豐碩 (已結業)

敬中菜@豐碩 Harvest Seafood Restaurant大角咀埃華街8號奥朗御峰1樓101號舖香港人是食廣東菜系長大，遇上同長輩食晚餐都指定是中菜啦，來間茶樓食晚飯孝敬一下。人到中年食得不同菜式多，論中菜歷史長且多元化，烹調技巧又講究，怪不得家中老一輩說心中還是覺得中菜最好。菜單多選擇，更有要預定的心機菜，因第一次來事前不知，下次節興再來一定預定讓長輩嚐到。$368 煮星班仔 +燉湯 ，好多料甚是名貴，但價格卻很貼地。蒸魚一向愛食，名貴的星斑魚哦，淋上豉油同熱油爆一爆出看氣。燉湯好熱小心燙，又可以食埋湯料！$88 話梅豬手 ，皮煮到彈牙又滑，酸酸甜甜話梅汁仲可以平衡一下油膩。西蘭花帶子$ 158， 西蘭花抗氧化多吃有益，而且炒到爽口是的喜歡的。帶子都幾大隻厚肉，好有去飲喜宴架感覺。$68 上湯杞子菜苗，再來份清清地，上湯沉少油少鹽健康。青蔥的菜苗好嫩，快煮就唔會變老同粗啦。食飽超幸福。

聽講大角咀呢間酒樓啲嘢大件夾抵食，今晚就被約到呢度同三五知己食大餐。薑蔥桶蠔，大大隻仲炸過先落鑊，一上枱就展現「蠔氣」， 好想大啖咬落去奈何太熱，所以慢慢食都要食四五啖先食得晒。蝦味骨，第一次食呢個用蝦醬調味過然後炸到脆卜嘅豬扒，除咗又脆又香，肉質爽嫩又入味。重慶水煮龍躉例牌，愛上大辣，魚肉大大件啖啖肉，連厚厚嘅魚皮，骨膠原感豐富，窩中仲有部份芽菜豆卜蓮藕，爽脆入味。碧綠炒花膠，足料又大件，脆肉瓜新鮮可口，花膠入味香口，配搭雲耳健康之選。吊燒雞半隻，外皮鬆脆肉質鮮嫩，中間仲流出肉汁，配合埋甜豉油，就係平時去飲最尾道燒雞嘅質素。整體所有款式份量認真夠大，味道又好平均，酒樓級水準，價錢又差唔多大排擋咁平，相當抵食，其實海鮮魚缸仲有好多生猛長腳蟹同龍蝦，隻隻都郁嚟郁去，如果唔係有朋友對殻類敏感都想試下。

✿╮❤╭✿ ✿雜感女生 好味日記✿ ˚*•✰。豐碩．肥美蟶子皇。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 去大角咀探朋友 她帶我到一家隱身於住宅之間的酒家 要先經奥朗御峰，轉個彎才發現 食客以當區街坊為主 蜜燒香芋 少有的前菜菜式，特別點來一吃 乾身夠蜜味，很粉很香甜 紅燒BB乳鴿 細細隻，BB乳鴿肉不算多 重點在香脆的外皮 味道好，汁亦夠，脆在骨子裡 香芒櫻花蝦炒飯 足鑊氣的炒飯，櫻花蝦獨有香氣 以石窩上台，保持熱度，底層已有飯焦脆 配上芒果的果香，因此味道特別引人 鳳梨咕嚕肉 掛汁效果好，脆粉乾身可口 整體口感酸甜多汁，是下飯之選 碧綠帶子蝦仁 真身就是西蘭花帶子蝦仁 水準之作，賣相花團錦簇 翠綠引人，蝦仁大隻，帶子鮮甜 是必食的酒樓菜 蘇格蘭蟶子皇 肉質鮮嫩肥美，SIZE大隻 以蒜蓉開邊蒸，再加上粉絲 吃了第一口，滋味足以令人沒法停下口來

今日放假帶媽咪去大角咀舊地重遊，好多年都冇嚟過呢邊附近，好多建築物都變咗， 不過街道就冇乜點變 行到咁上下肚餓，去附近一間酒樓食晚飯原盅燉花膠湯 $168呢幾日天氣轉涼皮膚乾燥，飲花膠湯就啱曬 超級大盅而且好足料，估唔到我哋兩個人都可以飲得曬， 每人起碼飲咗四、五碗， 不過花膠燉嘅時間比較短所以有啲硬身濃湯杞子浸菜苗 $68呢碟菜嘅份量半圍都食得多到可以當飯食，個湯底都幾濃郁，啲菜給曬湯嘅味道yummyyy.紅燒bb乳鴿 $42乳鴿嘅味道幾好唔會好咸，肉質又夠嫩滑，細細隻兩人share啱啱好陳皮蒸南非鮑魚 $272平時喺酒樓食開嘅鮑魚都好細隻，多數都係會叫一人兩隻，所以今晚我哋兩個人食都叫咗四隻但係上枱嘅時候見到超級大隻鮑魚，比平時食嘅大好多， 而且口感啱啱好，蒸得好林正

今天父親生日，於是來到大角咀區頗有名氣的《豐碩》酒家吃飯。一如既往，我們點了父親最喜愛吃的海鮮：包括有皇帝長腳蟹、酒煮馬刀貝、蒸鮑魚、兩條石斑仔，另外還點了一些雞鵝，最後吃了一盤大壽包，好滿足！特別值得一提的是清蒸完長腳蟹後，剩下的蟹蓋我們還拿來伴飯，另外酒煮馬刀貝的湯也極度鮮甜味美！菜式簡評：清蒸長腳蟹：現在這個時節是最適合食長腳蟹的時間，因為是最多蟹膏的，蟹肉又味美鮮甜，所以十分抵食！辣酒煮馬刀貝：馬刀貝很清甜，煮出來的湯也充滿了鮮味，加上辣味，很是開胃！

嚟到大角咀呢間中菜館，餐牌上嘅選擇都幾多，而且價格都幾平民，所以今晚都吸引唔少人嚟食。呢味西蘭花炒帶子蝦仁，顏色非常吸引，帶子同蝦仁先經走油，上枱時更有光澤，入口時亦更香口。兩款海鮮鮮味十足，帶子夠厚身，蝦仁亦夠彈牙，當然係送飯最佳小菜。而薑蔥焗美國桶蠔，上枱時熱辣辣，散發非常吸引嘅香味! 每隻桶蠔非常大隻，入口時有著豐富質感，而且配以薑蔥惹味醬汁，絕對係必食嘅菜式!大大窩嘅紅燒海皇翅，足夠4-8位食，認真夠豪氣! 固名思義，海皇翅用上矜貴嘅山珍海味，有蝦隻、帶子粒、群翅、花膠等等，陣係聽名都夠晒養顏滋補! 入口充滿骨膠原質感，係真材實料先做得到。而湯底方面，上湯配上咁多材料，種種精華共冶一爐，濃而不咸，入口順滑無雜質，質素上佳!

「豐碩」位於大角咀奥朗御峰商場內，由奧運站行過去都只不過係十分鐘左右，由於附近都係以住宅為主，所以客人都以街坊為主，生客都比較少。是日去完朋友屋企探bb之後再落黎食晚飯，餐廳食物款式好多，價錢亦都相當親民，由幾十蚊到成千蚊嘅菜式都有。行入黎餐廳嘅時候已經見到一大個魚缸，見餐牌上海鮮價錢亦都唔太貴，當然想試下啦。金蒜蒸大蟶子 ：蟶子用左蘇格蘭蟶子皇，非常大隻，蒸嘅時間剛剛好，入口非常彈牙，加入左蒜蓉同粉絲去蒸後，食落非常之有口感，以＄168／4隻嘅價錢黎講絕對係超值！正宗四川麻辣龍躉：一向都喜歡食辣野嘅我地，見到餐牌上呢味「四川麻辣龍躉」真係非叫不可。辣度有分小，中，大辣三個辣度，由於第一次食，所以都係叫左小辣試下。麻辣龍躉一上枱時香味撲鼻，有別於一般嘅水煮魚，呢煲魚係無辣椒架，至於龍躉亦都唔算多骨，肉質鮮嫩，吸收晒湯嘅辣味後真係食得超過癮，不過個人認為小辣唔夠辣，下次可以叫中辣。上湯波士頓龍蝦手打烏冬：龍蝦不但新鮮而且份量又多仲啖啖肉，上湯加入波士頓龍蝦煮過後再加入手打烏冬，味道相當鮮甜，手打烏冬入口亦都非常爽口彈牙，味道真係無得頂，喜歡食芝士嘅朋友們更可以選擇以＄30加芝士添。 合時

「豐碩」位於大角咀「奥朗御峰」內的商場，從港鐵奧運站或者旺角站行過去都係十分鐘左右，交通非常方便。餐廳價位非常豐儉由人，價錢由百幾蚊一位的任食火鍋以至千幾蚊一隻的日本長腳蟹都有，選擇非常多！可能因為當日係星期日晚市，工人姐姐放假所以大部份客人以小家庭為主，六點幾左右就已經差唔多坐滿。餐廳內座位唔算十分多，所以如果想霸個靚位記得預早訂枱呀！見到咁大個魚缸就知呢度既海鮮係不可不試啦！正宗四川麻辣龍躉 ($188)︰由於只係得兩個人，所以叫左$188一份既例牌，如人多的話可以叫$248一條「性價比」更高！呢度菜絕對係不可不試既招牌菜，整體感覺我覺得好似平時食到的四川水煮魚，但「麻」的感覺更強烈。不過，唔食得辣既朋友記住要order小辣呀！金蒜蒸大聖子 ($168)︰蘇格蘭蟶子皇size夠晒大，拍得住西貢海鮮酒家既質素！蒸的時間亦剛剛好，可以食到聖子既鮮味之餘煙韌度亦剛好，配埋粉絲一齊入口感覺超正！鮑魚炒年糕 ($148)︰鮑魚配炒年糕呢個combination非常新鮮，但卻出奇地夾。切左邊既鮑魚配埋煙韌既年糕一齊炒感覺十分鮮甜得黎亦份外惹味！話梅豬手 ($88)︰豬手炆得十分腍，非常易入口，

有任食火鍋, 好吧幫襯下, 見佢唔算貴 ($128/位, 8 點前埋單), 正價 $168/位D 野算係咁, 好過以前附近一Ｘ, 不過...咁口痕唔係好飽諗住叫多少少, 埋單o個陣冇意識到差唔多夠鐘, 咁叫極都冇人, 埋單又要時間開頭佢仲計錯數, 當兩位 (一個去左廁所), 之後又改返單返轉頭, 原來張大牛唔夠畀原本預四舊有找, 結果五舊仲要畀突, 我相信呢個價唔駛幫襯佢我望下個鐘, 8:05 分, OK, 咁你埋單埋左幾分鐘, 埋完又真係過左鐘, 我費事拗不過即係叫我以後唔好再幫襯

又到星期日啦訓個充足睡眠，起身嘆個下午茶。。。成日都會經過泥間酒樓，今日一於上去試下。。呢間酒樓招牌都好大，但出入位置係759麵包店隔離，記得留意啦一上到去感覺好細，原來行入去就大dd，個隔局係一個圓形⭕️，啲枱圍住旁邊，中間係廁所🚾原本都好多人食，可能因為枱少所以要搭枱啦。食物價錢都算平，選擇多，炒粉麵好多選擇！我地叫左以下點心香芋馬拉糕：呢個我第一次食，好香，入面係好煙勒！好好食！胡椒豬肚：吾夠熱，個湯都算鮮甜，配料分量正常，不過算普通炸茄子：同我想像既有點出入，但食落夠熱夠脆又吾會成口粉！讚丫，幾好食雞札：好似感覺吾太新鮮，有陣奇怪味，我地咬一啖無要。牛肉球：好食！大大粒！熱辣辣，咬落去有肉汁。菜苗餃：好食，皮q吾太厚皮，餡料豐富排骨陳村粉:排骨全部肥膏，肉少，陳村粉好厚粉，又無味吾滑，吾好食不過勝在員工有禮貌，食物又夠熱，價錢吾算太貴，食物質素都可以接受！

前日同愛愛去飲早茶，人生第一次只我倆口子去飲早，佢唔想去太遠，就去了附近的酒樓。最後叫了5個點心，埋單唔駛一百蚊，出乎意料的平。平還平，但份量一啲都唔細，蒸包、腸粉、牛肉球，全部竹都大大件。最後努力清晒，但就飽到無食午餐了。環境就真係麻麻地，地方細，枱貼枱。我地閒日去，雖然唔駛等位，但要搭枱，我個人唔係好喜歡。而且場內服務員唔多，真係要比啲耐性及忍耐。食物上枱時間都算快，心急肚餓既愛愛都無扭計。推介流沙奶黃包，好流好沙，好有咸蛋黃味，正!

一家人來這邊食晚飯，媽媽朋友話呢間晚飯幾抵食，就過來試下了！門口見到火鍋任食，都有諗過想食，價錢好吸引！但最後我地都係決定食晚食首先叫左個魚香茄子煲❤這個味道真係麻麻，平時我出街多數會叫呢個，但呢間嘅真係冇咩魚香味，整體唔夠"嘢味"有點失望！👆🏻價錢$78呢個係炒小骨，味道都還可以，但只係我唔鐘意佢炸過再炒🤔⋯⋯但都算好味！飯$10碗，大大碗！五十幾蚊隻鮑魚真係好好食，都好鮮味！服務態度都好好，原來係老闆親自為我地上菜，我地桌放𣎴下太多送菜，老闆細心一個個鮑魚放上碟比我地之後就上東星班👇🏻約二百幾蚊條，其實我覺得幾細條，呢個價錢好啲唔值，不過我地三人食係足夠味道都好味，夠新鮮！最為驚喜嘅係雞翅，好甜好鮮味好正，你飲個下唔覺得飲味噌，出面好多都係味噌湯，但呢個真係好鮮甜，好有雞味，一定要叫！我地係叫左半隻雞翅最後佢地送左甜品比我地，唔知係咪我好飽，甜品我覺麻麻！不過整體都算唔錯！這餐不算平也不算貴⋯⋯

團購四人先429 價錢扺到暈 已包加一 食飽拍拍羅柚走得！食物方面 都幾好牛同豬落order 叫 都算幾好食其他火鍋料出去枱面自己拎 菜新鮮 有蝦 有蚌 響玲都詭口嘅汽水用可口可樂 雪碧 分達 玉泉忌廉 要加分啦！希望一路Keep 住 有下次。

以一間新開張嘅酒樓來講，真係唔錯。每碟菜都非常有水準，唔會成口都係味精，性價比奇高。以咕嚕肉為例，甜酸程度岩岩好，食落又唔會成口粉，每舊嘅大細岩岩好芙蓉蛋夠滑，雖然啲蝦嘅蝦屎未清理乾淨，但蛋無炒得太老就已經加哂分。絕對好食過好多出名嘅連鎖酒樓

星期日帶媽媽去飲茶，媽媽就帶左我黎呢一間飲茶，真係唔錯，價錢又實惠！好少酒樓星期日有優惠，而呢間有我地三人來吃，叫左十樣野左右飯好大碗，送都唔會好少我地食左先記得影...😅呢啲都係食左少少先影😅茄子個度其實有三個媽媽話呢個好特別，入面用左其他野去整，好味鮮竹卷好特別，望上去好似一般甘，但真係好好味，湯底一樣好味，又保！好味味的薑汁糕，超多薑味，我媽最鐘意食，果真唔錯！我地賣單$143三個人食，食到飽又好味，下次會再來！