162
22
4
港鐵油麻地站 A1 出口, 步行約2分鐘 繼續閱讀
電話號碼
68848898
營業時間
今日營業
全日休息
星期一
全日休息
星期二至日
12:00 - 15:30
18:15 - 22:00
*每月有兩天不定期休息
付款方式
現金
座位數目
16
以上資料只供參考, 請與餐廳確認詳情
食評 (220)
等級4 2024-03-30
170 瀏覽
據報這裹的「河內蕃茄蟹檬」只做埋呢幾日,所以趁仲有時間,便過嚟回味一下;湯底帶有濃濃嘅蕃茄味;對唔食得辣嘅我嚟講,就覺得頗為有勁,但對老婆嚟講,就仲要加指天椒才夠喉,認真利害!😬我都係叫返「燒肉丸撈檬」,檬粉口感細緻爽口,燒肉丸更是讓人食不停口,檬粉爽口,真係超級好味!🤤越南脆春卷外脆內軟,餡料清爽,配上青瓜片、生菜、金不換及薄荷葉一起食用,不但有效減低油膩感覺,味道更覺出色。😋另外叫了「薄荷青檸梳打」及「越南柑桔冰茶」,清甜解渴又好味,尤其是柑桔那獨有嘅香味,更是吸引。👍🏻想食#河內蕃茄蟹檬 ,就記得要快手啦!#越發地道河內料理 地址: 旺角砵蘭街99號地舖電話: 68848898 繼續閱讀
(以上食評乃用戶個人意見 , 並不代表OpenRice之觀點。)
等級4 2024-01-18
1312 瀏覽
無論那個時間, 每每經過都是大排長龍, 餐廳突然浮在腦海中, 這晚終於有機會嚐試了 😊 由於大排長龍這個現象, 總會多了一點期待。排隊期間, 老闆會先替大家下單, 可以爭取每一分時間! 💪🏻 餐廳提供的水帶著椰子味, 因為餐廳加了越南斑蘭葉, 非常特別! 招牌牛柳牛丸粉 $100排隊時聽到有其他客人稱再來此店主要為了這個粉, 所以我也跟著點了 🤭 果然牛丸有驚喜, 新鮮彈牙, 而且牛肉味甚濃, 相信牛肉比例應該不少, 牛柳半熟狀態, 有一定韌度。至於湯是以牛骨熬了二十四小時製成, 再加入沙蟲乾調味, 做法很地道, 可以說它的味道已經跟越南差不多 😌 另外配有油條, 亳不脆口, 浸了湯就更淋, 成了整個粉的敗筆。越南燒肉丸撈檬 $70本來想點碳燒豬肉伴奧巴馬粉, 可惜已經售罄了 🫣 唯有退而求其次, 點了燒肉丸撈檬。燒肉丸並非圓形的, 口感有點像豬大腸, 雖然未有豬大腸的脆皮, 但味道也不錯。整個撈檬有大量配料, 莞茜, 紅蘿蔔, 白蘿蔔, 椰菜, 花生, 青蔥, 再加入酸甜醬撈起來口感很豐富 😁河內芽車快 $70是雞絲沙律, 雞絲量不算多, 但其他配料非常足夠, 跟撈檬的配料類同, 再加入紫洋蔥, 青瓜, 令整個沙律更清新, 帶點甜味, 可以不停的吃下去 😆 雖然賣相一般, 但比想像好吃的。據稱連越南華僑都會到訪此餐廳, 足見其味道有一定水準, 雖然我也認同味道是很不錯, 比較正宗, 老闆招呼殷勤, 但價錢就比市面一般越南餐廳貴三四成以上 😐 加上排隊都要花點時間, 我又覺得試一次還了心願就算了, 性價比一般 🙊 要多提一點, 餐廳只收現金, 差點不夠錢付款 😅 繼續閱讀
(以上食評乃用戶個人意見 , 並不代表OpenRice之觀點。)
等級4 2023-11-09
2619 瀏覽
首次光顧, 雖然人流不斷, 但流轉速度快, 不用等很久便可入座。雖然店外的顯示屏餐牌有河內蕃茄蟹檬, 但堂內的餐牌卻遮蓋著這項, 聽有客人問, 老闆回應蟹游咗出海未返嚟, 所以無蟹檬。聽老闆與客人互動, 幽默風趣, 令進食的氣氛添輕鬆感。根據餐牌所述, 小店採用之河粉及檬粉均由越南河內運港, 確保客人可品嚐最地道的口味。另外, 咖啡乃採用上乘越南咖啡豆配以傳統滴漏製作而成, 感覺認真及誠意。1) 招牌牛柳牛丸粉 $1002) 招牌越南脆春卷 $703) 河內地道椰子咖啡 $45招牌牛柳牛丸粉伴有油炸鬼, 青檸和辣椒, 老闆上菜時提示油炸鬼要浸湯吃, 感覺貼心。呷一口湯, 感覺清爽, 加入辣椒和青檸汁, 把湯提升至另一層次, 不過不太能吃辣的朋友, 加辣椒時不要一次過全落, 要考慮自身能力。牛柳半生熟的, 不柴。牛丸彈牙, 牛味濃, 肉質與坊間的不同, 真的很好吃, 心心眼出動, 與牛柳相比, 感覺牛丸更勝牛柳。油炸鬼浸湯後, 索滿湯汁, 入口軟綿, 令人感覺滿足。河粉份量不少, 質感順滑, 掛上湯汁, 十分美味。招牌越南脆春卷有3件, 春卷外脆, 內裡充滿餡料, 即使放久了依然熱辣辣, 以生菜包著青瓜和金不換同吃, 沾上酸甜開胃的醬汁, 有助減膩。河內地道椰子咖啡本來沒打算點, 但好奇心驅使下, 想知越南咖啡究竟是甚麼味道, 最後忍不住點了。咖啡味道香濃, 有齒頰留香之效, 椰子味道吸引, 是不錯的選擇。 一個人來吃, 點了一碗麵, 一個小食加一杯飲品, 便超過$200, 其實有點貴。但難得遇上有質素, 食物又美味的店, 閒時來開心一下, 又可支持小店, 也是一件美事。 繼續閱讀
(以上食評乃用戶個人意見 , 並不代表OpenRice之觀點。)
等級2 2024-04-06
0 瀏覽
好耐之前睇到youtuber介紹就放左入bucket list要黎幫襯,襯今日得閒就去睇下多唔多人排隊,多人就唔會等喇。去到有3個人係前面就等下啦,等左陣入左1位,再等左陣前面個哥哥唔耐煩走左,之後因為舖頭得1個吉位就比我地後面遲啲排既1位入左先。本身諗住揾定另一間食唔等啦,點知咁岩有人走,咁就入去食野喇入到去叫左牛柳牛丸河,米紙卷同冰咖啡牛柳牛丸河係配啲油條比你送黎食,有啲特別,牛柳就冇乜特別,牛丸係肥美爆汁既,但唔係啲youtuber講到有幾正幾好食咁,只係算係正常發揮,冇乜驚喜Overall黎講,不過不失,有好過佢既舖頭,唔係經過附近唔會特登黎幫襯,要排隊就更加唔會🫠 繼續閱讀
(以上食評乃用戶個人意見 , 並不代表OpenRice之觀點。)
等級2 2024-03-21
72 瀏覽
成日經過都勁多人排隊,呢日趁少啲人即刻排嚟試。叫咗個招牌牛柳牛丸河,果然名不虛傳,啲牛丸好有牛味,湯底都夠濃,河粉好煙韌,仲要好多蔥,My favorite ,不過略嫌啲牛肉碎咗啲,整體嚟講都值得一試。之後係蕃茄蟹湯檬粉,食之前好大期望,但食落之後感覺湯底唔夠濃,不過就好足料,好多舊蟹肉球,試一次就夠。如果唔洗排隊,都會再嚟! 繼續閱讀
(以上食評乃用戶個人意見 , 並不代表OpenRice之觀點。)