越發地道河內料理

營業中

休息中

夜晚唔想煮飯，決定同男朋友岀街食越南菜越發店舖面積唔大，門外裝修似拉麵店而且唔起眼，如果唔係專程黎食嘅話，分分鐘行過都會見佢唔到🙈😂😂全間舖只有十幾個位，枱好細而且坐得好逼狹，如果想坐得舒服d或者想有空間感多d嘅話越發就未必岩你喇😎我地2個大約7點45到，等左15分鐘左右就入到去，喺排隊嗰陣已經諗到食咩所以一坐底就即刻可以嗌野食基本上落單，執枱，岀菜，收銀都係得男老闆一個 (始終小店經營，加上空間好細根本容納唔到2個樓面🤣)我地叫左牙車快(走花生)，招牌牛柳牛丸粉，法式三文治牙車快等左半個鐘終於到...我基本上岀街食飯都一定要叫菜或者沙律🥗牙車快其實就係雞絲沙律，有雞絲洋蔥青瓜蘿蔔等等雖然材料豐富，但由於我唔鐘意食麻油所以唔係咁岩我。。而男朋友都唔太合口味，最後我地只係食左d蔬菜就算招牌牛柳牛丸粉呢碗粉等左40分鐘先上枱...湯底幾清甜，牛丸好味道，牛柳亦好食唔洗擔心分量好多，其實只係隻碗大🍜感覺上分量同雲吞河差不多，如果大食嘅就要叫埋小食先滿足喇😆越南法式三文治點都估唔到個法包係需時咁耐...等左差不多45分鐘.......個包外脆內軟，餡料豐富，肉都好大塊，味道唔差但亦都無乜特別。

其實一直好想食這家店，只是每次都見到長長人龍在店外排隊，就已經調頭走😔今晚早肚餓，駁一駁。1845左右，居然只剩返四個位😱好彩。今回試招牌牛肉牛丸河、碳燒豬肉伴奧巴馬粉、牛油雞翼、熱情果梳打、甘桔青檸梳打。「好好食～」牛肉河：牛肉好好食、牛丸感覺彈口、個湯底又好清（我只係食左兩啖，所以用最僅有記憶描述）奧巴馬粉：其實係類似檬粉咁食法，小弟超好檬粉，所以好有期望，結果不得了。雖然個湯汁一上枱係暖，跟一般檬粉全凍好唔同，那知第一啖就被湯汁深深吸引，都係酸甜架😋恕我誇張，但真係停唔到口。加上豬肉係炭燒，好野味，跟湯汁好夾。雞翼熱辣辣，要放置五分鐘先放得入口👍🏼甘桔青檸梳打唔錯熱情果梳打就喜出望外，好得意就連水都加入班蘭葉，不禁飲多杯。整體而言，食物味道與質素好高。而且店員服務一流，男店員（估係老闆）好建談，好親切；女店員（估係老闆娘兼大廚）縱然對住個火爐，但都好樂意跟客人聊，又對八掛四圍望既我關心了解👍🏼中好細心地講解個奧巴馬粉點食😁😁有讚有彈，得兩個人煮，所以等左十五分鐘以上先有得食。好彩我唔洗在店外排隊，否則外面等完入到店要再等了。不竟店不大，位不多，要食好野係要等既，明白的🤪下次我會訂

想試呢間好耐，但每次都被門口那長長的人龍嚇怕而過其門而不入。今次六點零經過，見到門口只有兩個人排，於是咪諗住今次應該唔使等好耐，點知因為店太細，啲人又啱啱入座，卒之都等咗半個鐘先入座。侍應首先奉上一杯水，杯水飲落好清甜，問侍應原來入面加咗越南運來的斑蘭葉，唔怪得咁好飲。友人叫咗奧巴馬濛粉，即係燒豬肉濛粉，上菜時侍應會教你點食，由於啲粉同湯係分開，首先先落香葉，然後再將啲粉好似沾麵咁一注一次咁浸落個湯度食。呢個湯係令人震驚咁好食，有魚露味，又有少少辣，每食一口都感覺到有好多種味覺係口腔翻騰，越食越滋味，加上啲肉都非常入味，又有口感，呢個粉，我畀滿分。我就試咗個札肉雞絲澇濛，可能之前個奧巴馬濛粉太驚艷，令到佢就稍為失色，但係其實佢都唔差，首先雞絲都札肉都係先煎香，呢點已經贏晒，煎完啲雞絲非常香，口感香脆，配埋撈濛，真係一流！我地食得好開心，明白點解成日有人排隊，下次經過，如果好彩冇乜人排，一定會入去試多次！

平時行過都見好多人排隊食呢間～不過之前都唔想排，所以一直都無食～今日唔知點解好想食越南嘢～所以就去咗排隊試試佢～不過天氣真係好熱，排隊真係一個挑戰嚟～我哋專登唔係食飯嘅黃金時間去，諗住會小啲人排隊～點知去到都仲係要排不過排咗大約半個鐘就入咗去～入到去就感受到冷氣，成個人爽晒～坐低之後我就即刻點餐，因為都差唔多Last Order喇～我揀咗河內牛柳牛丸粉～牛柳可能我浸得太耐韌咗，不過牛丸真係好好味～有啲牛根喺入面，好彈牙好好味～河粉好滑好正，個湯底都好夠味～不過94蚊就好似有啲貴朋友見到人哋叫香茅豬撈檬佢又跟住叫～豬扒好厚好大塊～味道口感都唔錯～侍應教我哋倒啲醬汁落去撈埋一齊食～小小酸，幾開胃幾好味～叫咗杯熱情果梳打～酸酸哋，飲落有氣超級爽～整體嚟講係唔錯～不過天氣咁熱排隊真係唔想排～同埋價錢貴咗啲～

近期去完越南峴港之後, 念念不忘越南菜滋味, 尤其是魚露的鮮味和醋的酸味, 齋諗口水已流出…好在香港都有好食的越南菜啫這間越發其實我都收藏咗一排,有人話佢差咗，服務差咗，咁我要幫佢平反一下。話說我去係星期五晚6點半，入面坐滿人咁滯，點菜聲此起彼落，只有一個疑似店長的男人服侍，但佢仍然可以有條不紊地照呼到我入座。而且態度是溫和客氣的。坐在靠墻位，都不算迫，仲有空間可以放嘢。睇下餐牌，選擇都幾多。由六十幾至九十幾蚊。重點係不收加一!香茅紮肉雞絲撈檬(Grilled chicken with cold vermicelli)($70)份量不算少，有生菜絲，炸過的雞肉絲，蘿蔔絲等，好足料。店員講解話個汁落住一半先會好ｄ。見我冇叫飲品，仲即刻俾咗杯水我。底層的檬粉有輕微的結塊，但用筷子輕夾便散返，狀態仍彈牙可口。炸過的雞絲是乾的不油，十分香口但不熱氣，撈上檬粉之後，令成個粉的口感大大提升。加上鮮味的醬味，口感十分均勻，不辣但惹味。而且落咗小小薄荷，有陣陣回甘的涼意，响炎炎夏日顯得尤其滋味食到我的小心臟好激動，發出好似中華一番的反應：好好味呀～～是近期食到最美味的越南菜，拍得住响越南食到既正宗越菜

朋友仔話這間店舖經常大排長龍今晚近九點來到不用排隊因為店舖關十點所以我們算是最後一轉的客人河內芽車快幾好味酸酸甜甜幾開胃其實即是沙律脆春卷就普普通通但新鮮炸起熱辣辣蜜糖雞翼最好味，表皮上的花生增加了口感蜜糖味十足，甜得很好食豬肉朦粉不過不牛豬肉丸是咸了點但配埋粉麵食剛好平衡了那咸味湯底都幾好飲店內比較窄小說不上有什麼特色裝潢不過那幅越南風景油畫畫得很立體好靚值得仔細欣賞

呢間舖，由睇住佢無乜人知無乜人識，自從有報章雜誌寫完鱔稿，而家日日都有人排隊....。嘢食以前本身唔錯，牛柳河，豬扒蛋角飯，法式越南三文治，奧巴馬粉，蟹朦，蝦米紙卷等等等等.....。但好明顯開始回緊塘，老細由開頭殷勤招待...而家就淨係希望你食完快啲走，唔好阻住做生意。 以前老細會好細心介紹食物，而家睬你都有味。好多要等得耐嘅嘢食，例如蟹朦，星期一至五已經係無得叫。叫豬肉卷/春卷，三文治果類，經常話無。一係就同你講要等好耐，不如食第二啲，最好個個都叫粉，快靚正....唔洗阻住佢。叫外賣又問你要叫幾多嘢，叫多兩碗粉又話等好耐，又係叫你唔好叫咁多......都係果句...阻住佢做生意，翻枱.....。豬肉卷/春卷比以前油淋淋；蛋角豬扒飯塊豬扒又成日好乾，炸過龍，蛋角份量又少；牛油雞翼粉好厚，無乜興趣再叫....。整體質素係下降緊......以前本身好有誠意嘅小店，而家已經開始唔得.....。

今天來到砵蘭街靠近油麻地的一間越南河粉店，可能店舖的面積比較細我們大概排了半個小時才能進去，我們分別點了牛肉河粉牛肉牛丸河粉，和春卷。本人略嫌湯底偏淡欠缺了牛肉的鮮甜，但整體來說還是可以接受的，這家店的店面店長，服務態度殷勤，有禮貌。另外我們也點了三杯飲品包括熱情果梳打和青檸梳打，並且點了凍越南咖啡。三杯飲品比較我比較喜歡熱情果梳打，可能是紅岩是熱情果的季節十分清甜清爽可口。春卷略嫌餡料太少，所以這樣吃起來皮的感覺太厚。

呢間日日都一堆人排隊嘅越南嘢，行過心諗，係咪真係咁好食啊！？呢日行過發覺原來早過6:30就唔洗排隊，即刻仆入去試！鋪仔細細，十幾個位左右啦，裝修反而有少少日式嘅感覺，一坐低staff就比咗杯水我，杯水個味好特別，望一望個水壺原來佢加咗班蘭葉落啲水度，好好飲啊！越發招牌牛油雞翼，好濃嘅牛油味，加埋啲蒜粒超香口！正地道碳燒豬肉伴越南檬粉，同平時嘅食法唔同，會有一碗湯喺度，而啲檬粉就亂到一嚿嚿，好易入口。燒豬肉好軟熟，好好味！

睇完社交平台的推介，慕名而去。但係冇訂枱，提早少少去攞位，都見到有條龍。唔遲唔早，準時12點開門。主打河內食物，味道幾正宗喎。最出名是牛柳牛丸河，以巴西牛柳及澳洲牛肉打成的牛丸炮製。唔好以為個湯咁清會冇咩味，相反味道出期地濃郁，好有層次！仲有佢嗰個牛油雞翼，超級邪惡，超級好味。雖然又油炸又牛油，不過食完一啲都唔覺得油膩。牛柳腍滑有肉味，牛丸也有肉香及彈性。超鐘意！唔怪得成日都要排隊。食完仲要打包返屋企食。座位比較少，所以一定要提早排位，或者訂枱！

Lunch記住提早去等位，唔係要比少少時間。真心推介，蛋角豬扒飯！！👍🏻👍🏻👍🏻真係正！Pho 都係水準以上，食物質素絶對對得住呢個價錢👍🏻👍🏻👍🏻

平日食越南嘢覺得間間都差唔多，但上星期去咗一間位於油麻地嘅越南餐廳，那裏食物又有啲驚喜！12點15分到原來未開門，但已經有10個8個人喺度排緊隊，有啲意外，要等到12點半才營業。本來唔打算等，但阿女話朋友帶過佢嚟食，話真係好好食，所以即管排隊試吓。等到開門終於可以入去啦，原來裏面非常之細，只有十幾個座位，我哋好好彩係最後一批客人可以入到去！可能地方太細又坐滿人，所以覺得有啲熱，而且廚房啲熱氣都散咗出嚟。招牌牛柳牛丸河粉，（$94）少有餐廳用牛柳，而且比較碎濕濕，但算滑口。牛丸夠彈，而且肉汁豐富，吾錯。河粉是從越南進口的，非常幼滑。有大量蔥花。湯底清甜，冇其他越南餐廳咁濃味和醎，有油炸鬼送來伴食，又幾特別。炭燒豬頸肉伴越南檬粉（奧巴馬粉）（$75）檬粉通常係淋上越南酸汁來食, 但這裏是用酸湯代替汁。豬頸肉也不是傳統切薄塊，而是切小斷，浸在酸湯中。檬粉也很特意地造成一口一口的。食前侍應講解食法，先把檸檬葉撕開放入湯中，然後把一口檬粉浸在酸湯中一口一口來食，蠻新頴的食法！味道亦唔錯，挺開胃！越南法式三文治（$70）麵包焗得非常脆口，餡料又多。越式春式（$62）即炸熱辣辣，外皮香脆，生菜新鮮爽

朋友推介超值得一試的越南餐廳星期五晚上去食 都有10-20 人等緊等左大約30分鐘先有張4人枱食到大約9點 人龍還是一樣咁長👭👭🥤好喜歡些水 加左班蘭葉會有陣陣香味🍲地道碳燒豬肉伴越南檬粉可以好似沾麵咁食 湯底甜甜地放些檬粉入去湯入面浸一浸再食入面有一個大大豬肉球 同好多塊碳燒豬肉豬肉超香口 🐤招牌牛油雞翼新鮮整起 熱辣辣雞翼外皮超脆 有濃濃的牛油味肉質嫩滑 同好juice 🥪河內越南法式三文治法包超脆 咬落唔會好硬裡面有好多餡料

越發地道河內料理 @ 油麻地最近比較少去MK, 所以都有一段時間無探訪下越發…Kenny同Chef😂😂😂…9:30pm到達時人龍已消散…老闆都好快轉左“Closed”牌(好彩轉前到左🤘)…大約15分鐘就安排入座…今次因為比較夜…所以好多野都沽清…所以點左最愛既牛油雞翼…牛柳牛丸湯粉…Obama粉…蒸粉皮…加多杯熱情果梳打…所有食物依然即叫即整(無因為想多做生意預早準備食物😗)…依然好味…尤其雞翼…外脆內嫩…外面既糖衣焦糖化左好正😍😍😍😍…牛丸依然係首選😍

已經幫襯左呢間小店不下10次，次次帶親朋友去食，個個都讚不絕口，去過越南既朋友都話係越南當地既味道，翻兜率極高。我第一次幫襯見佢新開，抱住入去求其食個晏既心態去食，點知不得了，好有驚喜，一食就上咗癮。好嘢傳得好快，佢冇咩宣傳，開左冇幾耐就要排隊堂食。因為鋪面好細，只係容納到大概20人，試過平日晚飯時間7點二個人要等個幾鐘先入到去。老闆好好人，好用心，樣樣野都親力親為，有時仲會同客人傾下計，問下客人意見。有次聽到原來老闆之前係越南住左一段長時間，佢又好鐘意越南既野食，所以將原汁原味越式料理帶左返黎香港，連好多材料都係越南入口的。老闆真係好有heart 👍🏻今日又好掛住佢個檬粉，6點半去到，本來諗住weekend應該要排長龍堂啦，打算買外賣返屋企食，好彩俾我裝到入面有個單丁位。坐左入去望都冇望就嗌左個碳燒豬肉伴越南檬粉。跟住老闆俾左杯水我，好鐘意飲呢度既水，老闆加左香茅浸落水度，飲落有淡淡既香味。呢度啲野食都係即叫即煮，等左10分鐘左右，我個檬粉熱辣辣到左。呢度既檬粉同香港其他餐廳既檬粉好唔同，唔係凍食加啲橙色既酸酸辣辣汁。佢上既時候，檬粉、香葉、幾片青瓜放一碟，另外熱湯/汁同碳燒豬肉一碗