越發地道河內料理

營業中

休息中

Normally don’t review... more of a reader but oh my! Love this place can’t rave about it enough! Must try our favourite is the bun cha, pho and their coffee! The service is great too and you have to get there early, it’s still worth the queue! ❤️

呢間位於旺角砵蘭街99號近油麻地嘅越南餐廳長期都要排隊，我黎過三次都食唔到今次決定同朋友一早嚟到，店舖晚市開六點半，我同朋友就六點八到左，成間店舖已經座門人，我哋唯有要排隊，不過都好我哋排頭位，起碼一定有得食先，唔會賣晒不過今日真係好鬼熱，排咗15分鐘，出晒汗了我同朋友就已經諗定食咩，一入到去就可以即刻嗌😋😋😋原本我哋想食越南牛柳牛丸河，不過想轉檬粉，但係冇得轉🤨🤨🤨所以就叫香露牛柳撈檬，鮮蝦米紙卷，河內芽車快同埋蛋角🤪🤪🤪🤪仲有青檸梳打🤩🤩🤩🤩🤩🤩🤩好期待好期待好期待首先黎左杯青檸梳打幫我地降溫先然後嗰芽車快到左，材料相當豐富，有雞肉絲，洋蔥，青瓜，紅蘿蔔等等，嗰汁調得好好，成件事好夾！！鮮蝦米紙卷都到埋🦐，都OK啦，唔係話好特別既最後碗撈檬同蛋角都到埋，首先食咗個蛋角先，我覺得有啲似中式”老少平安”，同我期望嘅有啲出入，不過都幾好味嘅。至於個牛柳撈檬嗰檬粉唔似平時食開嘅檬粉，有啲似幼身嘅米線，同埋呢個撈檬係暖暖地嘅，唔係凍嘅，都幾特別，至於啲香露牛柳份量都幾多，而且幾好味

多謝一位飲食達人福仔介紹呢碗一定會令人掛住的河內牛柳牛丸粉🤗🤗，真心令我一食難忘及有掛住的感覺😍😍。 先講牛丸，真係可以用爽脆嚟形容，點解可以咁彈同爽口架😲😲。我終於都明白福仔所說似蘋果的爽口感，昨晚我親身試驗了，👏🏻👏🏻👏🏻極之不得了，我懂你的感覺了。另外牛柳好嫩滑，一點老同鞋口也沒有，好嫩呀～😋😋個湯仲好清甜，飲到停唔到口，再加埋油條、青檸汁同辣椒，更加香口惹味。河粉底是比較一般的河粉厚身的，我很喜歡這種粉好有質感，有微微的彈口感，但依然滑口而不會太淋，口感很好。最驚喜的是佢哋嘅越發牛油雞翼，雖然等待時間比較耐，因為係即叫即做，非常用心製造的。上檯時是熱辣辣登場😚😚，有很香嘅牛油同甜香味撲鼻，入口有甜絲絲，香噴噴，肉質好滑，仲有一種燒魷魚味的香甜，好好味呀～😍😍😍😍😍😍昨晚我與榴槤妹一齊的，佢都忍唔住要馬上order多一份帶回家給爸爸嘆添，我就會下次親身再來嘆🤣🤣。另外佢哋杯越南滴漏咖啡☕，香濃美味😌😌，一飲已上癮了🤤🤤 。餐廳坐位不多，只有十多個位，但都可以坐得好舒適。食物質素高，而且價錢合理，加上老闆親身招呼客人，老闆溫文有禮，非常親切。

難得遇到的用心小店，值得支持。在旺角住了好幾年，最常見的不外是連鎖餐廳和以遊客為主的餐廳。遇到這間用心做食物的餐廳真的很開心。在食物中吃到不只是美味，還有店主的誠意。本人不善寫食評，願讀者能親自去這間餐廳體驗。要注意的是因為餐廳面積較小，所以如果不想排隊建議早點到。本人絕對推薦蝦米卷和香茅豬趴飯（豬扒飯沒拍到）豬趴多汁香口，非常有誠意。原來要200字才能點評。為了支持，不是打手的我唯有繼續寫。這間餐廳絕對匹配一個好評。

基於現實所限，係香港出街食飯，好難要求每間餐廳都配合到你對於味道、環境同服務嘅追求，當然你有巨量金錢，或者足以擋子彈嘅厚臉皮則另計。一間餐廳只要係味道、環境同服務組成嘅用餐體驗 package 入面三中二，甚至三中一都足以係香港生存到（睇一睇澳牛光速餐就知咩事）。然而，不論大小規模，總有部分餐廳願意盡力去做好每一part。「越發」亦算係其中之一嘅小店。因為某次偷聽到同事嘅推介，聲稱完勝雷聲大雨點小嘅「蔡瀾 Pho」，而知道「越發」之前食完「蔡瀾 Pho」之後，我都認為呢間嘢真係得啖笑，亦決定要去試一試「越發」。當日，我同朋友阿娟就係「越發」嘅開鋪時間 1230 抵達，所以唔需要排隊，但開鋪後15分鐘，就全店滿座 （當時心諗： 呢間嘢仲唔係有料到？！）。唔想排隊嘅朋友最好留意時間。當然店內只有我同阿娟，及另一貌似熟客嘅男士。店面不大但尚算精緻乾淨，座位不足20, 枱與枱之間距離較近，但可以接受。 坐低後，老闆送上餐牌，上面嘅食物款式唔多。同時，亦擺低兩杯略帶越南風味嘅茶。個人認為「越發」雖然主打越式粉麵飯類，但食物相當有 fusion 嘅感覺，追求正宗嘅食家們可以過主了。點了牛柳越南河/

唔知點解，香港比較美味的越南牛肉河店子大都在港島，連最近蔡瀾新開的話題店都選址中環。不過，這天在九龍終發現好店子，所講的是油麻地的「越發正宗河內料理」，我更在這裏吃到今年最滿意的一碗越南牛肉河。都是由老饕口中聽聞此店的牛肉粉，我在午時剛開店時前往以避人潮。店子細細但感覺整潔企理。想也沒多想，點了牛肉粉中最貴、$92的呢個河內牛柳牛丸粉。由下單到河粉端上來都要等十五分鐘。賣相不花巧，有些顏色新鮮粉嫩帶紅的牛柳條，切成四片應有兩粒的牛丸，金不換及洋蔥則已預先放在河粉上。整碗牛河給我的感覺便湯鮮肉嫩丸爽。個湯底好有牛味，鮮甜清爽，我都忍唔住飲晒。牛肉則選牛柳條，肉半生，但在湯略焯一吓吃來嫩嫩的。最令我想不到的是那個黑椒牛丸好爽口，感覺味道不單純，估計是用多予一種的牛肉混合而成。至於河粉水準亦佳，軟硬適中，也不會黏在一起或吃到散晒，而是每條粉都好分明爽滑。附上的還有青檸及辣椒，仲跟埋越南本土食法有幾塊油條比你用來索湯，讚！雖然此店價錢略貴，但難得水準確是好高，至少九龍甚至新界都找不到同等水平的越南牛肉河。難怪我離開時已看到長長的人龍。

I am vietnamese and for long time i looked for authentic vietnamese cuisine in Hong Kong. This restaurant makes simple yet perfect dishes that all taste yummy: I totally recommend it, only thing is be quick because it’s usually quite busy. i will definitely be back soon!

每次去到旺角都好頭痛究竟食啲乜，因為真係太多選擇。今晚難得早少少收工，就搵咗間越南野，見佢都幾多好評又有我最鍾意食嘅撈檬，就拉住男朋友去試試佢。一去到門口就見到大約三至四個人排隊，心諗已經晚上九點多仲要排隊， 呢間野應該都唔錯喎！排緊隊嘅時候已經諗左要嗌啲乜，可惜入到去老闆就話招牌嘅炸雞翼已經賣晒，真係有啲失望。最後我哋叫咗四樣嘢...1. 招牌牛丸牛肉湯河越南野又點可以唔order佢嘅湯河呢，唔好睇佢個湯底好似淡茂茂，但食落連啲河粉索左湯之後就更加入味，牛丸同牛肉都好夠牛味，非常有驚喜。2. 豬扒撈檬個人比較喜愛較瘦嘅豬扒，佢炸完之後依然保留肉汁，唯一比較可惜嘅係佢嘅魚露唔夠酸，就算落晒都好似唔係好夠味咁。3. 越式炸春卷因為雞翼賣晒，所以見隔離枱份炸春卷賣相不俗就跟住叫左一客。點知原來真係有驚喜喎，配上新鮮嘅生菜包住炸春卷食，即刻感覺冇咁油膩！4. 越式冰咖啡見到杯咖啡好多好評，所以就算夜媽媽依然點左一杯咖啡happy share. 咖啡☕️香濃有泡，值得一試❣️希望下次再嚟可以食到佢嘅招牌炸雞翼啦

話說最近媽咪想食越南菜，之後就同佢睇下有咩好食啦咁啱上網見到依間越發新開無耐而且又好似評價幾好，又近近地喺太子，所以就過咗嚟試吓啦！咁我地七點到左餐廳，咁門口都有d人排隊，而且裏面座位都唔多，所以都要等位，大家唔想等咁耐就最好早d黎la咁大概等左幾個字到，我哋就有位la，而老闆都好熱情咁招呼我地，唔錯坐低見到餐牌，食物選擇唔算多，可能貴精不貴多la不過價錢方面都唔係平，大家要取捨下la。我哋就首先叫左咗一個招牌嘅綜合牛柳牛丸河，一個豬扒撈檬，牛肉米卷同埋一杯越式咖啡。首先講咗個牛肉粉先啦，湯底方面濃而不膩，都幾有牛肉鮮味，牛柳方面要特別一提，因為唔同坊間用肥牛或者牛肉，依到特別用左牛味濃郁而且有嚼口的牛柳，配上惹味牛丸，都算幾岀色！不枉係呢到ge招牌至於另一主角豬扒撈檬我就覺得略嫌普通，而且可能係我地擺左一陣ge緣故，豬扒肉質就好快變硬而且乾，有待進步！而小食牛肉米紙卷方面，我覺得都幾唔錯，米紙厚度適中，裡面配料豐富，加上酸甜醋，好食最後，越式咖啡都幾有正宗越南口味，甜而香濃，幾有番番去早前去越南旅遊的感覺，哈哈！咁總括嚟講，雖然價錢方面就可能貴左少少，但係食物質素其實都唔錯，鍾意食越

越發正宗河內料理 @ 旺角真係唔怕生壞命…最怕改錯名…越發真係越黎越發…🙂 (恭喜老闆同Chef🙂)⭐我估呢次應該近期最後一次拜訪佢…因為實在太多傳媒報導…人龍越黎越長…或者第日有機會開間餐廳叫“越長”😛⭐今次第一次試點左牙車快(雞沙律)…其實我食咁耐越南野都未點過呢味菜, 感覺甜甜酸酸幾好味同好開胃🙂…今次再翻兜蛋角香茅豬扒飯😍😍😍…將蛋角整碎用黎撈飯😋😋，豬扒即炸又大塊又香又好味. (仲有雞翼同牛柳撈檬)⭐今日IG見到有special menu...暫時太旺場試唔到了😒😒😒

平時都好鐘意食越河，平時成日走圍去試，聽講油麻地開左間新既，仲好食過蔡瀾，梗係去試下，去到以為佢未開門，原來食客係到排隊，1830於時我跟著排，我排第18左右吧，原來有分第一圍只坐到14 個，於是我係第2圍要1930先入得，就係出面排左1個鐘，出面太熱，有種中薯既感覺。但我入得去食，叫左牛柳河$72同牛柳牛丸河$96，我先知點解之前甘小人食野出黎，因為入面人手得1個，1演3-4個角色，上菜等了半小時，但味道真係五錯的，好清新既味道，聽講食材源至河內的。

呢期潮流興食Pho，今日就去試一間熱門新店。排左半個鐘入到去尚算可接受啦。試左招牌河內牛柳牛丸河，有別於一般用肥牛，呢間用牛柳比平常好咬口，但我更覺牛丸好味，咬落去好彈牙仲少少爆汁，之後滿口牛油香，肥都抵呀！湯好鮮甜，牛味濃也香，正。嗌左炸春卷，賣相肥美，夠料又熱好好食，比好多店都好食好多呀~忍不住加個法包，老闆話改良左既冇辣椒，反而加左好多肉 (勁爆餡!)同加左自家製肉醬和mayonnaise，口感豐富，老闆仲話個包係越南空運過來呢！不過Banh Mi的話我都係鍾情添記多啲...另外點左個熱情果梳打走甜，既香又酸所以好refreshing，成件事好完滿。可能我地係落場前最後一批客，老闆又見我地嗌好多野食，走黎同我地傾左幾句問我地意見，好有禮貌，希望小店可以keep到個質素啦，下次我要試下佢既沾濛呢！到嘔咁走呀~~

近排係facebook見到編文章，介紹香港Top 10越南粉......哩間係文中既Top 1......放工即刻來試試......差不多晚上8點，門口有人排緊隊，不是好長龍，大約有12人，由於店子細.....大約只坐18人......一人晚飯的我，也等了差不多一小時才可入坐！店內環境十分乾淨，雖然小小店舖，但仍算坐得舒適！店員也十分有禮！要留意一下，店內提供既清水會有班蘭葉既味道架........一個人，只可以叫碗粉同一個小食.....小食試了越式春卷.......生菜十分新鮮又夾脆.......清洗得好乾淨.......而春卷即叫即炸，熱辣辣.......食時要小心小心.......起初見到以為好油又唔脆......因為不是平時既春卷皮.....食落不覺油，可能蘸了魚露，又包了生菜同吃啦，減低油膩感；而外皮就少少脆口，好處係不會一咬就碎晒，唔會食到周身碎....hehe招牌牛柳牛丸粉......叫得招牌，應該唔會伏......食哩啲湯粉，我會先飲下個湯先......湯底較清，牛味不太重，有點香料味......哩度個河粉會配油炸鬼的........而牛柳幾大件，上枱時是半熟的....

於港島工作居住的小丫頭在openrice的覓食版圖終於跳出港島，今次來到這間在油麻地備受好評的越南小店一試究竟。晚上大概八點四十分來到，油麻地正下著時大時小的驟雨，但這小店門外依然可見人龍，由於餐廳門面頗小只寥寥數張枱，我們已有心理準備排隊時間可能頗長，但入座後發生的一件小事卻令我們覺得奇怪，於文章題外話略述。言歸正傳，在門外等了大概半個小時才消化掉前面6 個人的人龍，輪到我們入座。入座前見到唯一侍應/老闆用毛巾仔細清潔枱面，連同枱的四邊也來回抹了兩遍，衛生值得一讚。甫坐下已飢腸轆轆的我們立刻點了招牌河內牛柳粉、香茅扎肉雞絲撈檬、鮮蝦米紙卷及熱情果梳打。（餐牌上寫了食物即叫即製，等候時間長可以理解，但已九點多差不多last order 的時候也等了半小時才上菜真的讓我們快餓昏了。）首先上場的是熱情果梳打（$28），酸甜的熱情果配上清爽的梳打水及清新的薄荷，第一口已喚醒我們的味蕾，杯中可見浮滿了熱情果籽，口感與味道都一流。接著上場是鮮蝦米紙卷（$55），薄薄的米紙包裹著生菜、檬粉與鮮蝦等餡料，再配上淡淡的魚露醋，入口口感豐富，可以嚐出裡面還包著薄荷葉，值得一讚是裡面的蝦，可能是略略醃過才

星期日既1點鐘，諗住過黎食個pho做lunch係門口等左大概三十五分鐘好彩哩日唔係好熱又有D風  如果唔係未必會等內裏只得18 個位 所以好容易就滿座 環境乾淨企理 不過座位間距離較窄水內有淡淡清香味，問左老闆原來係浸左班蘭葉點好餐大概十分鐘 小食先上越南脆春卷炸得好脆又唔油膩 幾好食 不過個人覺得個汁可以再酸d而且六十幾蚊3條有D貴油炸鬼 老闆介紹將佢浸一下落碗湯到就食得,不過我地覺得同牛河既味道唔算好夾 牛柳牛丸河有一堆微微炒過嘅既牛柳 同埋2粒牛丸(睇落有4粒,但其實每粒係切開左，半圓型黎)個湯帶淡淡牛香 清甜順口河係用返越式河粉，比較幼身同有口感牛柳有蒜香味，肉質幾嫩 牛丸有牛既油香 彈牙多汁   雖然好味，但比牛柳河貴$16 先多2粒牛丸，有d貴招牌牛油雞翼有五隻 有蒜香同蜜糖嘅甜味脆皮得黎 又冇炸甘熱氣食物有水準 而且好多細節都食出小店用心難怪一個負評都冇冇加一 價錢比普遍越菜貴, 但味道對得起價格小妹都係第一次食河內風味既牛河不過E個天氣黎食  略嫌店內冷氣唔夠 食完個湯河出唒汗而且因為座位有限  黎食就預左要等建議天氣唔太熱先過嚟試