貊炙

營業中

休息中

從訂位，安排入座，點餐，一切都好，正如其他食評一樣，其實都不錯，可惜吃前菜小食時，發現一隻很有活力的小小强在魷魚碟內走來走去，叫侍應換一碟就算！但烤肉時想夾生菜包著來吃！竟又看到一隻死去的蚊躺在菜葉上，叫一位看似高级的服務員反映，他應該不是第一次被客人反映了，即問是否菜蟲！但菜虫怎會有一對翼的！如果打冷店或大排檔我冇話可说，但這餐近千元二人的晚餐發現小昆蟲在食物上，真的不能接受！害我整晩都要檢查食物有否小昆虫才放入口！

🍽今次介紹嘅係位於灣仔新鴻基中心嘅韓燒扒房，係小編近期食過嘅高質餐廳之一。🐂和牛三角（$280）：呢一份係妹妹同媽媽嘅最愛，讚不絕口。和牛三角嘅油脂含量較高，需要較長嘅剪烤時候先可以充分發揮出油脂。入口油脂香味四溢，濃滑嘅牛油瞬間充滿整個口腔。每人一粒都已經好過癮。🥩Steak Omakase ($380/位)- 🍴韓式前菜五小碟：正常韓式餐廳前菜，講多少少個泡菜醃得幾好，食落去爽脆，酸辣味亦恰到好處。- 🥒生菜包及自家包飯醬：欣賞！新鮮乾淨，尤其是青瓜，好充足嘅水份，入口清甜多汁，點上小許自家製大醬，一絕！- 🥚韓式蒸蛋：蒸蛋居然可以實在嘅質地，但同時保持到入口軟滑！蛋面舖了一層蟹柳及魚子，讓蒸蛋多咗一份鮮甜味。不錯。注意：好飽肚- 🥙和牛他他：生牛肉中間放咗顆亮麗飽滿光澤嘅生雞蛋，將兩者均勻攪拌後，在自行加添喜愛嘅調料菜，以紫菜包裹好，直入口腔。建議自己加少少鹽，讓整體鮮味提升，味道更佳！- 🍲大醬湯配飯：對於重口味人士來講，呢個湯必點！湯底有好輕微好淡嘅辛辣，加以大量嘅海鮮烹調。建議加入白飯拌勻享用，白飯充分吸收大醬湯本身嘅濃郁鹹香，真係停唔到落嚟。- 🐂烤肉款式包括* 🥩熟成醬

今晚去嘅係新開業 位於灣仔嘅韓式扒房😋 同平時韓式燒肉最大嘅分別係佢哋擁有熟成櫃 而且自行調整及跟進熟成程序 所以可以食到獨一無二味道既28-45日熟成牛肉😻 佢哋仲有三間獨立而空間大VIP房 想同朋友聚會又想要啲私隱度就啱晒👍🏻今次我哋揀既steak Omakase set都可以試到佢哋既西式厚切熟成扒架🤓 一坐低會先送上6款韓式前菜 食完可以再refill😛 然後就會陸續送上生菜包同醬料 第一道上既係韓式蒸蛋🥚蒸蛋上係蟹柳同蟹籽 石窩上熱辣辣 雞蛋口感好滑 好夠味👍🏻 第二道菜係自選朝鮮小品 我哋就揀左和牛他他👅 和牛新鮮 有牛味 加上蛋汁口感更嫩滑😛 旁邊仲配有梨絲同辣椒 可以包紫菜一齊食😋接住落嚟就係今晚既主角 Steak Omakase 😻 今晚既4款肉分別係熟成醬油牛肋骨 是日熟成牛肉 和牛羽下肉同韓國五花肉🤤 牛肋骨一向係我地最愛 呢到既熟成醬油牛肋骨醬汁味出色 帶甜味 肉質好腍好juicy😍 是日熟成牛肉厚切好大件 店員會為你燒 所以火候岩岩好🤤 熟成牛食落牛味係特別濃郁 經過熟成步驟肉質更細嫩😋 和牛羽下肉油膩最多 食落有入口即溶既感覺👅 韓國五花肉最岩就包埋佢地秘製

喺正公司附近，近來新開的韓國燒烤MAEK JEOK ，個名夠晒特別，日日都見到有人排晒隊，同埋見到有咁多like，忍唔住都要試一試。室內裝修有心思，黑色形格路線，不像一般韓國燒烤，可以一讚。但食物質素並非食評寫得咁好。今日點菜，🔹Trio meet set- 豬牛雞三款齊晒，極之普通🔹Beef steak set - 不同部位的牛，性價比超低，非高級牛扒質素🔹海鮮煎蔥餅-唯一可取食品一讚🔹人蔘雞湯 - 完全冇人蔘味🔹前菜五小碟懷疑點解咁多like，三個人埋單八百幾蚊。

Happy Friday去咗灣仔新鴻基中心新開嘅韓式扒房「Maekjeok 貊炙」品嚐高質韓式燒肉🇰🇷店內裝修型格時尚，富有神秘感，另外仲有3間獨立而空間大嘅VIP房，係傾生意商務嘅好地方餐廳主打28-45日熟成牛肉，提供西式厚切熟成扒，自設熟成櫃，可自行調整及跟進熟成程序，每舊肉嘅味道都係獨一無二韓式前菜前菜分別有辣蟹仔、泡菜、芽菜和辣椒蔥絲，可以無限任fill生菜包及自家包飯醬七彩繽紛嘅生菜包，可以夾配燒肉食，有助解膩韓式蒸蛋蒸蛋用熱鍋盛載着，保留熱騰騰的溫度♨️蒸蛋有蟹柳、蔥花、蟹籽及香菇片，鮮味十足，充滿蛋香自撰 • 朝鮮小品 —— 吞拿魚他他厚切片的吞拿魚呈半熟狀態，滿有魚鮮味，配上忌廉奶油醬、醃洋蔥及辣椒絲，頗開胃的前菜和牛羽下肉油花纖細且分布均勻，能夠感受到肉質的彈性和嚼勁，肉中間有少許細筋，味道濃郁韓國五花肉五花肉有兩大片，肥瘦層層相間，店員幫我地燒到金黃微焦，外脆內軟好juicy是日熟成牛肉熟成後的牛肉肉質變得更軟嫩，熟成過程讓水份滲透到肉中，增加牛肉的甜度，風味更飽滿和集中熟成醬油牛肋骨加咗醬油去醃製嘅熟成牛肋骨，燒至大約七成熟，啖啖肉，充滿肉汁，牛肉味道香濃突出，好

終於一試Bookmark很久的韓式高級燒肉店，環境很好，一進門就看到一大個櫃放著dry aged beef，真期待！我們兩人點了Steak Omakase，包括韓式前菜、生菜包、韓式蒸蛋、朝鮮小品、四款牛肉、湯飯和甜品。另外點了兩杯紅酒配牛肉。韓式前菜全部都可以Refill，單獨食或包肉食也很配合。朝鮮小品我們選了和牛他他，牛肉真是很新鮮，拌著生蛋液的滑溜，鮮味又很好吃。還有幾款紫菜可包著食，更多了脆口的口感。而韓式蒸蛋簡簡單單，挺不錯，而且是持續熱著食很好吃。接著便是今晚主角燒肉了！4款肉分別是熟成醬油牛肋骨、和牛羽下牛、是日熟成牛肉和和韓國五花肉，放左木板上，還有一些蔬菜和菇等，賣相很吸引，很適合我們打卡。我們還另外叫了一份和牛三角。燒肉可以自己或者叫店員幫忙燒，幾款和牛都很好吃，和牛三角很高質！牛肉雪花紋絡已很吸引，加上燒完牛肉嫩滑而且很肥美，牛脂甘香，燒完入口即化，很好吃！而熟成牛肉令牛肉肉質嫩滑得來很結實，牛肉味更重更香。特別是熟成牛肋骨更惹味，醬油味和燒肉很配合，牛味很突出，而且很大份，肉類份量絕對超過兩人份，很豐富。而五花肉也不錯，特別時配泡菜生菜包一起，一口一啖很過癮。

慶祝食好D！揀左呢間韓式扒房。叫咗望落最抵既$380餐，其實枱枱都係食呢個😆。西式熟成牛配韓式前菜。前菜可以任添！有六款，特別好味嘅有泡菜、魷魚、茄子。韓式蒸蛋 - 感覺都似d韓式爐邊蛋，面頭有好多蟹柳絲同蟹籽，略嫌淡味左少少。和牛他他 - 始終係生牛肉唔係間間都夠膽食，係啲比較高級嘅餐廳先敢叫。呢個擺碟好靚，啲牛肉好嫩，配埋生蛋漿、白蘿蔔同埋紫菜，夾埋食好好味，不過兩啖就食晒😂。個燒肉拼盤望落去好正，有4種唔同既肉：和牛羽下肉 - 有d咬口，肉味唔係最香，因為佢無醃過，所以一定要點鹽食，如果唔係會無乜味。是日熟成牛肉 - 燒到個面微燶咁先食，好高質，好香牛味 ！熟成醬油牛肋骨 - 牛肋骨有醃過，食落好甜好腍，係傳統既韓燒feel。Serve我地個staff話呢到既dry aged beef age 左28-45日，每舊肉食落都係獨一無二😝。濟州五花腩 - 唔使講！燒肉必點！豬唔夠靚有時食落去會有少少騷味，呢個豬完全冇呢個問題！配埋佢比嘅蔬菜、生蒜、泡菜夾埋黎食好正！和牛三角- 加左份和牛三角，明顯睇落油脂分布重好多🤩，一咬落去有油脂既香味沖擊，淨係落少少鹽就已經好正！佢仲會幫你燒埋

Fine dining x Steak Omakase 韓式扒房係香港真係非常罕見，呢間新派燒肉店以酒紅色為主調，感覺奢華型格，而且甚有格調。每人$380就食到燒肉廚師發辦，套餐包括主打熟成牛肉，熟成醬油牛肋骨、牛羽下肉同韓國五花肉等。餐前當唔少得韓式前菜，其中比較少見有韓式茄子，全部都可以無限添加。小食揀左和牛他他，本身驚太生食唔到，食落口原來有少少煙燻感覺，配埋紫菜又真係幾好食！烤肉以帶骨肉眼為例，油花分佈均勻，經過熟成過程後，能夠令肉味更濃縮，質感更加細緻嫩滑，烤後美味可口。另外，散叫左一份和牛三角，即係牛腹肉中同腰脊肉既中間部分，所以有充足雪花油脂，而且係稀有燒肉部位，入口即溶。甜品金箔蜂蜜雪糕，雪糕奶味重，蜂蜜甜恰度到好，有點喜出望外。整體性價比相當高，值得推介！

一路留意左呢間韓燒好長時間，除咗佢個名好特別，仲有睇佢啲相感覺非常之高級。身邊嘅朋友開始移民，所以想佢哋移民之前帶佢哋食多啲好嘢，搵咗呢間係新鴻基中心附近嘅韓燒，雖然離地鐵站唔係好近，不過可以經每一條天橋都轉到過嚟呢度，落雨都唔使怕。嚟到餐廳裝修好高級而且係有種黑黑暗暗嘅感覺，有種神秘感，佢每張枱個位置都非常闊落，所以兩至三個食其實都會坐得好舒服，同埋佢有啲VIP房私隱度好高。點左一個omakase steak，$380一個人價錢非常合理，佢啲牛肉係厚切所以配埋打去啲無限添食嘅韓式前菜好搭，而且佢有個先設熟成櫃，出邊食唔到呢種咁特別嘅牛肉。

韓式扒房係香港好少聽，呢間個名太特別，俾佢吸引左，去到餐廳覺得裝修好華麗，比大部分韓燒餐廳都高級。佢門口有個先設熟成櫃，放左28-45日熟成牛肉，好特別。我地叫左個steak omakase，前菜揀左和牛他他，呢到食法係包紫菜食，佢有兩款紫菜，自己配搭佢啲配料，令到味道好豐富。佢啲西式厚切牛肉，好多肉汁，配韓式前菜一齊食味道一流另外，如果自己冇信心燒，可以要求服務員幫你燒，佢地燒係好食啲，一開頭我地自己燒，唔熟悉感覺浪費左啲牛肉。

星期日同男朋友行完街之後，去左韓式扒房食Steak Omakase。餐廳一入門口就有個熟成櫃，供應28-45日既熟成牛肉，每舊肉都有屬於自己既味道，仲有3間獨立既大VIP房，私隱度高，用黎傾生意都唔錯。韓式前菜: 茄子、水泡菜、蟹仔、芽菜、泡菜，食完仲可以再添。韓式蒸蛋上枱出晒煙，聞到好濃既牛奶味，除左軟綿綿既蛋，仲有蟹籽、蟹柳、菇，好好食。自撰·朝鮮小品揀左和牛他他，同蛋黃撈埋一齊食，滑溜溜，兼無腥味。Steak Omakase有熟成醬油牛肋骨、和牛羽下肉、是日熟成牛肉、韓國五花肉。餐廳會幫您燒和牛羽下肉同是日熟成牛肉，其它兩款就要自己燒。食得出全部都係靚肉，充滿油香，肉味香濃。配埋生菜包及自家包飯醬一齊食就無甘油膩。另外叫左一份和牛三角，賣相好靚，食落充滿油脂感。平壤冷麵麵條煙韌，十分消暑。甜品係焦糖軟雪糕，好味道。飲品叫左柑橘梳打同柚子檸檬梳打。

今日lunch 同🐽🐽過咗灣仔新鴻基中心食韓式扒房。呢間餐廳主打-熟成牛肉即28-45日 先設熟成櫃，自行調整及跟進熟成程序，每舊肉都係獨一無二味道我哋叫咗呢個steak omakase set。韓式前菜、 生菜包及自家包飯醬、韓式蒸蛋、自撰朝鮮小品（和牛他他）韓式蒸蛋配咗蟹柳同蟹籽食落無咁單調。和牛他他啲和牛撈埋個蛋黃再加啲雪梨條用紫菜包來食又唔覺得啲牛好生。食落好嫩滑。主角出場Steak Omakase 熟成醬油牛肋骨、是日熟成牛肉、和牛羽下肉、韓國五花肉。是日厚切熟成扒同和牛羽下肉。店員好用心燒比我地食。嘩舊厚切熟成扒燒到好靚。既然燒得咁靚我地追加咗和牛三角，油脂分布好平均。嘩仲好惹火tim 😆啲和牛又淋又juicy 勁好食。仲好有牛味tim 。五花肉用生菜包再加啲包飯醬，食落唔覺得油膩。平壤冷麵配埋啲冰真係夠哂冷😆我地仲叫咗兩杯梳打特飲提子梳打（左）柚子檸蜜梳打（右）再食埋個甜品軟雪糕真係大滿足😋

疫情下未能去韓國旅行，唯有食韓國菜懷緬一下。在灣仔工作時巧遇新開張的韓式扒房，集韓燒、熟成牛、omakase於一身，值得試一試。.有選擇困難症的我，二話不說點了steak omakase set ($380/位)。先來韓式前菜，款式豐富，包括泡菜、茄子、魷魚、芽菜等。韓式蒸蛋，用了石鍋保溫，配搭了蟹子、冬菇、蔥花，蒸蛋時間剛好，入口即溶。自選朝鮮小品，選擇了白切肉。清新的紫蘇葉包裹着醬煮過的五花腩，加上辣椒蔥花作調味。是日重點的steak omakase共有四款，包括自家熟成牛、和牛羽下肉、韓國五花肉、熟成醬油牛肋骨。熟成牛是由餐廳自家熟成約20多日，牛肉味道濃郁。醬油牛肋骨亦有驚喜，牛肉充滿肉汁並帶醬油香。不得不提，正當雞手鴨腳的我倆不知如何着手燒肉，店員會主動協助燒肉，值得一讚！.套餐亦包括自選飯/麵，餐飲及甜品。款式多樣化，而且性價比高，值得推薦。

WOW! 終於有機會一試香港首間韓式扒房，今晚黎到位於灣仔既「MAEK JEOK貊炙」，糅合西韓飲食文化，自設熟成櫃，主打西式28日熟成肉扒，並以韓式燒炙方法帶黎全新韓式燒肉體驗～餐廳以酒紅色為主調，燈光偏昏暗，好有情調，西式裝潢典雅又時尚，卡位寬敞又舒適。今晚揀左$380/位 Steak Omakase，有齊多款韓式前菜、生菜包配自家包飯醬、韓式蒸蛋、自選韓鮮小品、四款牛肉、自選主食同精選甜品，大滿足~韓式前菜推介自家醃製泡菜，酸甜爽辣、芽菜爽脆無草青味、生醃魷魚鹹香滑嫩。大蔥沙律都幾好唔錯，清新開胃。韓式蒸蛋份量十足熱辣辣，入口滑嫩充滿蛋香，配蟹籽、冬菇同食更滋味。Steak Omakase有四款牛肉：熟成醬油牛肋骨富大理石紋脂肪，肉質軟嫩，口感極佳，汁多味美！和牛羽下肉油花豐富且分布均勻，肉質香甜滑嫩有嚼勁。是日熟成牛肉美國最高級別USDA Prime西冷肉質厚實，牛味特別香濃，煎香後肉香撲鼻，肉汁相當豐富。韓國五花肉肥瘦相間，層次分明，肥而不膩，入口外酥裡嫩，清甜又爽口。期間店員會主動幫忙燒肉，等食既感覺真好~燒肉我會配埋爽脆生菜包同食，加埋自家包飯醬就更滋味!主食揀左熟成雪濃

韓式前菜🥢韓國菜少不了滿枱嘅前菜，比較有驚喜嘅係有生醃辣魷魚！和牛他他🥢我哋order咗套餐，可以喺6款appetiser中揀一款，和牛他他上面係好吸引嘅大蛋黃，口感順滑，可以連埋紫菜、梨絲一齊食😋和牛三角有如雪花般嘅油脂分佈，非常juicy~和牛羽下肉牛味濃，有豐富肉汁👍28日熟成牛肉🥩一入門口就會見到扒房自家熟成櫃，可以喺度控制熟成程序，依個有別於前一款嘅牛肉片，係用咗西式厚切方式，肉質會更加軟嫩濟州五花腩唔會有臊味熟成牛肋骨用咗醬油同果汁去醃製，所以帶甜味🍖蓬鬆嘅韓式蒸蛋🥚熟成雪濃湯🍲蜂巢雪糕甜度適中，好好食！！熱茉莉花水果綠茶🫖嚟到要等一陣，等茶包同埋水果浸泡出味依度可以算係一間韓式扒房，環境比普通嘅韓燒店雅致，有幾間獨立VIP房，仲有專人幫手燒肉，服務體驗不俗👍