走肉‧朋友 (已結業)

呢度已成為我成日心思思想食嘅一間餐廳。每次食完都身心大滿足,大飽口福之餘，仲淨化身體。每隔一排會轉主題亦係令我經常想再光顧嘅原因。呢排應該係星馬主題，除咗有冬蔭功味pizza外，仲有令我再三回味嘅素肉骨茶，點解素都可以咁好味？另外有我好喜歡嘅涼瓜炒蛋，試過自己喺屋企整，同喺佢度食真係差好遠，佢整得好味好多好多。佢每一味都好用心煮，每一個餸嘅味道都有自己特色，唔似傳統齋店咁味道比較模糊。最勁係食完唔口渴，仲要收咁平，真係好感謝有呢間店我可以經常去食! p.s.甜品有tiramisu,中式甜品又有木瓜雪耳糖水同豆花，完全超額完成！