越發地道河內料理

營業中

休息中

路經旺角砵蘭街時令我想起友人在社交網絡上曾經提及這小店，招牌上寫著 Phở Việt Authentic Hanoi Cuisine 越發地道河內料理，舖面裝修設計很日式，向老闆查證原來之前是間拉麵店，店不大裝潢雅致，環境乾淨店內大約可座二十人。入坐後店員奉上竟然是滲著椰香班蘭味的清水，從這些細微的小節，可以想像得到這小店嘅飲食一定有要求。餐牌不是太多選擇，首先點了杯越南柑桔梳打及越南熱情果梳打，梳打特飲都是即叫即製，水果用人手壓爛，再加入薄荷葉，超夠氣～好清爽。越南脆春卷香脆可口，配上Nước chấm碌冧汁將春卷包上一塊生菜及九層塔一齊伴食，這樣吃法唔會太熱氣，更加美味。河內越南法式三文治，是最能代表法國殖民地色彩的越南菜之一，長長法式麵包外面皮夠脆，不太硬，如果太硬吃下去嘴會又爛又損，配上多種餡料煙韌有咬感，口感之豐富令人垂涎。河內牛柳牛丸粉，河粉幼細軟滑，配料分量多，有芫荽、鵝蒂和香草等....... (還奉上一碟油條用來吸湯) 湯底以鮮牛骨熬制，入口鮮甜濃稠，沒半點味精，喝完不會覺得口渴。因為市面很多越式料理都說是正宗越南菜，閒聊時得知大部分食材是由越南河內運送過來的，怪不得

前文提到小弟對越南粉有種偏執，經好友推薦越發一直想試，上次兩點幾竟然全店沽清無緣一試，今日醒目地正午未開門已經要係出面排隊，準時入閘！。入到去原來小店得少於廿個位，坐落系油麻地舊區都咁多人慕名而來應該有啲料到。價錢係中上嘅，我哋就試咗佢嘅河內番茄蟹檬同埋招牌河內牛柳粉。老實講我真係美食個番茄蟹檬呢個配搭，不過見係此店名物亦真係好多人叫 所以一定要試下。湯底係鮮甜既，用上大量葱同香料，配左幾塊豆卜，唯食落唔多覺有蟹味，不過幾特別。再黎個牛河，湯底真係太清，不過牛肉質素中上，美中不足係以牛柳絲方式供應，影響越南河大大啖牛既滋味。旁邊伴碟用左油炸鬼，不過唔脆所以都無食晒。特別在佢無配越南野必備既是拉差醬，取而代之既係自家辣醬，感覺上硬係差少少野。總括嚟講係食材值回票價，唔係我食過最好味既，不過係香港越南野質素一定係水準之上了。鍾意食新鮮同埋淡口少少口味嘅朋友必會喜歡！

高質越南牛肉粉🤤我以為係食拉麵先會排隊🤣睇出面既裝修其實都似係食拉麵🙈試左兩次打電話都已經Full Booking 😆見佢既食材咁高質，心陏陏黎試下佢，排左大半個鐘😂😂😂試左呢個招牌河內牛柳牛丸河！牛柳係少見既，但肉味就一般🙂個牛丸就牛味十足😍😍😍拍得住和牛牛丸😋食完都唔夠喉🤤事關唔好睇佢好似有4粒🤣其實係一開二🙊二變四😂😂😂我要叫淨牛丸呀！！！粉既份量就真係唔是太多👉🏻👈🏻最後都係要叫埋法包先填飽個胃😆第一次食越南法包😋材料滿滿的，特別既地方係佢加左燻蹄😍😍😍彈牙豬皮豐富左個口感！個豬肝醬可以再重口味富少少就更好🥰而個法包就做到外脆內軟🤩係繼蒜蓉包以外少數適合老人家食既法包呀☺️聽說係專門係越南整完運過黎架🙈百香果飲品都清新冇個種死古古既糖漿味👍🏻正！但我下次黎一定要book 位😂唔想再排咁耐先有得食喇😛

舖細，要等，但值得，價錢係偏貴但好食，粉係彈牙爽口，湯飲完唔口渴，應該冇味精，牛柳新鮮，軟稔但應該冇加工過。小食，米紙卷，冇乜味好普通；春卷，包菜好食；牛油雞翼，蜜糖炸蒜調味，超正。回頭指數 - 如果去開旺角又有時間排隊會再去食。

朋友介紹話好好食，因為之前曾經與越南有一段好長嘅關係，所以對越南河粉情有獨鍾兼有很高的期望。去到店舖，要排隊等位，冇問題，好食嘅就當然要等。但對於這間食店，第一個感覺不甚良好。原因是話冇得訂枱，我們等咗20分鐘，見到剛有人落的士，原本到我們的枱，佢就俾咗話訂咗枱嘅人。後面等緊位啲人，都覺得好奇怪，點解一落車就即刻有得入去。至於食物方面，好好食唔講得，可以啦。但食物質素與價錢並不成比例。店舖仲冇我最喜歡食的熟牛河。

在油麻地返工，附近的茶餐廳其實都差不多食到麻木。而同樣在油麻地砵蘭街的「越發」，老實說，我不常光顧。原因當然是它那接近80蚊的一晚牛柳粉，還要不是火車頭，而是僅僅一碗牛肉粉。但這碗牛柳粉，食了無論幾多次都好，我都覺得是物！超！所！值！越發的餐牌不是太多選擇，招牌的是牛柳粉，而其炭燒豬肉檬粉和蛋角豬扒飯也是絕頂。先來個越南脆春捲（$62）吧！三根春捲炸得金黃，附送的生菜用以裹著春捲，用以減少熱氣感。而小碗醋醃蘿蔔清爽可口，頗解油膩。這春捲皮透得隱隱約約看得見裡面的餡料，表示薄得可以！一口咬下去，「索」的一聲。裡面的餡料有粉絲、肉碎、木耳、胡蘿蔔丁等，原以為外面炸得這麼脆，裡面可能也會比較乾，但不料還有點汁，很Juicy。這根略昂貴的春捲，一定要試，只有試了你才不會覺得這錢花得心痛。接下來是牛丸牛柳粉（$92），在招牌牛柳粉的基礎上再加了四顆牛肉丸。這個碗說是臉盆也不為過，不過份量不算特別多。對了，在這裏特別提一句，店舖在中午十二點開，我也建議大家在12點就來光顧，因為作為首批客人，所嚐到的這碗湯更是濃郁甘甜。單是這碗湯就價值五十元，絕無花假，大量牛骨熬出來的精華，每一口都充滿肉香味。而這

一向偏愛越南Pho，個人認為這家在鬧市的小店很值得推薦坐位雖然有點狹窄，但食過一定會返轉頭首先值得稱讚的就是清水也加了班蘭葉浸泡過，其次凍咖啡亦很好喝餐牌上的選擇雖然不算多，但春卷，牛丸牛柳湯河造得很出色，一定會再去食😋😋😋

無意中發現左呢間嘢，午餐時間路過見到有人排隊朋友話不如就呢間啦。雖然平時我麻麻地越南嘢，但食完呢間我會想再食。裡面是是正正，唔係好多張檯，老板超好服務，雖然好忙，但都會不時加下水，態度好好。個牛柳河粉湯底真係一流，濃郁得黎唔似平時個d太重香料味，牛柳一d都唔鞋，一個字正！下次會再黎😋

雖然是位於油麻地旺角地方，但的確很容易忽略這家小店營業時間有點短，位置亦不大不過正是這樣我想才是一直都能保持水準的原因第一次點了招牌河內牛柳河配料除了辣椒及青檸，還配有其他地方較少見的油條牛柳半生熟，靠湯的熱力整熟，好香牛味而且淋身，非常有驚喜跟其他越南牛河有些不同，很出色小食即叫即製，需時等候！不過因此非常出色不得不提燒肉丸米紙卷，上枱時香氣撲鼻米粉、青瓜絲、蘿蔔絲等材料份量十足鮮蝦米紙卷也很不錯，味道更清新而且每件均有一粒鮮蝦總結就是非常值得再去拜訪

數月前見到網上有媒體介紹呢間越南餐廳，到左今日經過見到依然有排隊人潮，證明餐廳站得住陣腳，即使等待時間超過30分鐘都決定要試一試。招牌牛油雞翼：雞翼有濃濃既蒜蓉牛油味，而且炸得香脆可口，皮脆肉嫩又能夠保留肉汁！河內牛柳牛丸粉：湯底清澈濃郁，半生熟既牛柳嫩滑，牛丸爽口彈牙，河粉又滑溜；若果再加上油條、青檸汁同辣椒等配料，可以令到個湯底更加鮮甜，味道有所提升。雖然價錢唔平，不過值得一試！地道碳燒豬肉伴越南檬粉：店家將碳燒豬肉連湯，及檬粉分開另上。湯底帶甜味，檬粉另外分成一束束，好比你一束粉沾湯與豬肉同吃，感覺幾得意，就似食日式沾麵一樣。雖然餐廳地方細細，座位不多又逼人，不過整體食物高質有水準，有誠意既心機小店都算值得排隊等候！

I had a beef pho and ice coffee. The pho comes with lots of spring onion (if you like it, it’s great). The beef is super tender. Soup base is very nice which is jot too overpowering. Pho is super smooth too and not clumped together. It comes with bits of fried dough stick and chilli on the side too.The ice coffee is vietnamese coffee and is super awesome!!I’d definitely go there again.

呢間小店既pho被評為第一位 當然要試吓店內座位十餘個 所以晏就去食 等左成一個幾鐘招牌河內牛柳牛丸粉牛柳半生熟好嫩滑牛味 牛丸好爽彈juicy 湯底好清甜 有牛鮮味 河粉滑身唔淋 加埋青檸汁同辣椒酸辣惹味另有油條吸晒鮮甜湯底 飲完啲湯都唔會口渴 真係冇味精但係價錢真係唔平 $92一碗 而餸唔係特別多呢間小店除咗越式牛肉粉之外 其他野食都唔錯越南法式三文治有扎肉 酸酸甜甜嘅蘿蔔絲 自家製肉醬 好多好多餡 口感豐富 法包又烘過脆脆地 唔錯燒肉米紙卷米紙薄薄地包左啲爽口青瓜絲 蘿蔔絲 燒肉 粉 點埋又甜又酸既醋 好開胃越南招牌冰咖啡 係有泡架 咖啡味香濃越南滴漏咖啡 係一早就滴漏左既 都係濃厚咖啡味其實我覺得呢間小店最特別既係佢浸左班蘭葉係水到 所以飲落有陣陣好香既班蘭葉味 又幾好飲小店水準高 但價錢真的頗貴 但值得一嘗

今日心血來潮想食pho，專程搭去左旺角呢間小店。因為見到網上好多人介紹呢間。Pho 嘅選擇唔多，只可以揀牛柳牛丸同淨牛柳。 Lunch時間係門口等左十幾分鐘左右就可以入座。我就揀左牛柳牛丸Pho，聽聞呢間餐廳係由越南女廚師主理，都幾似我係峴港食過嘅味道。牛柳係半生熟，食落幾嫩滑，有牛味。牛丸食落彈牙無渣，但份量就比較少，得幾粒。Pho 嘅精髓係個湯底，呢個湯底比外面清，完全無味精，飲落都唔覺口乾，但好有牛嘅鮮味。河粉幼細軟滑，整體都唔錯。最特別之處係佢會俾d 油炸鬼俾你浸湯食，咁樣可以更能夠品嘗到湯嘅鮮味。服務幾好，特別鍾意呢間餐廳嘅水有班蘭葉，飲落陣陣班蘭味，好清新

對於香港好多人來講， 時間就是金錢，好多嘢等都唔等得。本人平時好多人見人地排隊，都好驚 好多時候都覺得係名大於實，所以我通常見到有人排隊就會掉頭走， 費事浪費錢同精力。今次適逢禮拜日同老公行經呢間越南餐廳，離遠已經見到一條餘10人的隊。神推鬼控之下今次我竟然話過去排下啦，反正唔係好肚餓。大概30分鐘後終於入座。店內有幾張細檯，大概可以坐20位食客。環境乾淨舒適。餐牌款式不多，但係應該有的都有。坐下沒有多久，侍應就給了兩杯水，咦？！係椰汁加水，真係好解暑。之後我們點了兩個店鋪首選 牛肉牛丸pho. 河粉上來之後終於明白為什麼咁多人排隊了，真係同以往食的越南河係有好大分別。首先選牛，新鮮！唔係普通冰鮮肥牛 而係好似新鮮手切溫體牛，食落去口感和味道都有別於普通牛肉。第二，每一口的牛丸都附有濃濃的牛油到，係牛的油香味，這種味道是你會以後不希望再求其食其他普通牛丸的味道，因為你會開始對牛丸有要求。湯底係清湯底加上蔥粒（本人至愛），配料除了普通的青檸加辣椒，還有油炸鬼去加重湯的味感。其實個碗咁大，一碗真係唔夠，食之番尋味。所以對於飯前排隊的30分鐘，我已經覺得了，只希望下次不要排隊啦

這陣子內心對越南生牛肉粉出現一種執迷⋯拼命的要搵到好吃的店⋯這天來到這小店⋯叫了一碗招牌河內牛柳牛丸粉⋯盛惠$92⋯一個富貴的午餐⋯原來份量頗大⋯一口湯入嘴裏⋯很很不錯啊⋯很順⋯清甜⋯那些牛肉不是肥牛⋯而似邊爐鮮牛⋯有剁鬆的口感⋯建議上枱後把牛柳弄熟快吃先⋯太熟就不是那回事了⋯另外的四粒牛丸也很不得了⋯呆左⋯粒粒都很juicy...有些更有筋⋯很想外賣一磅回家⋯另付上的油條輕輕吸左那濃湯⋯但仍略脆卜卜的口感很感動⋯當吃到差不多⋯習慣左果味道⋯我就開始搾了那青檸汁和放了2絲辣椒🌶️入湯𥚃⋯嘩⋯是另一種食法⋯湯變得酸酸辣辣⋯那個辣椒殊不簡單⋯辣得很香很甜⋯我把整碗連湯也乾了⋯好彩叫齊2樣招牌丶好彩無叫野飲⋯很飽很🈵️足⋯