢個串燒有牛、雞、豬。外層都燒到金黃色。肉質都幾滑口。個沙嗲醬有少少甜，但有種咸香味。個醬都幾滑口。大頭蝦膏炒椰菜苗遠聞都已經有好香的蝦膏味。呢款椰菜苗有個學名：叫球芽甘藍。本身呢款菜食落去本身係偏苦同口感硬身。但我而家食落去有好強嘅蝦膏味。而且個菜好爽口。椰汁斑蘭糕一份有四件，糕上面有一點白色的椰漿。咬一啖椰子味濃，再食一啖，原來有椰子肉。完全好有誠意同埋好特別。

今日收工同男朋友去左食越南野，近近地搵左呢間，入面都幾乾淨, 裝修都唔錯.個帽仔燈都幾得意。我地嗌左牛肉粉、菠蘿炒飯、芒果軟殻蟹米紙卷同埋兩杯野飲。牛肉粉有四個餸，可以一次過試曬唔同野！牛腩片好「彈」， 牛柏葉係黑柏葉，兩款餸都好好味🤤菠蘿炒飯熱辣辣，粒粒分明！ 海鮮份量都唔少架！有魷魚、青口、蜆等等，仲加左提子乾，酸酸甜甜，味道更加豐富，好味又抵食！米紙卷比較特別，個皮比平時既煙韌，好好咬，軟殼蟹炸得好香脆嘢飲嘅特別推介係薄荷青檸梳打！

走入上環，想在這裡食番碗牛肉粉，諗起有一間越南餐廳，未食過就一於拉埋朋友去試下...餐廳內環境光猛，整體配搭顏色很好軟殻蟹米紙卷，隻蟹好大隻，蟹炸至金黃色，咬落去很脆唔會好腍同成口油如果加埋醬汁一齊食，味道更佳菠蘿抄飯，飯被抄至金黃色，材料有:腰果，魷魚，菠蘿，提子乾等等口感好豐富，加入提子乾的做法好好，令整碟飯帶出微甜主角到來越盧牛肉粉，牛肉,牛丸等配料，整體很豐富，湯底清而不膩，牛肉熟的程度剛剛好，很嫰滑，店員將牛丸剪開，令牛丸更加入爽口，唔錯整體好好，無論餐廳的環境，裝飾擺設都符合到越南餐廳的風格，令我地越食越開心!!

上環成日經過都想試下依間係斜路下面既越南餐廳，入到餐廳好光猛，牆身用左木同海水藍色好新派既感覺，坐位都幾寬敞越蘆牛肉湯檬$72有齊4款不同牛既餸料，依到既生牛肉有別於平時食既粉紅色牛肉，上抬時已熟透口感嫩滑；牛腩片牛味較濃郁，牛丸口感彈牙咬；裡面仲加左好多越式配料生牛肉牛腩片湯河$66每碗粉既用料都好足，河粉吸哂湯既精華好爽口薄荷青檸梳打$28用左泰國皇室指定品牌"勝獅"梳打水，用玻璃瓶存放特別夠氣，個樽都好靚，青檸味夠哂好清新

路經上環見到有間裝修得幾好嘅越南餐廳！諗住凍凍地就入去試吓啦～裝修得好靚，而且環境好乾淨好光猛，位置都好闊落！喺門口已經聞到好香嘅越南香料味招牌生牛肉湯河九層塔嘅份量好多，香料亦都好夠！上面嘅牛肉新鮮，賣相吸引！河粉亦都唔會煮到好林好散湯底呢帶少少甘甜。將啲九層塔整碎晒落碗河粉度一齊食真係好可口～由於我好鍾意食香料所以呢碗粉好啱我口味！將生牛肉浸一浸落湯再食就嫩滑蒜香雞翼小食😆一個人食份量係有少少多，但一場嚟到吾叫小食又好似爭緊啲咁雞翼入邊啲肉好嫩，一啲都唔鞋喎～出邊啲皮炸過，脆卜卜夠香口！唔會好油膩，熱辣辣，即叫即整我中意仲有我好鍾意酸辣鳳爪沙律🤩我鍾意佢夠酸夠甜，洋蔥亦都好新鮮好好味鳳爪嘅辣度適中容易接受！撈埋一齊食真係好刺激胃口好開胃～酸酸甜甜嘅味道亦都覺得好清新整體來講，餐廳值得推薦，特別份量夠大亦都覺得用料係新鮮，又坐得舒服唔會好迫！

上環一帶原來都幾多越式小店，今日就去左哩間越蘆越南牛肉粉試下。每次食越南餐廳必定會食哩個生牛粉，鍾意佢生牛新鮮炙熟，牛肉唔會因為煮得過耐而破壞肉質。不過一碗好食既麵精髓一定在於湯底同麵底。哩到既湯底我非常喜歡💕，好清新唔濃味，唔會蓋過牛肉鮮味。麵軟硬度適中，食落好爽口。哩個湯底用雞湯烹煮，味道與生牛肉粉截然不同。香茅豬扒煎到黃金色，豬扒好厚身，但一啲都唔鞋口，肉質淋而且多汁。豬扒味道甜甜地又有少少香草調味，整體味道唔錯。哩個冷盤小食賣相相當吸引，蝦片上面有檬粉、青瓜絲，紅蘿蔔絲同牛肉。食落同樣清新，不過食既時候要小心啲，因為好易散開。哩到仲有好多小菜小食，同埋有火鍋架，下次多啲人黎可以試下。題外話哩到既牙籤好好用😆。

最近工作超級忙忙忙, 忙到連約下朋友出街食飯都冇時間, 向年尾OT 的日子, 幸好仲可以約下同事OT 後食下飯上環好多野食, 但一過左收工時間選擇就少好多了, 因為好多小店都好早收舖好彩向公司附近搵到呢間開得夜少少既餐廳, 可以關照下我地呢D經常OT既奴才!餐廳環境都幾企理, 唔係繁忙時段, 2 個人坐4人枱好舒適!~我好少影餐牌, 不過見佢呢本餐牌印得幾精美忍唔住影返2張~~ 入便D食物照片好吸引!!雖然主打牛肉PHO, 但太肚餓了, 選擇左叫飯! 叫左個香茅豬扒飯($75)填肚個賣相唔錯, 份量都充足既豬扒整得好入味, 帶點脆口, 上便仲加左炸蒜,  成件事好香口!除左肉, 仲有舊類似煎蛋多士的物體, 入便釀左好多野, 口感幾豐富同事叫左清清地既雞絲札肉湯河($62), 舊札肉唔錯頭先見餐牌D米紙卷好吸引, 所以都叫左個鮮蝦九菜米紙卷($56)試下九菜連花上, 好攪笑~ 舊卷好多餡好豐滿! 就咁食好清淡冇乜味, 沾埋個黃色辣辣地既醬食好好多~天氣寒冷, 要飲返熱野暖下個胃, 我地叫左蜂蜜玫瑰柚子茶($26)同香茅蜜($26)柚子茶似一般飲開果D柚蜜, 加左玫瑰花蕾就多左陣香味反而香

其實一向都有去食，因為地點算近，食物還算可以，就算午市要「答」枱，還要加一六十多元，都會去叫碗粉或飯食下。但今次去好失望，熱檸水環顧四週全場食客都係只得兩片檸檬，好像飲清水一樣。同阿姐服務員反映無理會，咩都話無，咩都話係咁架嗽。食物質素也下降，但價錢卻貴了。阿姐服務員有求必拒，唔知加一加係邊。埋單連加一七十元一個lunch，其實附近的茶記服務都係差不多，我想以後會行遠少少去第二間食粉，真的令人失望。

這間餐廳位處水坑口，我久不久也會來。他們做的越式菜，非常美味，讓人吃了有愉悅感覺，價錢也不貴。柚子沙律，讓人吃了有清新感覺，必叫項目。生牛河也是必叫，牛肉新鮮，湯底很正宗，很濃而且很香，讓人吃了牛肉及河粉之後也想將湯一口喝光。粉卷略貴，但真的做得很好味，粉皮很滑，內裏的肉碎也很香，沾上酸汁，讓人吃得很起勁。這裏雖然離地鐵站偏遠，但我仍然樂意推介，因為這裏的食物水準很高，招呼平均，價錢甚為實際。如你下次來到上環又想不到有甚麼好吃，不妨來這裏，包你有意外驚喜。

已是第二次光顧了，朋友講這間鋪已開業很多年，只是近年重新裝修過。店子以海藍色調為主，落地玻璃，樓頂高還掛有吊扇很，光線很充足，座位也濶落整體很舒適。講返食物先，我點了香茅朱扒金邊粉+凍咸檸7 ，朱扒都幾鬼厚，仲炸得好香，碗粉不過不失，但我最鐘意係佢自動跟埋辣椒同青檸，仲有九層塔，咁先正宗嘛，好多都唔跟架。杯咸檸7仲有青檸同檸檬响入面，都幾好飲。朋友就食生牛河，佢話牛肉雖𣎴是最上等果種，但就很新鮮同有口感，而佢飲熱菜蜜仲有片檸檬添，佢話不是死甜同水汪汪果種，另外朋友加左份蒸粉包，粉包面有片扎肉，我夾左黎食，正喎，唔係坊間果種乜都無既扎肉，係好正宗果種，好有口感。$56-68一個餐，有粉有飯仲包一杯熱飲，可加錢選加一份小食個人認為呢度相當抵食同味道唔差，，無論小食及主食，份量也𣎴少，值得推介，臨走時見到有人食咖哩牛腩飯，估唔到咁大碗牛腩，下次一定要試試。

行完見有d肚餓, 就去咗呢間越南餐廳食越南菜做下午茶，入到去呢間嘅裝修都尚算企理，唔係太多人，所以可以坐到卡位。我地每人叫咗一個tea set ，我要做一個檬要，另外要做一個豬扒湯檬，首先檬要嚟咗先，佢係一個蕃茄湯底嘅檬粉,一嚟食落去個湯唔夠熱有少少凍,仲要咬落去粒肉丸個心都係有輕微凍嘅，即係煮得唔夠耐，味道都還可以，不過係一個帶少少辣嘅湯粉，檬粉唔夠硬身, 好容易就碎。 豬扒湯檬豬扒好大件佢俾咗兩嚿大豬排，好抵食。佢炸得恰到好處，調味亦都調得好好，個湯亦都好好飲。 四十幾蚊仲要包埋嘢飲，佢都算性價比比較ok 。服務就一般般啦 ，不過不失，本身唔係好想畀我哋坐卡位，不過見冇乜客佢就冇再出聲，都算係一間可以回顧嘅餐廳。

第一次到上環吃越菜，門面幾光猛！就簡呢間啦！吃越南菜，當然少不免要食Pho啦！點碗牛肉Pho先！始終香港的Pho同越南本地的Pho真的無法比！暫時都吃不到一間越式Pho有越南的味道！這間的Pho不過不失當係過下Pho癮啦！呢個沙律係柚子沙律！柚子比想像中甜很多！雖然看似無咩醬汁！但都幾好食架！清清地不錯的！嘩！跟住呢個香酥雞奕真係不得了！一咬落去 果陣香酥味湧出黎！係好味架！食一啖就覺得好有惡惡感！要做多d運動先得啦但係好味既！！